Tempo Timor Online

Remodelasaun ka Demisaun Governu?

 

 

Husi: Jose Luis de Oliveira

 

 

Durante semana hirak nian laran, notisia ne’ebe jere ka provoka diskusaun formal no informal barak mak kona-ba prosesu remodelasaun orgaun governu. Isu ne’ebe lansa husi Sr. Xanana rasik iha tinan 2 liu ba katak nia hakarak resigna ona, no depois iha tinan 2014 mosu diskursu barak kona-ba “diagnostika nasional” konsege halo isu resignasaun nakfilak fali ba remodelasaun. Nune iha inisiu 2015, Primeiru Ministro (PM) Xanana foti duni medidas konkreta ruma hodi halao prosesu mudansa ne’e.

 

Iha fins-de Janeiru 2015, diskusaun domina ho remodelasaun, katak PM sei substitui ministro balu no halo redusaun ba estrutura V Governo. PM Xanana halo tiha ona “festa despedida”. Maibe tama ba primeira semana Fevereiru 2015, isu ne’e laos ona remodelasaun, tanba depois membru governu ne’ebe PM Xanana despede tiha ona, ativu fali. Depois saida mak mosu fali mak demisaun governu, tanba molok fin-de primeira semana Fevereiru 2015, PM Xanana hatama tiha ona karta resignasaun ba Presidente Republica (PR) Taur Matan Ruak (TMR).

 

 

Tanba-sa remodelasaun nakfilak ba demisaun?

 

Remodelasaun la hanesan ho demisaun. Remodela signifika halo mudansa ruma (remodifika) ka hadia buat balu – inklui mudansa ba estrutura hodi asegura funsionamentu normal fali ka funsiona ho efisiente no efikasia. Remodela ne’e nudar medidas husi “nain” hodi hadia ninian orgaun, laos entidade exterior mak mai halo mudansa. Ne’e duni, se remodelasaun ba governu, signifika Maun Xanana nudar “nain” ba V Governo (ninian governasaun) ne’e foti medidas atu hadia ninian orgaun governu, hanesan substitui ministro balu, redusaun ba estrutura ministeriu sira, nsst. Hanesan kareta ida karik, se peça (spare part) ruma a’at ne’ebe bele implika kareta lao la normal, maka “nain” ne’e troka tiha peça tuan ho foun se lakohi kareta ne’e atu a’at total.

 

Entertantu demisaun oin seluk. Demisaun ka lian Indonesia dehan “pembubaran”, ne’e akontese bainhira entidade prinsipal (PM) iha orgaun ne’e mak la konsege kontinua ninian funsaun ho normal tanba razaun ruma, nune orgaun ne’e rasik “munu” ka mate. Hanesan ita-nian orgaun umanu (isin-lolon), bainhira fuan (coração) la funsiona ona, biar parte seluk sei diak hela, maibe “isin-lolon” munu ka mate. Ne’e duni, se prosesu ida agora ne’e mak demisaun, maka automatikamente V Governo ne’e munu ka bubar-a’an ona, no la persiza iha despedida husi PM ba ninian ministro balu. Hotu-hotu “bubar” no hein prosesu ba harii governasaun foun (VI Governo).

 

Tuir Art. 112 CRDTL, kondisaun ba demisaun Governu ne’e akontese bainhira: (a) Parlamentu hahu ninian mandatu foun depois-de eleisaun jeral normal laos antisipada; (b) PR aseita pedidu demisaun husi PM. Katak, bainhira PR aseita, laos bainhira PM hatama karta resignasaun. (c) bainhira PM mate ka imposibilidade fizika PM atu halao ninian knaar ho normal; (d) bainhira PN rejeita OGE ba dala-rua tutuir malu; (e) bainhira PN la konsege fo votu konfiansa ba PM; (f) bainhira deputadu maioria iha PN aprova mosaun de sensura. 

 

So ho razaun ba kondisaun entre hirak ne’ebe iha leten mak PR bele hapara ema ruma husi kargu PM no governasaun mos “bubar”.

 

Progresu ikus, to’o iha fin-de primeira semana Fevereiru 2015, ita haree mosu opsaun ba demisaun governu, tanba PM Xanana hato’o ona karta resignasaun ba PR TMR. Ho nune, prosesu ne’ebe akontese iha semana ikus fulan Janeiru 2015 (PM Xanana despede ministro balu) la vale ona, tanba senariu laos ona remodelasaun, maibe demisaun.

 

Perguntas mak ne’e, tanba-sa mak intensaun ba remodelasaun nakfilak fali ba demisaun? Iha kampu politiku, buat barak bele muda iha minutu nian laran. Ema balu dehan, iha politika laiha aliansa ne’ebe rohan-laek, maibe interese mak pervalese (determina) liu aliansa. Ho nune, se mudansa husi prosesu ne’ebe akontese iha semana ikus fulan Janeiru ho primeira semana fulan Fevereiru 2015, hatudu mai ita katak “aliansa iha BKG” ne’e laos rohan-laek.

 

Atu persiza komprende, tanba-sa mak intensaun remodelasaun sai fali demisaun, persiza tebes mos haree dimaniku ne’ebe akontese pelumenus tinan 2 kotuk. Iha fins-de 2013, PM Xanana dala-hirak ona expresa ninian intensaun atu resigna, maibe tama ba tinan 2014, dinamiku ne’e transforma tiha husi intensaun resignasaun ba fali remodelasaun. No ikus fali, iha primeira semana Fevereiru 2015, nakfilak fali ba demisaun.

 

Iha ne’e merese duni ita buka hatene, ida ne’ebe loos mak intensaun “puru” Maun Xanana? Resignasaun ka remodelasaun ka demisaun? Nune mos, persiza buka hatene mos, interese se nian mak konsege influensia ba mudansa husi resignasaun ba fali remodelasaun, maibe ikus fali, Maun Boot foti medidas demisaun.

 

Tuir hau nian haree, ideia resignasaun nudar “shock therapy” deit ba membru governu sira atu bele “remodela” sira-nian a’an rasik. Hau nota katak, Maun Xanana hirus no stres ho “sarjana” sira ne’ebe nakonu iha governasaun, maibe halimar deit iha “tahu-laran” nomos karik “dada ona” Maun Xanana ba “tahu laran” hotu. Dala-hirak ona, Maun Xanana kritika ka soe-lia (sindir) ba sarjana sira. Nomos, kazu korupsaun ne’ebe mosu “nab-naban” ne’ebe involve membru governu nomos kazu droga ne’ebe involve dirijente PNTL, fo’o impresaun mai ita katak, Maun Boot mos “preza” (tersandra) tiha ona ho kazu sira ne’e.  

