Tempo Timor Online

Tempo Timor : Involvimentu Forsa Armada Libertasaun Nasional Timor-Leste (FALINTIL) ba Ukun Rasik An hakerek mós iha istoriu Luta Timor nian, tanba iha momentu ne’e Falintil eziste nu’udar Forsa uniku ne’ebé defende prinsipiu Ukun Rasik An.

Ko’alia kona ba lalaok funu ida ne’e liu husi prosesu ne’ebé naruk no asuwain FALINTIL barak didika sira nia vida tomak ba funu ida ne’e, to’o balun tenke mate tanba hakarak hetan independensia. Ne’e duni, husu ba jerasaun foun sira atu kontinua luta makas ba buat ne’ebe Jerasaun tuan sira husik hela mai ita, liu-liu oinsá atu luta ba libertasaun povu tanba ida ne’e nu’udar kumprimisiu ida ne’ebé uluk asuwain FALINTIL sira prega iha sira nia prinsipiu katak, “Liberta Patria no Liberta Povu”   

Relasiona ho loron selebrasaun FALINTIL tinan 40,Presidente Partidu Frente Revulusionariu Timor Leste Indepedente (Fretilin), Francisco Lu-Olo hateten, iha loron ne’e ita hanoin hikas istoria FALINTIL nian tanba iha loron ida ne’e lideransa Fretilin sira hahu funda FALINTIL. 

 Lo-Olo haktuir, inisiador hodi hamosu FALINTIL mai husi desizaun husi Comite Central Fretilin (CCF) no sasin balun agora sei moris ida maka, Mari Alkatiri, atual Sekretariu Jeral Fretilin.

 “Sira maka foti desizaun hodi hamoris Fretilin no Falintil sai hanesan Forsa liman kroat povu nian, maubere nian, atu luta no defende independensia Timor-Leste.Ha’u hanoin fundador ne’e koletivu, maibe sira seluk mate hotu ona hahu husi Nicolao Lobato, ita rai hela rekonesementu boot ba nia no ba sira ne’ebe maka mate ona hanesan mós membru Comite Centra Frilitin,” dehan Presidente Partidu Freitlin, Francisco Guteres Lu-Olo ba Jornalista sira iha Tasi Tolu, Dili hafoin partisipa seremonia tinan 40 FALITIL, (20/8).

Lu-Olo esplika liu tan katak, eis Presidente Jose Ramos Horta nu’udar mós membru Comete Central Fretilin iha altura ne’eba, mesmu kriasaun Falintil nia la iha. Maibe, nia (Horta)  mós iha Comete Central hotu. 

Ita mós rekoñese Rogerio Tiago Lobato ne’ebe hanesan ikus liu iha 20 Agostu, hafoin asumi Komandante das Falintil nian. 

 “Naturalmenete iha autores ida hodi la’otuir  sira  nia ain fatin no lori rai ida ne’e ba oin maka jerasaun foun, maibe jerasaun tuan sira mós buka nafatin atu bele sai hanesan ezemplu di’ak ba jerasaun foun sira.” Lu-Olo apela.

Eis Presidente Parlamentu Nasional afirma katak, jerasaun tuan halo ida ne’e ho orgulho boot  tebes, hodi rekuinese nia oan no alin sira ne’ebé maka partese  ba jerasaun foun atu kontinua kaer nafatin prosesu dezenvolvimentu ba ita nia rai.

“Jerasaun foun tenke  sama nafatin jerasaun tuan nia kabas leten,atu hatene hatutan no hateke ba dok hodi dezenvolve  ita nia nasaun,” Lu-Olo hakotu.

Antes ne’e, iha Uma Fukun Parlamentu Nasional (PN), SegunduVice Presidente PN, Aderito Hugo hateten, atu haktuir istoria Falintil nian tenke hakerek tuir tinta ne’ebe lolos, ezemplu se mean tenke hakerek tuir tinta mean no metan mos hakerek ho  tinta metan. 

“atu hetan istoria ida ne’ebe bele responde hotu realidade no faktus sira, presiza tempu, tanba iha ema peritus barak mós dehan, autor ba istoria ida, nia konta kona ba istoria ida ne’ebe iha ne’e bele mós loos no bele mos la loos.” Dehan Aderito Hugo ba Jornalista sira iha PN foin lalais. 

Hugo haktuir, iha orsamentu Jeral Estadu 2015, PN aprova orsamentu ida atu elabora no fó ba  akademiku sira hala’o estudu atu hakerek sobre istoria. Tanba istoria  tenke hakerek ho neneik no ho di’ak, atu nune’e iha prespetiva ida akademiku sira nian, para depois  labele iha konflitus, atraves istoria ne’ebe hakerek individual ka grupu.

“agora oinsá atu  orienta ita nia akademiku sira ba intesaun ida atu hakerek istoria ida ne’ebe realidade no faktus  hatudu ba ita, tanba autorador ba istoria balun iha hela, maske balu mate tiha ona, maibe sira ne’ebe moris sei iha hela para atu konta” tenik Hugo. 

 

Agora daudauk,  presiza autor ba istoria ida, para hakerek sira nia konjustu ne’ebe maka hare ema individu  balun ou grupu balu ho sira nia inisiativa rasik hakerek istoria ida ne’ebe ita apresia. Maibe la’os hakerek fali istoria ida hodi hamosu fali prokontra. (**)

Publika iha Nasional

 

Se los maka sai  master  brain iha terenu?

 

 

Koalia kona-ba Insurreição Armada  Aileu iha 15 de Agosto de 1975, la ses husi loron importante balun komesa husi dia 7 to’o dia 18 de Agosto de 1975. Durante loron sanulu resin ida nia laran iha akontesementu barak. Ho akontesimentu hirak ne’e maka ita konklui hanesan istória nasional ida, to’o temi “loron Falintil”. 

Kona-ba se los maka sai otak pengatur to’o Saudouzu Presidente Nicolau Lobato bele halo intervensaun direkta no emidiata no sai sasin  lolos hodi hadau markas militar Portugues nian iha Aileu???

 

Faktus ne’e faktus. Istória ne’e istória. Gosta ka la gosta ida ne’e maka realidade. 

 

Tuir istória ne’ebé hau rona  katak ema ne'ebe sai xavi estratéjiku kona-ba armada Aileu monu ba CCF Fretilin maka kamarada Abel da Costa Freitas Ximenes (Larisina) agora aktual Vice-Ministro Educacao. Iha dia 09 de Agosto de 2015, kamarada Abel Larisina ho nia kamarada seluk maka hanesan kamarada Mauhunu, Faliciano Mausiri (Bobonaro), Oscar de Araujo, sira hamutuk na'in haat ho kamioneta ba Same hodi partisipa konsentrasaun bo'ot ho militante Fretilin -halo avaliasaun ba situasaun nasional. Iha momentu ne'e, sira na'in haat toba iha kamarada CEPEDA nia uma. Depois de konsentrasaun iha Same sira hetan amiasas husi UDT. Sira na'in haat (4), idak-idak separa ba malu ho objetivu ida deit. Balu fila liu husi Aileu, Balu ba kamarada Presidente Francisco Xavier iha Turiscai. Komu UDT buka atu kaer sira, entaun kamarada Abel Larisina maka sae motor ho soldado Furel ida naran Rosalino. Loron ne'e kedas sira na'in rua tama iha Markas bo'ot nia laran. Kamarada Abel subar iha laran no Furel Rosalino kontinua mai Dili. Momentu kamarada Abel iha markas Aileu nia laran maka nia halo kontaktu ho soldadu balun. Soldadu dahuluk nebe nia kontaktu maka Domingos Gaio. Liu husi Domingos Gaio maka kamarada Larisina konsege hetan pistola no kilat no hasoru malu mos ho direjentes Komite rejional Fretilin nian iha Ai-Sirimou. Depois de halo kontaktu hotu,Kamarada Larisina rasik halo bilete ida haruka mai Vice-Presidente Nicolau Lobato iha Dili. iha Bilete nia hakerek nune'e "“Camaradas, estou em Aileu, vindo de Same. Aileu esta somos noso controle e organisado. Esso informação e Orientação, Abel Larisina”, Ema nebe lori bilete naran "Agusto" aktual membru parlamentu nacional husi CNRT. Tuir istoria nebe iha, bele konfirma rasik ho nia nain katak durante nia lori bilete tun mai Dili, bilete ne'e nia tau iha ai nebe uja hodi tara aifarina. Entaun durante lao tun mai Dili, nia finji faan aifarina. Bainhira ema atu sosa aifarina, nia hasae aifarina nia folin, nebe laiha ema ida maka sosa aifarina no nia konsege lori bilete ne'e entrega duni ba Saudouzu Nicolau Lobato. Bazeia ba Bilete ne'e maka, Saudouzu Kamarada Nicolau Lobato ba Aileu ho kamarada sira seluk, no ho kamarada Abel Larisina konsege hadau Markas bo'ot Militar nian husi Malae Portugal no iha tempu ne’e duni markas militar monu ba kontrolu CCF Fretilin. Bazeia ba istoria ne'e hau bele konklui katak "yang menjadi otak pengatur to’o  Fretilin kontrola markas militar primeiru iha AIleu maka Senhor "Abel Larisina". Atu konfirma kona-ba ida ne'e, bele konfirma ho Senhor Abel Larisina, aktual Vice-Ministru Edukasaun, bele mos kontaktu senhor Agosto iha Parlamento Nacional.

