Tempo Timor Online

MF Prepara Deskuti OJE 2016

 

 

Tempo Timor : Vice Ministru   Finansas (MF), Helder Lopes deklara  katak iha semana oin Ministeriu Finansas hahu hala’o  diskusaun ba  Orsementu Jeral Estadu (OJE) 2006,  iha nivel komite revizaun orsamentu nivel politiku. 

 

“Osamentu nivel politiku ida ne’e, atu halo diskusaun kona ba sub-misaun proposta orsamentu ne’ebé mak submente husi lina ministeriu sira, hodi nune’e MF hamutuk ho Gabinete Primeiru Ministru semana rua liu ba, prepara dadaun dokumentus para bele semana oin lori ba komite revizaun hodi deskute,”Vice Ministru Helder dehan ba jornalista sira, iha nia knar fatin.  

 

Elder haktuir, Miniteriu  Finansas  maka prepara orasamentu, tanbá OJE  ba tinan 2016, semana oin ita tama ona ba iha diskusaun iha komite revizaun osamentu nivel politiku, tanba tuir kalendariu hahu husi dia 7 to’o 17 Setembro hahu diskuti ona orsamentu ne’ebe maka prepara husi komisaun revizaun.

 

Governasaun ida uluk no Governusaun agora iha komprimisiu ou komitmentu kontinua promove transparensia liu-liu iha parte despezas area publiku nian. Tanbá iha prosesu preparasaun OJE, MF hakarak hato’o nafatin informasaun ba publiku liu husi media hodi nune’e publiku sira bele akompaña. 

Nomos tetu Orsamentu ne’ebe mak iha diskusaun jornadas orsamentais ne’ebé mak hala’o iha fulan juñu Governu deside atu ba $ 1.3 (Biloeins), nune’e mos sub misaun husi lina Ministeriu sira, no instituisaun ba estadu nian sira.

Nia informa katak, tuir duni pakote ne’ebé aprova $ 1.3 biliaun,  iha Ministeriu no sekretariu balun   hatudu indikasaun katak, sira iha lista adisional balun ne’ebé mak sira hakarak atu lori ba komisaun revizaun osamentu hodi deskute iha ne’eba. 

Aliende ne’e mósu lista adisional ida, sira mak sei justifika iha komisaun revisaun orsamentu tanbá kompetensia komisaun revizaun orsamentu hodi aprova proposta orsamentu no mós lista adisional karik iha. 

 

Tuir esplikasaun husi Vice MF Helder katak liga asuntus balun ba pagamentu ne’ebé mak dehan tarde husi MF hakarak hato’o ba sira aprosimasaun ne’ebé durante halo aprosimasaun ida ho naran government approach. Signifika, kuandu problema ruma asosiadu  ka ligadu pagamentu akontese iha liña ministeriu ruma, governu liu-liu ministeriu relevantes ho finanasan sempre tur hamutuk hodi rezolve. (**)

Publika iha Nasional

 

Tempo Timor : Primeiru Ministru VI Governu Konstitusional iha ninia deskursu durante de tomada de pose iha loron 16/02/2015 fo sai ona katak reforma fiscal sai hanesan prioridade ida maibe hein ba hein la mosu rezultadu nune’eeis Deputadu Partidu Klibur Timor Oan Asuwain (KOTA), Manuel Tilmanla optimista ho servisu administratisaun publika liu-liu iha Ministeriu Finansas (MF) ninian relasiona ho reforma fiskal, tanba seidauk   atinji nível ida ne’ebé determina katak sosiedade selu imposto hodi hasa’e reseita estadu ninian.

 “agora daudaun impostu  iha aktividade tolu maka hanesan rendimentu ida ne’ebé ema bolu reseitas ita nian. Maibe, iha Timor Leste reseitas iha oin rua, ida petrolífero no  não petrolífero ki’ik lo’os, nune’e mós ida seluk impostu sobre dispezas. Impostu sobre despezas maka konsumu supermi, pop mie, sabaun, masi midar no  roupa obralan sira ne’ebé tama mai ne’e selu imposto,” dehan Manuel Tilman ba jornalista sira hafoin partisipa aprezentasaun programa reforma fiskas ne’ebé hala’o iha  Hotel Novu Turismu. 

 

Manuel haktuir, hakarak atu reforma ita presija hatene lolos buat ida atu reforma,  reforma deit mentalidade ka lae,,,!.Se ema dehan Governu 80% moris ho agrikultor sira la’os selu impostu ida, maibe ita selu sira ne’ebé kaer trator selu impostu ida selu import taxe husi importador ida husi Indonezia ninian.

 

Nia mos kestiona katak, bainhira atu reforma  fiskal tenke hare equilibre ida ho justisa sosial, nomos se mak la simu no se mak la hetan rendimentu selu fali impostu.

 

“Ohin loron  se mak selu impostu 80% agrikultor la hetan rendimentu aat, ne’e mak selu impostu  ida ne’ebé konsumu  impostu ida be importasaun, hau hakarak hare to’ok  persentazen husu tok Governu. hira mak tun mai,” Tilman kestiona.

 

Aleinde ne’e, 10% karik funsionariu sira.Tanbá funsionariu liu-liu funsionriu publikus sira mak selu impostu  tansa kua kedas  buat ida nune’e, “ ha’u hare sira seluk la selu ida hanesan  ami advogadu  rasik la selu ida barak sai nain tan osan selu saída agora sira be impor, expor  aprezenta buat ida naran rendimentu  negativu,”relata nia.

 

 

Tilman  afirma,   husu de’it selu impostu perdiam ba estranjeirus ka lae,,,! Tanba tuir lei tenkeser deskonta buat hirak ne’e laos impostu sobre parselas, lae impostu  sobre totalidade ida katak salariu impostu ho tan perdiam sira,  tenke soma hamutuk mak sai 10% . (**)

Publika iha Ekonomia

Room upgrade for Dili health clinic

 

By Somerset Lewis, Caitlin Taylor and Tahlia Sarv

 

 

Dili’s Bairo Pite Clinic is preparing to open its new Treatment Room in the coming weeks, in a bid to increase treatment options for unwell Timorese. 

 

The room, which will replace the existing cramped treatment area, will provide the clinic’s doctors and nurses with a space dedicated to assisting locals who present with minor wounds and injuries. 

 

Adequate lighting over three treatment beds will be available, with a carefully considered design aimed at allowing staff to maintain a clean and hygienic environment. 

 

The clinic, established by American practitioner, Doctor Dan Murphy currently has 90 staff and sees up to 300 patients a day, including 50 in-patients. 

 

Despite a wealth of training, Dr. Dan acknowledges that even practitioners who have trained in developed countries, like himself, still have plenty to learn from different cultures.

 

“I think [the clinic] gives [Timorese] an option of Western style of care with people, at least me, trained in a Western country,” he said. 

 

“It doesn’t mean we understand cultural values and cultural tradition.

 

“There are a lot of other ways of approaching illness that maybe we don’t know but we learn as we go along.” 

 

As the demand for adequate healthcare in Asia’s newest nation continues to grow, donations from supporters of Bairo Pite Clinic have allowed for the current upgrade of the Treatment Room and are certainly making an impact. 

 

Since its inception in 1998, the clinic now boasts an array of services including maternity and infant care, an extensive TB program, HIV services, dental care and mobile clinics servicing seven districts, increasing the accessibility of health services around the country. 

 

When asked what drives his commitment, Dr. Dan says it goes without question.

 

 

“The gap between rich and poor has become so disgusting that hardly anyone can tolerate it anymore,” he said. “You almost have to do something or you’re going to feel guilty.” 

Publika iha Nasional

“Aspektu rua mak hau sei koalia: Ida koalia importancia dadus census ba planu desenvolvimentu futuru, seluk aspektu tekniku; mak kontribuisaun dosente husi universidade sei garante kaulidade dadus”. Hau sita vice ministro financa nia intervensaun iha momentu abertura Master Treining iha INAP.

