Tempo Timor Online

 

 

Dili, Tempo Semanal - Eis Presidenti da Republika, DR. Jose Ramos Horta, ne'ebe daudaun ne'e asume hela kargu hanesan Presidencia ba Painel Independenti Nivel A'as ONU nian ba area Operasaun Paz ne'ebe foo oportunidade ba Tempo Semanal hodi dada lia eskluxivu,  iha fulan ikus tinan 2014, iha ninia residencia iha metiaut, Dili, dehan ninia laran susar tebes kona ba situasaun Korrupsaun ne’ebe hamonu daudaun prestijiu nasaun Republika Demokratika de Timor-Leste iha komunidade ninia matan.

 

Eis enviadu especial Consello Nasional da Resistencia Maubere iha Frente Diplomatika durante luta ba libertasaun nasional ne’e apella ba ukun nain sira atu labele nani iha erru korrupsaun hodi nune’e Timor-Leste ninia pamor labele monu hanesan publika husi transparensia internasional ninia relatoriu.

 

Eis Primeiru Ministru iha terseiru Governasaun FRETILIN ninian ne’e mos konkorda ho Primeiru Ministru V Governu konstitusional kona ba estadu presiza hola medidas ba jurist sira ne’ebe maka kaer kazu taxa kompania internasional hatama kontra Timor-Leste.

 

Maibe eis Ministru Negosiu Estranjeiru iha I Governu Konstitusional FRETILIN ninian ne’e suhere atu resolve desputa ruma presiza liu husi dalan damai la’os liu husi dalan konfrontasaun.

 

Eis Reoresentante Especial Sekretariu Jeral ONU ba Guinea Bisau ne’e mos daudaun ne’e hetan fiar husi ONI atu lidera ekipa de avalisaun ida hodi hare servisu ONU ninian ba harii paz no estabilidade iha nasaun konflitus sira.

 

Tuir mai it aba akompania hamutuk konteudu intervista Tempo Semanal (TS) halo ho DR. Jose Ramos Horta (Ramos Horta) hanesan iha karaik ne’e.

 

 

 

TS : Hanesan eis Presidenti da Republika ne’ebe uluk kampania maka’as kontra Korrupsaun iha nasaun ne’e karik iha lia menon ruma relasiona ba luta kombate KKN iha nasaun ne’e.

 

 

Ramos Horta : Ha’u hanesan laran triste tebtebes wainhira ita lee iha relatorius internasional no iha jornal iha mundo no la’os de’it ne’e maibe la’os ida ne’e de’it  ita mos lee iha Timor no rona rasik husi timor oan barbarak ko’alia kona ba Korrupsaun.  

 

Dalai da tan wainhira ha’u lee iha relatoriu internasional, lee iha jornal, media internasional ho rona iha ita nia rain rasik, akuzasoeins ba Korrupsaun iha Timor ke korrupsaun ne’e nia numeru sa’e.

 

Ha’u nu’udar Timor oan, nu’udar fundador nasaun ne’e, eis presidenti no eis membru do governu, ha’u triste tebtebes. Tan ba ita nia naran iha korrupsaun nia laran ne’e hanesan foer los hanesan mos rai barbarak ke iha korrupsaun bo’ot iha mundo.

 

Ita luta ba Liberdade, ba Independensia ema barak maka mate I mai ha’u pesoal ha’u alin lubuk ida mate iha ne’e mos, tan ba funu ne’e I depois para ita hare Timor nia naran foer no monu iha taho laran. Ne’e ita ne’ebe iha dignidade ita triste. 

 

Ha’u la halo akuzasaun ba A, B ou C, ne’e la’os ha’u nina papel, ne’e papel KAK nian, papel Prokuradoria jeral da Republika I Tribunal sira. Ha’u bele ko’alia de’it hanesan jeneralidade ne’ebe signifika korrupsaun sa’e iha timor-Leste, ne’e ita rona.

 

Korrupsaun ne’e iha duni kuandu ita hare orsamentu bobo’ot ba estrada I estrada la di’ak. Atu halo ponte oan ida iha Dili laran mos lori semana lubuk ida mas kuandu ema iha rai seluk loron ida ka loron rua sira halo hotu ponte kiik oan ne’e. Iha ita nia rain semana ba semana no fulan ba fulan mos ponte kiik oan ida ne’e la la’o. Ne’e ita hotu-hotu nu’udar sidadaun tenke preokupadu. 

 

Dala ida tan hanesan ha’u hateten ona, ha’u la halo akuzasaun ba A, B ka C mas ida-idak maka tenke iha ninia konsiencia.hateke ba lalenok hodi husu ke osan ne’ebe nia iha, uma ne’ebe nia iha, kareta ne’ebe nia iha, nia hetan osan ne’e mai husi ne’ebe. Karik mai husi nia servisu, nia vencimentu, negosiu ne’ebe lejitimu ou mai husi meus seluk karik?

 

 

Ha’u fiar nafatin lideranca Presidenti da Republika Taur Matan Ruak nian, fiar nafatin lideranca Primeiru Ministru Xanana Gusmao. Sira nain rua maka tinan rua nolu resin hat hatudu dalan ba povu ho korajen tuir Nicolao Lobato nia tradisaun no nia eransa I ita tenke hanoin ida ne’e. Hanoin martires sira hanesan foin lalais dia sete de Dezembru liu (loron invazaun TNI iha 07/12/1975) hanesan aniversariu invazaun I momentu invazaun ne’e ema lubuk ida maka mate iha Dili laran no ezekusaun iha Ponte Kais Dili. I foin daudauk selebra 12 de Novembru hanesan loron sakrifisiu jovens sira nian. Masakre ne’ebe barbarak los iha Timor-Leste ne’e seida’uk iha jerasaun rua maka liu. Mas balun haluha tiha ona karik? 

 

Ne’e duni ha’u nia apella no mensajen maka ida ne’e, ita buka tinan foun ne’e mai, iha 2015 ne’e, hakmatek ho ulun malirin mos ran malirin muda ita nia komportamentu, Se maka sente iha korrupsaun so’e tiha no se maka iha governu buka servisu maka’as no halo didi’ak para Timor nia naran bele hamriik fila fali.

 

Iha 2015 ita sei iha problemas oioin tan ba 2015 ate 2016 folin mina tun loos. Uluk mina nia folin Dollar atus ida resin, agora mais ou menus setenta de’it. I ha’u bele hateten i tuir ha’u nia hanoin folin mina atu sa’e la iha. Iha 2015 folin mina sei tun no ha’u espera de’it no reza de’it para keta tun menus liu fali setenta. Mas bele tun menus liu setenta. Ne’e signifika saida? Ne’e Fundu petroleu sei hetan osan menus liu tan. I signifika mos saida tan? Ne’e signifika Governu tenke hare didi’ak orsamentu no labele kontinua orsamentu bobo’ot um bilaun I kinentus miloeins mas tenke tun ba oitu sentus miloeins ou karik bele auguenta ho sete sentus miloeins. Kuandu ita osan la iha tenke halo medidas ho seriedade. Signifika katak iha tinan lima nia laran konzela bu’at barak. Atividades foun no projeitu foun tenke konzela. Viajen estranjeiru tenke reduz ba setenta pursentus ou menus liu tan. Tan ba ita hare viajen internasional ba parlamentu nian ho ministru sira nian barak tebtebes, ne’e duni hare oin sa maka bele kontrola.

 

Ha’u konkorda ho viajen tan ba ita nasaun ida ki’ik no do’ok I parlamentu iha lejitimidade para halo estudus komparativus no governu iha atividades oioin maibe ita tenke buka atu kontrola no hatun ida ne’e, para despezas bele menus.

 

TS : Ita bo’ot dehan Papel KAK, Ministeiru Publiku no Tribunais maka halo akuzasaun hodi kombate KKN. Maibe foin lalais ne’e orgaun estadu Timor-Leste hasai rezolusaun ruma hodi hasai tiha asesor KAK no jurist balun. Hanesan ema ida ne’ebe uluk  relasoeins publika iha tempu Luta ita bo’ot hare lala’ok ne’e karik hakanek imajen nasaun ne’e ninian ka la’e?

 

Ramos Horta : Ha’u hatene ke prosesu ne’ebe jurista prokurador no juiz Portuges sira ka’er kona ba Conoco Philips ne’e, iha tribunal bu’at barak maka sala. Ne’e ha’u rasik hare ho ha’u nia matan, ha’u estuda prosesu ne’e. Ha’u ke la’os juiz, la’os jurist ha’u hare ha’u hakfodak, oin sa maka juiz bobo’ot husi tasi balu bele halo errus nune’e.

 

Maibe ha’u mos hanoin ke kuandu iha errus nune’e ita buka halo dialogu, ko’alia ba malu tan ba iha obrigasaun duni iha dialogu institusional. La signifika katak interfere. Primeiru Ministru, Presidenti da Republika, Presidenti Tribunal rekursu, Presidenti parlamentu bele tuur ko’alia no bolu mos embaixador Portugal ko’alia kona ba ida ne’e. Tan ba ita hare duni prosesu ne’e, juiz sira ka’er ne’e la di’ak.

 

Maibe kuandu ita buka resolve problema id aka krize ida ita buka resolve ne’e didi’ak, dala ruma diplomatikamente. Mas agora ne’e akontese tiha ona, saida maka bele halo resolve situasaun ne’e. 

 

Ita hatene ke ita nia Tribunal no sistema justica sei fraku. Fraku la’os kritika ba sira. Fraku tan ba nasaun fraku duni. Ita foin maka tinan sanolu resin rua. Ne’e ita bele hotu-hotu matenek tebtebes, vizaun di’ak no estabilidade di’ak maibe tinan sanolu resin rua ita tinan sanolu resin rua duni. Atu hari estadu ida hanesan ita hahu iha 2000, 2001, 2002 to’o agora ne’e la’os halimar. Ne’e duni Tribunal sira, sistema judicial no hanesan administrasaun publika tomak fraku.

 

Agora ita buka reforsa liu tan kapacidade juiz no prokurador Timor oan sira. Defensoria publika sira mos fraku tebtebes, ha’u rona kritikas barak los kontra defensoria publika. I defensoria publika atu tulun ema ki’ak sira la’os atu fo tulun ba ministru ruma ou ba setor privadu sira ne’ebe iha osan. Ne’e duni ha’u rona kritikas mai husi balun kontra defensoria publika I sira rasik tenke hare ida ne’e.

 

Mas sistema ne’e fraku no frajil hotu iha Tribunal tomak nia laran. Tan ba sira instituisaun soberanu ida, ita tenke respeitu I buka fo tulun maka’as ba sira. 

 

Ne’e duni ha’u espera no ha’u hare kontente Primeiru Ministru haruka Ministru Justica ba tiha ona Portugal no Cavo Verde hodi hare kooperasaun oin seluk ho Portugal no Cavo Verde. Ita presiza nafatin kolaborasaun husi Portugal, Cavo Verde I rai sira seluk iha CPLP nian. 

 

Justica tenke simu apoiu maka’as liu tan. Ita buka hanesan, hare didi’ak ita nia juiz tan ba sira Timor oan no ita nia prokuradores sira, labele halo sira sente ta’uk. Labele iha klima ne’ebe ke sira atu servisu sira la iha seguranca. Ita tenke hamaus sira, tenke hatudu ba sira ke sira Timor oan, sira ita nia ema no sira buka halo bu’at ida ke difisil. Justica la’os fasil. I se ita hakarak nasaun ne’e moos tenke iha luta ba kontra korrupsaun. Se la’e ita kritika maka juiz ho Prokuradores sira I depois fo fali forsa ba sira ke halo korrupsaun. I la’os de’it korrupsaun de’it maibe mos krime oioin ne’ebe ke akontese.

 

Ne’e duni poder judicial, justica tenke hotu-hotu respeita no tenke simu apoiu maka’as husi Governu, husi Estadu no husi Parlamentu.

 

TS : Loron sia fulan dezembru hanesan loron internasional ba kombate Korrupsaun. Oin sa maka ita bo’ot ninia hanoin no hare ba lala’ok kna’ar KAK ninian durante ne’e?

 

Ramos horta : Uluk pelumenus antes ha’u sai husi ne’e ba liur iha 2013 no ha’u fila husi Guinea Bissau iha juno 2014, antes ha’u ba, ha’u hare ke KAK nia servisu di’ak. Hanesan instituisaun ida ke foun maibe neineik ba neineik hetan meus oioin no iha ema di’ak I ha’u hare ke sira ho korajen komesa halo investigasaun. Ne’e sira nia papel no ne’e sira kompetensia ne’ebe lei fo ba sira. Tinan ida liu mai ne’e ha’u la hatene nune’e ha’u labele fo ha’u nia opiniaun. Maibe servisu di’ak ka la di’ak, ita iha instituisaun ida naran KAK hodi luta kontra korrupsaun nune’e ita hotu-hotu tenke buka fo apoiu maka’as liu ba sira. Ne’e para sira ka’er sira nia kna’ar ho korajen I la ta’uk.

 

TS : Hanesan ema ida ne’ebe uluk lori Timor nia naran ba hamorin iha komunidade internasional ninia matan karik sa konsello maka ita bo’ot hakarak fo hatene ba ukun nain sira atu hadi’a hikas naran Timor-leste ne’ebe monu daudaun iha komunidade internasional ninia matan?