 

Istoria kona-ba loron Falintil la ses husi loron Insurreição Armada  15 de Agosto de 1975. Istoria kona-ba loron Insurreição Armada, labele nega atu temi mos ema na’in hirak ne’ebé halao idak-idak papel durante loron 11 nia laran. Ema hirak ne’e sei moris no balu mate ona. Sira ne’e maka hanesan Saudouzu Nicolau Lobato, Abel da Costa Freitas Ximenes, Mauhunu, Feliciano Mausiri, Oscar de Araujo, Lucas da Costa, Rosalino, Sarjentu Brass, Domingos Gaio,  Adao, Januario Lobato, Simao, Januario, Agusto, Alarico Fernandes, Justino Mota, Marí Alkatiri,  senhor Larisina nia Noiva, Junior  Jose Lobato,  Fernando (Baucau),  Liandro, Raul Isak, Eujenio Pires, Albino, Tera Mau Bulak, Jose da Silva, Rogerio Lobatu. No talves iha mos sira seluk ne’ebé fo ona sira nia kontribuisaun-liu-liu apoiantes sira iha Same no iha Aileu. 

 

Iha loron Falintil ida ne’e, Ita Timor oan ne’ebé sei moris bele harohan ba Aman Maromak atu fo fatin ba Saudouzu sira ne’ebé dedika ona sira nia moris tomak hodi hetan libertasaun ba ita nia nasaun no ho liberdade fo honra gloria ba Aman Maromak. 

 

 

Obrigadu

 

Hakerek nai’n agora daudauk 

Iha Bali Indonesia. 

HP:+6281237115303

 

Email:This email address is being protected from spambots. You need JavaScript enabled to view it.

Publika iha Opiniaun

 

Tempo-Timor: Segunda-Feira foin lalais (10/8), Filipus Pereira ofisialmente simu pose hodi asumi kargu Vise Ministru Komersiu Industria Ambiente (VMCIA), maibe membru Parlamentu Nasional balun la satesfas ho desizaun Governu ne’ebé nomeia eis Sekertariu Estadu Koperativa ne’e ba kargu refere, tanba uluk indika katak la iha kapasidade ne’e duni hasai tiha mais hanusa agora hili fila-fali. 

“desizaun ne’ebé la fó satesfasaun ba publiku konsidera hanesan desizaun matan delek, tanba ema ne’ebé uluk konsidera la iha kapasidade hodi hasai tiha agora hili fila-fali, ida ne’e maka dehan ita matan delek ne’e.” esklarese Deputadu Bankada Fretilin Joaquim Dos Santos iha Uma Fukun Parlamentu Nasional (11/8). 

Deputadu Fretilin ne’e konsidera governu ida ne’e matan delek, tanba hatene katak ema ne’e la iha kapasidade no uluk hasai tiha agora hili fila fali.  

“Ema timor barak, la’os Nino Pereira de’it, ne’e duni ha’u hakarak atu dehan, estrutura Governu la’os Partidu A ka Partidu B ninia estrutura, tan ne’e tenke hare ba iha konsensus komum.

Joaquim haktuir, bazeia ba etika politika nian tuir lolos atu foti desizaun ida tenke hare ba konsensus komum no tenke bazeia ba aspirasaun fundamentais sidadaun maioria nian no ita labele foti desizaun tanba de’it tendensia ba ida ne’e no ida ne’ebá.

“Ha’u repete fila-fali katak, Governu ne’e la partensia ba Partidu A ka Partidu B, ne’e duni kualker desizaun kona ba estadu ninian tenke bazeia ba konsensus povu.” tenik Deputadu Fretilin ne’e hodi taka ninia liafuan.

Entertantu Diretur Ezekutivu Organizasaun Naun Govermentais (ONG) Luta Hamutuk, Mericio Akara hateten,desizaun ne’e kompetensia Primeiru Ministru nian atu hili se de’it, maibe tuir prespetiva sosiedade sivil ema ne’ebé sai ona husi Governu tanba iha indikasaun inkapasidade tuir lolos labele bolu fali.

“Bele buka ema seluk ne’ebé maka iha kapasidade no esperensia diak liu no ninia ideal tenke hanesan ne’e, tanba se ita bolu fali ema ne’e signifika uluk ita hasai ema ne’e tanba saida?” Akara kestiona.

Akara konsidera hahalok hanesan ne’e hatudu indikasaun ne’ebé la di’ak no la fó oportunidade mós ba timor oan sira seluk, entaun timor sira seluk hanoin katak sira la iha kapasidade no kompotensia ne’e duni ema maka ida ne’e hela de’it.

Hatan ba kestaun hirak ne’e, Deputada Bankada Pertidu Demokratiku (PD), Maria Lourdes Besa hateten, iha restruturasaun ne’e pozisaun ne’ebe uluk nia (Filipus Peraira) asumi lakon, maibe la dehan katak lakon konfiasa ba nia ka buat seluk, ne’e duni normal se iha fatin mamuk ida lori fali nia mai iha governu.

“Ida ne’e hatudu katak uluk nia halo serbisu di’ak, ne’e duni iha konfiansa husi ezekutivu atu bolu nia fila fali mai iha governu no importante maka prontu nafatin atu servi.” eskalrese Besa. 

 

Besa haktuir, restruturasaun la’os halo ba ema, maibe ba pozisaun, tanba pozisaun Sekertariu Estadu Koperativa  lakon, purke iha hanoin ida katak atu redus numeru governates iha governu nia laran ne’e duni Sekertariu Estadu lubuk ida maka lakon mós iha momentu ne’ebá. (**) 

Publika iha Politika

Tempo Timor : Antes ne’e iha fulan tolu liu ba Koordenador sesante Partidu Frente Revolusionariu Timor-Leste Indepedente (Fretilin), Munisipiu Lautem realiza konferensia ba datoluk hodi hili estrutura foun partidu nian ba periodu 2015-2020, maibe rejultadu konferensia iha momentu ne’ebá la konsege estabelese estrutura foun tanba mosu dezentendimentu iha prosesu votasaun nia laran. 

 

Konferensia iha momentu ne’e, kongresista sira aprezenta pakote tolu (3), pakote primeiru lidera husi Jequito de Oliveira, Pakote 

Segundu lidera husi Vitor Dias Quintas no Pakote Terseiru lidera husi Aurelio Freitas Ribeiro. Bainhira hala’o votasaun ba pakote hirak ne’e, Rejultadu hatudu, pakote ne’ebé lidera husi, Aurelio Freitas Ribeiro maka manan, maibe la to’o bareira ne’ebé iha, ne’e duni hala’o votasaun ba segundu ronde nian no iha momentu ne’e pakote ne’ebé lidera husi Vitor Dias Quitas ho pakote ne’ebé lidera husi Aurelio Freitas Ribeiru maka avansa ba segundu ronde. 