 

Autor konkorda 100% ba vice ministro nia hanoin, katak importância dadus sai save ba planu desenvolvimentu nasaun. E ba Timor Leste census 2015 hanesan atividade nebe halo ba dala tolu depois ukun rasik-an. Hotu-hotu iha esperanca katak balancu Desenvolvimentu Timor Leste lao diak iha teritorio tomak depende mos dadus nebe fornece ba sira nebe foti decijaun politika iha governo central. Ita asiste hela lakuna desenvolvimentu nacional nebe klean iha setor hotu-hotu, situasaun ne’e kria hela problema socio-ekonomia no estabilidade. Parte seluk, Estado kuda hela espektativa ida ba jovem no jerasaun foun katak so iha Dili mak eskola diak, kampo servicu iha, fatin bisnis adekuadu, facilidade saude fasil, asesu informasaun diak, nsst. Nee Imagem ida-ke kontrariu ho kondisaun riil aldeia, suku, postu, no monicipio nebe dook husi Dili nudar capital no centru actividade ekonomia. Situasaun desenvolvimento ne’e naturalmente provoca populasaun hodi halo mudança ou dala ruma tenke husik hela sira nia moris fatin. Realidade migrasaun populasaun husi rural ba area urbano dadaun ho razaun edukasaun, servicu, tamba  familia no kaben inklui situasaun seluk. Ne’e atu justifika deit katak ita sidauk utiliza dadus ho maximu hodi defini no halo decijaun publiku ba povu. Situasaun seluk mos akontece tamba distribuisaun rendementu nebe la-justu, e moris diak povu sai retorika elite politika deit. Konsentrasaun ekonomiku iha capital Dili sai faktus ba problema distrubuisaun rekurcu Timor Leste nebe la-justu. Wainhira atividade ekonomia no desenvolvimentu konsentra iha fatin ida, entau lalika hakfodak ba migrasaun nebe populasaun halo. Ex. Geografikamente area Dili kompara ho Municipio Maliana no Baucau, nebe mak luan liu? no tamba sa ema la-hela iha municipio rua ne’e maibe hili Dili sai nudar  fatin hela? Ou ita halo komparasaun ida katak hare Dili movimentu trafiku as-tebes maibe saida mak akontece iha municipio? Perguntas seluk fali, tamba sa ema hela Lospalos tenke mai partus iha Dili? Atu dehan katak exemplu sira ne’e hanesan justifikasaun riil nebe reflete ba desenvolvimentu centralizadu. Ho movimentu nebe makas dudu governo hodi aktualiza hikas dadus populasaun atu nune bele uza hodi dezeno planu desenvolvimentu tinan sanulu mai.

Obstaklu Kualidade de Dadus Census 2015

Oinsa Rezulta Dadus  Nebe Kualidade? Mehi nebe ema hotu hein husi atividade ida ne’e nia rezultadu. Buat nebe la-fasil no depende planu, maneira implementasaun, no fiar katak rezultadu (output) bele koresponde. Kualidade tenke priense kriteriu tuir mai: objetivu, hanesan ho espesifikasaun, la-faila, utilizador satisfas, kredibilidade, no urgulho wainhira dadus ne’e iha (kriteriu tuir ISO). Ou kualidade bele dehan “ dadus ne’e rekolha tuir-lolos no bele utiliza, tuir nia procedimentu e standard”. Hau nia elaborasaun sei fokus ba aspetu tekniku no metodologia nebe bele asegura kualidade dadus nebe espekta. 

Atu asegura kualidade dadus depende-ba : Premeiro Aproximasaun Material: hahu husi logistika, tempu/schedulle implementasaun, rekurcu umanu, no fundus (hirak nudar fator input nebe tetu i analiza). Hau nia prekupasaun ba fator input nebe mak kontribui mos ba kualidade de dadus. Involvementu rekurcu umanu, kompostu husi formador husi DGE, dosentes, kordenador Municipio no postu nebe rekrutado, ikus enumerador. Input hirak ne’e ita fiar katak sira nia kompetencia bele garante duni kualidade, katak sira nebe mak sai formador prense kualifisaun nebe kualidade ejize. Oinsa rekurcu ne’e kontrariu? Hau foti ezemplu ida; karik la-prense kriteriu kualidade: Formadores husi DGE sala orienta dosente no kordenador nune mos dosentes sala tan entau nia impaktu ba enumerador nebe sei tun foti dadus. Observasaun hatudu katak formadores husi DGE nebe forma dosente iha deferenti orientasaun bazeia ba manual kestinariu. Mesmu sala/faila mosu iha kondisaun rua: pesoal participante (dosentes/kordenador) mak laiha kapacidade hodi simu materia no komprende, ou seluk fali; orientasaun husi formardor DGE mak sala. 

Funcionamento Estrutura Census 2015 la-dun tau importancia ba sistema kontrola nebe estabelece hodi asegura kualidade de dadus. Ex. Kriteriu, prosesu rekrutamentu, to’o asina kontratu ita hare HUSI TEMPU buat nebe keta-ketak. Lakuna nemak sempre ha-mosu diskusaun naruk ho dosente inklui enumerador. Tamba fase nebe sira atravesa la-garante sira nia involvementu sai nudar enumerador census. Agora, Diresaun Geral Estatisitika ejize kualidade dadus, entau fator input tenke kuidadu. Prosesu ne’e tenke iha kredibilidade hodi alkanca mehi kualidade. Se prosesu rekrutamentu rasik la-kontrola ho-diak tamba tempu nebe koloka badak, entau  universidade mos perpara tuir schedulle nebe iha hodi halo intervista ba estudante/enumerador (kontiudu intervista urgente!!!).  Seridade hodi forma equipa census 2015 SAI DUVIDAS

Sorin seluk autor mos kestiona tranparancia informasaun entre dosente no DGE, iha duvidas balun nebe dosentes hasoru momento tuir treinamentu.  Durante simu formasaun mosu problema oituan-ho dosente sira nia profisional fee, mesmu duvidas semana-rua nia laran ne’e i ikus mai resolve ho kontribuisaun gratuitu husi dosente, maibe meius komunikasaun DGE la-dun diak, i atetude la-koncedere malu sai imagem ba-bain. Situasaun dilematiku ba dosente nudar formador, karik dehan transparan maibe iha kontestu ida nebe? Dosente mos pasti la-kohi rona ema hatete MATAN OSAN DEIT i sa-tan la-kohi asina kontratu depois de hetan formasaun. Atu dehan katak mesmu iha nivel politika DGE halo akordu ho universidade maibe aspektu tekniku karik la-temi ou dala ruma la-inklui. Esplikasaun Diretur Geral Estatisitika nebe liga-ho dosente nia dever no dereitu ho resultado mak LA-IHA DEREITU PROFISIONAL, maibe hetan deit akomodasaun nudar formador ho valor GUIA DA MARCHA HUSI Diresaun Geral Estatistika. Se nune, tamba sa la-loke vaga ne’e ba publiku hodi ema hotu hetan oportunidade? Husi diskusaun nemos dehan osan mak la-iha. Agora lolos ne’e, osan mak la-iha ga planu mak la-inklui? Se hau fila ba kotuk nudar formador census 2010: Momentu ne’eba salariu ba formador iha tamba sa 2015 la-iha? 