 

Iha meadu 2014, bainhira Partidu CNRT halao ninian konferensia nasional ne’ebe ninian rezultadu mak entrega poder tomak ba Maun Xanana. Rezultadu konferensia CNRT ne’e hanesan “cek kosong” ne’ebe Partidu CNRT entrega ba maun Boot hodi enxe no atu entrega ba se tuir Maun boot nian hakarak. Nune mak, prosesu “mudansa” ba governasaun ne’e la trata ho transparansia iha orgaun kolejial ruma (partidaria ka estadual), no buat hotu sai “misteriu” iha Maun Boot nian liman. 

 

Depois-de konferensia partidu CNRT, nota katak, mosu movimentu ho sistematikamente atu influensia mudansa ba intensaun Maun Boot ne’e. Husi parte governu, membru governu ida ne’ebe kondenadu tiha ona (pena suspensaun) iha kazu korupsaun kiik, hamosu “projetu diagnotika nasional”. Ironika tebes, ema ne’ebe “moras hela”, agora nia mak mai hanorin fali oinsa atu kura moras mal-administrasaun no korupsaun. 

 

Tuir hau nian haree, “projetu diagnotika nasional” ne’e nudar “projetu ba salvasaun” membru governu sira ne’ebe “ain iha tahu laran”.  Projetu ne’e konsege konvense Maun Boot atu la resigna-a’an, tanba se resigna, entaun membru governu sira ne’ebe “ain tahu” ne’e, ema sei lori ba “fase sira-nian ain”.  Segundu, “projetu diagnostika nasional” ne’e mos konsege desvia “alvu inimigu” remodelasaun husi internal governu ka orgaun ezekutivu ba fali orgaun judisial. Ne’e mak ita haree, iha inisiu fulan Novembru 2014, PM Xanana konsege halo “manobra politika” hodi enfrakese tiha ita-nian orgaun soberania tribunais. Momentu ne’eba, situasaun hanesan fali inimigu ne’e mak autor judisial sira ne’ebe servisu ho imparsial, no laos hahalok “halimar tahu laran” (karupsaun, abuzu poder, mafia). 

 

Bele dehan katak, “projetu diagnostika” ne’e konsege alkansa ninian objetivu “laten” (la mosu iha publiku). Maibe afinal, alkansu ne’e sakrifika fali Maun Boot nian kredibilidade no fama. Depois-de trajedia ne’e (rezolusaun duni majistradu internasional), halo munu fama Maun Xanana iha nivel nasional nomos internasional. Kritika no lamentasaun barak husi internasional no nasional, nune halo Maun Boot “paniku” liu tan, no tenta halo alibi oin-oin hodi justifika razaun ba ninian medidas, maibe la konsege. No ida ne’e mak halo Maun Boot stres liu tan, hodi iha meadu Janeiru 2015 komesa halo prosesu “mudansa” ba ninian governasaun.    

 

Inisiu, ita nota katak Maun Boot hakarak remodela, no tanba nia haree membru BKG barak mak “ain foer” hotu ona, maka nia tenta atu salva ninian governasaun (inklui ninian fama) ho involve ema “ain moos” husi partidu opozisaun (Fretilin). 

Molok ida ne’e, tanba Maun Boot mos stres tiha ona ho membru BKG, maka durante 2014 nian laran, nia halo ona “adulteru politika” (selingkuh politika) ona ho Fretilin. Sem konsentimentu husi partidu iha BKG, Maun Boot oferese projetu ZEEMS – ne’ebe la tama iha PEDN (Planu Estratejiku Dezenvolvimentu Nasional) ba Sr. Marie Alkatiri hodi lidera.

 

Bainhira prosesu ba remodelasaun ho ninian hakarak (involve membru Fretilin iha governasaun), mosu “objesaun politika” laos deit husi partidu membru BKG seluk, maibe mos husi ninian partidu rasik (deklarasaun Sr. Aderito Hugo iha media semana kotuk). 

 

Tuir hau nian interpretasaun, karik Maun Boot senti “xokadu” (tersinggung) ho atetudi politika husi membru BKG (partikularmente PD ne’ebe lakohi simu membru Fretilin iha governasaun) nomos ho ninian partidu rasik ne’ebe konsidera “lambe fali kaben ne’ebe sira tafui ona” (konferensia deside entrega ba Maun Xanana atu halo remodelasaun konforme maun, maibe agora hatudu la aseita fali).  Nune mos, karik ho konsellu juridiku ruma ne’ebe konsege “loke maun nian matan no fuan” kona-ba inkonstitusional ba susesaun ne’ebe Maun Boot pretende (hatur fali Dr. Rui Araujo nudar PM), maka iha “ultimu minutu” iha semana kotuk, Maun Boot deside hatama karta resignasaun. 

 

 

Konsekuensia husi resignasaun Maun Xanana

 

Maun Xanana laos deit ministru ka membru governu baibain, maibe mos nudar “primeira pessoa” iha governasaun. Nudar ministru Defeza no Seguransa ne’e ministro baibain hanesan ho sira seluk, maibe nudar PM ne’e hanesan “ulun” governasaun. Se “ulun” labele funsiona ho normal, klaru katak isin-lolon mos mate. Ne’e duni, se Maun Xanana deside atu resigna, maka automatikamente “isin lolon” (V Governo) mos mate, hanesan preve iha Art. 112.1.b) CRDTL. 

 

Bainhira PR TMR aseita surat resignasaun husi PM Xanana, maka ministro sira seluk lalika halo despedida ba PM, maibe automatikamente despedidu tiha ona. Ida-ida halot ninian sasan partikular husi gabinete no la persiza halo fali “show iha TVTL”.

 

Agora, bainhira mak membru governu sira bele halot sira-nian sasan husi gabinete ministro? La hanesan ho senariu remodelasaun, iha senariu ne’e, molok membru governu sira seidauk hetan anunsiu husi PR kona-ba aseitasaun karta resignasaun husi Maun Xanana, maka sira tenki servisu baibain to’o momentu hetan anunsiu ofisial. Anunsiu ne’e mos bele deit PR la aseita resignasaun PM, nune mos bele aseita. Se PR TMR aseita karik, sira mos tenki servisu nafatin to’o “ultimo dia”,  laos hanesan agora ne’ebe membru governu balu baruk ona atu servisu ka halao fali servisu partidu – entertantu sira sei kontinua simu salariu husi estado no gaza fasilidade estado. 