 

Votasaun ba segundu ronde nian iha momentu ne’e akontese naksalak iha prosesu kontazen, ne’e duni halo kandidatura husi pakote rua ne’e tau preokupasaun makas ate la simu malu ne’e duni membru CCF ne’ebé marka prezensa iha konferensia momentu ne’e deside adia, tan ne’e iha loron 1 de Augusutus 2015 foin lalais maka rekonferensia fali. 

 

Rejultadu rekonferensia ne’ebé hala’o iha Centru Kultura Lospalos foin lalais hatudu katak, Aurelio Freitas Ribeiro reeleitu nu’udar koordenador Partidu Fretilin iha Munisipiu Lautem ba periodu 2015-2020 hafoin hetan votu konfiansia husi kongresista hamutuk 116. Total kongresista ne’ebé partisipa rekonferensia ne’e hamutuk 283 maibe kongresista na’in 40 maka la vota. Kongresista hirak ne’e mai husi postu administrativa lima iha Munisiipu Lautem. 

 

Prosesu eleisaun iha rekonferensia ne’e hala’o ho sistema aberta, ne’e duni bazeia ba rejimentu ne’ebé iha kongresista aprezenta proposta kandidatura no proposta kandidatura ne’ebe kongresista sira aprezenta iha momentu ne’e hamutuk kuaze ema nain 25 resin, maibe kandidatu balun rejigna an, duni hela de’it kandidatu na’in 23. 

 

Bainhira hala’o votasaun ba kandidatura hirak ne’e, rejultadu hatudu katak, Aurelio Freitas Ribeiro maka hetan votus maioria (116), Abilio Quintão hetan votus 98, Ana Bela Savio hetan votus 74 no Gil Da Crus ho Leovogildo maka okupa kuatru n sinku lugar. 

 

Ho rejultadu ida ne’e hatudu katak, Aurelio Freitas Ribeiro reeleitu nu’udar Koordenador, Abilio Quintão Pinto nu’udar Primeiru Vise Koordenador, Ana Bela Savio Segundu Vice Koordenador, Primeiru Sekertariu Gil da Crus, Segundu Sekertariu Levogildo ho ninia membru na’in 6. Aliende ne’e, iha eleisaun refere hili mós estrutura Komisaun Juridisaun ne’ebé kompostu husi Presidente da meza, Jacinto da Costa, Sekertariu na’in rua ho ninia membru na’in rua, nune’e mós Estrutura Komisaun Fiskalizasaun, Paulino dos Santos nu’udar ho no ninia membru nain 2. 

 

Hafoin tomada de pose ba estrutura eleitu, Adjuntu Sekertariu Jeral Partidu Fretilin Jose Reis hateten, se iha serbisu barak maka halo ne’e duni husu ba militants Partidu Fretilin tomak iha Munisipiu Lautem, liu-liu ba estrutura eleitu tenke esforsu hodi serbisu maka liu tan para lori Fretilin ba hetan Vitoria. 

 

“atu lori Fretilin ba hetan Vitoria, importante liu maka ini tenke hametin unidade no kontinua serbisu hamutuk tanba Fretilin hanesan partidu alternativu ne’ebé atu luta ba povu nia moris diak” dehan Reis iha Centru Cultura Lautem (2/8). 

 

Iha fatin hanesan, Koordenador eleitu Aurelio Freitas Ribeiro hateten, atu lori partidu Fretilin atinje ninia objetivu presiza ita hotu nia kontribuisaun, la’os deit ba estrutura eleitu sira, tan ne’e estrutura ida ne’e husu atu ita hotu serbisu hamutuk. 

 

“agradese ba kongresista sira ne’ebe deposita ona ninia votu ba ha’u hodi asumi fila-fali kargu ida ne’e no ha’u komprimitivu sei la husik monu responsabilidade ho fiar ne’ebe imi fo ba ha’u” dehan Aurelio hodi taka ninia liafuan. 

 

 

Seremonia tomada de pose ba estrutura ne’e ofisialmente hala’o husi Presidente da meza konferensia Gil ne’ebé akompaina direita husi membru Komite Central Fretilin no Koordenador eleitu partidu Fretilin nian husi munisipiu 12. (**)

Publika iha Politika



Tempo Timor: Parlamentu Nasional (PN) Tersa-Feira, (7/7) felismente hala’o aprovasaun generalidade ba proposta Lei Numeru 21/terseira hodi halo alterasaun ba Lei numeru 3/2004 ne’ebé ko’alia kona ba partidus politikus.


Iha proposta Lei numeru 21 ne’e hateten, partidu politika ida atu eziste tenke hetan asinatura husi ema rihun rua nulu (20.000), tenke iha mos rekursu finanseiru no tenki hari sede partidu nian iha nasional, munisipiu no postu administrativu.


Mesmu proposta lei ne’e rasik hetan ona aprovasaun generalidade no sei haruka ba iha komisaun A Parlamentu Nasional hodi hala’o diskusaun molok tama ba aprovasaun espesialidade. Maibe, realidade hatudu partidu politiku balun to’o ohin loron seidauk iha sede permanente.


Molok aprova proposta Lei refere, Deputadu Bankada Pertidu Demokratiku (PD), Virgilio Hornai iha ninia intervensaun politiku hateten, nia parte la kestiona rejultadu audensia ne’ebe komisaun hala’o ho entidades sira, maibe depois tama iha espesialidade nia parte sei aprezenta mos proposta balun kona ba rekezitus ne’ebe regorozu, tanba hanoin katak partidu politiku tenke kualidade no labele orienta para atu hetan benefisiu husi eventu politiku ne’ebé sei mai.


Deputadu ne’e mós husu atu tetu halo didiak Lei ne’e ninia pozisaun iha futuru, oinsa maka bele kondis ho eleisaun municipal sira ne’ebe sei mai.


“Agora rekizitus ida fali kona ba instalasaun sede to’o nivel suku, ita mos tenke hare kapasidade partidu politiku ne’ebe eziste. Tanba, partidu politiku ne’ebe maka agora daudauk hetan asentu parlamentar, entermus de kondisaun finanseiru, ha’u hanoin fora husi suvensaun parese sei problema karik, ne’e duni ita tenke realistiku ba situasaun ida ne’e.” Virgilio argumenta.


Nia haktuir, se hanoin katak iha limite de breira ida para sai hanesan rekezitus ida para atu regula konkore politika ne’ebe loloos entaun tenke iha onestidade hodi labele halo Money Politik.


“Ida hanesan providiu ida para ita hotu hare hamutuk se lae hanoin katak ita buka tentativa ida atu halo bareira ida hodi ema seluk labele pasa, maibe ita la here buat sira ne’e.” Virgilio kestiona.


Entertantu Xefe Bankada Partidu Fretilin, Aniceto Guteres hateten, ko’alia kona ba demokrasia iha ligasaun ho partidu politiku tanba ko’alia kona ba partisipasau sidadaun nian iha vida politiku.


Ko’alia kona ba liberdade, ema ida de’it mós bele kria partidu politiku. Maibe, iha liberdade nia laran estadu ho nia poder reguladores tenke regula, hodi nune’e partisipasaun sidadaun iha kualidade ne’e duni estadu intervein hodi hamosu lei sira ne’e.


“La’os atu limita ema nia liberdade, maibe atu regula para hotu-hotu hatene an hodi uza ninia liberdade para liberdade ne’e bele fo benefisiu no vantazen ba ema seluk no ba estadu tomak, ne’e duni estadu iha poder hamosu lei hodi kontrola.” tenik Aniceto


Tuir Xefe Bankada Fretilin katak, alterasaun ba numeru ne’e fantastiku tebes (luar biasa) tan ne’e nia parte husu ba governu tenke hala’o esplikasaun ba publiku no tenke fo razaun fundamentu relasiona ho mudansa numeru ne’ebé sae makas.


“ha’u la kontra mudansa ba numeru ne’ebe iha, maibe tenke halo esplikasaun. Ba ha’u se kaer ba prinsipiu kualidade ne’e maka 20 mil ka 30 mil bele garantia kualidade partisipasaun entaun hau aseita ho ida ne’e maibe tenke fo razaun fundamentu no tenke esplika ba publiku.” Aniceto kestiona.