 

Ramos Horta : ha’u hateten beibeik iha Facebook no iha social media, iha konferencias iha liur no iha fatin hotu-hotu. Primeiru ha’u hateten ba mundo keta haluha nasaun ne’e tinan sanolu resin rua. Ha’u la simu no la gosta kritika arbiru ke la hanoin kona ba oin sa maka Timor hahu iha 2002, husi zero, povu ida traumatizadu, difikuldades oioin ke nasaun ne’e infrenta I ita hare rezultadu no balansu depois tinan sanolu resin rua liu tiha. Por izemplu sector ida ke ita hotu-hotu bele urgullo. Setor saude, bu’at barak sei la’o la di’ak mas ne’e tan ba jestaun husi Ministeiru saude karik, jestaun iha ospital nian, bu’at sira ne’e. maibe keta haluha ke oras ne’e daudaun ita iha Timor oan mediku atus walu resin. 

 

Formasaun mai husi Kuba ho Timor-Leste. Doutor Timor oan atus walu resin. Iha tempu portuges doutor Timorense, neim iha ida. Universitariu Formandu kursu bo’ot iha Portugal ida de’it maka Ingeneiru Mario Carrascalao. Kuandu ita too fin kolonizasaun Portuges iha 1974 no 1975, universitariu Timorense ida de’it mak Ingeneiru Mario Carrascalao. Ema ida di’ak, ema ida simples nune’e nia fila mai nia rain hodi servisu nu’udar xefe de agrikultura. Maibe la iha tan Timor oan seluk.

 

Tempu Indonesia, kuandu ita to’o iha 2002 medikus Timorenses uitoan liu de’it. Ne’e maka hanesan Doutor Rui Araujo, Doutor Sergio Lobo no uitoan tan. La to’o tinan sanolu medikus atus hitu maka ba estuda iha Kuba. I agora ita iha ona formandu hamutuk oitu centus I kuarenta medikus Timorenses. Tinan rua ka tolu tan. Ita sei iha rihun ida resin. Signifika proposaun ba populasaun aas liu iha asia tomak. Maibe ne’e la’os suficiente, signifika medikus sira ne’e presiza enfremeirus. Kada mediku tuir tekniku sira dehan tenke iha enfremeirus tolu para servisu ho nia. Se mediku la iha enfremeiru rua ka tolu apoiu nia maka nia mos halo fali papel hanesan enfermeiru nian. I medikus ho enfermeirus la halo milagre maibe sira presiza medikamentus. Jestaun medikamentus di’ak ka la’e? sira presiza ekipamentus. Iha ekipamentus ka la’e? Sira presiza hela fatin kuandu servisu fatin iha suku sira ne’e. Iha ga la’e?

 

Se ita la konsege halo merenda eskolar ne’e lolo’os nian, ha’u la hatene ke se ita fo apoiu didi’ak ba Doutor no ba enfremeirus sira. Portantu rezultadu setor ida ne’e pozitivu tebtebes. Ita iha ospital referensia hat, Baukau nian la hun la dikin, la’o la la’o, tinan lubuk ida ona mas prosesu la’o daudauk ona. 

 

Setor edukasaun mos bu’at barak di’ak maske bu’at barak mos la di’ak. Bu’at ida maka Timor oan rihun ba rihun universitariu. Timor oan rihun ba rihun iha universitariu iha Timor no iha liur. Estadu Timorense haruka Timor oan atus ida resin ba Filipina, atus ida resin ba Thailandia, atus rua ka atus tolu iha Australia, atus rua ka atus tolu iha Brasil, Atus rua ka atus tolu iha Portugal, Xina, Korea, Japaun, New Zealand. Portantu osan ne’e mai husi Petroleu Fund. Entaun bu’at barak di’ak.

 

Ita hare mos obras infra estrutura balun la’o daudaun ne’e hanesan estradas no seluk tan. Presidenti da Republika Taur Matan Ruak hateten ba ha’u. Ni aba foho nia visita ona suku ho aldeia kuaze atus tolu. I nia hateten iha 2013 no 2014 nia hare ke bu’at barak di’ak daudaun iha komunidade sira nia vida iha foho. Ha’u rasik mos hare ho ha’u nia matan. Maibe  bu’at sira ne’e bele la’o di’ak liu se obras be exekuta ne’e, exekuta ho kualiadade; se estrada ita halo ohin no fulan neen la monu ka naksobu tiha; se edifisius ne’ebe ita halo, halo ho kuidadu. Orsamentu ne’e mos labele kuaze karun dala rua liu tiha. I eskola ne’ebe bele halo ho trinta mil Dollar, dala barak ita hare halo ho fali duzentus mil dollar. Portantu osan lubuk ida maka lakon de’it I la koresponde ba kualidade obras ne’ebe ita halo. Ne’e ita hotu-hotu no ida-idak bele hare no povu mos hare.

 

Portantu ha’u hateten, ha’u nungka gosta halo kritikas arbiru ke bu’at hotu la’o la di’ak. La’e, Primeiru Ministru nia Governu tinan hitu ka walu nia laran ne’e ke bu’at barak maka nia halo. I bu’at barak tenke korije. Primeiru Ministru iha oportunidade, agora ha’u rona atu halo reestruturasaun Governu. FRETILIN mos ezije ida ne’e. Ida ne’e normal iha rai mundo tomak ne’e, Timor uniku ke la halo remodelasaun. Iha mundo tomak, Primeiru Ministru fo fulan neen ka tinan ida maximu. Fulan neen liu tiha kuandu nia hahu, nia komesa sukat ministru sira nia performance no nia atividades. Se la di’ak nia muda. La’os duni sai mas nia ba ministeiru seluk ou la di’ak ne’e hasai duni. Portantu Mundo tomak nune’e.

Iha Timor maka iha primeiru Governu AMP tinan lima la iha remodelasaun. Agora tinan rua liu tan tiha ona, hamutuk tinan hitu la iha nafatin remodelasaun. Ne’e duni ha’u rona, bele akontese mas ne’e Primeiru Ministru nia kompetensia katak bele akontese reestruturasaun iha Janeiru ne’e. Mas se la akontese iha Janeiru ne’e entaun ita hateten tarde demais ona tan ba elisaun foun sei mai ona iha 2017.

 

Portantu ha’u fo parabeims ba primeiru Ministru kona ba bu’at ne’ebe nia halo. Ha;u mos kuandu ema kestiona iha mundo, ha’u labele hateten bu’at hotu-hotu di’ak. Bu’at barak di’ak mas bu’at barak mos la di’ak. Ita tenke buka korize bu’at barak ne’ebe ita hatene, ita hare ho ita nia matan no ita sente katak la ho la di’ak.

 

TS : Ema balun admira ho ita bo’ot no husu karik ita bo’ot hetan ona fatin di’ak iha ONU mas sei hakarak fila nafatin mai rai Timor-Leste. Sira balun husu nusa maka ita bo’ot la hela iha rai liur hodi fokus ba ita nia servisu maibe mai iha TL hodi dala balun halo ulun moras ba Governantes sira.

 

Ramos Horta : Ne’e lo’os duni, iha momentu ne’e podia ha’u fa’an bu’at hotu-hotu ne’ebe ha’u iha no ba hela iha Nova yorke ka iha rai seluk tan ba servisu ne’ebe ha’u halo ba Nasoeins Unidas todan tebtebes no viajen barak los. Entaun husi Nova Yorke mai Timor viajen ne’e todan tebes. Ou ha’u lalika servisu ho Nasoeins Unidas mas hela iha ne’e maibe hanesan regorma duni hodi deskanca, pasiar ba tasi, la’o pasiar ba foho, la halo bu’at ida I la simu no lakohi simu todan.Tan ba povu hili ona Presidenti foun ne’ebe ha’u mos admira ba nia servisu di’ak. Povu hili Parlamentu foun no Governu foun ne’ebe fo oportunidade ba sira atu ukun ne’e duni ita hotu-hotu respeita. I ita buka lolo’os deskanca.

 

Maibe ha’u hatudu ha’u nia primeiru lealdade ba nasaun tan ba ema barbarak mate iha nasaun ida ne’e. I ha’u hatudu lealdade ba Presidenti da Republika no Governu hodi tulun sira. Ha’u labele hanesan hamnasa fali ho difikuldades oioin ne’e no deskanca hodi taka tiha matan, ne’e la’e. Maibe ha’u mos lakohi kritika de’it mas ha’u buka tulun duni kona ba bu’at ne’ebe Presidenti da Republika ho Primeiru Ministru presiza atu ha’u halo ba nasaun, ha’u halo duni. Ba ha’u prioridade maka ida ne’e, la’os prioridade rai selu-seluk nia problemas, Ne’e duni wainhira Presidenti ka Primeiru Ministru presiza bu’at ruma ha’u pronto sein pursentu. Ha’u halo ne’e tan ba ema, ha’u nia familias rasik mate lubuk ida. Alin sira, to’o agora sira nia ruin buka hetan. Komandante Nuno Horta, komandante FRETILIN nian ida ho ida tan Guelherme mate. To’o agora rua ne’e ruin seida’uk hetan. Barak hetan ona familias nia ruin hakoi ona iha cemiteiru dos Herois mas ami maka seida’uk. Ida Mariazinha ha’u nia alin feto, nia sort eke mate iha Lolotoe iha aldeia anun ne’ebe povu hare no povu hakoi nia I funu remata tiha maka ami ba lori nia ruin mai hakoi iha Santa Cruz. 

 

Maibe sira seluk to’o agora seida’uk hetan. Nune’e maka bu’at ha’u halo ne’e hanesan lealdade ba sira nia memoria no lealdade ba herois sira hotu-hotu maka mate. Nune’e ha’u labele so’e arbiru. Ha’u iha ne’e pronto se povu presiza ka estadu ou Governu presiza maka ita hotu-hotu tenke buka fo tulun Primeiru Ministru no ita hotu-hotu tenke buka tulun Presidenti da Republika. Hanesan Timor oan tomak, sidadaun hotu-hotu. 

 

I ha’u la kontente kuandu ema halo manifestasaun oioin purizemplu iha cemiteiriu Santa Cruz ne’e it aba iha ne’eba para hakmatek, hakruuk fo omenajen, fo onra ba vitima sira. Kona ba politika ita buka halo iha fatin seluk. I depois ita halo fali ita nia umiliasaun ba ita nia Primeiru Ministru no ita nia presidenti Parlamentu. Ita tenke buka respeita ema. Iha fatin para ita buka halo manifestasaun ka kritika mas iha fatin mos para ita hotu-hotu tuur nonok. Ita kuandu ba igreija ka katedral laran, ita la hakilar iha ne’eba. Nune’e mos ita ba cemiteiru, rate ne’e ita la hakilar iha ne’eba, ita ba nonok iha rate ne’e.

 

TS : Karik ita bo’ot mos bele esplika uitoan kona ba servisu ne’ebe foin ikus ne’e ita simu husi ONU ne’e?

 

Ramos Horta : Ha’u simu todan hanesan presidenti ba komisaun altu nivel, ba hare reforma sistema pas Nasoeins unidas nian. Iha sistema Nasoins Unidas ne’e, kona ba seguranca no pas iha bu’at oin rua. Iha mekanizmu bo’ot rua, ida sira bolu misaun politika especial I peace keeping ou Forca da Pas. Rua ne’e maka hanesan ai rin uma nian ba sistema pas iha Nasoeins unidas nian. Misaun politika especial signifika katak hanesan ida iha guinea bisau. Ne’e la’os forca da Pas mas misaun politika especial hodi haruka ema ida hanesan ha’u no estaf barbarak I buka tulun nasaun ne’e resolve problema maibe la lori forca ka tropas da pas Nasoeins unidas nian. Depois iha Forca da Pas purijemplu hanesan 1999 ka 2000, iha ne’e ita iha forca da pas hanesan interfet no peace keeping Nasoeins unidas nian. 

 

Rua ne’e maka ami buka halo reavaliasaun tan ba dezafiu kona ba pas no seguranca iha mundo ne’e, phin daudaun ne’e oin seluk kompara ho tinan rua nolu ba kotuk no tinan sanolu resin lima liu ba. 

 

Ita hare problema iha Syria, iha Irak, Somalia, Afganistaun, ne’e konflitu sira ne’e la’os konflitus klasiku tradisional ida uluk ita hatene, ita kuinese nune’e tau forca da pas ida ba bele resolve. Problema ne’e agora relijiozu mos iha, fanatismu mos iha no teorizmu mos iha. Portantu la respeitu ona fronteira no governu monu iha fatin barak. Lybia, ho manifestasoeins iha ne’eba hatun khadafi maibe agora estado ne’e it abele hateten estadu ne’e la existe.

 

Ita hare Syria, hotu-hotu hakarak hatun ditador Hasaq, manifestante sira mos anxe hakarak Hasaq atu tun maibe la hare ke Hasaq sei forca nafatin. Entaun tinan tolu liu tiha ona no ema rihun atus ona mate, miloeins ba miloeins refujiadus I Syria ditadura nafatin iha ne’eba, tan ba la iha interese ba dialogu.

Irak, Problemas foun mosu fali, depois de Amerikanu sira sai problema bo’ot liu tan.