 

Tuir lia-anin, segunda semana fulan Fevereiru 2015, bazeia ba karta ofisial PM Xanana, maka PR TMR tenki halao “mandatu” konstitusional tuir Art. 91.1.b CRDTL hodi konvoka Concelho Estado atu diskute kona-ba surat resignasaun husi PM Xanana Gusmão. Iha reunian ne’e, PM Xanana ne’ebe mos nudar membru ida mos ba Concelho Estado (Art. 90.2.c CRDTL) sei partisipa hodi hato’o opiniaun molok PR TMR hasai desizaun simu ka lae pedidu resignasaun (Art. 112. 2 CRDTL).

 

Lia-fuan “PR bele demite PM” (Art. 112.2 CRDTL), implisitamente mos signifika “la aseita demisaun”. PR TMR mos bele tetu opiniaun husi Concelho Estado no deside “la aseita” resignasaun husi PM Xanana Gusmão, nune mos bele aseita. Ne’e duni, posibilidade ne’e rua, laos uniku (aseita deit). Bele deit, Concelho Estado tetu termu mandatu V Governo ne’ebe efetivamente menus husi tinan rua, nomos estabilidade funsionamentu instituisaun demokratiku, hodi deside la simu pedidu resignasaun PM Xanana. Se opsaun ne’e mak PR TMR foti, hakarak ka lakohi PM Xanana tenki fila ba halao servisu baibain hodi kontinua fali senariu remodelasaun. 

 

Se PR TMR foti desizaun ba opsaun “simu pedidu resignasaun”, maka automatikamente demisaun ba V Governo, no tuir fali tama ba prosesu edifikasaun ka konstituisaun VI Governo ne’ebe ninian regras bazeia ba Art. 106.1 no 85.d CRDTL. 

 

 

Posibilidade VI Governo Konstitusional

 

Bainhira PR TMR ho konviksaun deside simu resignasaun husi PM Xanana Gusmão no demite V Governo, maka ministro sira bele halot dadauk sira-nian sasan no fila ba vida profesional ka fila fali ba PN (ba sira ne’ebe eleitu iha 2012 nudar membru parlamentu). No tuir fali, prosesu ba konstitui ka harii VI Governo hahu. Prosesu harii VI Governo la tenki husi rezultadu eleisaun jeral. Tuir Art. 86. f & g CRDTL, sei iha tempu loron 60 atu PN no PR harii governasaun foun (Art. 106.1 CRDTL). 

 

Se bainhira durante loron 60 ne’e mak PN failla propen kandidatu PM, ka PR la konsege hili entre kandidatu husi PN atu sai ba PM ba VI Governo (tanba ho razaun falta konfiansa ba kandidatu sira), maka ho razaun hodi asegura funsionamentu instituisaun demokratiku, PR sei disolve (membubarkan) PN, hodi nune ita tama fali ba senariu Eleisaun Antisipada nudar faze inisial ba formasaun VI Governo. Eleisaun hili membru PN foun, hodi PN propoen fali kandidatu PM foun ba PR hodi hili.

 

Tuir ita-nian konstituisaun, la koñese susesaun ka substituisaun definitivu PM iha governasaun ida, hanesan rumores ne’ebe espalla iha publiku katak PM Xanana hakarak Dr. Rui Araujo atu substitui nia. Entertantu, kargu Vice PM laos substitutu definitivu ba PM, maibe nudar substituisaun provizoriu ka “delegasaun poder” husi PM ba termu balu (tempu ka portfólio). No Vice PM labele troka fali hodi sai PM ba VI Governo (karik tanba razaun PM mate/falecido), tanba tuir Art. 112.1.c CRDTL, se PM definitivu mate, maka ne’e mos nudar kondisaun ba demisaun governu.

 

Se nune, bainhira PR TMR simu resignasaun Xanana nudar PM, maka prosesu fila fali ba PN hodi aliansa maioria parlamentar (tenki aliansa parlamentar, tanba laiha partidu ida mak hetan asentu maioria simplis) propoen ba PR kandidatu PM foun. Iha faze ne’e, depende tebes dinamika iha PN. Aliansa ezistente (BKG) bele kontinua nudar “maioria parlamentar” ka bele mosu aliansa foun (CNRT ho Fretilin ka Fretilin ho PD + FM).

 

Se molok loron 60 mak PN konsege konkorda ba kandidatu PM foun no PR TMR mos konsege hili ema ne’ebe nia konfia husi kandidatu PN, maka la nesesita atu tama ba eleisaun antisipada. PM foun bele hamosu hodi lidera VI Governo durante periodu tinan 2 (2015 – 2017).

 

Se deit mak eskollidu nudar PM foun, nia iha direitu prerrogativa (previleiju) atu hamutuk ho PR TMR hili membru governu foun (Art. 106.2 CRDTL) no laos fali ema ne’ebe laos ona PM (demitidu) mak deside se-se deit mak atu sai ministro hanesan rumores ne’ebe espalla hela iha publiku.

 

 

Dili, 7 Fevereiru 2015 

Jose Luis de Oliveira

Aktivista Direitu Umanus no Pro-demokrasia 

ne’ebe ha’knaar-a’an iha AJAR (Asia Justice And Rights) 

Publika iha Opiniaun

 

Dili, TEMPO SEMANÁL – Iha loron 05/02/2015 PNTL halo cerku haleu kruzamentu sira atu tama no sai ba area kampu demokrasia tan ba iha mometu refere PNTL simu on a mandatu de buksa no mandatu de detnsaun kontra, eis asesora grupu KRM, atual Prezidente Partidu Trabhalista, Ángela Freitas tan ba ho razaun sei iha hela getensaun domisiliariu mas lansa komfrensia imprensa lubuk ida ona, hodi ko’alia sobre ninia komversa ho Mauk Moruk i aumezmu tempu defende ninia an husi estatementu hirak ne’ebé fó sai husi lideransa nasaun nian sira.

 

Hafoin autoridade segurança siar busca no captura sasan balun inklui rama ambon futun ida depois atu kaptura Angela Freitas maibe mandatu de detensaun hakerek sala tinan, PNTL sira sai hikas hodi ba autoridade judiciariu hodi hadi'a.