Iha biban ida ne’e, deputadu Fretilin hamosu perguntas politika ida katak, sei lei ne’e pasa ho 20 mil maka partidu politiku balun iha audensia publika dehan numeru ne’e boot liu no ida ne’e bele hamate partidu kiik sira. Nune’e mós, kuandu parlamentu aprova tiha lei ne’e maka lori ba Presidente Republika promulga, maibe se karik Presidente veta tiha entaun alternativu saida governu atu uza hodi hare kestaun ne’e. (**)

Publika iha Politika



Tempo Semanal - Vise Ministru Obras Publikas ba asuntus Tranportes no Telekomunikasaun Iha VI Governu Konstitusional, Eng. Inasio Moreira informa haktuir katak VI Governu Konstitusional agora daudaun buka resolve problema balun ne’ebe erasan husi V Governu ninian.

“Ha’u los duni iha problemas lubuk ida ne’ebe ita nia V Governu Konstitusional ne’ene hanesan husik hela. Maibe hanesan hatutan servisu Governu ninian entaun ami tenke iha korajen para resolve”, dehan Inasio Moreira.

Nia esplika katak, “Problema ida maka, ro raja empat tiga ninian ne’ebe agora daudauk ne’ene para hela iha ne’eba ho tempu tinan ida ho fulan rua ona. Los duni hafoin de ami ba halo aprezentasaun iha Konsello dos Ministrus no Konsello Ministru deside ona atu haruka ro ne’e fila. Nune’e maka oras ne’e daudauk ami hein hela ninia nain atu resolve. Problema ne’e mosu tan ba entre brokers sobre brokers de’it, ne’ebe brokers sira ne’e sei lori malu hela ba iha Tribunal I sei tesi lia hela iha ne’eba. Maibe ema ninia ro ne’e tenke husi para ema ne’e lori ba ona, para ba halo ema nia operasaun”.

“I alien ida ne’e mos ita nia ro nakroma gracas de deus sei di’ak hela so ke ninia dokumentus maka mate hotu tiha ona I ami preokupa hela. Ne’e maka agora daudauk ne’e iha ona ha;u nia meja dokumentus lubuk ida ne’ebe atu buka I ita nia maun alin sira ne’ebe hakarak mai halo negosiu iha area transporte maritimas hanesan mai oferese sira nia ro ruma atu bele hanesan troka provizoriu ita nia ro nakroma para ba halo manutensaun ne’e”.

“Oras ne’e mos dokumentus sira iha hotu ona ne’ebe ha’u bolu ona diretor jeral korporativus nian atu prosesa dokumentus hirak ne’e. Bainhira dokumentus sira ne’e prosesa hotu ona maka ro ida ne’ebe atu troka ne’ene mai ona entaun ita nia ro nakroma ne’e ba kedan halo manutensaun. I ha’u ba ona halo inspeksaun ida, ha’u ba ko’alia ho nakoda sira ne’e, sira dehan kondisaun sei di’ak hela so ke dokumentus maka problema. Mas ita labele husik maibe ita tenke asilera halo oin nusa maka bele trata no resolve problema sira ne’ebe nakroma infrenta no mos ninia manutensaun”.

“Alein ida ne’e mos iha fali seluk ne’ebe ita hotu hatene katak GIZ iha kooperasaun ida ne’ebe mos ita hetan grant ida dezde 2009 maibe to’o ohin loron la prosesa. Hafoin ha’u hasoru malu ho sira iha semana ruma kotuk ha’u hanoin atu bele loke fila fali akordu ne’e hodi bele hetan fali grant ne’e atu bele halo fali ro seluk husi ita nia parte”.

Tuyir Inasio mos VI Governu Konstitusional koko atu hare hikas draft kontratu ne'ebe prepara ona husi parte ministeiru Financas iha V Governu ninian ne'ebe hamosu preokupasaun balun.

“Los duni oras ne’e dadauk mos sira husi Ministeiru Finansas hamutuk ho IFC prepara hela dokumentus hotu-hotu para atu hahu implementa ona konstrusaun portu Tibar ninian. Maibe ho modelu ida be parseria publiku privadu (PPP) ne’ebe oras ne’e la’o hela. So ke ha’u adianta de’it informasaun katak hafoin ha’u mai tama tiha exekutivu depois de ami reuni tiha ho IFC dala tolu no ami halo analize klean ba dokumentus hotu-hotu ne’ebe sira trata hela ne’e iha bu’at balun ne’ebe tenke deskute klean liu tan par abele deside ba iha jestaun portu Tibar ninian iha futuru se karik ita adopta ho bu’at ida PPP ne’e”.

“Seluk tan fali maka iha konteudu kontratu ne’e mos hateten iha ne’eba dehan eskluxividade no eskluxividade ne’e hateten dehan se karik portu ne’e pronto ona maka portu iha Suai ka portu iha fatin seluk ne’ene labele halo atividades ba deskaregamentu konteintores sira no tenke konsentra hotu iha Tibar. Se karik atu halo deskaregamentu iha Suai karik presiza tenke iha fali kompensasaun katak tinan ida ho total osan 1.5 miloens, se karik 5 anus ne’e X, depois trinta anus ne’e X, ne’ebe tabela ne’e ami sei estuda hela para atu deskute didi’ak oin sa maka ita bele deside. Ida ne’e maka hanesan servisu hirak ne’ebe oras ne’e daudauk halo hela atu nune’e ita be;e asilera para depois servisu hotu-hotu ne’ene bele la’o ho di’ak”.

“I iha parte seluk husi servisu portuarius ninian los duni governu uluk halo tiha ona agraiport ida hanesan espesi de armajen ba konteintores sira ne’ebe halo pronto tiha ona iha Tasi Tolu nune’e duni iha fulan ida ona maka ami fo orientasoeins atu servisu hamutuk ho alfandega hodi bele monta lalais sistema no kuandu iha ne’eba los hotu ona, ami hanoin atu halo deskaregamentu konteintores sira ne’e ita halo 24 oras nia laran. Nune’e konteintores sira ne’e sei lori hotu ba tau hotu iha ne’eba I depois maka importadores sira ne’e bele ba foti sira nia sasan iha ne’eba tuir sistema ne’ebe iha, para depois labele halo enkarafamentu. Tan ba ne’e sistema ne’e agora daudaun monta hela atu nune’e ita halo lalais desizaun para atu halo ona servisu iha ne’eba kona ba servisu portuarius ninian durante 24 oras de tempu”.

Iha fatin hanesan Vise Ministru ne'e relata katak V Governu Konstitusional tau ona osan hodi sosa ro husi Portugal maibe to'o agora seidauk ezekuta.

“Projetus seluk maka presiza tenke fo atensaun mos hanesan ita hotu-hotu hatene katak Governu ida uluk mos tau tiha osan ona atu halo ro ida iha Portugal ne’ebe oras ne’e daudauk halo hela preparasaun ba kontratu tan ba kontratu ida ne’ebe uluk tinan kotuk asina tiha ona ne’e hanesan presiza halo fali addendum tan ba liu tiha ona ninia prazu. Nune’e maka agora ami prepara hela para husu on aba kompania ida iha Portugal ne’eba halo lalais ita nia ro ne’e atu tinan oin bele mai ona reforsa tan ita nia ro nakroma. Ne’e hanesan projeitu bo’ot ida ne’ebe ro hamutuk ho ekipamentus hotu ho valor osan montante por volta de hamutuk US$ 13,300,000.00. Ro ne’e ninia bo’ot liu uitoan no ninia modelu ne’ene di’ak liu Nakroma”.

“Servisu seluk no entantu la’o bainbain hela tan baa mi hein katak servisu hotu-hotu iha parte Transporte Telekomunikasoeins ho apoiu husi diretores hotu-hotu hamutuk ho diretor jeral no mos ba fungsionarius hotu-hotu iha Transporte no Telekomunikasoeins ninian ne’e ami bele halo servisu di’ak liu tan”.