Segundu, Apoia Logistica no kordenasaun servicu: autor observa katak, deslokasaun dosente ba municipio no postu presija loron tolu (loron ida hein los deit, loron rua ba tuir dalan, e loron terceiro mak hahu treinu. Prejudica schedulle treinamentu ba enumerador). Prosesu nemos sita hau nia atensaun katak Diretur Geral halo duni servicu makas no tun dereitamentu ba terenu hodi apoia prosesu deslokasaun. Perguntas bah au mak: funcionamentu estrutura census 2015 oinsa? Apa kabar kordenador census 2015? Deslokasaun formador husi Dili ba município no postu tarde i significa katak tempu treinamentu ba enumerador hela loron lima. Situasaun ne’e hare-ba la-apa’ar malu tamba ita nia logistica la-dun perparado ba prosesu ne’e. Terceiro: Kordenasaun baze. Iha fatin nebe enumerador simu formasaun, estrutura postu no municipio entegra tomak ba formador/dosente hodi hanorin, mosu duvidas oioin husi enumerador nebe liga-ho aspektu apoia tekniku maibe tuir knar formador la-bele hatan no bou-hamutuk iha kordenador census postu no to’o loron ikus mak kordenador census municipio mosu (prosesu asina kontratu sai problema e dada malu to’o kalan bo’ot (dia 10 de Julho de 2015). Equipa Census Nacional balun dehan tan “enumerador matan osan deit, at-liu tan sira tau kulpa ba dosente katak la-transparan ba estudante” hehehe!!!  (koitadu dosente mak sala fali).  Perguntas, tamba sa enumerador sira ne’e la-hahu kontratu kedas iha momentu tuir formasaun hodi kesi sira-kedas, nune la-mosu negocio hanesan iha merkadu Taibesi? DGE iha esperencia hala’o census dala tolu ona, iha dadus konaba inflasaun nebe fo influencia ba vida ekonomia ema ida-idak, anticipasaun ba negocio-tarde ne’e tenke iha. Labele hanoin ema seluk servicu gratis agora ita-an rasik hakarak salario aumenta. Se hau kompara karik ho funsaun publiku: planu viajen trabalho ba estrangeiro $297 kada loron, nusa mak ita trata cidadaun seluk nebe halo servicu importante ba estado ho kondisaun voluntariu? Voluntarismo karik iha, presija definisaun klaru ba entidades tomak. Quarto: Equipa monitoring DGE no estrutura census? Monitoring nudar instrumentu ida hodi asegura prosesu hotu-hotu lao tuir standard/procedimentu nebe mak estabelece. Planu konaba ida ne’e equipa census 2015 LA-HAKAT LIU kompara ho equipa servicu nebe forte hodi garante kualidade dadus. To’o loron census remata fiar katak sira halo monitoring diak no badinas, maibe ida sai prekupasaun mak; problema tekniku mosu nafatin to’o census la tuir schedulle nebe iha. Koperasaun service census iha municipio, postu, suku no pontu fokal dosente hodi halo monitoring konjunta la-akontece, i hela-ho promesa. Lolos dalan diak mak; rekurcu nebe aloka ba-monitoring ne’e muda-fali hodi reforca equipa baze hanesan Census 2010 i bele hamenus problema. E ita bele utiliza teknologia hodi halo monitoring ho kustu nebe baratu liu duke osan fakar iha dalan deit.  Quinto: Fundus, interesses no kompetencia rekurcu umano. DGE nebe nudar instituisaun fornecedor dadus ba governo tenke hamriik independen ou se-bele iha PM nia okos. Aliende ne’e, ulun-boot nebe kaer-ukun tenke koncedera dadus nudar asuntu importante hodi ha-tane decijaun publiku nebe diak. Koncederasaun ne’e tenke reflete iha atividade peskiza nebe planiadu husi diresaun geral estatistika. Se, diretur geral koalia katak la-iha osan hodi selu profissonal fee ba dosente ho apoia logistika iha baze, bele difikulta kualidade de dadus ne’ebe vice ministro financa ejize. Kunadu rona esplikasaun la-iha fundus, dala ruma publiku sai bilan tambá decijaun publiku prega-ho lei laos implementa mak foin husu osan. Bele-mos mosu ego setoral iha instituisaun laran hanesan difikuldade nebe durante ne’e governo hasoru to’o asaun boi-kota planu. Lolos ne’e governo mak la-iha osan ga asaun boi-kota mosu iha laran? Iha parte seluk; koalia mos recurcu iha DGE tenke iha kompentencia nebe diak liliu area metodologia ho peskiza. Input nebe sai determinasaun hodi rezulta dadus nebe ita espera mak: hahu husi planu, prosesu, to’o implementasaun projetu peskiza. Hare aspektu perparasaun nebe hau menciona sai fator nebe mak determinan wainhira ita koalia informasaun nebe kualidade. 

 

Aspektu Metodologia; hau fiar katak objetivu husi Diresaun Geral Estatistika no ministerio relevante nebe inklui iha census 2015 sobre nececidade informasaun klaru tebes ona no nia reflete iha kestionariu nebe iha enumerador nia liman. Mesmu planiadu no ho-metas nebe terminadu ona maibe nudar cidadaun, hau koko kritiku oituan terminasaun instrumentu nebe implementa ona.

Census katak rekolhamentu dadus populasaun nebe ba hotu-hotu (la-hakat liu), e matodu ne’e sei rezulta dadus nebe lolos. Maibe nia des-vantagem mak sei presija rekurcu bo’ot hodi realiza atividade refere. Mesmu nune, Timor Leste halo ona dala tolu, i ita presija apoia no fortifika informasaun nebe tau iha centru estatistika Timor Leste e dudu nafatin hodi hadiak objetivu no instrumentu ba dadus. Fiar katak nudar nasaun nebe foin harii no originalidade moris povu depende agrikultura instrumentu mos presija kondis. Entau metodu census nemos sei vale ba setor agrikultura no ekonomia? Konfusaun dadus ne’e iha nebe? Hau toma-nota ida ba projetu census 2015 sobre objetivu dadus balun nebe laos prioridade maibe ita koncedera-liu.  1. Kondisaun riil iha nivel politika ba desenvolvimentu agrikultura durante tinan 13 liu lao la-dun diak tuir povu nia moris original. Ex. Agrikultor ho kustume kuda-modo durante nia moris, governo halo politika fo karau hodi hakiak depois fa’an. Wainhira karau bo’ot no fa’an tiha, nia fila kuda-modo fali’ entau hare ba politika refere la sustentável(make up deit). Ou ema agrikultor natar/natar-nain, depois governo fo apoia sasan peska  ho-esperanca ha-sa’e produsaun ikan maibe depois fulan rua ka tolu peskodor refere fila-ba natar nebe sai baze original nia actividade moris tamba ninia karakter laos peska. Ezemplu ne’e fo korejen governante katak tenke iha seridade no konsencia publiku molok hatun decijaun ruma sobre informasaun ruma. Atu dehan katak politika agrikultura la-apa’ar-ho atetude agricultor tambá falta identifiksaun lolos. Entau fiar katak produsaun sei la-sa’e tamba ita nia maneira desenvolve setor agrikutura la-hanesan. 

Liga-ho metodu census 2015, ita refere-ba kazu nebe hau apresenta iha leten; tuir lolos problema agrikultura Timor Leste mak produsaun agricultura menus ga identifikasaun agrikultor mak lalos? Ba hau, census 2015 no ministeriu relevante lolos ne’e perfere-liu ba identifikasaun agrikultor laos produsaun. Tamba identifikasaun los ona mak foin ita halo politika atu hasa’e produsaun (iha pasado; politika hasa’e produsaun faila-ona tamba sala iha tarjetu/sasaran). Dala ruma balun dehan dadus-identifikasaun agrikultor ne’e iha ona ministerio agrikultura, maibe tamba saida mak ita durante ne’e la-uza? Konklui katak ita presija dadus agrikultura ho perguntas semak produs, e depois mak produs hira!!! 

 

 

 

Relatório Census 2010 hatudu katak ema Timor-Oan nebe La-servicu 9000, oinsa Census 2015?

2. Forca trabalho Timor Leste iha census 2015. Ita fila ba referencia SEPFOPE konaba labour survey 2010 nia rezultadu hatudu katak ema Timor Leste 9 mil mak la-iha servicu. Hau nia perguntas, se nune setor ida nebe fo servicu? E tamba sa mak Timor Leste servicu hotu ona maibe sei kiak nafatin? Ou difinisaun ba reportazen refere hodi intrepeta ba kondisaun riil forca trabalho Timor Leste  oinsa? (lalika ba municipio, ita hare forca trablho dili la-to’o 9 mil ga liu?).  Difinisaun ema hetan servicu,  servicu nebe garante vida moris tinan ida ga servicu nebe dala ida durante iha tinan ida nia laran? (dadus 2010 prejudika kondisaun riil e afeita decijaun publiku)! Oinsa census 2015, espera katak elaborasaun dadus ba forca trabalho Timor Leste reflete. Mais, prekupasaun hau nian ba resposta iha instrumentu nebe utiliza census agora maka, nia karakter informasaun bele repete tan deit ho 2010. Duvidas ne’e iha opsaun resposta (servicu, la-buka servicu, no la-servicu). Indikadores nebe prega-ba servicu ne’e malorek oituan no kontrariu ba kondisaun riil Timor Leste nebe nia povu agikultor sub-sisten no desenvolvimentu setor ekonomia seluk sei mukit liu. Lian seluk dehan katak Timor Leste ekonomia minarai (95% liu) ba Orcamentu Jeral Estado, agora indikadores forca trabalho hanesan fali nasoens Europa, Korea do Sul, ou Japan! Tan ne’e, tuir autor katak halo uluk difinisaun ba forca trabalho iha Timor Leste, ha-foin ita forma nia indikadores (ita hein dadus 2015 nia rezultadu sei justifika kondisaun lolos/keta hakfodak kuandu kontrariu). 