 

"Mandatu maka hakerek fali tinan 2014 nune'e ami tenke lori fali ba Tribunal atu hadi'a", dehan membru PNTL ida iha terenu.

 

Tuir observasaun Angela Freitas hare tiha surat mandatu de kapturasaun ne'ebe hakerek sala ne'e presidenti partidu trabalista ne'e hamnasa ho sinista. 

 

Prosesu detensaun ne'e la'o tempu lubun ruma hahu husi tuku sanolu dadersan ate besik tuku hat maka Angela Freitas sai husi ninia residensia hodi sa'e kareta PNTL ninian lori liu ba kuartel PNTL iha Kaikoli.

 

Iha komfrensia imprensa ne’ebé hala’o iha dia 3/02/2015 iha sede partidu nian, Ángela la’ós ko’alia mesak, maibé lideransa partidu ne’e mós komvida ninia advogadu Pedro Aparicio, hodi defende ninia an kontra estatementu hirak ne’ebé fó sai ona husi Jeneral Lere Anan Timur no Vise Primeiru Ministru, Fernando Lasama de Araujo.

 

Iha komfrensia ne’e, Aparicio haklaken katak, akuzasaun ne’ebé mak hatudu ba ninia kliente Ángela Freitas, hanesan akuzasaun ne’ebé mak la profunda. Tanba depois de hateten katak, sei fó sai ordem atu kaptura Ángela Freitas, ne’e hanesan linguazen polítika deit tanba husi aspeitu legal ne’e laiha. Tanba ema ida koandu atu hetan kapturasaun, tenke iha provas ida kompletu konaba ninia involvimentu iha kazu ruma. 

 

“Koandu ita halai ba iha krime nian, tenke iha provas ida hateten katak, Ángela maka haruka Mauk Moruk hadau polisia-nia pistola. La’ós halo deklarasaun politika deit mas laiha provas”, dehan Advogadu Pedro Aparicio, hodi defende ninia kliente Ángela Freitas. 

 

Atu hatene saida maka advogadu ne’e ninia lamentasoens, tuir mai lee deit deklarasaun hirak ne’ebé advogadu Pedro Aparicio fó sai iha komfrensia imprensa ne’e. “Nai ulun sira tenke hatene didi’ak ida-idak nia knar, para ema ida-idak la’o tuir regras. Tanba ha’u-nia kliente hala’o ona ninia knar hanesan Prezidente Partidu Trabalista, i aumesmu tempu hanesan sidadaun ida ne’ebé maka sai hanesan fontes entre Mauk Moruk ho Guvernu”. 

 

“Iha Konstituisaun artigu 48 hateten katak, sidadaun hotu-hotu tenke kontribui ba paz. Ne’e ninia signifikadu katak, bainhira mosu problema ruma, tenke iha sidadaun ruma sai hanesan ponte para bele halo balansu ba iha problema ne’e. Tanba ne’e maka Ángela foti pozisaun ida ne’e hodi halo kontaktu ho Mauk Moruk”. 

 

“Ne’eduni, kontaktu ba Mauk Moruk ka ho embaixada Australia no Amerika ou ho see deit, ne’e la’ós krime, tanba kontaktu ne’e meius ida atu rezolve problema”. 

 

“Ita Timor ne’e dala ruma  nai ulun sira dehan kontaktu deit mós krime ona. Entaun ita-nia nai ulun sira tenke hatene buat ne’e didi’ak, tanba ha’u kontaktu ho Mauk Moruk la’ós signifika ha’u suporta nia, la’ós signifika katak ha’u hatene Mauk Moruk ne’e iha ne’ebé”.

 

“Ita iha ema militar, entaun sira-nia servisu ida maka atu kaptura ema, entaun Mauk Moruk ne’e polisia nia servisu, intelejen nia servisu, militar sira-nia servisu hodi deteta katak Maum Moruk hela iha ne’ebé. Ha’u koantaktu ba nia la signifika ha’u hatene Mauk Moruk ninia paradeiru ne’e iha ne’ebé”, dehan Aparicio.

Advogado ne’e resforsa liutan katak, “direitu ida atu koalia, ne’e mós garante iha Konstituisaun artigu 40, katak ema hotu-hotu livre atu koalia. Tanba ne’e, se direitu ida atu bele koalia ho se deit no direitu ida atu bele kontribui ba estadu ida ne’e, sai fali krim, entaun ida ne’e hanesan mosu fali ditadura iha Timor”.

 

“Tanba ne’e duni maka ha’u hakarak hateten katak, ita-nia nai ulun sira la kontrola sira-nia linguazen, tanba sira-nia linguazen ne’e emosional deit. Sira nungka senti katak, sira-nia lingua ne’e maka hamosu fali inestabilidade, tanba tendesia komflitus mosu ne’e husi nai ulun sira-nia linguazen”.

 

“Tanba labele husu ba Ángela senhor Mauk Moruk ninia paradeiru iha ne’ebé, tanba se mak tenke hatene maka servisu konjuntu FDTL ho Polisia mak hatene. Se karik ha’u halo kontaktu ho Mauk Moruk mós ha’u labele simu responsabilidade tanba deit ha’u kontaktu”.

 

“Agora, se sidadaun sira kumpri deit konstituisaun artigu 40 ho 48 ne’e mós konsidera hanesan krime hotu, entaun ita Timor ne’e tanba laiha kapasidade ukun, entaun intrega deit ba Australia ka Indonezia. Ita populasaun ida la to’o miliaun rua ne’e mós bele halo situasaun ne’e sai komplikadu hanesan ne’e, tanba ita-nia lider sira la kumprende regaras ida-idak nian”, dehan Pedro.

 

Sobre problema Mauk Moruk ho Xanana, Aparicio haklaken katak, “ida ne’e problema pesoal entre Primeiru Ministru Xanana Gusmao ho Mauk Moruk ne’ebé mosu antigamente iha 1975 konaba estratejia funu. Maibé problema pesoal ne’e falun fali ba iha problema estadu”.

 

“Tanba ne’e maka ha’u husu atu ita koalia buat sira ne’e halo lolos para ita joven sira bele hatene, se lae buat ne’e falun hela deit to’o ikus mai ema inosente mak sai vitima. Hanesan operasaun konjuta daudaun ne’e, ferik katuas sira la’o iha dalan mós tenke halo pasarevista ba sira. Ida ne’e atuasaun sira ne’ebé mak ladi’ak. Se problema ho Mauk Moruk, buka los deit mak nia, labele akuza fali tan ema seluk”. 