Publika iha Nasional

 

 

Martinho G. da Silva Gusmão

 

Lulik karik se ita husu: Maun Bo’ot Kay Rala Xanana Gusmão ne’e líder carismático tebes ka lae mak ne’e? Artigo ida ne’e koko atu hatan! Etimologicamente, “carismático” mai husi “kharisma” (grego) hatun husi “kharizomai” (verbo) katak halo ka fo ksolok ba ema; no “kharis”: buat hirak nebe halo haksolok. Iha teologia cristã, liafuan “carisma” ne’e hatudu ba kmanek, kbiit, murak no beran nebe ema balun simu husi Espirito Santo hodi bele haklaken libertação no salvação nian (Rm 1, 11; 15, 15-16; 6, 23; 2Cor 1, 11). Bele mos dehan, carisma ne’e Maromak rasik mak haraik ba sarani balun hodi bele hari’i comunidade, Corpo Místico de Cristo liu husi caridade no justiça (Rm 12, 6; 1Cor 1, 7; 12, 4-31; 2Tim 1, 6; Rm 12, 6-8). Tama iha sociologia no política so wainhira Max Weber (1864-1920) hakerek “The Theory of Social and Economic Organization”. Ne’e duni, hahu husi Weber mak ema ko’alia konaba líder carismático. Tuir nia, kbi’it atu ukun bele sukat tuir (a) “legal authority” nebe ema ida hetan liu processo legal ida no hamutuk ho birokrasia sira (hanesan partido político no eleição democrático ida); tuir mai (b) “traditional authority” nebe ema ida hetan tuir ran no klan, husi aman ba oan mane boot, tuir lisan bein-alak sira; no ikus liu (c) “charismatic authority” nebe hetan husi “knar lulik” ida. Nune’e, nia hakerek, “The term ‘charisma’ will be applied to a certain quality of an individual personality by virtue of which he is considered extraordinary and treated as endowed with supernatural, superhuman, or at least specifically exceptional powers or qualities” (cfr., Craig Calhoun [ed], Classical Sociological Theory, 2002: 219). 

 

Keta haluha, Max Weber hanaran-an nu’udar “religöse unmusikalisch” (Jürgen Habermas hanaran “methodology atheism”), katak, la hanoin no la hakarak atu halao moris religiosa ida. Maske nune’e, ho conceito konaba “líder carismático”, nia hatudu katak ita ema ne’e biar la fiar karik Maromak ba mos, iha tempo todan no susar laran fiar netik meik no kroat, fiar netik ema ruma nu’udar “magical power”, “therapeutic wisdom”, “leaders in the hunt”, ka “heroes in war” (iha artigo ida ne’e liafuan sira hotu iha Inglês hau foti husi Weber). Lider carismático ne’e hanesan “maromak (swasta)” ida hodi político sira hatudu netik devoção no adoração. Maibe, Weber dehan ona katak iha democracia nia laran, líder carismático bele lori babeur ba nação, bele mos lori buat kmanek ba povo nia moris. Ho liafuan badak, líder carismático mak dala barak halo democracia sai labirinto ida.

 

Mistificação ba Politica; Sacralização ba Poder

 

Baibain, iha luta nia laran ema bolu Maun Bo’ot Jose Alexandre Kay Rala Xanana Gusmão, Comandante em Chefe das FALINTIL, Presidente da Luta pela Libertação Nacional, Presidente do Conselho Nacional da Resistencia Timorense (CNRT), kaer meik no kroat oi-oin. Ho titulo naruk hanesan ne’e, Weber dehan katak ema sira koko atu hatudu “hero worship” ka “absolute trust in the leader”. XG ne’e kala ema baibain ida. Sira nebe luta iha ai-laran no vila laran, iha tempo terus no susar nia laran mak koko atu haki’ak imagem no figura ruma hodi bele hahi no hanai, hawelok nia naran; sira halo ema ne’e la’os de’it símbolo, maibe mos referencia ba moris; nia liafuan sai ona hanesan “science of life”. Tan ne’e mak ita rona bebeik guerrilheiro/ FALINTIL sira dehan “Maun Bo’ot tun ami tun, Maun Bo’ot sa’e ami sa’e”. 

 

Ita hare, luta 1975, mosu líder sira hanesan Francisco Xavier do Amaral, Nicolau Lobato, Vicente Reis Sahe,  Mau Lear, Mari Alkatiri, Ramos Horta no seluk tan. Militante no simpatizante FRETILIN koko atu haki’ak imagem sira ne’e nu’udar herói. Maibe, to’o 1983, ema hirak ne’e lakon husi circulação da luta. Hahu husi Nicolau Lobato mate iha 1978; Sahe, Mau Lear, Cesar Mau Laka no seluk tan. Xavier do Amaral ninia conceito konaba luta ba libertação hetan reação maka’as husi FRETILIN nebe kaer nia hodi tortoru no hadadur Avo atu mate sala-sala (maski ita hotu deve favor ba Avo Xavier, la’os de’it tan nia “proclamador”, maibe ninia intuição konaba luta mak fo tulun ba “geração foun” atu reformula no reorganiza luta!). Maibe, ema fiar fali Nicolau Lobato nia mérito mak fo inspiração ba Xanana; la’os Avo Xavier nia intuição. Ema koko atu halo história mística oan ida, katak, wainhira halo tiha doutrinação política iha Soibada, Nicolau Lobato hakbesik ba Xanana, tau liman ba nia kba’as leten, hodi dehan “nia mak sei lori funu to’o hotu iha vila!” Ne’e duni, wainhira Nicolau Lobato mate, XG mosu hanesan “originally ... a miracle”; “the basis of the claim to legitimacy”.

 

Los duni, lori Xanana nia naran de’it no CNRT, iha referendum 1999, Timor oan tomak fo voto real liu 85% ba independência. Iha eleição presidencial 2002, XG manan voto maioria absoluta hasoru Avo Xavier. Maski FRETILIN la simu XG atu sai Presidente da Republica, maibe povo hili nafatin nia (FRETILIN manan ‘single majority’ iha Assembleia Constituinte, 2002). Tuir Weber hateten karik, “psichologically this recognition is a matter of complete personal devotion ...”! Ema hotu quase fiar katak lori XG mesak nia virtude mak ita manan funu (la’os fali manan referendo/ consulta popular 1999! Ka, la’os tan Soeharto monu no B.J. Habibie hola decisão atu halo referendo).

 

Líder sira hanesan Papa João Paulo II (1920-2005) Dom Martinho da Costa Lopes (1918-1991) no Dom Carlos F.X. Belo SDB mos líder carismático ka lae? Weber dehan katak, líder carismático ida bele “appears deserted by his god or his magical or his heroic powers” nu’udar “divine right of kings” (knar lulik nu’udar liurai). Iha 12 de Outubro de 1989, Papa S. João Paulo II mai hare rasik Timor Timur. Maibe, grupo pro independência sira “rejeita total” ninia presença (Eng. Mario Carrascalão no Bispo Belo mak ‘ulun moruk’ ba lobby iha Jakarta atu autoriza Papa mai Timor Timur). Papa mai tebes duni! João Paulo II nakfilak no doku-fila Timor nia destino. La lori fulan ka tinan. Loron sorin baluk de’it. Nia halo missa ho lian tetun (la’os ho bahasa Indonesia ka Portugues). Nia re’in cruz tau iha rai Taci-tolu (Indonesia nia protocolo oficial husu atu Papa rein rai iha Jakarta de’it). Ninia acto simbólico ida ne’e hatudu buat ida de’it – Timor Leste la’os Indonesia, maibe “independente” iha cultura no religião. Dom Martinho mos hatudu consistência ba destino Timor Leste nian: nia halo buat hotu atu hametin unidade nacional no husu líder resistência sira atu fo fuan no laran ba malu. Dom Carlos mos “proclama” katak Igreja Catolica ne’e “voice of voiceless people of East Timor” (liafuan Nobel da Paz 1996). 