 

Ne’e maka Sekretariu Keral bolu ha’u hodi direje painel ida ka komisaun ida I ami membru hamutuk nain sanolu resin hitu hodi halo avaliasaun. Ha’u hahu tiha ona iha Nove Yorke, iha fulan Novembru primeiru reuniaun kuaze semana rua nia laran. Agora semana ne’’e ha’u ba Roma, Italia  no ba Jenebra no dia 18 de Dezembru maka fila mai. Maibe ha’u kontaktu nafatin ho sira liu husi email, skype ou tele konferensia ho ha’u nia kolega sira. 

Iha Janeiru, Fevereiru to’o Marsu ba oin ne’e ha’u nia viajen lubuk ida, ne’e maka hahu maka’as liu tan. 

 

Sei konsultas ho rai barbarak, sei konsulta ho Xina, to’o Japaun, to’o Amerika, Franca. Inglatera, ho rai Afrika, rai azia sira seluk hanesan India ho Pakistaun tenke rona sira. Maibe rona mos husi sociedade civil. Ha’u mos hakarak rona maun bo’ot Xanana Gusmao no rona Presidenti Taur Matan Ruak, saida maka sira hanoin no fo ideias ba ha’u no fo ideas ba komisaun altu nivel ne’e oin sa maka bele reforca  kapacidade Nasoeins Unidas nian atu resolve konflitu iha mundo ne’e. Iha fulan maiu nune’e tenke entrega relatoriu ho rekomendasaun ba Sekretariu jeral maibe ne’e la signifika remata ona. Entrega no ami estuda relatoriu ne’e depois lori ba asembleia jeral I konsello de seguranca. Ha’u tenke ba iha ne’eba fulan lubuk ida para hanesan konvense konsello seguranca no konvense asembleia jeral katak estratejia mak ida ne’e I politika mak ida ne’e. Tan ba ida ne’e mos depois buka finaciamentu kona ba se maka atu selu forca da pas no se maka selu misaun politika especial. Portantu todan ne’e sei lori to’o fulan Setembru ka Oetobru 2015. Ne’e maka ha’u nia mandate mai husi Sekretariu Jeral ONU nian.

 

TS : Karik iha lia menon rua maka ita bo’ot hakarak husik hela ba Timor oan sira antes ita nia viajen?

Ramos Horta : Ba Timor oas sira, ba sarani sira katoliku no ba Protestante, ba animista, ba muslumanu, ba hindu sira, Budista I ba sira ne’ebe relijiaun la iha mos, ha’u fo votus uluk knanain atu tinan 2015, tinan ne’e sei di’ak liu ba ita Timor-Leste para ita hametin dame no pas nafatin, simu malu nafatin hanesan tinan sanolu resin nia laran. 

 

Izemplu bo’ot ida ke, Timor bo’ot nafatin ba mundo maka iha toleransia no iha rekonsiliasaun. La iha ona konflitu armadu no violensia.

 

Ha’u halo apello ba jovens sira para kontribui nafatin, hapara tiha violensia iha Bairo, iha ita nia aldeias no suku sira. Ne’e parabeims ba ita nia populasaun tomak. Kona ba periodu Natal liu-liu katoliku sira maka selebra ha’u fo boas festa I aproveita periodu Natal ne’e deskanca ba sira ne’ebe servisu tinan tomak. Natal ne’e selebra ho familias I iha uma laran buka oin sa maka resolve problema violensia domestika nune’e la’en ho fen hare malu didi’ak hodi tau matan didi’ak ba oan sira atu nune’e hapara violensia domestika iha ita nia rain ne’e. Tan ba iha ne’e violensia domestika barak tebtebes. Ita selebra natal maibe ita hatene ke violensia domestika iha ne’e  tan ba Natal ne’e festa familias. Ita selebra natal halo promesa ba malu atu iha uma laran labele iha violensia. Iha eskola labele iha violensia, profesores sira labele uza violensia ba labarik sira ne’e para labarik la ta’uk.

 

Ba povu tomak husi Tutuala to’o Oekuse, ha’u nia votus Natal kmanek I tinan foun ida ke di’ak liu tan, ba rai doben no povu doben Timor-Leste.

 

 

 

Dili, Tempo Semanal - Lideransa hosi Partidu Demokratiku (PD) no Partidu Congresu Nasionál Rekonstrtusaun de Timor (CNRT) preparadu no prontu simu desizaun  Primeiru Ministru Kay Rala Xanana Gusmao atu halo re-estruturasaun iha tinan 2015 hanesan hato’o ona iha Primeiru Ministru ninia mensajem ba 2015 ninian.

 

Primeiru Ministru Kay Rala Xanana Gusmão hato’o ona ninia mensajen ba tinan 2015 ne’ebé dekreta katak sei halo duni re-estruturasaun radikal id aba V Governu konstitusional nune’e nia avizu on aba ninia kolega membru do Governu sira atu prepara aan hodi simu.

 

Prezidente Partidu Demokrátiku, Fernando La-Sama de Araújo ne’ebe mos daudaun ne’e assume hela kargu hanesan Vice Primeiru Ministru fo reasaun ho kalmu ba mensajen refere no dehan re-estruturasaun ne’e kompetensia Primeiru Ministru nian.

 

“Se nia (Xanana) hanoin troka hotu ha’u mós laiha problema ida, mas hanesan Timor-oan iha ne’ebé de’it tenke servisu ho fuan ho laran ba rai ida ne’e. Ha’u hanoin buat ida moris hamutuk (iha Bloku Koligasaun) dalarum hanesan ondas, see Primeiru Ministru husu duni deskulpa ba Bloku Koligasaun ne’e normal,” Prezidente Partidu Demokrátiku, Fernando La-Sama de Araújo, dehan ba jornalista sira iha MNEK, Segunda (29/12).

 

Lasama ne’ebe assume hela kargu hanesan Primeiru Ministru Interinu ne’e lidera hela konsello dos Ministru iha MNEK wainhira Primeiru Ministru, Kay Rala Xanana Gusmao husu lisenca ba ferias ate loron 04/01/2014 maka fila mai assume hikas ninia kargu.

 

Nune’e mós Sekretáriu Jerál Partidu Demokrátiku Mariano Assanami Sabino pronto simu desizaun hosi Primeiru Ministru Kay Rala Xanana Gusmão kona-ba re-estruturasaun ba Kintu Governu Konstituisional.

 

“Ita tenke iha kultura politika, atu nune’e labele soe programa iha dalan klaran”, hateten Ministru Mariano Assanami Sabino ba jornalista sira wainhira hola parte iha Konsello dos Ministru iha MNEK, Pantai Kelapa.

 

Nia esplika katak, “ita nia politika ne’ebé foti iha Parlamentu inklui governu kultura ba ita nia nasaun. Bloku Koligasaun mós hanesan kultura politika ida, entaun ita tenke hametin nafatin konsistensia kultura, konsekuensia sai de’it, mas Bloku tenke kontinua mantein, laiha dalan atu hapara ekxistensia Bloku Koligasaun, ne’e final tinan lima nian. Ita iha komprimisu programa bainhira hari’i Bloku la’os komprimisu ema hodi tau hanoin, ideia, la book komprimisu programa, tanba programa kontinua nafatin tinan lima nian”.

 

SekJer PD ne’e fiar katak desizaun ne’ebé sei foti hosi Primeiru Ministru Kay Rala Xanana Gusmão sei lori benefisiu bo’ot ba povu Timor-Leste.

 

 “maun bo’ot nia desizaun, Partidu kumpri no sempre asegura desizaun maun bo’ot nian, tanba teruji tiha ona katak maun bo’ot nia hanoin sempre di’ak ba rai no ba povu ida ne’e. Povu ho Sosiedade Sivil tenke fiar katak governu ida la’o normal iha tinan lima nia laran, maibé Primeiru Ministru nu’udar responsavel ba autoridade máximu iha governu nia bele haree katak ema ne’ebé ajuda nia ne’e karik buat ruma la’o lalo’os nia bele muda, la iha tekanan,” hateten Sekretariu Jeral Partidu Demokratiku Mariano Assanami Sabino.

 

Assanami hateten katak povu konfiansa ba Partidu politiku sira atu ukun durante tinan lima la’os hakotu iha dalan klaran, maibé wainhira Xefe do Governu sente kondisaun ne’e labele aguenta, entaun Xefe Governu mak iha kompetensia tomak atu hola desizaun.

 

“So nia (Xefe Governu), la iha Partidu ida mak halo tuntutan ba desizaun ba re-estruturasaun, ne’e laiha. Parlamentu mós hili Primeiru Ministru dala ida, so ke konstituisaun fo dalan balun atu troka ema ruma. Primeiru Ministru bele koalia saida de’it mós defende nia (Xefe Governu) nafatin, tanba kontratu politika ne’e fó kompetensia ba Primeiru Ministru,” Assanami dale.

 

Partidu Demokratiku kesi án ba Planu Estratejiku Dezenvolvimentu Nasionál (PEDN) 2011 - 2030.

 

“PD sai autór formasaun iha tempu AMP mai to’o Bloku Koligasaun, kuandu kesi án ona PEDN susar oituan ami sai fali Opozisaun ba ami nia planu ne’e. Progarama Dezenvolvimentu Lokál (PDL), Pakote Referendum, ne’e programa hosi baze mak sa’e mai, kestaun troka ema depende ba Primeru Ministru, ne’e normal,” Assanami afirma.

 

Tuir Sekretariu Jeral Partidu PD ne’e ba jornalista sira iha MNEK katak planu orsamentu ne’ebé aprova hosi Parlamentu Nasionál ba tinan Lima la’os planu ne’e ba iha dalan klaran de’it.

 

Maski Primeiru Ministru hanoin ona atu halo re-estruturasaun, maibé Assanami fiar katak Partidu Demokratiku sei asegura nafatin planu governu nian ne’ebé iha.

 

“La’os kestaun siap ka la siap, PD hatudu ona iha situasaun ida ne’ebé difisil, susar hahú hosi 2001 mai iha 2007 ne’e lidera Opozisaun iha Parlamentu. PD Komunga katak programa lubuk, PD mós hatama programa lubuk ida hodi sai programa prioridade governu nian, entaun programa ida ne’e mak ita kesi án ho povu,” nia dehan.

 

Desizaun ba re-estruturasaun, Tuir Assanami la fó impkatu ba ekxistensia Bloku Koligasaun, tanba programa Governu Bloku Koligasaun ninian ne’e aprova tiha ona hosi Parlamentu Nasionál ba tinan lima, nune’e duni ekxistensia Bloku Koligasaun tenke la’o ba oin.

 

Assanami remata ho informa katak bainhira forma Bloku Koligasaun komprimisiu programa, la’os komprimisiu ema. Iha parte seluk wainhira dada lia ho Tempo Semanal Ministru Agrikultura ne'e dehan la devia Primeiru Ministru atu husu deskulpa ninia kolega membru do Governu sira tan ba kompetensia tomak hela iha Primeiru Ministru ninia liman.

 

Entretantu Sekretáriu Jerál Partidu CNRT Deonisio Babo informa desizaun ba re-estruturasaun, Primeiru Ministru mak iha direitu tomak atu determina se-se de’it mak membru governu inklui mós re-estruturasaun ba kompozisaun governu nian.

 

“Ita hotu tenke respeita, ami hosi Partidu CNRT fó konfiansa tomak ba Maun Xanana hanesan Prezidente CNRT nu’udar mós Primeiru Ministru atu halo reforma ba saida de’it mak nia hanoin di’ak liu ba nasaun ida ne’e, porque buat ida kargu Ministru, Vise Ministru ka kargu Sekretáriu Estadu ne’e kargu temporariu politiku, agora depende ba Primeiru Ministru mak deside, ne’ebé nia sente ida ne’e mak di’ak liu hodi hala’o governasaun durante sinku anos,” dehan Sekretariu Jeral partidu CNRT ba jornalista sira iha MNEK, Segunda (29/12).

 

Deonisio Babo ne’ebe assume hela kargu hanesan Ministru Justica ne’e konsidera desizaun ba re-estruturasaun sei hamosu pontu de araka ida hodi hametin liu tan konfiansa povu nian.

 

Mensagem do PM Xanana Gusmao  para 2015

Estamos no final de Dezembro de 2014! É já tempo para se tomar uma decisão correcta!E isto será no próximo ano, antes aindade este Governo perfazer 2,5 anos do seu mandato. Não pude fazê-lo mais cedo, bastante ocupado com a CPLP, muitas viagens cansativas por compromissos internacionais, desde Dezembro 2013 até Outubro 2014, e, mais recentemente, com as questões de interesse estratégico nacional. Por outro lado, seria sempre melhor, depois de se ter o OGE aprovado.

Desde 22 de Novembro de 1978, que assumi as rédeas da Resistência. Nos finais dos anos 80, jurei aos guerrilheiros que não assumiria nenhuma responsabilidade política,depois da guerra. Em 2002, faltei a esse juramento por circunstâncias, nunca por mim previstas e que foram, devo dizer, inevitáveis. Em 2006, não me apercebendo que interesses não-timorenses estavam a desejar uma ruptura na nossa sociedade, já por si frágil na altura, tomei a decisão menos correcta e, em 2007, criei um partido e assumi o governo.