3. Migrasaun. Orientasaun formador iha momentu tuir master training instrumentu halo duvida-oituan ba rezultadu abanbain rua. Exemplu: Hau moris iha Baucau no bo’ot iha Viqueque maibe iha momentu census 2015 hau hela iha Dili tinan sanulu ona, enumerador sira la-koncedera hau muda ona husi Viqueque mai Dili. Atu dehan katak orientasaun iha master training mosu diskusaun ho dosente balun ho treinador katak konseitu migrasaun ne’e refere-ba movimentu populasaun iha tempu naruk no rajaun oioin. Agora instrumentu migrsaun ne’e los ona maibe orientasaun nebe mak treinador equipa census 2015 mos sai fator determinan. Exemplu ida ne’e lori hau hodi re-para preparasaun census 2015 lais-liu ou terminasaun equipa census ho emosaun deit. Fiar katak ita sei la-gasta osan saugate no sei asegura dadus nebe mak recolha reflete kondisaun riil populasaun Timor Leste tomak.

 

 

Lian Ikus: Kualidade de dadus laos koalia maibe implementasaun nebe seriu, hahu husi nível politika to’o baze. Referencia Census 2010 sai mata dalan nebe diak tebes liliu termo implementasaun, maibe oinsa Census 2015 ho modelu foun? Ita bele muda, maibe ho objetivu garante kualidade recolha dadus nebe vice ministro koalia i laos kontrariu. Hahu metodologia to’o hakerek relatório tenke iha sistema kontrola nebe adekuadu. Tan ne’e tuir hau nia hanoin, Premeiro,Entidades Estado, liliu Governo tenke koncedera dadus census importante ba governo. So nune mak nia tratamentu ba asuntu ne’e seriu. Reflesaun seridade ne’e tenke to’o iha baze. Ita hari’i Diresaun Geral Estatisitika no Kordenador Census hodi garante implementasaun programa tuir standard nebe estabelece. Segundu,  kestaun metodologia. Governo tenke fo-ona konfianca ba Timor oan hodi difini lolos nececidade informasaun sa no maneira ida nebe mak ita presija. Ita hotu koncedera referencia nebe asesor internacional apresenta maibe tenke diskute laos utiliza tomak (hare kestinariu forca trabalho no agrikultura)! Hau la-fo culpa ba asesor internacional maibe oinsa Timor-Oan mos involve hodi evita standard nasaun avancadu mai aplika tomak ba ita nasaun (iha deferenti socio-cultural, economia, geografika, politika-seguranca, no IT. Koncederasaun kondisaun riil sai fator determinan ba terminasaun metodologia). Terceiro, aspektu implementasaun/tekniku no metodologia nebe la-apa’ar bele sai obtaklu ba dadus kualidade. Ita hare duvidas nebe hakerek-nain hetan iha terenu (liliu implementasaun no metodologia census 2015) nota katak publiku ejize governo nia konsistencia. Quatro, artigo ne’e mosu ho-rajaun 1. Iha mos mehi ida katak fornecementu dadus ne’e inportante tebes ba akademika (inklui hau). Rajaun 2. Nudar informasaun publiku, no gasta rekurcu estado nebe boot sai atensaun mos mai hau, e 3. Sentimentu ba implementasaun census ha-mosu kritiku ba an-rasik no instituisaun implementador. 4. Hakerek ne’e nudar observasaun pessoal iha baze. Ho nune, hakerek ne’e LAOS RESPONSABLIDADE instituisaun nebe hau servicu ba. Maofi.08.2015.

Publika iha Opiniaun

Tempo Timor- Tuir nota de imprensa ne’ebe fo sai husi Embaxada Australia iha Dili informa katak Ró komponente naval Austrália ‘HMAS Huon’ mai vizita Dili, Timor-Leste husi loron 19-25 Augustu hodi partisipa iha komemorasaun loron FALINTIL. 

“Vizita ne’e mos hanesan oportunidade ida atu fó treinamentu maritima ba Komponente Naval Falintil-Forsa Defeza Timor-Leste (F-FDTL) hanesan parte husi bilaterál defeza ne’ebé besik entre Timor-Leste no Australia ne’ebé oras ne’e la’o hela”, hakerek iha note de imprensa ne’ebe redasaun Tempo Timor simu.

Tuir observasaun husi politiku balun iha Dili dehan wainhira Timor-Leste hari komponente Naval Governu Australia ladun afavor nune’e Governu Timor-Leste foti desizaun hodi sosa ro rua husi Xina maibe ikus mai Governu Australia mos hatudu sira nia interese hodi tulun dezenvolve komponente Naval F-FDTL ninian.

“Liu husi apoiu Programa Kooperasaun Defeza nian, ró ‘HMAS Huon’ lori ekipa membrus F-FDTL ba iha tasi laran iha loron 24 Augustu hodi fahe matenek kona-ba mariñeiru, kontrolu ba etragus, hamate ahi, manutensaun ba ekipamentu protesaun no enjeñaria. Memebrus F-FDTL nain rua sei tuir ró refere no aranka hikas ba iha Darwin hodi hetan esperiensia adisionál”, informa iha Komunikadu de imprensa husi Embaxada Australia ninian ne’e.

 Programa Defeza Australia nian eziste ona iha Timor-Leste desde hahu iha inisiu tinan 2001, hanesan parte husi atividades kooperasaun rejional tomak iha Pasifiku. Programa ne’e atu hasae kapasidade F-FDTL no Ministeriu Defeza nian atu tulun nasaun garantia ninia seguransa rasik. Komponete Naval Royal Australia dedikadu tebes atu servisu besik liu ho As.

 

Tasi Timor-Leste sempre hetan ameasa husi peska ilegal no trafiku ema husi nasaun balun iha ASEAN. Iha loron 27 fulan Agusto 2015 komponente Naval F-FDTL konsege kaptura ro peska ilega hat no ema lima nolu resi ne'ebe halo hela atividades peska ilegal iha Tasi Timor-Leste ninian. 

Publika iha Seguransa Defesa

 

 

 

 

 

Selebrasaun aniversariu Forcas Armadas da Libertação Nacional Timor-Leste (FALINTIL) ba dala 40, iha 20 Agostu liu ba, selebra ho tema prinsipal “EMA IDA HISTORIA IDA”. Historia FALINTIL, hanesan memoria osan mean ne’ebe murak tebes, ne’ebe mosu husi prinsipiu fundamental ida maka defende soberania RDTL no tane as dignidade povu timoroan hotu.

 

Ita hotu akompaña ona historia ne’ebe lider bo’ot FRETILIN Marii Alkatiri no lider sira seluk konta iha celebrasaun tinan 40 FALINTIL nian. Hirak ne’e hotu sei sai hanesan memoria murak ba jerasaun (foun) ida ne’e, hodi hatutan mos husi tempu ba tempu. 

 

Tuir historia, funu hahu ho golpe husi UDT no kontra golpe husi FRETILIN. Iha kontra golpe, mosu FALINTIL ne’ebe inisia husi lider bo’ot sira hanesan Nicolao Lobato, Marii Alkatiri, Tiago Lobato. Iha funu laran, Historia FALINTIL hahu iha Mota Ulun 15 Agostu, “batizadu” iha Aisirimou-Aileu 17 Agostu no konsolidadu i reforsadu husi komponentes hotu iha 20 Agostu 1975.

 

FALINTIL sai bo’ot, solidu no forte ho lideransa lider historiku Kay Rala Xanana Gusmão. Durante tinan 24 nia laran FALINTIL sai liman kro’at povu terus no sofre na’in sira. FALINTIL maka IKAN no POVU maka WÉ. Lider bo’ot sira FALINTIL nian, hahu husi Kay Rala Xanana Gusmão, Nino Koni Santana (Saudozo), David Alex Daitula (Saudozo), Taur Matan Ruak, Lere Anan Timur, Falur Rate Laek, no komandante bo’ot seluk tan. Sira idak-idak iha historia rasik, ne’ebe presiza jerasaun foun sira atu hatene.