 

Tan sa mak Avo Xavier, Dom Martinho da Costa Lopes no Papa João Paulo II ho Dom Carlos F.X. Belo SDB nia naran la morin hanesan Nicolau Lobato no XG? Dala ida tan, estudos sociológico konaba religião hahu kedas husi Max Weber hatudu katak “Religião” no “Estado” iha nafatin tendência atu halo “expansão” ba sira nia “poder”. Religião no Estado tau interesse atu oinsa mak “uso do poder”, maibe sira mos monu bebeik ba “abuso do poder”. Ho liafuan “uso” no “ab-uso”, Estado ho Igreja moris bebeik iha tensão nia laran! Nune’e, la’os buat foun ida iha mundo wainhira Estado koko atu hamihis tiha Igreja Catolica. Tan Kreda Catolica mak moris ho hierarquia nebe metin no forte! História hatudu bebeik ona iha tinan 500 nia laran, katak, Igreja Catolica sai bebeik “anti-tese” ba “Estado” (colonial). Nune’e mos iha ocupação Indonesia nia tempo, Igreja sai nafatin “oposisi lokal dalam politik tandingan”. Pelo menos, iha 2005 FRETILIN (Mari Alkatiri: “Bispo Belo ne’e Vaticano mak hili, ha’u povo mak hili, iha ne’e ha’u mak manda!”) no XG koko atu hateke matan-sorin de’it ba protesta Igreja nian. Atu halakon liu tan “carisma Igreja Catolica” nian mak MA, XG, Lu-Olo no Vicente Guterres consagra estatua Guru Sri Chinmoy nu’udar “representante líder espiritual Timor Leste”. Sira tau Estatua iha PN nia oin. La’os Dom Martinho, la’os Papa João Paulo II.

 

Oinsa ho Presidente Francisco Xavier do Amaral? Ita hotu rame-rame fo naran estimado ida, “Avo Xavier”. Liafuan “Avo”, nia la’os ona “Maun Bo’ot”. Nia fenomena ketak ida! Nu’udar “proclamador” nia la hetan estima nu’udar líder carismático. Nia sai “Avo” de’it ba Timor oan sira. Tuir Weber nia liafuan karik, ida ne’e hanesan política pragmática ida nebe “Maun Bo’ot” sira halo liu husi Zweckrationalitaet (racionalidade instrumental). Titulo “Avo” hanesan instrumento ida atu halakon ka hamihis Xavier do Amaral. Liu-liu halakon tiha “traço” bo’ot ida – katak, “avo” nia intuição ne’e mak halo XG bele modifica metodologia da luta. Nune’e mos Dom Martinho ninia coragem no determinação mak bele ajuda XG hodi ba oin. Infelizmente, Dom Martinho no Avo Xavier hakoi malirin de’it.

 

“Maun Bo’ot”: Comunidade Carismatico

 

Wainhira halo ninia alocução, Presidente TMR hatudu nafatin “Maun Bo’ot” XG ninia virtude no mérito hodi halo transição do poder ba “Maun Bo’ot” RMA. TMR simu decisão ida ne’e, maski hare katak sei iha Maun Bo’ot Lu-Olo, Lasama, Lere Anan Timor, no seluk tan. Husi ne’e ita hare ona oinsa mak liderança política hametin “comunidade carismático” ida. Hodi liafuan “Maun Bo’ot”, Weber hateten katak sira hakesi malu ho “an emotional form of communal relationship”. 

 

Weber hatudu katak iha comunidade “Maun Bo’ot” sira nia let, la’os lei no regulamento mak manda. Sasukat ba “administrative staff of a charismatic leader” mak hanaran “Vertrauensmänner”, katak discípulos, guarda costa ka agente sira nebe koko atu hamoris no hamorin nafatin “Maun Bo’ot”. Sira lakohi atu Xanana lakon. Tan ne’e mosu liafuan FRETILIN-Xananismo. Ho “ismo” foun ida ne’e, sira koko atu hari’i “social privilege” iha Timor Leste. Comunidade FRETILIN-Xananaismo kaer ukun nu’udar “officials” ka kaer projecto bo’ot sira la’os tan “technically trained”; la’os saída mak ema ida hatene no bele halo (technical know how), maibe oinsa mak ema ida hametin nia fiar ba nia na’in (social know how). FRETILIN mak hatudu ida ne’e maka’as liu. Iha Lei no. 3/ 2014 konaba ZEESM, artigo 17o dehan katak se se de’it mak atu sai “membro da Autoridade” sei “nomeado” husi “Conselho de Ministros” liu husi resolução Governo nian; maibe “sob proposta do Presidente da Autoridade”. Pergunta: “Presidente da Autoridade” ne’e mai husi nebe? Lei la hateten buat ida. Tan ZEESM ne’e hanesan “projecto piloto” de’it, nune’e ninia Presidente mai husi “comunidade Maun Bo’ot” sira. Aliás, XG mak fo ba MA. Depois, XG mak formula tiha VI Governo hodi fo ba RMA. XG rasik tur nu’udar Ministro ida.

 

Weber hakerek ona katak iha líder carismático ida nia matan, “There is no hierarchy; the leader merely intervenes in general or in individual cases when he considers the members of his staff lacking in charismatic qualification for a given task”. Iha líder carismático ida nia oin, la iha “hierarquia”. Líder hanesan ne’e tau liman fuan no tau kanuru tohar iha fatin hotu, iha tempo hotu no ho gosto hotu.

 

Partido CNRT nebe XG hari’i iha 2007 atu tuir eleição sai oi-tuan mos hanesan “comunidade carismático”. Membro balun mai husi partido seluk, maibe tan de’it “Maun Bo’ot” mak husu, nune’e sira tama CNRT. Husi sikun ida ne’e, ita bele ona hare oinsa mak XG halo “designação” ba RMA atu sai premier foun tan nia hare katak CNRT nia membro sira “lacking in charismatic qualification”. Maski nia sei iha CNRT, PD no FM nu’udar parte husi “coligação” maibe XG hanoin katak ninia “bloco” ne’e la iha ida mak carismatico. Oinsa mak FRETILIN bele aceita nia ema ida atu kaer pasta prestigio ne’e no BGK hakruk de’it hodi dehan “fiat voluntas tua”? Tuir ha’u nia hanoin, XG fo projecto fantastico ZEESM ba MA no posição lubuk ida ba FRETILIN nia ema sira nu’udar “relative costs of successful coercion” (R. Dahl, Political Oppositions in Western Democracy, 1966: xiii-xv). 

 

Fitun Bo’ot tun dadaun

 

Maibe “relative costs” ne’e todan. Weber hakerek, “... if his leadership fails to benefit his followers, it is likely that his charismatic authority will disappear”. Beneficio nebe XG fo ba ema barak no grupo oi-oin la’os sasukat ona atu ema hakruk ba ninia carisma.  

 

Benefico ne’e la’os de’it material. Halo nusa ba mos, XG fo beneficio material barak ona. Beneficio hirak ne’e hatudur husi programa “Socialismo (Democrata Cristã)” sira hanesan subsidio ba ferik-katuas (terceira idade) no alejado sira; pensão ba veterano/ eis combatente sira (aumenta tan projecto especial oi-oin, halo sira sai tiha “meterano”); pensão vitalícia ba eis titular (sei aumenta mos projecto bo-boot oi-oin hanesan Oleo Pesado no ZEESM); Igreja Catolica mos hetan subvenção (no projecto construção barak; maski na’i-ulun político balun dulas ibun ba Igreja, hanesan “deve favor”); nune’e ba Igreja Protestante no Islam (atu fo tan “dana naik haji” ba Mari Alkatiri no Arief Abdullah Sagran ho família sira; husu atu XG halo carta especial ba Rei Abdullah hodi simu especial MA ho familia). Ministro, Deputado no Aparatus Estado no liu-liu Veterano sira halo corrupção no halo projecto la iha qualidade, Maun Bo’ot mak se an atu hetan pancada. Empresário sira nebe han osan projecto falso barak, maibe XG lakohi atu Tribunal futu ema sira ne’e lori ba dadur. Ho liafuan badak, benéficio material nebe XG halo ba ema/ grupo lubuk ida, barak duni ona. To’o de mais ona!