O tempo passa inexoravelmente e a fraqueza humana é precisamente afixar-se a uma ideia, que actue como um bálsamo nas peripécias, às vezes irritantes, do dia-a-dia. A luta entre o ego, que reclama um papelideal na sociedade, e o dever de cidadão, num quadro mais amplo de apenas mais um entre muitos, senão entre todos, acicata a sensação de imprescindibilidade. Essa auto-satisfação só tem o efeito de roer o bom senso, se é que ainda existe um lugar vazio, no corpo ou na alma, para acolher esse sentido, algoque começa a tornar-se raro na nossa sociedade, talvezresultado da democracia, talvez ainda produto dos tempos modernos. 

Tenho vindo a esforçar, nestes últimos tempos, a desprender-me de mim mesmo, como se isso tratasse de um objectivo último da minha passagem no mundo. Outrora, nos tempos difíceis da guerra, em que o sacrifício e as privações pesavam no corpo mas que nunca esmoreceram a minha inesgotável vontade de vencer os obstáculos de ordem subjectiva.Eu tinha que perceber primeiro, para poder transmitir aos outros, com clareza,o entendimento necessário do que se pretendia, num verdadeiramente longo prazo, sem nunca perder de vista todo o adverso que adviria desse objectivo a alcançar, como meta sagrada. 

Hoje, levo um fardo maior porque os desafios são imensamente medonhos e diversificados, e as dificuldades mais sensíveisdo país são da ordem de fragilidades estruturais, de carácter da inoperância técnica, da morbidez de valores culturais e do abandono das normas éticas de sacrifício e dedicação.

Gostar de receber ‘encomendas’ de palavras e expressões que nos elevam para níveis mais altos do que verdadeiramente somos, é – devo reconhecer humildemente - a maior fraqueza de um ser humano. E esta fraqueza, confesso, é ainda maior quando eu me propicio ao extremo de me sentir, isoladamente, melhor que ninguém.

A sociedade de hoje não necessita de ‘idolatrar’ quem quer que seja – esta é uma verdade consumada! Como ser humano, aprecio e sinto-me interiormente consumido pelos elogios que são proferidos e que às vezes erradamente penso que são dirigidos a mim. 

O mais importante é que, no fim desta desnecessária maratona política, que foi apenas para assegurar benefícios a mim mesmo e à minha família, o melhor e verdadeiro elogio, que eu vou conservar como um tesouro, é de eu ser ‘ditador, arrogante e corrupto’. Será esta a melhor inscrição, em cima da minha cova, em Balibar (terreno que eu ainda não consegui comprar, nem mesmo com a corrupção que eu fiz e ajudei a fazer ao dinheiro do Estado).

Asociedade timorense já possui indivíduos capazes, altamente instruídos, provindos de instituições educacionais de calibre internacional e mestrados em diversas áreas de que o nosso país tanto necessita. Opaís precisa de sabedoria: cientifica, técnica, profissional e com visão do progresso económico e social. 

É tempo de abrir este leque de oportunidades aos que potencialmente podem dar mais e melhor ao país.Timor-Leste não pode mais estar dependente da decisão de poucos e, muito menos, de uma pessoa! 

Uma pessoa... e essa pessoa não é a mais habilitada nas novas exigências do país! Uma pessoa – e, essa pessoa, sou eu, que só tem o 2º. Ciclo do Liceu, equivalente ao Ensino Secundário dos dias de hoje!Afasto-me e fico à espera de ser julgado por prática de crimes que eu tenha cometido ou ajudado a cometer...para o contento de algumas pessoas honestas (e são tão poucas) em Timor-Leste.

É tempo de mudanças! É já tempo para alterar as condições actuais de liderança em Timor-Leste.Vou proceder a uma reestruturação drástica do V Governo. 

Devo afirmar que, se não fizemos muitas coisas boas, fizemos algumas, reconhecendo contudo que deveríamos ter feito melhor.

Peço desculpas aos meus colegas do Governo, que esperaram um ano inteiro, sem ouvir nada sobre isso. Preparemo-nos todos e desde agora, em nome dos interesses nacionais, a aceitar as decisões que eu tomarei, como actual Chefe do Governo. 

Peço desculpas aos Partidos da Coligação mas a reestruturação não vai contemplar, isto é, não pode obedecer já aos interesses de cada partido mas os interesses que o Governo tem,em sua mão, para responder perante o Povo e perante a Nação.

Eu acredito profundamente que, com uma menor relevância de participação nas actividades governamentais do dia-a-dia, o novo Governo terá a real oportunidade de progredir sensivelmente, porque todos terão aproveitado para corrigir os erros que, infelizmente, eu terei deixado como legado à nova liderança do país.

Reconheço que não consegui satisfazer a todas as exigências, impostas pela sociedade, e não pude responder a todas as expectativas.

Se contarmos desde 2000, já percorremos 15 anos e deveríamos todos aprender já muita coisa, como o povo espera e a sociedade política e intelectual está exigir. 

Nas democracias que se vivem pelo mundo fora e pelos padrões internacionalizados que nos são ‘ensinados’, as alternâncias de poder seriam o mecanismo de respostas mais adequadas a situações momentâneas que afligem as sociedades ‘modernas’ – embora tenhamos, nesse mundo ocidental, exemplos magníficos de que essas alternâncias de poder, ao invés de resolver os problemas, tornaram-nos insolúveis, ao ponto de mergulharem os países na dita crise global.  

O mundo desenvolvido pavoneia-se de que está demasiado perfeito, em todos os aspectos. Timor-Leste só tem que aproveitar para copiar. É verdade! Os canais da Televisão Internacional, todos os dias, revelam-nos a CRISE GLOBAL da Humanidade - crises da democracia, crises da justiça, crises financeira e económica, crises de identidade, crises de valores e crises de segurança. 

Só em Timor-Leste, estamos capazes de exigir TUDO e dar MENOS, de nós próprios, ao processo de construção da Nação. Hoje em dia, pelo avanço da tecnologia podemos notar que os grandes centros de decisão, através de suas redes, continuam a exercer pressão sobre os países subdesenvolvidos e em desenvolvimento, para pôr esses países submissos e reféns das suas más políticas.

Alguns timorenses também têm o direito de sentirem-se orgulhosos de pertencer (já) ao grupo de sociedades, onde as convenções internacionais obrigam a sentir-se ‘modernizadas’ em comportamentos (de criticismo) e em mentalidades (de ‘facebook’). Nesse papel, a sociedade civil (intelectual, profissional e académica) tenta apresentar-se como o verdadeiro reflexo desta tendência global do mundo, na protecção de Estados de Direito, na advocacia activa pelos Direitos Humanos e na defesa pela Transparência, mesmo que a não pratiquem.

As democracias desenvolvidas ensinam que todos os cidadãos têm o direito de falar, sendo que todos devem ser ouvidos para que todos, sem excepção, beneficiem do progresso que todos fazem. É disso que nos apercebemos, acontecendo no mundo ocidental (na Europa e nos EUA, onde não há pobres, não há racismo, não há violação dos direitos humanos e toda a gente vive feliz, com absoluta segurança económica).

E declaro, assim, que irei evitar cair no ridículo de persistir em incutir um tom personalizado a este processo de construção do país, processo esse que tem que ser democrático, inclusivo e participativo, um bonito ‘slogan’ segundo o qual, através de ‘primaveras árabes’ e ‘contingentes de manutenção de paz’, em África, permite que os povos se beneficiem de paz duradoura e de desenvolvimento sustentável.

Reconheço a minha total inabilidade de criar mudanças e reconheço que tenha havido talvez uma minha natural tendência de insuflar, nas pessoas, o fácil acesso a coisas supérfluas. Reconheço a minha total inabilidade de apresentar, à sociedade em geral, expectativas mais realistas e reconheço ainda essa natural tendência de imprimir uma negativa ânsia de solução rápida de todos os problemas, desde os mais pequeninos.

Quero lembrar a todos que apenas fui desmobilizado das ‘FALINTIL’, sendo hoje um cidadão civil como qualquer outro. Não negando que eu também tenha participado numa guerra, não me considero e nunca me considerarei um veterano, porque eu continuo apenas um ‘guerrilheiro’ e espero que todos respeitem este sentimento.

Peço perdão a todo o Povo! 

A  LUTA CONTINUA!

Dili, 26 de Dezembro de 2014.

Kay Rala Xanana Gusmão

 

 

Mensajem PM Xanana ba 2015  

TINAN 2014 besik atu remata daudauk ona! Tempu to’o duni ona atu hasai desizaun ida nebé korreta! Desizaun né sei mosu, iha tinan 2015, mesmu antes de Governo ida ne’e halo tinan rua ho balu ba nia mandatu. Ha’u la konsege halo sedu liu, tamba okupadu ho CPLP, ho viajens lubuk ida, tuir ita nia kompromisus internasionais, husi kedas Dezembro 2013 to’o Outubro 2014, no, ikus-ikus ne’e mós okupadu ho asuntus kona-ba interese nasional estratéjiku. Husi fali seluk, sempre diak liu, depois de Orsamentu aprovadu tiha, hodi evita konfuzaun barak.

Dezde 22 de Novembru tinan 1978, maka ha’u asume komandu Rezistensia nian. Iha tinan sira ikus ona iha dékada 80, tamba gerrilheirus barak mate naba-naban, ha’u jura ba matebian sira no ba sira nebé moris, katak, funu hotu tiha, ha’u sei la buka kaer responsabilidade polítika ka kargu ruma (hodi nuné maka, iha 2001, ha’u duni disolve CNRT/Rezistênsia, no la tama iha partidu ida). Iha 2002, ha’u viola tiha juramentu ida né, iha sirkunstansias nebé ha’u la konsege sés-an husi nebá (Sekretáriu Estado Amerikanu Collin Powel, PM Japaun Koizumi, tempu nebá sei Menko Polkam SBY no Sekretariu-Jeral ONU Kofi Anan, sira nia presaun atu sai Prezidente pelu menus tinan lima). Iha 2006, tamba ha’u la hatene (hanesan agora ha’u konhese daudauk) katak iha intereses nebé la-ós interese Timor-nian buka sobu ita nia sosiedade nebé frájil hela, ha’u hasai duni desizaun ida nebé la-lós (hodi husu PM Mari atu rezigna, hodi intereses nebé ha’u temi sai kontenti tebes) no, ida né maka halo, iha 2007, ha’u mai kaer governu, depois de kria tiha partidu ida.

Tempu la’o beibeik no sei la pára; frakeza umana (katak, husi ha’u nudar ema) maka kaer metin ideia ka hanoin ida, nebé bele sai hanesan bálsamu (ka ai-moruk diak) ba buat hotu nebé akontese, loroloron, nebé bele halo hirus ka stress. Funu entre ‘ego’, nebé gosta sinti katak ha’u iha knar ideal (ka diak liu) iha sosiedade, ho ‘dever nudar sidadaun’, iha kontestu ida nebé luan liu, katak knar né knar ida deit iha knar barak nia let, karik diak liu dehan, iha knar hotu-hotu nia let. Iha funu né duni, bain-hira ‘ego’ maka manán, maka hamoris sente katak ‘imprescindível’ duni (katak, presiza tebe-tebes, halo falta tebes). Auto-satisfasaun ida ne’e nia efeitu/rezultadu maka hatohik no bele halakon ‘bom senso’ (katak hanoin ho ulun-malirin no lójika), buat ida nebé agora súsar atu hetan iha sosiedade nia laran, karik hanesan rezultadu demokrasia nian, karik mós nudar produtu husi tempu modernu nian.  

Ikus-ikus né, ha’u esforsa atu afasta (ka ses) husi ha’u-nia an-rasik, hanesan ona objetivu ás-liu ba ha’u nia pasajem iha mundu ne’e. Uluk, iha tempus difíseis funu nian, iha nebé sakrifísiu ho privasoens (ka terus no susar) hotu nebé ha’u lori iha ha’u-nia isin lolon, nunka hamenus oitoan ha’u nia vontade boot atu ultrapassa obstákulus, nebé mosu iha área subjectiva (ka, iha hanoin, iha rasiosíniu no iha análize).

Ha’u tenki buka no esforsa-an atu hatene uluk no didiak, hodi bele hatutan, ho klareza, ba sira seluk, atu hetan komprensaun nebé lós no metin duni, kona-ba sá-ida maka ita hakarak (ka buka, iha tempu nebá). Konhesimentus hotu-hotu tenki lori ba prátika funu nian, ho hanoin ba tempu nebé naruk tebes duni (durante tinan 21 nia laran), hodi mós prepara ba situasoens nebé sempre sei mosu atu teri netik esforsu hotu-hotu, nebé orienta ba buat nebé hakarak alkansa, núdar meta ka objetivu lúlik ida.    

Ohin, ha’u lori todan ida nebé boot liu, tamba dezafius nebé hasoru barak tebes no oi-oin deit.Iha situasaun ida ne’e, difikuldades iha ita-nia Rai-laran, nebé ita bele haré  liu, mak mosu husi ‘frajilidades estruturais’, ho ninia karakter iha falta de ‘efisiênsia téknika’, husi kultura sosial ida nebé nia valores menus tiha ona, hodi halakon buat nebé temi ‘étika’ kona-ba ‘dedikasaun no sakrifisiu’. 

Buat ida ‘gosta simu’ liafuan diak ka hanai nebé mesak furak, nebé foti ema ida ba iha níveis ás-liu du-ke nia merese – ida ne’e, ha’u rekonhese ho humildade – buat ne’e sai hanesan frakeza boot liu ba ser umanu ida (katak ba ha’u). Maibé, frakeza ida né, ha’u tenki dehan, todan liu tan kuandu ha’u rasik permite, mesa-mesak, hanoin katak ha’u maka diak liu ema hotuhotu.