 

“La’ós akuza fali ha’u-nia kliente dehan tenke kaptura Ángela. Tuir loloos Jeneral ida nungka fó ordem ba forsa atu kapura ema sidadaun normal ida, satan baPrezidente Partidu Trabailista, ne’e labele”. 

 

“Tanba ne’e maka hanesan advogadu, ami mai para atu garante sidadaun sira-nia direitu atu moris livre no justu iha ninia rain rasik. Se problema ne’e entre Mauk Moruk ho Primeiru Ministru, entaun husik problema ba sira nain rua deit. Tanba senhora Ángela foti inisiativu para bele buka solusaun ida di’ak ba iha prblema ne’e”.

 

“Se Mauk Moruk ne’e mak hanesan reveldes no terorsta. Se terorsta karik, lalika dehan guvernu Timor maka halo operasaun ba nian, maibé haruja Amerika ho Australia mak mai. Se Mauk Moruk ne’e reveldes no terorista, entaun oras ne’e povu  la tur hakmatek ona. Maibé oras ne’e daudauk Mauk Moruk la halo buat ida. Apejar de pistola rua ne’e maka agora iha Mauk Moruk nia liman, tanba ne’e maka ita hateten Mauk reveldes no terorista”.

 

“Se ita-nia forsa lafiar an karik hateten deit, biru fraku ona karik hateten deit katak ami-nia biru fraku ona. Lalikan hakfodak ho pistola rua ne’e, maibé tanba ita-nia rain ne’e ema akuza malu barak, oho malu mós barak, entaun tanba ne’e maka Ángela foti inisiativa hodi hetan solusaun ida ne’ebé pasifiku, hodi evita fakar ran tanba parte Mauk Moruk nian mak mate mós Timor lakon ninia ema, parte FDTL ka polisia ninia ema mak mate mós Timor oan mak lakon. Tanba ne’e maka ha’u-nia kliente ne’e buka para labele iha ran fakar”. 

 

“Tanba ne’e maka ha’u husu ba ita-nia lideransa sira katak, antes fó sai linguazen ne’e, tenke aprende. Asesor sira bar-barak manan osan ne’e tenke fó asesoria ida ke di’ak. La’ós fó sai linguazen para fó tendensia mosu komflitus, tanba situasaun manas ne’e tanba konsekuensia husi lider sira-nia linguazen. Ne’ebé presiza edukasaun moral ida di’ak atu hasai liafuan sira ne’e”. 

 

“Nasaun ne’e la’ós estadu de banana, ne’ebé mak ema ida-idak halo tuir ninia gostu. Buat hotu-hotu tenke tuir regras. Se Mauk Moruk ho deit pistola rua ita dehan rebeldes ho terorista, entaun la presiza guvernu Timor atu halo atuasaun, maibé bolu deit ona Amerika ho Australia mai para buka tuir nia. Ne’ebé favor ida ita-nia nai ulun sira tenke sukar sira-nia ibun bainhira koalia, labele koalia arbiru deit”.

 

“Neduni, ha’u prontu atu defende senhora Ángela, no se karik iha mandantu kapturasaun ba senhora Ángela, nia hanesan sidadaun ida, nia prontu koopera. Depois koandu to’o ona iha tribunal maka sei deside nia hetan kulpa ka lae. Tanba depois de ida ne’e mós senhora Ángela iha direitu atu halo fali keixa ba ema sira ne’ebé hatun mandatu ne’e. Neduni, koalker oras bele ba halo kapturasaun detensaun ba nia”, afirma Pedro”. 

 

Liutan nia informa katak, “ita tenke para ona ho akuza malu, ameasa malu, lori lia bobar malu. Tanba ida ne’e ita Timor oan sira-nia hahalok ida ne’ebé mak hori uluk kedas maibé sei rai hela to’o agora, tanba ne’e maka ita tenke hapara. Entaun hanesan advogadu, ami prontu atu defende ninia direitu iha tribunal no iha fatin ne’ebé deit”.

 

“Senhora Ángela seidauk halo buat ruma ne’ebé maka atu oho ema ka atu hamosu krize ka, ne’e seidauk iha. Nia Ángela ninia koalia ne’e hanesan direitu ida ne’ebé mak garante iha konstituisaun. Laos tanba koalia deit maka nia tenke sai fali kriminozu”.

 

“La’ós problema ne’e mosu ita halo kintu kantu ne’e problema hotu, hodi halo lider mós manas, komunidade mós manas, joven manas, feto-katus hotu-hotu ne’e manas hanesan ahi lakan iha Timor, tanba nungka obedese ba malu. Entaun depois mak Amerika ho Australia lori netik bee mai rega para malirin tiha. Ida ne’e maka ita-nia hakarak, dehan advogadu ne’e ho hamnasa.” 

 

“Ne’ebé ha’u kritika tanba ha’u triste koandu ha’u rona sira-nia linguazen ne’e laiha edukativu. Sira hateten dehan, kaer Ángela Freitas ne’e rai la naben, sein. Rai meman la naben, rai meman la nakdoko. Tanba senhor Xanana mak mate mós rai la naben, Lasama mak mate mós rai la naben, senhor Lere mak mate mós rai la naben, ha’u mak mate mós rai la naben, senhora Ángela Freitas mak mate mós rai ne’e la naben dunik, rai la nakdoko. Meman tanba rai la nakdoko dunik, labele nakdoko. Ne’ebé linguazen sira hanesan ne’e-ne’e, ne’e hanesan sadik malu, ita boot ne’e ita uza fali ita-nia poder ne’e hodi ameasa, ne’e la’ós solusaun ida ne’ebé di’ak”.

 

“Ema mate ne’e normal tanba ne’e ita-nia dalan hotu. Mate uluk ka mate ikus ne’e hanesan deit tanba ne’e mate. Ne’ebé ha’u kritika makas linguazen ne’e maka ladi’ak. Mezmu ke dala ruma ita-nia fuan ne’e manas, maibé liafuan ne’ebé maka fó sai ne’e tenke midar, humanis para ema hotu rona ne’e dehan di’ak”.