 

Tuir Weber karik, ema sira hahi no hana’i XG nu’udar líder carismático, tan “economic exploitation of the gift of grace as a source of income”. Ba comunidade carismático, XG ne’e tenki tane metin nafatin tan bele sai hanesan instrumento ba “economic exploitation”. XG ne’e hanesan karan ida husi rahum kmanek “maromak-swasta” oan ida. Tan “swasta” ne’e mak bele sai hanesan fatin atu hetan “income”. Halo nusa ba mos, tuir nafatin Weber, “... the elective ruler or the charismatic party leader requires material means of power”. Katak, atu líder nebe hili tuir regra democrática fali, ka, líder carismático fali mos, sira tabele nafatin ba “material means” (= meik no kroat?) atu hametin sira nia poder. Infelizmente, XG halo “política osan” nu’udar meik no kroat foun iha nia liman laran. Ho Weber nia liafuan karik “FRETILIN-Xananaismo” ne’e hanesan “economizing” de’it partido CNRT no FRETILIN, PD no FM (hanesan mos partido bara-barak), ikus mai “contínuous economic activity devoted to this end ...”!

 

Iha beneficio nebe kmanek liu no murak liu mak espiritual no moral. Ne’e la significa katak XG loro-loron ba missa, reza, confessa no comunga iha domingo ho loron boot. Lalika ida. Tinan barak liu ba, hau gosta tebes le Maun Bo’ot Xanana Gusmão nia poema sira iha “Mar Meu” (2002) nia laran. Hau husu konaba poesia ne’e, Maun Bo’ot hatan ba ha’u: “Amo, ne’e segredo da alma”. Carisma XG nian la’os ona poesia no pintura. XG nia liderança hela de’it ona tasi-wen, rai-henek no laloran nebe halo tauk de’it. Estado ne’e frágil tan hari’i iha rai-henek leten, wainhira anin, laloran tasi-wen baku mai, nia sei mout! XG la fo ona “mehi”, maibe “mata-wen”; la fo ona “coragem” maibe “desesperado”. XG nia carisma la lori ona beneficio espiritual no moral.

 

Povo hatudu ninia resposta. Sinal katak XG ninia carisma hahu mihis bele hare liu husi eleições. Iha 1999 (referendo) no 2002 (eleição presidencial) XG nia carisma ne’e insuperável. Maibe, iha 2007, XG hari’i partido CNRT. Nia manan 18% de’it husi votos validos. FRETILIN manan ho 29% resin. FRETILIN no CNRT labele ukun mesak. Sira mos labele halo coligação. Hodi PD, PSD no ASDT nia tulun mak XG bele sai primeiro ministro. Tuir mai, iha 2012, CNRT manan ho 30% iha eleição. Dala ida tan, PD no FM mak tulun XG atu sai PM. Husi eleição 2 ne’e ita bele hare ona katak XG sei iha nafatin poder maski “minoria” ka “maioria insuficiente” ida. Ne’e hatudu katak povo halo demistificação ba “Maun Bo’ot” nia politica, no desacralização ba XG nia poder.

 

Ha’u hanoin, povo “Maubere” la hakarak halo revolução fisica. Maibe, sira hatudu momos kedas revolta metafísica. Katak sira la lori violência ka meik no kroat oi-oin atu hada’u Maun Boot sira nia ukun. Povo nebe ukun-na’in sira bolu “Maubere/ Buibere” hakarak buka fali ema seluk; ema nebe bele hatudu an nu’udar “um ser consciente e portador de um valor crucial, a solidariedade, é alguém que, em função desse valor, profere um eloqüente não ao mesmo tempo em que expressa um efetivo sim: um não a todas as situações desumanas e um sim à possibilidade de uma ordem humana mais justa” (Lima Piva, Ateismo e Revolta, 2006: 31).

 

Tan povo lakon tiha ona XG nu’udar sira nia “Maun Bo’ot”, nu’udar mata-dalan ba moris di’ak iha damen no justiça nia laran. Tuir Weber, XG lakon tiha ona ninia “pure form of charismatic authority”. Iha Biblia, líder carismático ne’e hatudu espiritualidade no moralidade “profetismo” no “messianismo”. Nune’e Biblia dehan, “Já te foi revelado, ó homem, o que é bom, o que o Senhor requerer de ti: nada mais do que praticares a justiça, amares a lealdade e andares humildemente diante do teu Deus” (Miqueias 6, 8). Halo nusa ba mos, líder carismático sukat ho “justiça”, “lealdade” (kesetiaan; fiar nafatin ba belun sira) no “humildade” (haraik-an).

 

Demistificação ba Politica, Desacralização ba Poder

 

Atu líder carismático ida bele moris nafatin (ukun nafatin), Weber dehan nia hili de’it dalan rua – “traditionalization” ka “rationalization”; ka kahur rua ne’e hotu. Weber rasik hanoin katak, democracia bele moris tuir “tradição” ida. Naran katak labele liu husi “tradicionalismo” nebe hanoin katak líder carismático de’it mak bele ukun to’o rohan laek. Iha democracia la iha dinasti política. Democracia tuir Weber hanorin iha ninia Wertrationalitaet (racionalidade dos valores). Valores ida ne’e bele moris, wainhira politica loke nafatin espaço ba moral, no Estado hametin “cooperação” ho religião. Debate entre teologo boot Cardeal Ratzinger no filosofo bo’ot J. Habermas konaba The Dialectic of Secularization: On the Reason and Religion (2006) bele fo naroman oituan ba ita.

 

Uluk nana’in (1), Habermas rasik dehan katak democracia labele taka dalan atu religião hatur hikas plano moral. Politica labele sai “religião” foun; lider politico la’os “santo”; la iha lider carismatico. Maibe, religião mos labele impõe  ninia doutrina konaba liberdade da consciencia. Iha buat barak mak lakon husi moris comunidade nian. Ema labele hamoris hikas buat hirak ne’e liu husi ciencia no tecnologia. So liu husi “demistificação politica” mak ema bele hetan hikas valores morais hodi hametin democracia. 

 

Tuir mai (2), Ratzinger dehan maski religião bele fo liman ba Estado; moral bele fo roman ba politica, maibe la’os teocracia. Nia hanoin katak iha democracia nia laran tenki iha “desacralização” ba poder husi lider sira. La iha lider carismatico (la iha Der Führer hanesan Hitler), wainhira nia foti-an aas liu regra democracia nian (lei no direito). Tan, Maromak de’it mak “omnipotente”. Wainhira lider politico ida mak hanoin katak nia beran boot liu hotu, nia sei foti-an nu’udar “mecanismo do control” ba poder, inclui sasukat ba moral. Religião husu hikas nia fatin nu’udar oposição ba politica nebe descontrolado.

 

Ikus liu (3) wainhira ita fiar demais ba lider carismatico, sei mosu saida mak Ratzinger dehan nu’udar “a dictatorship of relativism”. Tuir ha’u nia opinião, XG no MA ne’e ditadura sira relativismo nian. Ba Maun Boot sira ne’e, saida mak sira hakarak/ gosta ne’e mak di’ak no lia-los. Ida ne’e mak sasukat ba Estado de direito democratico! Ba XG no MA, saida mak sira la gosta ne’e la di’ak no sala hotu; ne’e la’os regra da democracia. Hanesan dehan ona “quod principi placuit, legis habet vigorem” (= saída mak fo gosto [prazer] ba líder sira, ida ne’e mak vigora nu’udar lei). Maski ema barak la gosta, maibe ukun-na’in sira koko atu impõe, ka, hanehan tama sira nia hanoin no hakarak ba ema nia kakutak laran. Tuir Weber nia hanoin, to’o ponto ida ne’e “... conspicuously evident with the disappearance of the personal charismatic leader and with the problema of succession”. Ne’e duni, ha’u hare katak RMA la’os solução ka resposta nebe XG no MA foti, maibe “problem of succession”. Ita sei hare tuir mai ...

 
Publika iha Opiniaun

 

 

Dili, Tempo Semanal - Iha Loron Sexta Feira (13/02) mosu kareta ida nakonu ho surat tahan atu sai husi servisu fatin Ministeiru Transporte no Komunikasaun (MTK) maibe fungsionraius sira balun hakilar hodi halo alarme nune’e iha momentu balun de’it vise Ministru foun ba VI Governu to’o iha fatin hodi husu atu dokumentus sira ne’e lori tama fali fali edifisiu laran.