Sosiedade, ohin loron, la presiza atu hamosu buat nebé habolu ‘ídolu ka idola’, ho sé-sé deit – ida ne’e maka verdade nebé la muda! Núdar ‘ser umanu’, ha’u apresia no dehan katak ha’u nia fuan sente nabén tiha ho elojius nebé ema balun hato’o no, dala ruma, ha’u bele sala hodi hanoin katak ba ha’u.

Maibé, importante  liu maka, iha ona rohan ba karreira polítika ida nebé ha’u la devia tama, tamba hodi aproveita asegura deit benefísius ba ha’u rasik no ba ha’u nia família, Elojiu lolós, nebé ha’u sei rai didiak iha ha’u-nia fuan, maka: ‘ditador, arrogante no korruptu’. Liafuan sira ne’e maka sei hakerek iha ha’u nia rate leten, iha Balibar (rai pedasuk nebé ha’u seidauk konsege sosa, maski ho korrupsaun nebé ha’u halo no ajuda ema seluk halo, hodi na’ok Riku-Soi Estadu nian).

Ita-nia sosiedade iha Ema barak ona ho kapasidade, ema nebé hetan edukasaun, husi instituisoens nível internasional nian, no mós iha ona mestrados iha áreas lubun ida, nebé ita-nia Rain presiza tebes. Ita-nia Rain presiza matenek: iha siensia, iha teknolojia, profissional no iha vizaun ba progresu ekonomiku no sosial.

Tempu to’o ona atu loke oportunidades né, ba timoroan sira nebé iha potensial, atu fó barak no diak liu tan ba ita-nia País. Timor-Leste maka labele ona dependente deit ba desizaun ema balu-balun deit, no at-liu, ba desizaun ema ida deit nian!

Ema ida – no ema ida ne’e, la-ós abilitada liu ba ezijensias foun nebé ita-nia Rain enfrenta! Ema ida – no ema ida né, maka ha’u, nebé ho deit Liceu, ekivalente ba, ohin-loron dehan, Sekundáriu! Ha’u sés-an, no ha’u hein atu bá hatán, kona-ba prátikas krimes korrupsaun nebé ha’u halo ka ajuda ema seluk halo... hodi nuné Timoroanbalun nebé sei honestu ka laran mós/hanoin mós (ema hanesan ne’e ladún barak ona iha Timor-Leste) bele sinti katak justisa iha duni, katak la iha ema ida bele sés-an husi justisa.

Tempu duni ona atu halo mudansas! Tempu to’o ona, atu muda kondisoens nebé iha, kona-ba lideransa iha Timor-Leste. Ha’u sei hala’o reestruturasaun drástika ba V Governu.

Ha’u tenki afirma katak, karik Ita la halo buat barak diak, ita halo balun, hodi rekonhese mós katak ita devia halo diak liu.

HA’U HUSU DESKULPA ba HA’U-NIA KOLEGAS HOTU IHA GOVERNU, tamba hein kedas tinan ida tomak, atu ha’u hasai desizaun ruma! Husu ba IMI HOTU atu prepara-an, husi kedas agora, atu simudesizoens nebé ha’u sei hasai, nudar Xefe do Governo, ba interesses nasionais.

HA’U HUSU DESKULPA ba PARTIDUS KOLIGASAUN, maibé restruturasaun ida ne’e, sei la haré ba interesses Partidu ida-idak nian,tamba sei tane ás interesses nebé Governu iha dever atu tane, hodi defende no servi ba Povu no ba Nasaun.

Ha’u fiar metin katak, ho ha’u nia partisipasaun ida nebé sei ladún relevante ona iha actividades loro-loron nian, Governu foun sei hasoru oportunidade nebé diak liu atu bele la’o ba oin, tamba hotu-hotu bele ona korrije errus sira nebé, infelizmente, ha’u husik hela núdar legadu (ka eransa) nebé ladún diak ba lideransa foun País ne’e nian.

Ha’u rekonhese ha’u la konsege responde ba ezijênsias hotuhotu, nebé sosiedade husu no ezije, no ha’u la iha duni kbit atu hatán ba espetativas hotu-hotu.

Karik ita sura husi tinan 2000, entaun ita la’o tiha ona tinan Sanulu resin Lima! Ne’e duni, ita devia aprende buat barak ona, hanesan ita-nia povu hein hela no ita-nia sosiedade polítika no intelectual mós ezije daudauk.

Iha demokrasias, nebé hala’o iha mundu tomak no tuir padroens internasionais nebé ema hanorin mai ita, alternânsia iha poder maka mekanismu diak liu atu fó resposta nebé lolós, ba situasoens nebé bele mosu hodi fo susar ba sosiedades modernas.Maski ita aprende nune’e, ita bele haré katak, iha mundu osidental, iha ezemplus nebé fúrak tebes kona-ba ‘alternânsias de poder’, nebé em-vez-de rezolve problemas, halo problemas sai boot liu tan no hamonu sira nia Rai sai bankrupt hotu, hodi fó deit sala ba ‘krize global’(nebé sira maka provoka ho sira nia sistema finanseiru naok-ten nian).

Rai dezenvolvidus gaba-an katak sira perfeitu (ka mós, kapaz, furak, buat hotu-hotu diak) duni ona, iha aspetus oi-oin deit. Timor-Leste maka tenki aproveita deit ninia oportunidade atu banati tuir. Nune’e duni, lós tebes duni! Karik ita buka haré, Kanais Televizaun Internasional, loro-loron deit, fó sai ba hotu-hotu nebé bele akompanha, kona-ba KRIZE GLOBAL ba HUMANIDADE – krize iha demokrasia, krize iha justisa, krize finanseira no krize ekonómika, krize ba identidade, krize ba valores no krize iha setor seguransa (tamba funu, tamba terrorismu, tamba bombas no hahalok oi-oin deit).

Iha deit Timor-Leste, maka ita hotu bele iha kbit boot atu ezije BUAT HOTU no bele husu ba ita-an rasik atu fó MENUS LIU ba prosesu konstrusaun Nasaun nian. Ohin-loron, husi avansu iha área tecnolojia, ita bele nota ka haré katak ‘sentrus desizaun boboot’ iha mundu, liu husi sira nia rede, kontinua fó presaun ba Rai sira nebé sei subdezenvolvidu ka dezenvolve daudauk an, atu rai sira né bele hakru’uk deit no sai átan ba sira nia polítikas nebé foer.

Timoroan balun mós hetan ona direitu atu orgulhu katak pertense daudauk ba grupu sosiedades, nebé konvensoens internasionais obriga sira atu sinti-an ‘modernu’ ona, iha sira-nia hahalok (hodi hala’o krítika oioin deit) no iha sira-nia mentalidade (‘facebook’ nian).  Iha né, sosiedade sivil (intelectual, profisional no akadémika) tenta atu aprezenta-an núdar refleksu (ka nabilan) husi tendênsia global iha mundu, kona-ba protesaun Estadu de Direitu, iha advokasia activa kona-ba Direitus Humanus no iha defeza kona-ba Transparênsia, maski sira rasik la tau iha prátika.

Demokrasias dezenvolvidas hanorin katak, sidadaus hotu-hotu iha direitu atu ko’alia, tan-ne’e tenki rona ema hotu-hotu, atu hotu-hotu tenki hetan benefísiu husi progresu, nebé hotu-hotu hala’o. Ida ne’e duni maka ita bele haré, akontese daudauk iha Rai Dezenvolvidus (iha Europa no iha Amérika, iha nebé ema-kiak la iha ona, rasismu la iha, violasaun direitus humanus la iha, hodi ema hotu-hotu moris ho kontenti no hetan seguransa ekonómika nebé boot no sustentável tebes).

Ha’u tenki deklara, iha ne’e, katak ha’u sei la monu ba sala boot hodi kontinua dudu ha’u-nia-an hodi buka personaliza fali prosesu konstrusaun ita-nia Rain nian, prosesu ida nebé tenki ser demokrátiku, inkluzivu no partisipativu – tuir ‘slogan’ furak tebes ida nebé, liu husi ‘arab spring’ (revolusaun demokrátika iha Rai Árabes) no Kontinjentes bara-barak ‘Peace Keeping Forces’ nebé namkari  iha Áfrika nebá, permite duni katak povu sira nebá bele moris ona iha paz nebé naruk no metin, hodi mós hetan ona no goza daudauk dezenvolvimentu nebé sustentável tebes.

Ha’u rekonhese ha’u-nia kbit laek atu hala’o mudansas (ba di’ak) no mós rekonhese tendênsia, husi ha’u, atu influensia ema seluk, hodi hakarak no buka deit buat nebé supérfluo ka la folin. Ha’u rekonhese ha’u-nia kbit laek  atu aprezenta (ka fó sai) hodi konvense sosiedade tomak atu hetan no kaer maka espetativas (ka mehi) nebé realistas, hodi rekonhese mós katak ha’u hatudu deit tendênsia ida, atu hamosu iha povu nia hanoin, ânsia (ka hakarak lalais) nebé kontraprodutivu, atu fó kedas solusaun ba problemas hotuhotu, hahú husi sira nebé kiik-oan.

Atu taka, ha’u hakarak fó lembra ba Maluk hotu katak atan-ha’u hetan desmobilizasaun husi ‘FALINTIL’, nune’e ohin-loron ha’u sidadaun sivil ida hanesan ema seluk. Ha’u la haluha katak atan-ha’u mós partisipa iha funu, maibé ha’u la konsidera-an hanesan veteranu ida, no sei kontinua deit ‘guerrilheiru’ ida.Ha’u espera katak Maluk sira hotu seirespeita ha’u nia sentimentu ne’e.

Ha’u husu perdaun ba Povu tomak!

A LUTA KONTINUA, iha ita nia hanoin no ita nia hahalok!

Dili, 26 de Dezembro de 2014.

Kay Rala Xanana Gusmão.

 

PNTL Kaptura, TDD Julga Rambo, KBRI Elojia Governu TL

Publika iha Justisa

 

 

DÍLI, Tempo Semanal – Hafoin de toba kalan tolu iha sela PNTL Kaikoli, Tribunál Distritál Díli (TDD) foti ona desijaun hodi fo koazaun detensaun domisiliariu ba Alito Rambo kona-ba insidente ne’ebé akontese iha loron 17 Dezembru iha edifisiu embaixada Repúblika Indonézia nian hodi hein prosesu investigasaun tuir mai. 

 

Iha loron 17 Dezembru foin lalais, mosu insidente ida iha áreadores embaixada Indonézia nian hodi rezulta mosu agresaun fiziku entre Alito Rambo ho adidu militar iha embaixada laran. Sira nain rua hetan kanek hotu hafoin mosu funu ibun (haksesuk malu). Kazu ne’e akontese, tanba sistema atendementu embaixada Indonézia ba aplikante vistu sira demora demais no a’at liutan ema balun nunka hamrik tuir forma, maibé telefone de’it sira tama liuba laran no hetan kedas vistu, maibé sira seluk ne’ebé hamrik forma iha emabixada nia oin hahú husi horas ida kalan bo’ot, to’o dadersan fali mós nunka hetan. Hafoin akontesementu ne’e, parte rua ida-idak ba hato’o informasaun ba Polísia atu oinsa bele solusiona kestaun ne’e. 

 

Nune’e, iha loron 24 Dezembru horas tuku 3 lorokraik, Polísia Nasionál Timor-Leste (PNTL) ba kaer Alito Rambo iha Sabraka Laran, Becora, Díli no lori kedas ba iha kuartel jerál PNTL no kontinua tama sela detensaun durante horas 72. 

 

Membru familia Alito Rambo haktuir kronolojia kapturasaun Alito Rambo ba Timor Post iha Tribunál Díli, Sábadu (27/12) katak, instituisaun PNTL hetan mandadu (orden) husi Tribunál Díli. Iha tempu ne’eba, Alito partisipa hela nia familia ida nia oan halo festa primeiro komuñaun. Inisiu, membru Polísia Investigasaun Kriminál ida ho nia maluk balun uja kareta hilux mutin ida ba direisaun Becora. To’o ne’eba, ema barak mak animadu tebes ho festa ne’e rasik. La kleur membru Polísia SIK tama ba festa laran no hatudu karta mandadu husi Tribunál ba Alito Rambo no Alito responde no koolabora hodi entrega a’an de’it ba Polísia, maibé la kleur kareta Bataliaun Orden Públiku (BOP) hamutuk kareta ha’at (4) ba tan Becora no haleu tiha uma festa ne’ebé Alito partisipa. Alito Rambo hatete, nia prontu ba hatan iha Tribunál kona-ba kazu agresaun fiziku ne’ebé akontese iha embaixada Indonézia nian iha loron 17 Dezembru liuba hodi hetan lia loos husi insidente ne’e rasik.

 

Liu tiha ida ne’e, PNTL aprezenta Alito Rambo ba iha primeiru interogatoriu iha Tribunál Díli iha loron Sábadu (27/12). Prosesu primeira interogatoriu ne’ebé taka ba públiku hahú iha horas tuku 9 dadersam to’o horas tuku 11 dadersan, Tribunál lakonsege foti desijaun no desijaun finál foin akontese iha horas tuku 14:15 hodi desidi fó liberdade ba Alito Rambo, maibé ho kondisaun halo aprezentasaun periodika tuir lei artigu 191 husi Codigo Processo Penál (CPP).   