 

Maluk le’e na’in sira hotu, tebes duni, Timor-Leste la’o ho historia ne’ebe úniku iha mundo. Frente tolu, ne’ebe sólidu no metin i iha unidade no fraternidade ne’ebe as, luta ba libertasaun povu ida ne’e husi sofrementu, torturasaun, mate no hamlaha. Frente Armada (FALINTIL), Frente Klandestina (Joventude Loriku Aswain), no Frente Diplomasia. Liu husi sira nia sakrifisiu, determinasaun no dedikasaun ne’ebe bo’ot, ikus mai lori duni povu rai murak ida ne’e to’o iha loron historiku 30 Agostu 1999. No durante periodu 24 nia laran, masakre barak mosu. Hahu husi masakre Marabia, masakre Kraras, masakre Santa Cruz no maskre seluk tan ne’ebe maka “sei subar” hela iha aswain barak nia memoria. 

 

Hafoin hakat liu situasaun ne'ebe difisil tebes,hahu husi 1975, ikus mai, povu hotu konsege duni to'o iha rohan ba esperansa husi luta naruk libertasaun nacional iha 1999. Maske nune'e, iha prosesu hakat nia rohan ne'e, sofrementu timoroan la hotu no senti maka'as liu tan. Masakre mosu fatin-fatin, iha sikun hotu teritoriu Timor-Leste. Kanek-alezadu, lakon forsadu, mate forsadu, lakon familia, hela fatin, refugia forsadu, sai hanesan ha-han loron-loron iha noticias hotu, nacionais no internacionais.

 

Maluk sira hotu, tinan sanolu resin nen (l6) liu ba, ita hotu moris situasaun ne'ebe pániku no ta'uk tanba teror i intimidasaun husi Milisia Pro-Otonomia. Iha tempu ne’eba, dala ida tan, timoroan ho timoroan hatudu liman hodi sei kro’at no meik ba malu.

 

Besi Merah Putih, LAKSAUR, MAHIDI, ALFA, AITARAK nu’udar grupo pro-otonomia ne’ebe lori teror no intimidasaun, ameasas no oho-forsadu, na’ok no sunu. Masakre Liquica, masakre Covalima, masakre Lautem no masakre barak seluk tan, nu'udar rezultadu pólitika assasinatu karater timoroan pro-ukun rasik an husi grupo hirak ne’ebe mensiona iha leten. 

 

Maske nune'e, pólitika ida ne'e la hamate ahi liberdade ne'ebe lakan nabilan los ona iha timoroan aswain ida-idak nia neon. Espiritu aswain FALINTIL, " Mate ka Moris Ukun Rasik An", hanesan loro-matan ne'ebe leno nafatin konciencia timoroan aswain hotu, atu la ta'uk, la hakiduk no la haksumik husi liberdade ne'ebe rabat los ona iha mata-laran. OJETIL, OPJELATIL, FITUN, SAGRADA FAMILIA, DEWAN SOLIDARITAS, RENETIL no grupo aswain seluk tan, nu’udar grupo joventude loriku aswain ne’ebe defende prinsipiu “MATE KA MORIS UKUN RASIK AN”.

 

 

Maluk le’e na’in sira hotu, luta naruk aswain FALINTIL no povu lutador hotu, ne'ebe maka sempre hamaluk terus no sofrementu povuk ki'ik kbi'it laek ida ne’e, ni-nia rohan to'o duni ona iha momentu ne'eba. 27 Janeiro 1999, Presidente Indonezia, B.J Habibie, tanba la tahan ho presaun ne'ebe bo'ot tebes husi komunidade internacional no ONU, ikus mai foti desizaun fo opsaun rua ba timoroan sira hotu, "OTONOMIA ka UKUN RASIK AN".

 

 

Durante fulan 4 nia laran (Janeiro to'o Maio), timoroan aswain hotu moris iha teror no intimidasaun nia laran. Teror fizika no psikologica, ne'ebe maka lansa husi milisia otonomista sira, halo timoroan aswain hotu haksumik, maibe la tauk. Esperansa durante tempu barak nia laran, ikus mai to'o duni. ONU nia reprezentante to'o duni iha Timor-Leste.

 

5 Maio 1999, United Nation Mission in East Timor (UNAMET), lideradu husi Ian Martin sama ain iha Timor-Leste. Povu aswain sira haklalak, basa-liman, hako'ak malu, tanis-kontenti, tanba fiar katak liberdade to'o duni ona. Maske nune'e, teror no intimidasaun kontinua lansa nafatin husi milisi pro-otonomia sira. Maibe, timoroan aswain sira la hakfodak ona. Fiar Ukun Rasik An ne'ebe besik tebes ona, halakon sentimentu ta'uk povu no joventude loriku aswain sira hotu. 

 

Knanuk heroiku " O hele le, O hele la.......O mane, Ha'u Mane Se Ta'uk Se" halo joventude heroiku loriku aswain sira hotu iha teritoriu laran aten brani tebes defende soberania no dignidade rai doben ida ne'e. 

 

Ikus mai, loron ne'ebe ita hotu hein mos to'o. 30 Agostu 1999, loron ne'ebe nakonu ho historia heroiku husi povu terus na'in sira hotu. Dader, rai sei nakukun, povu hotu, ho atitude heroiku, brani tebes, hakat husi uma ba fatin votasaun. Laloran sofrementu, ne’ebe troka ba mai, halo timoroan aswain tomak ho pacensia no kalma, husi segundos ba minutus no horas, povu aswain ida-ida tama ba kabine votasaun, lori pregu mágico tu'u ba bandeira CNRT, hodi hakilar iha laran "VIVA TIMOR-LESTE".

 

Hafoin votasaun, maske fiar metin katak nia rezultadu maka UKUN RASIK AN, maibe povu timoroan hotu hein ho laran taridu. Taridu ba teror no intimidasaun i ameasas ne’ebe mosu husi milisia pro-otonomia sira.

 

Loron hístoriku ne'e mos to'o mai. 4 Setembro 1999, rezultadu hatudu katak 78, 20%, timoroan hili dalan UKUN RASIK AN no 21, 80% hili opsaun OTONOMIA. Timoroan aswain hotu haklalak, haksolok no hananu, hako'ak malu, tanis ho mata wen kontenti nian. Maibe, kontenti hirak ne'e iha minutus nia laran de'it. Tanba, hafoin ida ne'e, ahi su'ar metan komesa sa'e, sunu no halo motuk cidade sira iha teritoriu laran. Povu aswain rihun ba rihun, halai husik hela sira nia horik fatin, ha-ses an iha foho no ai-laran fuik sira Timor-Leste nian, hare husi do'ok, buat hotu rahun hakdasak hanesan ho rai.

 

Iha fatin-fatin sira ha-ses an ba ne’e, povu timoroan tomak kontinua hela iha taridu nia laran. Ida-ida husu ba malu, “sofrementu ida ne’e, karik sei lori tan tempu naruk?”. Maibe laran taridu ne’ebe iha, la lori tempu naruk. Iha loron 20 Setembro 1999, International Force for East Timor (INTERFET) lideradu husi forsa Australia to’o iha Dili. Povu timoroan aswain hotu haksolok, haklalak no agradese ba Aman Maromak. INTERFET mosu hanesan “Anju Salvador”, ne’ebe tama husi lalehan no tasi. Hahu husi 20 Setembro 1999, timoroan hotu moris iha liberdade ne’ebe maka dók husi teror, intimidasaun, siumes no deskonfiansa ba malu.

 

Maske nune’e, ha’u hanoin, buat ne’ebe importante liu husi diskrisaun hirak ne’e hotu, katak historia ida ne’e, nu’udar prosesu ida ba timoroan hotu hodi hetan fali nia dignidade no moris hanesan ema iha nasaun soberania ida nia laran, ne’ebe hanaran RDTL. 