 

“La’ós dehan fali kaer senhora Ángela ne’e rai la naben, meman rai la naben. Estadu mak monu ka guvernu mak monu mós rai la naben, tanba ne’e prosesu ida. Maibé koandu fó sai dehan kaer ema ida ne’e rai la naben, ne’e hanesan sadik, linguazen ne’ebé la edukativu, tanba ema edukativu ne’e nungka mais hasai liafuan sira ne’e, tanba liafuan sira ne’e soke ba senhora Ángela, soke ba ninia familia sira no maluk sira ne’ebé maka koandu rona liafuan ne’e hanesan senti ameasadu tebtebes”.

 

“Neduni, ha’u kritika ne’e kritika tanba linguazen ne’ebé mak hasai ne’e, tanba ne’e prosesu ida. Agora imi mak boot, tempu ruma ida seluk mak boot, ne’ebé ne’e prosesu natureza ida, labele ita sai boot ona ita se enaknya hateten kaer ida ne’e, kaer neba, buat hotu-hotu tenke tuir lei.”

 

“Tanba liafuan sira fó sai ne’e liafuan sira husi facebook, iha dunia maia. Labele aplika linguazen facebook ne’e mai fali iha linguazen ida rill, tanba facebook ne’e dunia maia i problema ema nain rua nian ita tau ba ema nain rua nian, labele sai fali problema estadu”, tenik advogadu ne’e. (ts)

Publika iha Nasional

Xanana vs "Lia Nain Sira"

 

 

BY : Dalia Kiakilir Agostinho

 

Ohin Xanana Politico, Xanana, Xanana, Xanana. Xanana iha né, Xanana iha neba, Xanana halo ida né, Xanana halo ida neba.

 

Ema barak ohin loron gosta temi Xanana nia naran, dehan ida né, dehan ida neba.

 

Uluk Xanana Funu-na'in ka Guerrilheiro, ema barak mak haluha ona katak uluk, Xanana iha ne, Xanana iha neba, Xanana halo ida ne, Xanana halo ida neba, Xanana iha fatin hotu hotu. "O omnipresente"!

 

Xanana agora ema político ida, defende nia politica. Iha rai laran politicos barak no Partido ko'or oin-oin. Makerek. Ida-idak defende nia politica, consequencia mak mosu apoiantes nebe mak concorda ho politica nebe mak sira hanoin diak liu ho hare ko'or nebe mak sira gosta liu. Haktuir sira nia convicções políticas ou ideológicas.

 

Tamba ne ma'ak barak apoio Xanana no seluk defende politica sira nian.

 

Diferença iha ne... Funu-na'in ka guerrilheiro la hanesan ho politico ida, nebe opera iha ambito ho terreno la hanesan. Maibe barak la hatene ka simplesmente ignora.

 

Wainhira problema ida mosu, primeiro alvo mak Primeiro Ministro, no se mak Primeiro Ministro agora? Xanana mak Primeiro Ministro, nia mak Ukun-nain.

 

"Lia na'in sira" dehan katak defende Lia Los, no kontra Lia Bosok. "Lia na'in sira" mos dehan katak defende Justiça, no sei la defende ema nebe nauk.

 

Maibe, iha realidade, sira rasik mos la defende principio nebe sira comunga wainhira halo afirmasaun sem interpreta ka buka tuir issue ne'e los ka lae no muito menos la buka hatene lae Lia Los nebe mak dehan sira defende. Falta de objetividade halo ita ka "Lia na'in sira" fiar matak deit ba informasaun nebe mak Media sira  fo sai. Ho litik itoan karik ita mos sei questiona fundamento informasaun nebe media sira hato'o nebe iha tendencia provocativa no mos joga ho interesse economico-politico. Alias "fa'an informasaun". 

 

Ne la'os defende Lia Los, ne defende ego. Ego nebe mak a'as liu fali Lia Los, halo sira matan delek no laiha interesse ba causa/consequencia nebe los, motivo saida, ita la hatene... Ba balun, joga ona ho interesse,  karik?!?!!!!!

 

Ego la fanun justiça, ego baralha no manipula justiça. Lia Los no realidade mak fanun justiça.

 

Ukun-nain reconhece falha barak iha sistema judicial, Ukun-nain reconhece iha corrupção iha rai laran, Ukun-nain mesak la consegue controla ema sira nebe serviço ba iha governo no nem controla crime uluk iha Primeiro Governo.

 

Se Ukun-nain cria injustiça no se Ukun-nain comete crime, ita hein resultado ikus husi acontecimentos oinsa...   A justiça tem o seu tempo próprio e ha-de chegar um dia destes! Aguardo!

 

Justiça ohin loron funciona ona, bele la ho lais mas funciona. La'os hanesan fofoun iha Primeiro Governo justiça la la'o, Governo desorganizado. Resultado, Crise Politica, resultado Governo monu.

 

Iha Portugal deit ema foin mak kaer EX PRIMEIRO MINISTRO, Jose Socrates, tama ba cadeia, e Portugal país nebe mak avançado liu quanto mais Timor foin ukun a'an tinan 12.

 

Xanana, Xanana, Xanana,

Xanana la desiste, Se nia desiste nia mate kleur ona,

Xanana Luta ho matenek usa Frente Diplomatica, Clandestina e Armada, Xanana tuba rai metin, povu resiste, Timor manan,

Tamba ne mak ohin ita livre, tamba ne mak ohin ita kaer rasik kuda talin Ukun Rasik An! 

 

Hodi pronuncia ita nia liberdade no hakilar ba mundo "TIMOR MAK NE'E"!

 

Ema Ida dehan Mai hau: "DESISTIR É MORRER" maibe "ITA RESISTE NO ITA MANAN", "RESISTIR É VENCER"

 

 

 

Publika iha Opiniaun

Dili, Tempo Semanal - Shirley Shackletonwhohas been seeking the return of the remains of her husband Greg since his killing 37 years ago fears that unless the saga is ended soon she may not live to see his body returned.

 

The 82-year-old widow of an Australian journalist who was murdered by Indonesian forces in Balibo, East Timor in October 1975 has pleaded for her husband's remains to be swiftly repatriated.

 

Greg Shackleton is buried in the same grave as four other journalists - two Britons, another Australian and a New Zealander - who were killed when Indonesian troops overran the East Timorese town of Balibo in October 1975.

 

The deaths of the Balibo Five removed East Timor from the international media but Shirley Shackleton has since then devoted her time to seek the truth of her husband’s death and helped East Timorese fight for their rights.