 

Hafoin desijaun ne’e, defensor Cancio Xavier hatete, desijaun ne’e fó liberdade ba nia kliente, maibé tenke halo aprezentasaun kada semana tuir lei artigu 191 husi Codigo Processo Penál (CPP). 

 

“Aprezentasaun periodika signifika, prosesu ne’e seidauk remata ida. Sei halo investigasaun kontinua,” hatete defensor Cancio ba Jornalista sira iha Tribunál Díli, Sábadu (27/12). 

 

Kazu ne’e prezide husi Juiza, Jumiati Maria Freitas mak prezide kazu ne’e. Ministériu Públiku reprezenta Prokurador Jacinto Babo Soares no Nelson Carvalho no Alito Rambo hetan defeza husi Defensor Públiku, Cancio Xavier no advogadu privadu José Pedro Camões.

 

Tuir observasaun ema wain tebes maka hola parte iha julgamentu refer maibe la iha representante ruma husi Embaixada Indonesia ninian iha Dili ba iha Tribunla Dili durante de primeiru interogatoriu tan ba la hetan informasaun ruma husi autoridade Timor-Leste. 

 

“Ami husi KBRI la simu informasaun ruma husi PNTL”, dehan Ibnu Prispermana, enkaregadu negosiu Embaixada Indonesia iha Dili.

 

Tempo Semanal husu liu tan karik embaixada mos rona ona informasaun ruma husi autoridade Timor-Leste kona ba detensaun Alito Rambo, iha sela polisia ninian durante kalan tolu, dezde 24/12/2014. Maibe enkaregadu negosiu ne’e dala ida tan dehan, “ba ha’u rasik seida’uk rona kona ba bu’at ne’e. La iha ema ida maka fo hatene baa mi nune’e ha’u la hatene”.

 

Hatan kona ba karik autoridade judiciariu Timor-Leste mos hato’o ona notifikasaun ruma ba embaixada atu haruka ninia emar atu sai testamunia iha kazu ne’e enkaregado negosiu iha embaixada Indonesia ne’e dehan la iha informasaun ruma maka hato’o ba ninia parte.

 

Maske nune’e iha parte seluk xefe konsullar embaixada Indonedia iha Dili, Mahmudin via telefone expresa satisfasaun ho atuasaun governu Timor-Leste hodi halo atuasaun ba Alito Rambo.

 

“ha’u hanoin, lala’ok ne’e hatudu duni vontade di'ak husi governu Timor-Leste hodi hala’o lei no espesialmente fo protesaun ba fatin diplomatika sira iha Timor-Leste”, Mahmudin hato’o ninia reasaun.

 

“Dala ida tan Governu Timor-Leste hatudu ba mundo kona ba sira nia seriedade oin sa maka atu proteje komunidade diplomatika sira iha Timor-Leste”, Mahmudin hahi lala’ok governu Timor-Leste.

 

Antes ne’e, Alito Rambo hatete, nia prezensa iha embaixada Indonézia laiha motivu no la’os ho intensaun atu halo problema no atake, maibé durante kalan tolu (3) tu-tuir malu iha tempu dadersan horas ida madrugada sempre ba forma ona iha embaixada nia oin hodi hetan vistu. Maibé sempre difisil hela de’it hodi hetan vistu, maibé sira ne’ebé la ba forma, bele hetan vistu. Ida ne’e bele dehan embaixada nia prosesu burokrasia ne’e falla. 

 

“Iha indikasaun subornu ba prosesu hetan vistu, tanba depois ami forma husi uma hora de madrugada to’o dadersa tuku 9, maibé ami lakonsege hetan vistu. Maibé, ema balun telephone de’it, tama ba osan husi kotuk sira hetan vistu,” hatete Alito Rambo ba Timor Post iha nia hela fatin Pantai Kelapa, Díli Kinta (18/12). 

 

Rambo hatutan, ho kestaun ne’e mak nia tama ba laran hamutuk ho nia oan feto ida foin tinan 13 ba halo konfirmasaun ba funsionariu sira iha embaixada laran.

 

“Sira kala sente ha’u nia prezensa ne’e halo ofendidu ba sira no sente ne’e iha sira nia teritoriu, entaun Timoroan ida kaer ha’u husi kotuk no adidu defeza marineiru ida mak tuku ha’u nia matan, ha’u nia ran fakar ona, ha’u mós halo auto-defeza. Maibé, kuandu ida ne’e ba atake, klaru katak, ne’e planeadu no ha’u labele kanek,” nia esplika.

 

Nia hatutan, prontu atu kolabora ho prosesu ne’ebé mak la’o hela. Karik sala, nia sei kumpri, maibé kuandu staff embaixada ne’e mak sala, lei Timor-Leste nian sei kondena adidu defeza ne’e ka oinsa. Alito Rambo mos espera karik bele embaixada Indonézia iha duni intensaun diak atu resolve mós pronto atu koopera hodi aijuda hadi’a.

 

Iha Parte seluk Xefe Konselar embaixada Indonesia ninian iha Dili ba Tempo Semanal rekuinese katak mosu duni problema iha embaixada Indonesia iha Dili. Embaixada ninia seguransa sira maka autoriza Alito Rambo ho ninia oan hodi tama ba embaixada laran atu koalia ho adidu imigrasaun iha embaixada RI ne’e. 

 

Mahmudin promete katak embaixada Indonesia iha Dili sei buka atu hadi’a liu tan sira nia atendimentu ba vistu ninia tan ba antes ne’e mos mosu uluk ona kazu balun ate hetan intervensaun husi autoridade seguransa RDTL.

 

Iha parte seluk Embaixador Indonesia, Primanto hasoru malu ho vice Ministru Negosiu Estranjeiru Kooperasaun Constancio Pinto. Hafoin de sorumutuk ne’e Primanto hateten katak Estadu Indonézia lakohi mete ba prosesu justisa hasoru Alito Rambo, maibé Indonézia ezije tenke prosesa sidadaun ne’e tuir lei Timor-Leste nian. Kazu ne’e hetan ona solusaun diplomatikamente liu husi sorumutu entre embaixador Primanto ho vise Ministru Negosius Estranjeiru no Kooperasaun, Costancio Pinto iha edifisiu Ministru Negosius Estranjeiru no Kooperasaun (MNEK), Praia dos Coqueiros, Díli Kinta (18/12).

 

“Ami iha komitmentu katak, insidente ne’e la fó impaktu ba ita nia relasaun diplomatiku entre Indonézia ho Timor-Leste. Ami mós la intervein iha prosesu justisa nian, maibé Ezije tenke Prosesa hodi labele akontese tan insidente hanesan ne’e iha tempu oin mai,” hatete embaixador Primanto liuhusi konferensia konjuntu iha salaun Ministru Negosius Estranjeiru no Kooperasaun (MNEK), Praia dos Coqueiros, Díli Kinta (18/12).

 

Primanto mós sente apresia tebes ho reasaun governu Timor-Leste no instituisaun PNTL kona-ba kestaun ne’e, maibé husik ba prosesu justisa mak bele determina.

 

Iha fatin hanesan Vise Ministru Negosius Estranjeiru no Kooperasaun, Costancio Pinto hatete, governu Timor-Leste lamenta tebes ho insidente ne’e rasik no governu mós ofisiálmente hato’o tiha ona deskulpa ba Embaixada Indonézia.

 

“Ita husik ba Polísia mak prosesa kazu ne’e ba oin, maibé ami nain rua foin halo diskusaun hamutuk katak, insidente ne’e la afeta ba ita nia relasaun diplomatiku ho Indonézia,” hatete Costancio.

 

Wainhira tempo Semanal ba buka konfirma ho parte embaixada ninia CCTV hatudu duni imajen balun baku malu iha sala de visita besik kuartu consular no adidu imigrasaun ninian.

 

Maibe antes ne’e tuir gravasaun CCTV hatudu katak seguransa ida maka akompania Alito Rambo ho ninia oan feto ba dere odamatan adidu imigrasaun ninian depois tama tiha ba laran. Iha kuartu Adidu imigrasaun ninia laran la iha video CCTV maibe rona lian maka’as ruma. 

 

Tuir imajen iha CCTV hatudu katak fungsionariu embaixada ninian balun ba dere odamatan adidu imigrasaun ninian no ikus mai sira konsege tama mos ba kuartu laran. 

 

Deskonfia baku malu dahuluk akontese iha kuartu fatin servisu adidu imigrasaun ninian nune’e duni wainhira sai husi odamatan imigrasaun ninian tuir filme husi CCTV embaixada ninian hatudu katak Alito Rambo ran ona no nia hamoos hela ran husi ninia matan sorin.

 

Tuir nafatin imajen CCTV to’o ona iha sala de vizita maka Alito Rambo tuku fungsionariu embaixada ninia ida dala rua hodi monu sa’e tan ba mizina ida rahun. Hafoin de akontesimentu ida ne’e seguransa sira kaer metin Alito Rambo hodi lori sai ba jardin iha ne’eba Tempo Semanal la hetan asesu ba CCTV kona ba saida maka akontese iha jardin embaixada ninian.

 

Tuir informasaun ne'ebe Tempo Semanal rekolla husi parte embaixada ho parte Alito rambo, hotu-hotu hatudu hanoin di'ak atu rezolve problema ne'ebe mosu maibe tuir observasaun lada'uk iha parte ida maka koko hakbesik ba parte seluk.

Dili, Tempo Semanal - Hafoin de Parlamentu Nasional aprova Orsamentu jeral do Estadu ho unaminidade afavor 65 la hetan votus kontra no absteinsaun, Primeiru Ministru V governu Konstitusional, Kay Rala Xanana Gusmao ho kontente kahor ho triste mos matan wen foo agradese ba partidu hotu-hotu ninia partisipasaun. Primeiru Ministru ne’e mos especialmente agradese ba lider Partidu Opozisaun no Xanana promete atu to’o ona tempu 2015 atu halo reestrutura ninia Governu mas la’os atu halo kontente FRETILIN.

“Husi governu nia naran, ha’u atu dehan katak kolaborasaun di’ak tebtebes bele sai mos testamuña ba prosesu ida ne’ebe iha sosiedade ida bele dehan katak hamate demokrasia”, dehan PM Xanana. 

Nia haktuir katak, “Ita tan ba ukun an iha milenium foun, ohin loron ita akompaña lor-loron deit saida mak akontese iha rai dezenvolvidu sira. Ita hare katak demokrasia la’o kleuk ona oituan iha rai dezenvolvidu sira rasik. Tan ba ida ne’e, ita atu hatudu de’it ba mundu mos katak, ita nia kompriensaun kona ba forma demokrasia katak ita  debate atu buka solusaun ba problemas nasaun nian. Debate atu buka frakezas no defisiensia atu korize hodi hadia nasaun. Debate atu buka ita nia kbiit, forsa hodi hadia liu tan, konsolida atu nune’e ita nia nasaun bele la’o diak liu”. 

Eis komandante En Xefe das FALINTIL ne’e dehan Timor_leste foin ukun rasik aan iha tinan sanolu resin rua, kompara ho rai barak ne’ebe ukun an tinan lima nolu, neen nolu no walu nolu ona. 

“Iha demokrasia ita bele dehan katak ita fo lisaun. Fo lisaun tan ba ita prezerva; ita prezerva ida-idak nia hanoin, ita perserva ida-idak nia politika, ita perserva ida-idak ninia votande nu’udar grupu no nudar partidu”, haklaken Primeiru Ministru Kay Rala Xanana Gusmao.

Hahu husi Orsamentu Jeral do Estadu 2013 ate OJE 2015 hetan aprovasaun ho unaminidade afavor maske partidu opozisaun hatudu ruun nehan iha debate laran maibe susar atu monstra kartaun votu ho mean.

“Ida ne’e terseira vez hau sente katak; la’os katak ita hanorin maibe ita fo naroman oituan ba rai barak ne’ebe buka hela ambiente hanesan ne’e. Husi partidu ne’ebe iha governu nia laran, nuu’dar primeiru ministru, ha’u tenki espresa katak ne’e la’os governu ninian¸ita hotu nian I grasas ba partisipasaun ativa, sentidu de estadu ne’ebe boot husi partidu opozisaun”, rekuinese Primeiru Ministru.

“Loos, ha’u simu rekomendasoens, ha’u simu hanoin, hanoin sira ne’e hotu maka bainhira mantein didiak, kuidadu didiak, kesi didiak, nia rejultadu sei to’o I povu sei sente katak neneik maibe nia oan sira  ne’ebe tuur iha institusoens estadu iha duni vontade bo’ot atu reprezenta sira nia aspirasoens duni, atu mai ko’alia iha ne’e saida ida de’it mak ita hotu-hotu bele halo diak ba povu ida ne’e”.

Iha okaziau ne’e Primeiru Ministru Xanana fo agradesimentu wain ba sekretariu Jeral partidu FRETILIN DR. Mari Alkatiri ho partidu Opozisaun FRETILIN mos partidu koligasaun.