 

Maluk le’e na’in sira hotu, diskrisaun badak ne’e nu’udar rezumu husi historia naruk luta libertasaun RDTL nian. No rezumu ne’e mos do’ok tebes husi liafuan kompletu. Maibe, buat ne’ebe ha’u deskreve ne’e, mai husi historia ne’ebe luta dor (Lider Hístoriku) sira konta ona iha media sira no buat ne’ebe ha’u hatene i infrenta diretamente, liu-liu iha périudu entre 1997 to’o 1999 nu’udar estudantes universitariu ne’ebe hola parte mos iha organizasaun rezistencia estudantil (IMPPETTU no RENETIL) iha Jawa-Surabaya-Indonesia no FKMPPB (Forum Komunikasi Mahasiswa Putra-Putri Baucau).

 

Bainhira ita konta historia, ita ko’alia buat ne’ebe akontese liu ona. At mos akontese liu ona, di’ak mos akontese liu ona. Maske nune’e, lisaun ne’ebe di’ak, ita tenki komunga nafatin husi jerasaun ba jerasaun no lisaun ne’ebe at tenki husik hela hotu. 

Lisaun ne’ebe di’ak, sei hamosu espiritu nacionalismu no patriotismu husi jerasaun ba jerasaun, nune’e bele kontribui positivamente ba dezenvolvimentu nasaun doben RDTL. Funu Na’in luta dor no lider historiku sira sempre hateten nune’e, “Liberta Patria (nasaun) hotu ona, Liberta Povu seidauk”. 

 

Tebes, Ita ida-ida, povu ASWAIN hotu moris ho nia historia rasik. No tanba ne’e, ita bele konta rasik ita nia historia. Maibe, se karik ema ida-ida konta historia ida, maka jerasaun ohin loron no jerasaun hirak ne’ebe tuir mai, sei fiar los maka historia ida ne’ebe?

 

Lider Historiku sira bele hanoin ida ne’e, hodi hatu’ur historia tuir nia dalan no prosesu ne’ebe los. Ho hanesan ne’e de’it, EMA IDA HISTORIA IDA, sei iha valores ne’ebe as hodi sai hanesan eransa osan mean murak ne’ebe presiza kontinua komunga husi jerasaun ba jerasaun hodi LIBERTA POVU iha nasaun doben ida ne’e husi MUKIT, KI’AK no BEIK.

 

Atu taka, ha’u hakarak hateten ba maluk le’e na’in sira hotu, katak artigu historia ida ne’e puru nu’udar hanoin subjetivu husi ha’u nia hatene no esperensia. Maluk sira hotu bele konkorda no bele mos la konkorda. Maibe, nu’udar joven timoroan, iha momentu agora, bainhira hateke fali ba tinan 16 kotuk, ha’u orgullu, maske ki’ik tebes (hateke la hetan) bele hola parte mos iha historia luta ba libertasaun nasaun doben RDTL. Ha’u hahu konta hatutan ona. Maluk sira hotu bele kompleta no kontinua konta. Jerasaun tuan halo ona historia, jerasaun foun mos tenki halo historia. Keta Haluha, EMA IDA HISTORIA IDA.

 

VIVA POVU HEROIKU-ASWAIN TIMOR-LESTE, A LUTA KONTINUA !!!!! 

 

 

NB: Kritikas no Sugestaun bele hato’o mai E-Mail: This email address is being protected from spambots. You need JavaScript enabled to view it.

 

       HP + 67078361688

Publika iha Opiniaun

 

Tempo Timor : Iha loron 25 Maiu 2015 Forum Organizasaun Naun Govermentais Timor Leste (FONGTIL) reprezenta sosiedade sivil asina MOU ho Sestu Governu Konstitusional hodi hala’o atividade kona ba sosial auditing no advokasia iha area, Saude, Edukasaun, Infrastrutura baziku no Agrikultura.

“iha mometu ne’e husi parte Sosiedade Sivil, ha’u rasik maka asina no husi parte Governu nian, Primeiru Ministru maka asina. Objetivu husi asina MoU ne’e tanba hetan konkordansia husi parte Governu para atu hala’o atividade kona ba social auditing.” dehan Diretor Ezekutivu FONGTIL, Arsenio da Silva ba Online Tempo Timor iha ninia serbisu fatin Kaikoli, Dili foin lalais.

Tuir Arsenio, bazeia ba MOU sira tenke kria politika rasik no define ninia planu hodi buka fundus ba atividade hirak ne’e. 

“prosesu balun ami komesa hala’o ona ninia mata dalan no ami mós halo ona esbosu balun kona ba ninia metorolojia oinsá atu halo sosial auditing. Nune’e mós, husi parte governu nian kria ona unidade ida ne’ebe iha gabinete Primeiru Ministru nian para depois bele kria ligasaun ho parte sosiedade sivil hodi nune’e ami bele lori dadus, relatoriu ka rekomendasaun balun ba iha ne’ebé para depois bele halo fuul ap hodi nune’e bele hadia buat balun ne’ebe karik presija hadia.” esplika Arsenio.

Aliende ida ne’e, agora daudauk husi parte sosiedade sivil prepara hela proposal oinsá atu bele hetan fundus hodi implementa ne’ebé iha, tanba governu sei la tau orsamentu ba implementasaun programa.

“ami mós halo hela proposal, balun ami haruka ona no balun sei hein hela ne’e duni fiar katak ami bele hetan fundus hodi nune’e sosiedade sivil bele hala’o ona ninia implementasaun tanba governu la tau orsamentu ba implementasaun programa.” esklarese eis Diretor Hasatil.

Bazeia ba akordu ne’ebé iha durasaun ba programa ida ne’e to’o de’it iha mandatu Sestu Governu nian remata, ne’e duni bainhira mandatu governu ida ne’e remata maka iha governu foun nia ukun iha vontade di’ak entaun dala ruma programa ida ne’e bele kontinua, maibe ida ne’e hanesan parte ne’ebe esplika iha MOU ne’e entre sosiedade sivil ho Governu.  

“Ami foti area hat ne’e bazeia ba konkordansia ho Primeiru Ministru, tanba Primeiru Ministru rasik mós hare katak area 4 ida ne’e maka iha problema barak. Ezemplu iha setor Saude nian, infrastrutua baziku, edukasaun no agrikultura, tanba setor hirak ne’e importante tebes, liu-liu setor agrikultura nian tanba setor ida ne’e baze ne’ebe importante tebes ba povu nia moris.” Arsenio esklarese.

Klaru katak, husi area hat ne’e iha setor hira maka iha ne’ebá, maibe bazeia ba kapasidade entaun deside hare de’it parte ne’ebé maka prioridade liu atu halo. 

 

“Ha’u hanoin bazeia ba MOU ne’ebé maka ami estabelese ho Governu maka area hat ne’e, maibe hanesan sosiedade sivil no ONG sira seluk sempre hala’o ninia knar hodi hare mos ba setor sira seluk depois bele halo advokasia nafatin.” hakotu Arsenio. (**)

Publika iha Nasional

Tempo Timor: Agora la’os ona povu baibain maka kritika sistema serbisu setor Transporte Publiku nian, maibe membru Parlamentu Nasional (PN) husi Bankada Conselu Nasional Rezistensia Timor (CNRT) mós hahu loke ibun tanba sente katak durante ne’e sistema serbisu transporte publiku nian la’o la efetivu. 

“Ita hakarak atu dezenvolve setor transporte publiku, maibe ita sente serbisu setor transporte publiku nian sabraut tebe-tebes, ne’e duni presija hadia tanba ita hakarak transporte publiku ida ne’ebé organizadu, koordenadu atu nune’e povu bele iha kbit hodi selu transporte publiku ne’ebé agora karun tebes.” dehan Segundu Vice Presidente PN, Aderito Hugo ba Jornalista sira foin lalais.

Ita presiza reforma ida iha setor transporte publiku ka lae? Ida ne’e sasan sira ne’ebé praktis tebes, ne’e duni membru governu sira presiza tau atensaun, liu-liu membru governu kompotente titulares sira ne’ebé toma konta ba setorais hirak ne’e atu lalika hamosu mai hanoin ida ba longu prazu no mediu prazu nian, maibe oinsá maka atu resolve kurtu prazu nian.

Ida ne’e maka fasparte iha atedementu publiku hanesan iha ha’u nia artigu balun tinan hirak liu ba ha’u koalia sobre atendementu publiku ne’ebé nivel ne’e baixa tebe-tebes. Ita lalika mai ho teoria-teoria ne’ebé altu no akademiku demais, se nukazu ita ninia realidade povu infrenta problema transporte publiku karun tebe-tebes.