 

The State of Timor-Leste last year awarded Shirley its highest medal for her contribution to East Timor’s cause. This time she came to Dili on referendum day to collect her husband’s medal. The East Timor Government recognized and honored Greg Shackleton’s contribution to East Timor’s struggle for its independence.

 

During Shirley’s (Shirley)  visit to Dili, she gave an interview to Tempo Semanal (TS) as you can read full interview as bellow. 

 

TS: Pease tell us how your trip was from Melbourne to here?

Shirley : Very tiring sitting up in the airport all night, leaving sort of late at night when normally you would  be going to bed,  then sitting up waiting… it’s a trial but I am 82 now and I am amazed at my powers of recuperation. I have been up and about doing things all day. I haven’t had proper sleep for 2 days and 2 nights. Ah aha ah yes I am 82 and a lot wiser.

TS: Why have you come to Dili this time?

Shirley: Well my husband has been honored with a medal and I am ever so pleased aboutthat. Last Sunday, had he lived, he would have turned 68 and I kept thinking all day I wish he was alive to get his own medal but I have come up to take it  for him. I have already got a medal for the work that I have done.  I had it given to me by Taur Matan Ruak in Canberra but this one is really special in that Greg is being remembered and of course when you remember Greg Shackleton then you remember the other Balibo journalists, so it’s really a recognition of their…well I suppose you could say their desire to tell the truth. That was what they were all trying to do, that was their job, they weren’t big heroes except on the last night when they decided to stay once they persuaded the FALINTIL to leave because they could have been in danger from crossfire, and they should have been safe because Gough Whitlam and Soeharto were best friends so they should not have been in danger. 

TS: So why do you think they wanted to kill these Balibo five journalists? 

Shirley: Look I think it is sort of like gung-ho, almost like a movie for them in those days, they were going to get the power, they were going to get Timor and everything in it. If you are going to own everything above ground and an awful lot that is underneath the ground and you get it for free, for just taking the country then you are made, so every soldier, every general knew that Timor was going to be a milking cow for them and so they didn’t want people to know about it before because something might have been done. What is said is the Australian politicians lied to cover up for the Indonesians.

TS: Greg said “Why, you ask?”

Shirley: Isn’t that amazing that he did his last report and full marks to Adelino Gomes for taking it out, we wouldn’t have had it if Adelino hadn’t done that. Yes “why, you ask, is the world not coming to care?” etc. Well, because people didn’t know. And Greg was here to publicize whatever he found. He came with an open mind. He didn’t think it was Indonesian doing because you do know, I think if this goes to Timorese they will know this, that Indonesia was attacking the border. Indonesia was attacking the border for a whole year before they actually killed the journalists. But they never admitted to it, no one…well the Timorese said that it was the Indonesians. There was no evidence, they came to get the evidence and you had 2 separate commercial stations, channel 9 and channel 7 ; one team wouldn’t leave and let the other team get the exclusive story, because this was the biggest news event since in the Pacific since Vietnam. This was a big neighbor taking over to commit genocide on a small neighbor.

TS: Shirley is there any other family member of the Balibo Five here with you today?

Shirley : I have no idea. I.., I don’t believe I have the right to tell anybody what to do, I have worked nearly 4 decades now, I think the grief of some people is that they can’t do anything. My grief was to get busy and do what I could because I knew that had Greg survived he was about to go to America to study at Colombia University and he would have been at the UN every day with Jose Ramos Horta. If he had been here and this had happened to other journalists he would have been doing that and I thought “well maybe I can try to do something like that”. I was told that I wouldn’t get anywhere because I was just a woman, just a house wife and I had this wonderful thought, “maybe that is my strength- they will underestimate me: and I think they did (laughing)”.

TS: Shirley you are very strong, very, very strong. Everybody here looks to you as a model for the Timorese, you inspired many Timorese women to fight for their freedom…So what is the message that you want to give to the Timorese youngergeneration?

Shirley: Thank you. Well they first have to educate themselves and find out what really happened. There is a lot of propaganda around; secondly they have to give credit to their mothers and grandmothers for the fact that they did keep that fight going; and thirdly they have to realize that the fight is never really over, every individual is responsible, so all Timorese all responsible for keeping the freedom to say what you think.

TS : ForTimorese people like myself who are journalists,  even we don’t have capacity yet, if I can quote your statement to the press recently about what Greg said “why, you ask? Why you are not coming to help?” We the Timorese journalists today askwhy the Australian government but don’t ask why the Government of Dili want this media law? 

Shirley : Yes well, as I said, you know it’s like a marriage, a marriage is a…what is the word…is a work in progress and so your freedom is a work in progressand you have to fight for it still. We are still fighting in Australia. We don’t have a perfect government and we have been at it a lot longer than you. You are a fledgling nation and so it behoves everybody to educate themselves and after all isn’t that what you fought for all those years -to tell the truth and get away from the lies?  So the lies, you must countermand them because you can end up, as many countries have, having no freedom of speech, having no rights to anything, so who knows?  I mean I don’t want to sound like I know better than anybody else but it’s just a matter of history. If you don’t fight for your right to speak the truth and for your right to have decent living conditions then you lose them, and isn’t that what the big fight in Timor was really all about? A freedom?

TS : But we were fighting for the freedom of our country

Shirley : And you won.

TS: Yes Timor-Leste won it. But today as somebody who’s husband died for the freedom of the country do you feel happy with this kind of attitude from my own government to you now…?

Shirley : Well of course, but I have got the same government. We don’t have a perfect government we haven’t had a perfect government for years, it’s up to the people and it’s up to individuals. That is why I believe in education.

TS: Do you have any appeals to the government for those who are the heroes of the liberation?

Shirley : Yes, it’s a very unsteady thing this business of power, isn’t it? You can never let your guard down and people learn to compromise don’t they? It’s a very, very difficult subject and I hate thinking that I am coming here and telling people how to think and how to live. All I can say is that you have got your freedom and you have to fight to keep it and I wish you luck. It may be like me, in the beginning when I was told by an Australian official “you’re never going to get anywhere, you’re just a housewife” and I thought about it because that was deeply wounding and I thought on the other hand maybe that’s my strength and they continued to underestimate me and they did, and because they under estimated me I think I had a few victories. I am still fighting, I am still fighting for you but I don’t involve myself in your affairs because I made a decision when you won your wonderful freedom. And a lot of people having devoted so much of their lives feel that they still have the right to talk about what you should do. You know what to do, you know what it is to not have freedom, you don’t need anyone to tell you that so I am very nervous about poking my nose in, but I do know that I have the greatest faith because you guys took on the most appalling enemy.

