Tempo Timor Online

 

Baguia, Tempo Semanal - Problema dalan no eletrisidade la’os problemas foun iha nasaun Republika Demokratika de Timor-Leste mezmu iha Ukun Rasik A’an ida ne’e ninia laran Governu salin ona milaun rihun ba rihun maka ezekuta liu husi projeitu emerjensia maibe komunidade sira sei halerik iha area rural kona ba kondisaun dalan no kuran ahi oan.

Lee kontinua... 0

Baucau, Tempo Semanal – Dala barak tebes komunidade sira halerik be’e moos nune’e duni Cruz Vermelha Timor Leste (CVTL) ho orsamentu naton maibe hamenus ona komunidade ninia sofrementus no halerika ba kuran bee moos.

 

Daudaun xefe familia uma kain 237 husi Suco Atelari, sub-distrito Laga, distrito Baucau asesu ona bee moos, ne’ebe fasilita husi Cruz Vermelha Timor Leste.

 

“Hau bele fo relatorio oituan konaba projetu bee moos ho saniamento iha suco Atelari, ninia orsamento lolos gasto ba dada be’e mos ne’e ninia orsamento lolos hamutuk $.57,279.00,- maibe husi total orsamento ne’e apoia husi doadores Australia iha $. 48,279.00,-,agora kontribui husi komunidade sira $.9,000.00,“ prezsidenti konselho CVTL nasional, Jose Pereira da Conceicao hateten ba jornalista sira foin lalais ne’e iha Baucau.

 

Presidenti CVTL ne’e mos informa katak, parte CVTL aleinde dada bee moos halo mos saniamento hanesan sintina rua ba estudante escola ensino bazico catolika Atelari no 237 sintina ka latrinas ba komunidade xefe familia 237.

 “projetu ne’e lao tarde tinan rua fulan ida mak foin entrega tanba fou-foun parte CVTL tenki konvense ho parte komunidade konaba projetu ne’e no oinsa mak komunidade hola parte atu servisu voluntaramente,”nia dehan.

 

Komunidade Atelari senti kontenti ho aktividade dada bee moos husi CVTL ba sira nia suco laran hodi bele responde ona problema konaba bee moos, Tuir Amaro de C. Belo  fo razaun tanba durante ne’e komunidade lao ain kuaze kilometru ida balun kilometru ida resin mak ba kuru bee iha mota laran.

 

“Ho inagurasaun be’e mos ne’e signifika entrega ona mai ami para ami atu uza, i ami simu ho kontenti teb-tebes tanba foin primeira ves ami aldeia 6 husi aldeia 10 iha suco Atelari hetan asesu ona bee moos ho susesu tan ne’e ami fo agradese,”hateten Amaro.

 

Husi parte Xefi do suco Atelari, Antonio M. Guterres hateten katak  komunidade husi aldeia 6 senti kontenti teb-tebes ho bee moos ne’ebe estabelese ona husi parte CVTL, tanba durante ne’e bee mos susar ba komunidade.

 

Iha momentu hanesan  CVTL mos entrega hela ekipamento ba Grupo Manutensaun Fasilidade Bee Moos (GMF) iha suco refere hamutuk ema nain 10 resin.

 

Iha seremonia inagurasaun ne’ebe mak halao iha sede suco Atelari, partisipa direita husi presidente conselho diretiva CVTL nasional, doadores husi Australia, Administrador distrito, sub-distrito Laga no Baguia, reprezenta veterano L-4, SAS distrito, xefe do suco ho ninia komunidade inklui estudante escola ensino bazico catolica Atelari.

 
Lee kontinua... 0

LA’OS emerjensia. Maibe, bele konsidera prioridade, tanba Estrada hanesan mós alternativu ida ba prosesu dezenvolvimentu. Purezemplu, se kondisaun Estrada di’ak konserteza komunidade sira bele asesu ba buat hotu, liu-liu fa’an nain sira bele lori sira nia produsaun mai fa’an iha merkadu.

Klaru katak, problema kondisaun Estrada iha teritoriu Timor-Leste kuaze barak mak at no seidauk hetan atensaun husi Governu. Situasaun ne’e ita la presiza hare ba Estrada rural ou Estrada husi suku ba Distritu. Tanba, Estrada nasional ne’ebé liga husi kapital nasaun ba Distritu mós to’o ohin loron barak mak at no seidauk hetan atensaun.

Lee kontinua... 0

KONSTRUSAUN Ospitál Referal Baucau oras ne’e daudauk hamosu polémika boot iha públiku nia leet. Tanba, iha kuadru projetu nian hateten, konstrusaun sei remata iha loron 6 Maiu 2012. Maibé, to’o ohin loron konstrusaun ne’e rasik seidauk remata no tuir informasaun ne’ebé Tempo Semanál hetan husi ‘teknik pelaksa’ katak, konstrusaun ne’e foin atinze 50%.

Lee kontinua... 0

BAINHIRA jornal Tempo Semanal hakat ba edifisu kompaina ENSUL hodi husu prosesu konstrusaun Ospital Referal Baucau. Maibe, Diretor kompaina ENSUL, Vitor Manuel P.B dos Santos Paiva haktuir katak, rezultadu konstrusaun ne’e atinze ona 60%. Maibe, tanba defikulidade kona ba material no definisaun tempu ho situasaun entaun halo projetu demora tanba problema  ke rai fatuk hodi aternu.

Lee kontinua... 0
Joomla SEF URLs by Artio

Copyright © 2015 Agora Tempo Intermedia Ltd. All Rights Reserved.
Online since February 01, 2013
Creative Commons License
This work by Tempo Semanal is licensed under a Creative Commons Attribution-NonCommercial-ShareAlike 4.0 International License.

Top Desktop version