“Obrigadu Deputadu Mari (Alkatiri), obrigadu partidu FRETILIN, obrigadu mos ba partidus koligasaun, hau tauk de’it mak, hau atu hateten tan dala ida, depois tinan mai ne’e la naran sa, mais fiar ba, katak, tempu to’o ona duni. Tempu to’o duni ona atu halo mudansas. Tempu to’o ona duni atu halo reestruturasaun. Tempu to’o ona duni atu loke duni dalan ba konfiansa. Ohin ita temi konfiansa, konfiansa ba malu, ita hotu persija konfiansa povu nian, liliu ami, nu’udar membru ezekutivu nian”, hateten Xanana. 

PM Xanana ne’ebe mos ho matawen jura iha uma fukun Parlamentu durante debate OJE 2014 katak tinan ne’e nia atu rezigna aan husi ninia kargu maibe ikus mai la konsege dala ida tan ho triste promete hikas katak nia sei muda ninia governasaun iha tinan 2015.

“Hau hakarak hot-hotu hein. Hotu-hotu hein tan ba hau rasik rekuinese tempu too ona. I hau sei agradese hot-hotu nia apoio, imi tomak, hau sei dehan de’it katak, sei difisil mais ho imi hotu, kamarada sira, kompañeru sira, irmaun no irman sira ho imi hotu nia apoio, hau sente katak 2015 sei sai ano mudansa duni, laos deit iha buat boot ne’ebe ohin temi, ita persija diskusaun, ita persija debate publiku”, Xanana promete.

Nia esplika katak, “Ami dehan kedan, depois ha’u anunsia iha ne’e, Dr. Mari (Alkatiri), Dr. Horta (Ramos Horta), Dr. Lu-Olo, ami nain hat hasoru malu iha ha’u nia uma, hodi hanoin ona dehan katak ikus fali ne’e, ami nia partisipasaun oin nusa, hodi ajuda ita temi karik jerasaun foun, hodi hanoin, hodi orienta. Ha’u fiar katak sei bele akontese iha 2015 tan ba ha’u perparadu ba bu’at ida ne’e. Iha 2014 okupadu oituan, viazen narnaruk, komprimisiu internasionais to’o kedas fins de Oetobru  ho problemas oioin ne’ebe maka interese nasional perokupa,…ha’u husik hela, mais ha’u husu ba ita boot sira lalika hakfodak”.

Tuir informasaun Primeiru Ministru haruka ona nota ruma ba lider partidu opozisaun kona ba ninia planu mudancas ne’ebe sei halo iha fulan Fevereiru 2015. Antes ne’e mos, DR. Jose Ramos Horta rasik hateten sai ona kona ba planu reestruturasaun ne’ebe PM Xanana ninian. 

“Ha”u husu ba ha’u nia kompaneiru sira (membru Governu sira) tuur iha ne’eba, ha’u nia kolega sira mos lalika hakfodak. Nu’udar servidor, too tempu bolu ita i tempu  mos sei dehan katak, ita nia tempu too ona. Ne’ebe, ha’u husu ba povu mos,  sosiedade tomak lalika hakfodak “, PM Xanana ko’alia ho lian nakdedar hanesan tanis.  

Nia kontinua ko’alia ho lian kotu-kotu no tanis dehan, “iha kontekstu politiku, partidu hat ne’ebe ohin loron reprezenta povu  iha uma fukun, ha’u fiar katak  iha dezeju vontande, atu hadia bebeik ita nia estadu, ba iha komprimisiu ida ne’e. Ne’e mak sei fo lembra ba povu katak ha’u perparadu atu halo ida ne’e. La’os atu halo kontenti FRETILIN, hau la hirus hau nia kolega sira (membru governu) mas ita nia nasaun husu. Ne’ebe hau husu ba hot-hotu, ba deputadu tomak, ba hau nia kolega membrus govenru no ba povu tomak  husu deit buat ida, lalika hakfodak, sei laos ebola, sei laos tsunami”.

Eis lider bo’ot ba Rezistencia antes remata ninia intervensaun la haluha hato’o ninia, “boavesta natal ba ita boot sira ida-idak, felis ano novu mos ba ita boot sira ida –idak no ba ita boot sita nia partidu ida-idak no boavesta ba povu tomak, no feliz ano novu ba ba povu tomak mos”.

 

Dili, Tempo Semanal - Iha loron ikus aprovasaun Orsamentu Jeral do Estadu (OJE) Timor-Leste ba tinan 2015 ninian hetan votus ho unaminidade ho votus afavor 65, kontra zero no absteinsaun la iha. 

Hafoin de votasaun Presidenti ZEESM, DR. Mari alkatiri ne’ebe mos assume  kargu hanesan deputadu Bankada Opozisaun FRETILIN durante debate OJE 2015 ne’e dehan, “dala ida tan FRETILIN hatudu nia matoridade politíka, para atu kontribui para atu hametin tan páz no establidade i atu kontribui mos para atu hadia ita nia estadu tomak”.

Hafoin hatudu respeitu ba Primeiru Ministru Kay Rala Xanana Gusmao, eis PM iha Primeiru Governu Konstitusional ne’ebe monu husi ninia kadeira iha 2006 hafoin eis Presidenti da Republika Kay Rala Xanana Gusmao husu atu nia dada aan ne’e haktuir katak ninia partidu nia votus ne’e hanesan kritika ida.

 “Ami nia votu afavor mai mos ho todan ida ho sentidu kritíku ba funsionamentu governu nian. Ami la vota tan ba kontenti ho governu nia atuasaun. Durante tinan rua ona ami hamutuk ho Bloku Koligasaun aprova orsamentu ba estadu ida ne’e. Agora atu ba tinan tolu ami fó tan dala ida jestu ida de unaminidade, para bele duni so hamutuk mak ita bele”, dehan Mari.

“Ami hanoin katak iha debate orsamentu ne’e, ita hotu perokupadu tebés, perokupadu ho fólin minarai nian ke tun ba bebeik maibe la perokupadu ho orsamentu ke saé ba bebeik. Hau hanoin ne’e kontradisaun boót ida Senhor Primeiru Ministru. Minarai nia fólin tun ba bebeik ita sei dehan lalika perokupa tan ba ita nia minarai sei barak iha rai okos iha tasi okos, ba ami ita bele halo kontas deit ho saida mak ita iha, ita bele nafatin mehi ho saida mak ita hakarak”, Mari hateten.

“Hau hanoin katak lori Fretilin nia naran, hakarak hatete lolos estadu tomak persija atu investe iha kapasitasaun ba rekrusu umanus, estadu tomak persija atu hare lolos saida mak tenki halo para reestrutura funsaun publíka, I reajusta politíka nasionais. Ne’e lai ha duvída Senhor Primeiru Ministru, reestruturar administrasaun publíka I reajustar politíka nasionais”.

“Ita hare, hakarak ka lakohi ita lao iha dalan ida ke despeza ida ke barak tebtebes I rejultadu oituan tebtebtes. Ita tenki halo kalklu didiak para bele hasai konkluzasaun lolos. Ita dehan sasan barak ke halo duni, tebes! Maibe osan barak mos ita gasta tiha ona, ne’e ita nian hotu tan ba ne’e mak ita tenki hare lolos, estandarte ke ita hakarak lori mai ita nia rain; padraun ke ita hakarak kualidade ita lori mai ita nia rain. Maibe ita tenki fó atensaun tebés ba padraun ba ita exekuta orsamentu ke atu halo dezenvolvimentu ba rai Timor Leste”.

Dala ida tan Sekretariu Jeral Partidu FRETILIN ne’e dehan V Governu konstitusional bokur tebes maibe sira nia produktividade lakon.

“Hakarak ka lakohi ami nia pozisaun klaru , ita boót nia governu ne’e todan tebes , ne’ene ami nia pozisaun klara, ami sei la hakiduk husi ida ne’e. Governu ida ke todan tebes, administrasaun publíka ida todan tebes, direitor jeral barbarak, direitor nasionais, bele dehan funsionariu rua ka tolu de’it, ne’e labele kontinua hanesan ne’e. Tan ba ne’e mak reseita domestika la toó para atu selu salariu vensimentu, ita tenki kurize buat sira ne’e”, Mari haklaken.

Tuir informasaun ne’ebe iha Primeiru Ministru Kay Rala Xanana Gusmao sei halo reestruturasaun ba ninia kabinet iha tinan 2015 hafoin PM Xanana rasik la konsege realisa ninia komprimisu kona ba remodelasaun ho resignasaun.

“Ami sei fó apoio tomak, se ita deside atu halo koresaun ba estruturantes iha 2015, ami sei fó apoio. Ami sei la husu para atu halo governu fóun ho FRETILIN, tan ba tarde demais ona. Maibe ami sei fó apoio tomak se ita boot deside halo medidas estruturantes, fóti medidas estruturantes para kurize, distorsoens iha politíka , destorsaun iha estrutura governu, distorsaun iha administrasaun publíka, distorsaun iha ekonomia, distorsaun iha merkadu de trabalhu, ami pronto para atu lao hamutuk nafatin, maibe lao hamutuk para halo koresaun”, promete Mari ba PM Xanana.

“Maibe ita persija atu aumenta reseita domestika, I persija redus tantu posible despezas mai husi fundu petrolifeiru. Ami nia votu ida ne’e hanesan hau hateten, iha votasaun da jeneralidade, votu hatudu ba ita boot sira Primeiru Ministru, ami nia konfiansa ba ita boot. Maibe ami mos hatene katak ema ida mesak sei la halo buat barak , tenki iha ekipa, tenki iha governu ida ke iha ekipa ida nukliu duru iha ita boot nia sorin para lori nasaun ne’e ba oin”.

“Ita hare ministeiru barbarak mai tuur iha oin ne’e, kada ministeriu tres , quatru, sincu membru governu, sa kordenasaun iha,  entre sira, hau la husu tan kordenasaun interministerial , kordenasaun entre membru governu dentru ministeriu, hau fiar katak laiha kordenasaun hau fiar katak, Ministru ho Vice Ministru ho nia Sekretariu Estadu la hasoru malu, regularmente, se hasoru malu hau dezafia para aprezenta ba Primeiru Ministru imi nia akta reuniaun regular ne’e, ne’e importante tebtebes”.

“Ita tenki komesa hare armonizasaun ba ita nia lejislasaun tomak, tenpu ona para leis hetan armonia, agora dadaun ita hare bein ita komprende prosesu aselerasaun dezenvolvimentu lori ita atu aprova lei, ita nia asesor sira mai husi liur inves halo lei adekuadu ba ita nia rain , halo kopi tuir deit lei barak husi liur. Pur fin, ita hanoin saida mak ita atu halo para aumenta reseita domestika , ita hotu tenki hanoin buat ida ne’e ita koalia iha ne’e, kuandu ita koalia kona rekrusu naturais, ita  haluha katak Be ne’e mos rekrusu natural, rai ne’emos rekrusu natural, I dala barak ita haluha, ne’emos bele sai fóntes da reseita ba ita”.

“Tanba ne’e, Senhor Primeiru Ministru, ami nia votu, votu ida ke hanesan hau hatete ohin, mai ho todan boót ida atu mantein ami nia kapasidade kritika, ami votu para atu hatudu ba ita boót katak toó tenpu ona para ita lao hamutuk , mais lao hamutuk loke dala ida katak ita hotu bele lao mais hatene katak rejultadu saida mak ita hakarak”.

Mari dehan nia sei labele para ho ninia intervensaun ne’e, wainhira lada’uk koalia kona ba Zona Espesial Sosial do Merkadu.

“Bainhira Senhor Primeiru Ministru konvida hau atu lidera prosesu ida ne’e, hau simu ho laran luak ho kontenti tan ba ho hanoin katak, posiblidade ida para ita atu hahu. Ita hotu atu hahu prosesu fóun ida iha ita nia rain. Hau hatene katak tinan ida tan Parlamentu ida ne’e sei mai halo ezijensia, hau hatene katak Parlamentu ida ne’e iha direitu atu fiskaliza, I hau husu duni ba deputadu sira hotu, para atu fiskaliza ho kompetensia, fiskaliza metin tebtebes prosesu tomak iha Oekuse, laos saida mak ita halo toó agora , ita dehan fiskaliza ita la fiskaliza”, Presidenti ZEESM ne’e hateten.

“Ami nia votu ba iha 2015, atu  hein sasan barak sei muda iha ita nia rain, laos atu muda so aspeitu fiziku , mais muda prinsipalmente intermus de re estruturasaun da vida nasional, muda prinsipalmente no sentidu de rekrusu ke ita iha atu benefisia diak liu tan ita nia povu”.

“Hau hanoin toó tenpu ona ita rasik, liliu ita sira bolu jerasaun 1974 no 1975, buka dalan ida para todus subsidiu ke fó, bele sai insentiva para produsaun, insentiva para dezenvolvimentu da ekonomia, se ita fó subsidiu sa ida deit insentiva para ema labele halo buat ida, diak liu ita tenki rekonsidera subsidiu ida ne’e. Subsidiu para aumentu produsaun , subsidiu para aumentu kualidade produsaun, subsidiu para aumentu produtividade I subsidiu para dezevolvimentu , insentiva ba ema hotu”.

Nia haktuir fali katak, “Hau hanoin hanesan hau dehan dala barak ona, se mak veteranu nia hatene nia seidauk kumpri nia dever toó hotu, tanba ne’e subsidiu ke simu ne’e tenki konsidera hanesan estrumentu ida ke intrega ba sira atu kontinua prosesu ne’e atu liberta ita nia povu tomak , husi kiak husi mukit”.