TS: As Timorese, we need some support, we need some solidarity.

Shirley : Well it hurts me all the time when I think that Greg also said “That is all they want; the United Nations, to care enough to come and see for themselves.” That hurts me because for years and years and years the UN took no notice but in the end they did. So you just have to realize, you just have to hope for the best and keep working, never give up, never give up. It doesn’t matter what you are doing, whether you want to be a writer or you want to start making bread as your profession, never give up, don’t give up because that is the way the others win. You have to be strong for your children if not for anyone else but for your children. (END)

Publika iha Nasional

Analiza hosi

NGO Fundasaun Mahein

 

Problema bar-barak ne’ebe mosu konaba dezemvolmentu terorismu iha forum publiku sai hanesan isu ne’ebe dala barak  hamosu atu hakarak sensasionaliza ka politiza ba objeitivu sira nian rasik, tamba ne’e maka dala barak laiha razaun ruma atu halo debate. Kontenti duni Timor-Leste sai hanesan nasaun ne’ebe adopta liberdade espresaun, diversidade ho fiar oin oin kuda hela iha konstitusaun nasaun nian ho lala’ok moris/ life stillu, no laiha gravasaun passadu sai hanesan ameasa terorium organiku, ne’e sorin ida.

 

Sorin seluk, Timor-Leste nasaun ki’ik, i laos autor/kolegasaun ba jogu “funu global kontra terorimu”, nune’e mos hakotu iha nia politika rasik atu hadok an hosi problema ida ne’e. Maske faktu nune’e, FM fiar katak iha eventu daudaun ne’ebe akontesementu barak, maka sai politika ida ne’ebe diak liu ba Timor-Leste tenki aseita isu terorismu global ho rasional hodi halo deskusaun ba tentaiva implikasaun ba nasaun siguransa.

 

Publika iha Opiniaun

KARETA KIIK TULA PENUMPANG TENKE SUKAT

(Refere liu Modelu ukun iha nasaun kiik ho populasaun neebe natoon) 

 

 

Husi: Abel Amaral,

Sasin lia nain, lidun no sanak politiku

Agora dadaun servisu iha Fundasaun Mahein (FM)

Email: This email address is being protected from spambots. You need JavaScript enabled to view it.

 

Babain ema hanoin katak bainhira ita lori sasan barak no tadan ita persiza ema barak nia tulun nune sasan nee bele kman. Los duni, hanoin nee la salah maibe sasan ida neebe lai? Tanba sasan balun hare husi dok falun boot tebes maibe bainhira ita hakbesik no ita foti Kman los. Sorin seluk, ema balun moris ekonomis demais, ninia kareta kiik nia hakarak tula sasan barak, nune lao seiduk too metur atus ida roda nakfera ou bele lao neneik konsege too uma maibe harahun sistema makina kareta. Nune kareta nee halai lakleur hadia, lakleur hadia tanba aat bebeik. 

 

Publika iha Opiniaun

DÍLI- Trabalhador nain rua ne’ebe servisu hatun sasan husi konteintor sira iha ponte kais Dili lakon vida moris tan ba konteintor iha ro leten hanehan mate iha tasi klaran, bainhira sobu hela sasan iha konteintor ne’ebe sei iha ro’o laran.

 

Matebian Domingos Henrique (28) natural husi distritu Bobonaro. Matebian ida seluk Armando da Silva Seran (29) natural husi distritu Covalima, Sub-distritu Suai villa, Suku Suai Loro no aldeia Suka Bualaran. tinan ha’at ona serbisu iha Portu Díli no iha ona oan nain tolu, maibé fila (mate) hela de’it. Segunda horseik, Aman Maromak mós bolu tan nia ona ho dalan dezastre.   

 

Publika iha Nasional

BY: FIVO FREITAS 

Introduction 

In this reflection we explore what is the significant of, “the cross of Christ gains it’s meaning from his life that preceded it and the resurrection that followed”, where both have a significant and the uniqueness relationship and events of the mission of Jesus Christ in this world for humanity salvation that God attain into Jesus mission and ministry. As we see on 1 Cor.15:3, ‘the Scriptures and the tradition unanimously affirm that the death of Jesus was “for us,” “for our sins”, “for many,” “for the world.” Christ died for us sins in accordance with the Scripture.” 

 

Publika iha Opiniaun

Source: http://www.foreignaffairs.com/features/letters-from/the-worlds-youngest-failed-state

By By Madhu Narasimhan • foreignaffairs.com • August 12th, 2014

By almost any measure, Southeast Asia is thriving. The region has a population of over 600 million, brings in more foreign investment than China, and boasts a combined GDP of $2.5 trillion, larger than India’s $1.9 trillion economy. It is no wonder, then, that Indonesia, Malaysia, Singapore, and their neighbors have received plenty of international praise in recent years.

 

Publika iha Nasional

Writer : Roni Pati Tpoi Currently Study Master of Agriculture in Australian University 

E-mail: This email address is being protected from spambots. You need JavaScript enabled to view it.

 

BACKGROUND

 

Agriculture sectors play an important role in the economic development of the country. In addition to that, approximately about 83 per cent of Timorese from the total of 1 million engage in agriculture as a farmer. Timorese farmers is a subsistence farmers type, in which the production of the food only for consumption and provides better living hood. There are two seasons of growing crops, rainy season and summer season. In the rainy season, there are various types of crops that can be found in agriculture farm. Rice and Maize are the main food for Timorese, and farmers still rely on these two crops for their income, however, some of them rely on coffee and other agriculture products.

 

The price of the local food is less than the imported food. Quality and quantity is the main factor behind the low prices. Farmers are forcing to produce more with less input and often with the small land holding, some farmers cannot achieve better result for their production.While, the food is enough for family consumption, but there is a pressure to get money in order to provides better living to the family.

 

Publika iha Opiniaun
Joomla SEF URLs by Artio

Copyright © 2015 Agora Tempo Intermedia Ltd. All Rights Reserved.
Online since February 01, 2013
Creative Commons License
This work by Tempo Semanal is licensed under a Creative Commons Attribution-NonCommercial-ShareAlike 4.0 International License.

Top Desktop version