Operador ba transporte publiku hanesan, taxi, mikorolet no bus fora husi kontrolu estadu nian, operador taxi no bus sira la hare ba kareta ninia kondisaun, la iha regulamentu ida ne’ebé klaru ba operador bus sira, hodi nune’e bainhira ema atu sa’e bus ne’e tenke seguru, maibe bus monu hela deit no soke hela de’it.

Sasan sira ne’e teknis tebe-tebes para presiza tau atensaun. Ne’e duni, ha’u konkorda ho kritikan ne’ebe povu halo ba membru Governantes tanba ida ne’e klaru tebe-tebes, tanba ida ne’e ejize ba governantes sira, liu-liu lia ministerias sira ne’e atu hare sira nia sektorais sira ne’e apropriadu, labele haksoit ba haksoit mai, maibe resolve uluk kestaun ida estandar ninian hafoin maka hare fali buat seluk, se lae ita hotu namlele hela iha anin leten  no buat hotu hanesan mehi de’it mais la konkretiza ba nesesidade povu nian.

“Ida ne’e hatudu katak, ita tenke mai ho sasan konkreta, resposta ba nesesidade povu nian ho konkreta, labele mai ho proposta ka planu longu prazu ninian hodi haluha tiha katak iha kurtu prazu ne’e povu presiza saida. Ezemplu kona ba kestaun transporte publiku nian, ita imajina took povu baibain lori ninia modo husi Maubesi mai Dili maibe tenke selu ho osan U$ 10.00 ba mai, maibe folin modo ne’e de’it fa’an la to’o U$ 10.00.” Hugo fó ezemplu.

Ministeriu relevante tenke hare kestaun sobre transporte publiku, hodi nune’e ita nia transporte publiku bele organizadu, seguru depois ninia kustu bele tun hodi nune’e povu ki’ik sira bele asesu, tanba se ita husik de’it no sein kontrolu, sein regulamentu entaun ita nia povu agrikultor sira maka sefre ba situasaun ida ne’e. 

Folin mina tun tiha ona, maibe transporte publiku ninia kustu ne’e karun nafatin, entaun halo estudante sira iha foho atu mai Dili tenke hanoin dala sanulu tanba tarifika transporte ne’e karun tebe-tebes.

“Ha’u hanoin povu sira la ejize planu longu praju ninian, maibe sira presiza rezolve problema iha kurtu prazu, tanba sira hakarak estarada di’ak no transporte publiku ne’ebé seguru no baratu.” hakotu Hugo

Iha parte seluk, peskizador organizasaun Naun Govermentais Lao Hamutuk, Juvinal Dias konsidera politika Governu kona ba setor transporte publiku nian fraku tebes no kuaze la la’o, tanba to’o agora Governu seidauk iha sistema kontrolasaun ne’ebé di’ak kona ba tarifa transporte publiku nian. 

Ativista ne’e fó ezemplu katak, kareta hirak ne’ebe agora daudaun halo movimentu no determina ninia presu tarifa ne’e depende husi kareta nain sira, tanba estadu rasik la halo buat ida ne’e no estadu nia poder atu interfere ba desizaun presu tarifa ne’e la forte.

“Iha nasaun barak tarifa transporte depende ba presu konbustivel ne’ebé ita uza no felismente ita hatene durante ne’e presu mina tun, maibe ita nia tarifa transporte ne’e tinan-tinan aumenta hela deit no nunka tun, maski folin mina tun tiha ona.” Juvinal kestiona.

Juvinal haktuir katak, tarifa transporte durante ne’e la tun, tanba poder estadu atu kontrola ne’e fraku no estadu rasik la halo intervensaun ba transporte publiku no estadu bele kria ninia transporte publiku rasik atu labele fó todan ba povu kbit laek sira, maibe infelismente iha timor la akontese, tanba daudauk ne’e ita la iha bus kota.

 

Ho situasaun sira ne’e hotu fó espasu makas ba setor pribadu sira ka kareta nain sira atu hasai tarifa transporte tuir ida-idak nia hakarak. (**) 

Publika iha Nasional

 

Tempo Timor : Governu halo ona esforsu hodi aijuda makas setor pribadu sira liu husi orsamentu estadu ne'ebe fahe projeitu oioin ba empreza Timor Oan, maibe politika investimentu ne’ebé Governu hala’o durante tinan barak nia laran sei malahuk hela tanba maioria setor pribadu iha Timor-Leste sei depende nafatin ba projetu husi Governu no la reinveste sira nia osan ba setor produtivu.

Situasaun ida ne’e halo mós sosiedade sivil sira preokupa tebes ho ezistensia setor pribadu sira, liu-liu ba emprezariu timor oan sira, tanba Governu kria ona kondisaun ba sira maibe sira la aproveita ho di’ak.

Hatan ba kestaun hirak ne’e, Diretor Ezekutivu, Arsenio Pereira da Silva hateten, sosiedade sivil mós preokupa tebes ho situasaun setor privadu ka emaprezariu local sira tanba dala barak liu sira depedente de’it ba projetu husi governu, maibe sira ladun halo investimentu rasik.

Dala barak sira hetan projetu husi governu mais lukru ne’ebe sira hetan husi governu ne’e la investe, entaun ita hare katak daudauk ema husi nasaun seluk maka agora mai investe barak iha timor no loke loza bobot hodi fó serbisu ba timor oan sira.

“Ninia impaktu maka agora ne’e ita tama ba iha prosesu ida hanesan liberalizasaun, tanba bainhira ita tama ba Asian entaun hakarak ka lakohi ita tenke iha kompetisaun makas tanba ita adopta sistema merkadu livre ne’e duni ema hotu bele tama mai, tan ne’e maka se ita la antisipa ka la preparadu iha asuntu ida ne’e klaru katak, ema liur sira maka sei mai domina fali ita nia ekonomia.” dehan Diretor FONGTIL Arsenio da Silva ba Tempo Timor (26/8). 

Molok taka ninia liafuan Arsenio seo piadas hodi dehan, dala barak ita nia lideransa sira dehan Timor Leste ninia kresimentu ekonomia sae maibe ita nia emprezariu lokal sira ladun investe no depedne de’it ba projetu husi governu. 

Entertantu Segundu Vise Presidente Parlamentu Nasional (PN), Aderito Hugo ba Jornalista sira hateten, ita presiza hatene setor privadu sira ne’ebé durante ne’e sai parseria ba governu hodi halo projetu eskola, Estrada, pontes no klinika sira iha kualidade di’ak ka lae, tanba insiativa kontaktor setor privadu timor oan, komesa iha projetu pakote referendum mai to’o iha PDD, PNDS ne’e sira hatudu saida ona no iha progresu positivu ruma ka lae.

 Hugo haktuir, hahu tinan 2009 mai to’o agora setor privadu hetan ona aproveitamentu ka lae hanesan iha kapasidade intermus de kapital ka osan ne’ebé sira hetan husi projetu governu nian ne’e sufiesente ona para atu eleva sira ninia kapasidade kualidade hanesan setor pribadu kontraktor.

“Ha’u dehan setor privadu kontraktor, tanba ita nia setor privadu ne’e presiza klasifika, tanba setor privadu barak liu maka depende de’it ba projetu governu nian no setor privadu ida investor ne’e ita bele konta ho ita nia liman fuan.” tenik Hugo. 

Deputadu husi Bankada CNRT ne’e rekoñese katak, daudauk ne’e setor privadu investor ne’e barak liu ema estranzeiru, ate mai halo ruko ka apartementu mós mesak ema husi rai liur hotu, maibe setor privadu investor ita timor ne’e bele konta de’it ho liman fuan. 

Ho situasaun sira ne’e hotu ita presiza hatene saida maka ita tenke halo ba tinan 13 andamentu estadu nian, andamentu orgaun soberanu ninian, liu-liu ezekutivu sira ninia dezenpenamentu. Ita presiza halo avaliasaun ba setor hirak ne’e hotu, tanba politika investimentu ne’ebé maka ita halo durante ne’e, investimentu ho ninia intensaun atu dezenvolve parte hotu-hotu, tanba ita presiza halo Estrada, halo edifisiu publiku ne’ebé presiza setor privadu kontraktor sira atu partisipa, maibe amesmu tempu ita presiza mós setor privadu sira atu aproveita oportunidade hirak ne’e hodi kapasita sira ninia an.