 

“Kuandu ha’u to’o iha ne’eba estaf lubuk ida maka siak hela dehan labele lori sai dokumentus sira ne’e. Ha’u to’o ho to’o, ha’u haruka para depois dehan ba sira hatama fali hotu. Ha’u hanesan deskonfia de’it katak bu’at balun ke ladi’ak”, dehan Inasio Moreira.

 

Vise Ministru ne’e haktuir katak ninia parte simu telefone husi vise Ministru sesante ne’ebe dehan ema balun atu lori sai dokumentus balun husi  Ministeoru Transporte no telekomunikasaun.

 

“Staf lubuk ida maka siak I sira dehan sasan sira ne’e  labele lori sai I sira dekute malu no hanesan obriga malu de’it. Mas Ha’u to’o iha ne’eba, ha’u sirak dehan labele lori sai ne’e maka sira hatama fali. I vise Ministru Flavio mos antes ha’u atu tama nia telefone ha’u dehan favor ida vise Ministru ba lalais hodi hare situasaun ne’e. Dokumentus sira ne’e dehan senor Ministru maka haruka atu lori sai.

 

Tuir observasaun dokumentus sira ne’e balun livru projeitus, CVP no dokumentus sira seluk maka deskonfia ema balun koko atu lori sai husi eskritroriu Ministeiru Transporte no Telekomunikasaun.

 

“Tan ba atu lori sai dokumentus sira entaun ha’u mos to’o I haruka dehan la iha sasan ida ne’ebe iha ne’e lori sai. Ohin (13/02) ha’u fo ordem ba hatama hotu iha sala ida iha ne’eba (gabinete Ministeiru Transporte Telekomunikasaun) depois haruka save metin. Husik rai iha ne’eba, husik to’o ha’u tama depois maka haruka ekipa id aba verifika lai dokumentus sira ne’e, depois maka ha’u halo desizaun para atu lori ba iha ne’ebe de’it. Dokumentus sira ne’e nakonu iha kareta isin ida”, dehan Vise Ministru nomeiadu, Inasio Moreia.

 

Tuir Vise Ministru ne’e alega katak eis membru Governu IV no V Governu ne’ebe foin lalais ne’e rezigna a’an ne’e maka fo ordem atu lori sai dokumentus sira ne’e.

 

“Sira dehan Ministru maka fo ordem depois ha’u husu tan sira dehan asesora ho sekretaris Ministru ninian maka fo ordem”, Vise Ministru ne’ebe sei simu pose iha loron 16/02/2015 loro kraik.

 

Wainhira mosu problemas ne’e Ministru Sesante Pedro Lay la iha fatin nune’e duni Tempo Semanal la konsege hetan konfirmasaun ba notisia ne'e.

 

Publika iha Nasional

Dili, Tempo Semanal - Tempo Semanal rasik no publiku barak maka la fiar katak PM sesante Kay Rala Xanana Gusmao sei propoin DR. Rui Araujo ba asume fali kargu ne'ebe Maun Bo'ot Xanana husik hela tan ba fiar katak lider karismatiku ne'e sempre iha ninia metodolojia hodi selesiona ema ruma atu ba sai lideransa iha prosesu ida ninia laran.

 

Ami ho haraik a’an ba MAUN BO”OT katak la’os  opniaun Poll ne’ebe Tempo Semanal halo ne’e maka influensia MAUN BO”OT ninia desizaun maibe ami hakarak publika hikas opiniaun poll ne’e tan ba hakarak atu agradese de’it ba Partisipasaun Publiku ninian iha polling ne’e Tempo Semanal konduz.

Publika iha Opiniaun

 

 

Dili, Tempo Semanal - Presidenti Partidu FRETILIN, DR. Francisco Guterres Lu-Olo dehan atu resolve situasaun agora la presiza liu husi dalan elisaun atinsipada.

 

“Ha’u hanoin la presiza ba to’o iha ne’eba ida. Ba to’o iha ne’eba atu halo saida?, Ne’e ita gasta osan de’it I depois ita halimar ho povu. Di’ak liu maka ida ne’e, hetan solusaun, politiku sira la’os hatene de’it atu hakuak kadeira maibe tenke hatene hetan solusaun ba ninia problema”, sujere Presidenti Francisco Guterres hafoin hasoru malu ho Presidenti da Republika iha Palasiu Presidensial.

 

FRETILIN dala ida tan manifesta ninian vontade hodi aijuda atu hetan solusaun ba iha situasaun polittika ida ne’ebe ke mosu iha ami nia rain. Tan ba ida ne’e maka ami mai iha ne’e tuir pedidu ne’ebe simu husi Sua Excelensia Presidenti da Republika.

 

Prezidenti Lu-Olo esplika katak ninia Partidu la iha ambisaun atu halai kurida kontra lala’ok Konstituisaun da Republika ninian hodi hada’u poder husi CNRT.

 

“Ha’u dehan katak bloku koligasaun monu tiha ona, se maka atu hili fila fali ne’e maka CNRT (nu’udar) partidu mais votadu, ami respeitu. Portantu ne’e povu nia desizaun, povu nia desizaun maioria fob a CNRT (nune’e) CNRT maka agora deside”,  nia akrezenta 

 

“Ami mai hasoru malu ho Sua Excelensia Presidenti da Republika atu bele hato’o mos ami nia preokupasaun no ami nia hanoin liu-liu ho mos vontade atu hetan solusaun problemas politikas ne’ebe agora daudaun atraveza iha ita nia oin. Ne’ebe ami mai primeiru la’o di’ak hela”, Lu Olo relata.

 

Hatan kona ba proposta nomeisaun husi Primeiru Ministru sesante Kay Rala Xanana Gusmao ne’ebe prefere DR. Rui Maria de Araujo atu troka ninia fatin Prezidenti Partidu FRETILIN ne’e dehan, “Primeiru Ministru mundur ona, bloku la iha ona. CNRT maka agora iha poder para atu deside”, dehan Presidenti Partidu FRETILIN ne’e.

 

Lu-Olo esplika, “Kandidatura ne’e husi DR. Rui Araujo, ne’e sua excelensia Senor do presidenti do CNRT Kay Rala Xanana Gusmao mak iha altura ne’eba hili, maibe ha’;u bele dehan katak ne’e nia maka hili, i to’o ate agora FRETILIN seida’uk hili ninia kandidatu ida. Ate porke FRETILIN la hanoin atu hili ninia kandidatu ida. Se maka hili ninia kandidatu maka partidu ida ke mais votadu, CNRT momentu ida agora, sira maka tenke hili sira nia kanditau. Nune’e ha’u hakarak dehan katak sira  CNRT maka tenke hili porke bloku Koligasaun monu tiha ona ho sua excelensia senhor Primeiru Ministru, Kay Rala Xanana Gusmao ninia demisaun ne’ebe  Senor Presidenti da Republika simu tiha ona”.

 

“Ami simplestmente ami hateten de’it ami iha boa vontade para atu bele aijuda hetan solusaun ba problema sira ne’e hotu. Maibe la’os ami maka tenke deside dehan katak ami maka atu ba halo koligasaun ho CNRT ka, ho PD ka, ho Frente Mudansa. La’os FRETILIN maka deside”, .

 

Ko’alia kona isu ne’ebe cirkula dehan iha Sabadu kotuk mosu ona lista membru do Governu foun ho total numeru liu nain ha’at nolu resin, Lu Olo dehan ne’e deluidu.

 

“Tuir pontu de vista FRETILIN  kuandu (membru) trinta mos barak liu ona. Ha’u hanoin entre vinte to’o vinte sinku naton ona”, esplika DR. Francisco Guterres Lu-Olo.

 

Partidu FRETILIN iha hanesan segundu mais votadu iha Parlamentu Nasional ho total membru deputadus nain rua nolu resin lima husi total membru Parlamentu Nasional hamutuk neen nolu resin 

Publika iha Politika
Page 1 of 6
Joomla SEF URLs by Artio

Copyright © 2015 Agora Tempo Intermedia Ltd. All Rights Reserved.
Online since February 01, 2013
Creative Commons License
This work by Tempo Semanal is licensed under a Creative Commons Attribution-NonCommercial-ShareAlike 4.0 International License.

Top Desktop version