Setor privadu kontraktor sira maioria emprezariu nasional, ne’e duni hatene iha aproveitamentu iha ka lae, ezemplu balun keta halo projetu hotu tiha sira ninia kompaina mós taka no muda fali naran kompaina.

“Ha’u hanoin lina ministerias sira ne’ebé kobre asuntu ida ne’e tenke halo avaliasaun ida hodi nune’e ita nia politika investimentu orsamentu ne’eée ita halo iha tinan hira nia laran mai to’o ohin loron bele iha aproveitamentu, se lae ita investe nafatin iha investimentu publiku, maibe ita nia setor privadu iha fatin hela de’it ka atraza liu tan, ha’u sente ida ne’e la di’ak.” Hugo kestiona.

Hanesa publiku tomak hatene, setor pubiku ne’ebe benefisia husi orsamentu estadu nian ne’ebé tinan tinan kontribui ba korenta ital mill funsionariu publiku, tantu permanente, kontrotadu, inklui Forsa Defeza no PNTL, maibe setor pribadu kontribui hira ba kampu de trabalhu ida ne’e.

 

Ita tenke halo avaliasaun konkretas no lina ministerias sira tenke foti estatistika sira hanesan ne’e, hodi nune’e bele hare, ita iha ne’ebé, atu ba iha ne’ebé no atu halo saida, se lae ita ida-idak mai ho ninia teoria oin-oin no mai halo esplikasaun tun sa’e iha Paramentu para depois hetan aprovasaun maibe problema maka nafatin hela de’it. (**)

Publika iha Ekonomia

 

Loke hikas diariu moris nia husi folhia ba folhia, husi loron ba semana, fulan no ba tinan ne’ebe ultra pasa ona iha memoria no momentu importante sira no ha’u konsege to ba iha topiku ida ho tema, “konsulta popular”. Husi ne’e hafanu no lori ha’u nia hanoin tomak fila ba pasado ne’ebe pasa ona husi  pasagem jerasaun ida ne’e nian iha momentu ne’ebe determina tiha ona, aumesmu tempu atu hare mos ba future ne’ebe sei hanesan misteriu ida ba ita hotu ne’ebe mak sai nain ba pátria ida ne’e.

 

Atu hetan independensia ba rai doben ida ne’e laos prosesu ida ke fasil. Iha tinan 1975 ita proklama ona ita nia independencia, maibe tamba Timor oan nia ideologia de politika ne’ebe la hanesan iha tempu ne’eba ikus mai ita tenki fahe malu, foti liman hatudu ba malu, sunu no oho malu hodi fo oportunidade ba Indonesia mai okupa ita nia rain durante tinan 24 (ruanulu resin hat) nia laran, hodi halo presaun, intimidasaun, terror no liu-liu viola direitu fundamental Timor oan sira nian nudar ema kriatura. Husi hahalok brutal invasor sira nian, ikus mai hafanu no haburas ispiritu patriotismu no nasionalismo Timor oan sira nian, ho nune’e bele halibur malu fali hodi defende nia soberania rasik no ikus mai hakilar ho lian makas, “mate ka moris… ukun rasika’an”. Luta no esforsu Timor oan sira nian hodi to ba nia metas mak halao iha loron Konsulta popular 30 de agustus hodi hili opsaun rua mak hanesan ukun rasika’n ka otonomia. Iha ne’eba Timoro oan barak desidi hili ukun rasika’an tamba so ida ne’e mak dalan ida ne’ebe uniku ba Timor oan sira nia future atu sira rasik kaer sira nia, ” kuda talin”. Ihai loron kesas marka ona momentu importante ida iha ita nia historia tomak tamba iha loron ne’e mak povo ida ki’ik, kiak no mukit hakotu ona nia destinu ho Indonesia no determina future ba povo no nasaun doben ida ne’e. Eh ema hirak hanesan ne’e mak ita merese hanaran “o verdadeiru heroi” Tamba bele foti desijaun ida ne’ebe otentiku ba determinasaun rai doben ida ne’ebe konhesidu ho naran the land of sleeping crocodile, hodi hateke ba naroman foun ne’ebe mai esperansa.

 

Husi 30 de agustu 1999 ba iha époka de transisaun no to’o ita restaura fila fali ita nia independencia iha 20 de Maio 2002. Lori ita ba hasoru loromatan foun “esperansa” nian, Katak ita sei forma estadu no governo ida tuir mundu ohin loron nia ne’ebe mai husi ita nia filosofia rasik. Speransa hirak ne’e hotu mak ohin loron sai revalidate ne’ebe ita bele hare no sukat tuir sasukat ne’ebe ita iha, katak keta sukat Timor ho nasaun dejemvobidu sira seluk hanesan Amerika, Fransa, Jepão no sira seluk tan, tamba sira ukun rasika’an iha tempu barak nia laran ona. Atu sukat ita nia progresu so bele hare ho ita nia okúlu rasik, katak hare ba Timor ida tinan sanolu resin liuba no Timor ida ohin loro iha mudansa no progresu barak mak ita atinje ona, eh ita mos tenki senti orgulho hanesan povu ki’ik ida iha mundu nia matan hanesan nasaun soberaniu ne’ebe iha nia historia no identidade rasik, 

 

Hare ba ita nia pasadu ne’ebe mai husi esperensia nakukun nian ida ne’ebe ita ultra pasa hodi hasoru loron ohin, hamosu mos kestaun ida mai ita hotu liu-liu ba jerasaun foun sira, katak saida mak ita tenki halo hodi hasoru loron aban? Sei ohi loron ita sei dukur hela, ita la dauk esforsu a’an makas (mental instan), ita nia egoismu sai as ba nafatin, korupsaun buras husi loron ba loron hodi tau importansia ba ita nia a’an rasik no husik hela dever lolos ne’ebe mak ita tenki halo ba ita nia sosiedade no liu-liu ba nasaun doben ida ne’e.Ita tenki iha espiritu de unidade ne’ebe forte hodi servisu hamutuk no tane ita nia rai doben ida ne’e iha aspeitu hotu, hases a’an husi tendensia-tendensia hirak ne’ebe lori ita ba iha perigu sira ne’ebe halo ita foti liman hatudu ba malu, foti kroat se ba malu, sunu, oho no fahe malu hanesan esperensia iha pasadu. no buat hirk ne’e hotu sai hanesan frakeja ema mak salak nian ne’ebe hola parte mos iha ita istoria.

 

 

Husi konsulta popular lori ita ba independencia hodi forma estadu República Demokrátiku de Timor Leste (RDTL) iha inisiu sekúlu XXI nian hanesan nasaun nurak ida iha mundu ne’ebe tuan tebes no Independensia ida ne’e laos ninin no rohan ba ita, maibe hanesan inisiu ida atu ita bele hare ba future ho vijaun no misaun ne’ebe bo’ot atu liberta ita nia nasaun doben ida ne’e husi surar kiak no mukit ne’ebe sei ukun ema Timor oan ida-idak nia moris. Taba pátria fatuk, ai, no foho sira sai sasin lian laek ba martiris asuwain ne’ebe fakar ra’an naksuli husi foho ba tasi no ruin sira namkari no naklekar iha rai fuik maran hodi ita liberta ona ita nia patria, eh bainhira los mak ita liberta ita nia povo? sei ohin loron ita barak fo oportunidade ba hahalok egoismu, pesimista no hipokritu ne’ebe lori ita ba pratika korupsaun,odiu, vingansa no sira seluk tan; povu. Atu liberta ita nia povu presija fo liman ba malu,servisu makas, honestiedade no seriedade husi ema ida-idak ne’ebe konsiente hanesan Timor oan. 

Publika iha Opiniaun
Joomla SEF URLs by Artio

Copyright © 2015 Agora Tempo Intermedia Ltd. All Rights Reserved.
Online since February 01, 2013
Creative Commons License
This work by Tempo Semanal is licensed under a Creative Commons Attribution-NonCommercial-ShareAlike 4.0 International License.

Top Desktop version