Austrália Aijuda ekipamentu IT ba Ministeriu Saúde

Publika iha Nasional

 

Dili, Tempo Semanal - Embaixadór Austrália ba Timor-Leste, Peter Doyle, ofisialmente entrega ekipamentu sistema informasaun saude no monitorizasaun no evaluasaun (M&E) nian ba Ministeriu Saúde, nu’udar parte husi Austrália nia asistensia ne’ebé lao dadaun hodi hasae sistema saude no situasaun saude iha Timor-Leste.

 

Ministru Saude Timor-Leste, DR. Sergio Lobo hodi povu nasaun ne’e ninia fatin hatoo agradesimentu ba jestu apoiu dezde uluk kedan mai husi nasaun belun Australia.

 

“Konserteza Australia apoiu ba Ministeiru Saude dezde uluk kedan nune’e dala barak hasoru malu ho embaixador ho reprezentante husi DFET ninian sempre hato’o agradesimentu husi povu tomak ba pobu no Governu Australia liu-liu kona ba sira nia solidaridade hodi fo Ministeiru Saude “, hateten Ministru Saude, Sergio Lobo.

 

Ministeru Saude Timor-Leste ne’e hateten katka ekipamentus sira ne’ebe entrega husi embaixada Australia iha Dili ne’e sei aijuda ninia parte hodi tulun muda sistema servisu pesoal saude sira iha area rurais ne'ebe ho manual ba digital nune'e sei efisien mos efektivu liu tan atu hadia sistema informasaun iha Ministeiru Saude. 

 

“Ita hatene katak dala barak dadus sira iha Ministeiru Saude ne’ene liu husi prosesu naruk. Agora Ministeiru Saude hadia sistema informasaun sira ne’e. Tan ba komesa husi uluk ne’ene dadus husi Sub Distritu to’o mai iha central ne’e bele han tempu to’o fulan hat. Tan ba sira tenke haruka husi Suku mai Sub Distritu, iha Sub Distritu sei ola ka halo tabulasi maka haruka mai Distritu nune’e normalmente han to’o fulan hat no minimu lalais liu ne’e han fulan tolu”, Ministru Saude ne’e dale. 

 

Tuir DR. Sergio katak Ministeiru Saude, “agora hakarak muda sistema ne’e halo ba sistema online nune’e sira (pesoal Ministeiru Saude) bele hatama sistema ne’e husi Suku ho Sub Distritu mai iha ne’e (Nasional). Nune’e presiza ekipamentu para atu hadia. Liu-liu ekipamentu ba IT ninian. 

 

Ministeiru Saude iha orsamentu tinan ne’e la konsege orsamenta tan ba sofre kua orsamentu nune’e responsabel sira iha Ministeiru halo halo esforsu hodi buka doador bele tulun no ikus mai hetan rezultadu duni.

 

“Ita nia orsamentu hatama la di’ak tan ba hetan kua tiha, ne’ebe iha posibilidade atu negosia ho paseiru sira hodi fo apoiu mai Ministeiru Saude nune’e Australia fo de’it apoia inklui mos kuatru sentus mil Dollares ne’e para ekipamentus ba hadia server no aijuda mos ami selu hosting I mos ekipamentus sira hanesan tablet sira hodi fahe ba Suku sira ne’e para ita nia ema sira bele hatama dadus husi ne’eba mai”, DR. Sergio esplika.

 

Seremonia de entrega ne’e halao iha edifisiu Ministeriu nian iha Dili, iha ne’ebe embaixador Australia entrega sasan sira ne’e ba Ministru Saude Sergio Lobo.

 

Tuir komunikadu de imprensa ne’ebe fo sai husi Embaixada Australia iha Fatuhada Dili, informa katak ekipamentu teknolojia informasaun (TI) hirak ne’e sei fasilita pesoal saúde sira iha fasilidade saúde nivel distritu, sub-distritu, no suku hodi bele halibur no transfere informasaun kedas ba software sentrál iha Ministeriu Saúde nia laran ho lalais no tuir dalan ne’ebé seguru.

 

“Ekipamentu hirak ne’e hanesan instrumentu importante ba Ministériu hodi bele hetan informasaun kona-ba sistema no kondisaun saúde no informasaun lalais no ne’ebé tuir dalan ne’ebé seguru. Ekipamentu hirak ne’e mos sei tulun atu fasilita monitorizasaun no jestaun asisténsia saude, no mos bele permite parseiru sira atu aliña no evita dezenvolvi tan sistema paralelu,” dehan Sr. Doyle.

 

Reprezentante Governu Australia ne’e dehan iha ninia komunikadu katak, “Austrália orgulhu tebes ho ninia parseria ho governu Timor-Leste hodi bele hadiak rezultadu saude ba ema Timor-oan liu husi kombinasaun dezenvolvimentu kapasidade institusional no asistensia direta.”

 

Tuir informasaun husi Embaixada dehan sira entrega ekipamentus, desktop komputadór hamutuk atus ida nen nulu (160), tablet ualu nulu (80) ho parte ekipamentu seluk tan ba fasilidade saude iha sub- distritu 65 no postu saude hirak iha Timor laran tomak ba faze dahuluk.

 

“Ekipamentu ne’e ho valor dollar Australianú $418,000 no mos reprezenta Austrália nia kompromisu atu kontinua apoia Ministeriu Saude Timor-Leste nian hodi forñese asisténsia ne’ebé diak liu-tan ba Timor-oan sira. Apoiu ne’e mos liga ho Austrália nia programa hirak seluk hanesan Liga Inan (Mobile Mums) ne’ebé mos implementa husi kompañia teknolojia, Catalpa”, informa iha komunkadu de Imprensa ne’e.

 

Tuir Observasaun Governu Australia mos apoiu hadia kareta ambulansia iha Ministeiru Saude inklui mos area sira seluk.

 

 

Dili, Tempo Semanal – Stacey Addison today celebrate Christmas day in a free environment after more than a month imprison by East Timor Court. and a defense lawyer of Stacey Addison has informed Tempo Semanal that their client has has got free on 25/12/2014. 

 

“Today at 1600 hours Stacy has got a mandate from Dili District Court ro released her from Gleno prison. The Dili District Court dispatch signed by judge Zumiati Freitas which have freed our client Stacy Anderson and we have hand over stacy to USA embassy in Dili. She is now staying in USA embassy”, said Zulmira Rosa Correia from Institutu Judicial Timor-Leste (IJTL).

 

She continue by saying that, “I am very happy because our struggle during several months we have submitted request for Stacy acquitted from drugs trafficking. We know there are no evidence to support the allegations of her involvement in drugs trafficking”.

 

The American citizen was arrested together in a car with an Indonesian male and another Timorese driver in September 2014. The case have brought before the Dili District Court the Indonesian sent to Becora Prison while the court order Stacey to submitted her passport to prevent her leaving the Country. When she was waiting on late October the Court sent her to Gleno Prison.

 

“I don't have a passport. It's at the prosecutor's office. Since I was arrested I don't have my passport. The problem is that I have been told a lot of different things about how long it's going to take to get it back. I understand that it looks bad when you are in a car with someone who is a criminal. But I never met him before and he has justified that he never met me before and that he came into the country to pick up the package. You know, it was scary but I was treated well”, said Stacey in an interview with Tempo Semanal before she was sent to prison in Gleno-Ermera.

 

Stacey arrived in East Timor on September 5th, so she has been in the country for about three months twenty days. Before East Timor Authority sent Stacy to Gleno Prison in October, Stacey has give an exclusive interview to Tempo Semanal and explained her conditions as bellow.

 

“I have been traveling since January 2013 and in South America and then in Asia and I had been two months in Indonesia. So, after 60 days you have to get a new visa. So part of it was to come to get a new visa. Also was that I was in Indonesia before in 1999 so I was actually here in Indonesia- not in Timor, but Jawa, Bali. But in July and August. So I was here when things were happening in East Timor. So I had kind of wanted to see how things had turned out, now since it was this independent country. So I had dual purpose: One, I just needed to go somewhere to get a visa, but it is also an opportunity to see another country. I am always interested in seeing something new”,  Stacey Addison told Tempo Semanal in an exclusive interview in Dili.

 

Stacey in one occasion realize that she has a bad of luck on the day she came a cross the border between Indonesian West Timor with East Timor.

 

“Yeah so basically I had bad luck. I was in the wrong place at the wrong time”, said Stacey. 

 

Stacey was told by East Timor authority that she is, “a suspect under investigation for drug trafficking. So for the only statement I have given is in the court, in the hearing. I haven't talked to the prosecutor's office or the police. That's the only statement I have given”.

 

She explained the chronology of how she met the other suspects.

 

 “I wanted to come with Timor Travel, I was in Kefa. When I was in West Timor I visited a few places in there. in West Timor and then I was in Kefa I went to the Timor Travel office there and they were full. They were full for Friday and Saturday. My visa expired on Saturday. So I had to leave the country. So I had to go independently to get across the border. So I took transport to Atambua and then from there I took to ojek to the border and I walked across the border”. 

 

“In between the two immigrations… so I passed into Indonesian immigration and went through the gate and before I got to the Timor immigration there was a car that was parked there. It was a SUV, I thought it was a kijang like they have in Indonesia, that, you know, you wait for seven people and you go. And there was a man sitting outside and he asked me 'Do you need travel to Dili?' in English. Do you need travel to Dili. And I said 'Yes, how much does it cost?'. He said 'You have to ask the driver'. And I asked the driver and he said it would be ten dollars. So I said 'Ok, I just need to go through immigration and then I'll come back and wait here'. So I went to immigration and the car pulled up and when I came out of immigration he just left, so it was only the two passengers. And they could speak a little English, and I could speak very little Indonesian but not enough to ask prices and money and you know, basic very 'How old are you' or 'What is your name' those kind of things. Not enough to have a real conversation. So, I was confused, but I thought, ok maybe he took a bunch of people this morning and just wants to go home, I don't know. I tried to ask, the driver was from Indonesia, too, because they were speaking in Indonesian, he said, no, no, he is from Dili. And I asked him 'oh, did you guys come together'? He said 'no, no I just picked him up at the border' so I said, 'ok”, Stacey said. 

 

She continues, “The guy from Indonesia, the one that was waiting outside, he was from Indonesia he asked me if I was here on holiday or business, I said I was here on holiday and he said he was on holiday also. Really we didn't talk very much because we couldn't! You know, when we drove to Dili, we stopped once, they bought something for their cellphones, so they can use their cellphone. He said 'pulsa'. 'Pulsa' is what they said. And then bought some beer, they bought some beer and shared it with everyone, we stopped once so I could take photos and then we got Dili. When we got to Dili, they were trying to find the place I wanted to stay, and the place was full. The lady who worked there, Rita, she gave me another place. And the driver said 'Ok, I know that place' but then he took me, because she told me in English he didn't understand where the place was, and he took me to a different place that was expensive so I didn't want to go there. Then we went to the ATM and then we stopped and they said 'Just wait here' and got out. The driver was just standing outside the car but the other Indonesian guy went into DHL and he picked up a package”.  

 

“The Indonesian man. His name was Ikston, I didn't know that back then but now, his name is Ikston Dharmawan. He went into the DHL, I actually wasn't paying attention, you know they just told me to wait and I was looking in my guidebook, in the Lonely Planet, trying to find a place to stay. But then the back door opened, in the far back of the car, and the DHL employer was carrying a package and put it in the back. And then we were going to his hotel to drop him off. And that is when two men came on a motorcycle and the guy in the back motioned us to stop, the guy in the back jumped off the motorcycle and opened the driver's side and the driver got in the back seat, and he got in the front seat, and then we were driving really fast around Dili. Everyone was yelling at each other. I didn't know what was happening. I didn't know who this man was, first I thought he was stealing the car, then I thought maybe… because the people didn't seem this panicked, that maybe he knew him, maybe he was his boss or something, the driver's boss? I didn't know who he was. Then we pulled into a police station. I thought 'oh… ok, he must be a police officer' but I didn't know that before. Then there were about fifteen officers, they surrounded the car, they took photos, they took photos of everything. We were brought upstairs and we were all in separate rooms and they searched my stuff. My bags, everything was searched. Then everyone left except for the female officers and the female officers searched my body, you know. Then I did a urine test and they tested that I have medicine like ibuprofen and antibiotics and they tested those and everything was negative! So the police said 'I am really sorry this happened, you were with someone who is a suspect, so we have to check you, but now we know that you've just gotten into the wrong car'. And I said 'I understand that you have to check me if I am in this situation'. It makes sense. So they said 'We will take you to a hotel'. And so I went to a hotel and about an hour and a half later they came back and arrested me”. 

 

“We have arrived in Dili about two thirty, I think I reached the hotel around eight. Something like that. I didn't know initially that the time changed between West Timor and East Timor, so it was around that. So then I ended up going to the Dili detention center. And I was there for four nights before I had the initial hearing”.  

 

“I was pretty sad. I was really scared and I didn't know what was going to happen and they told me within 72 hours they talked to someone. They told me that they had talked to the prosecutor the next day, on Saturday, so on Saturday the three of us went back to the police station from the jail but I was there till…”. Said Stacey. 

 

"I was really afraid because I can't speak the language. So I don't know what's happening, what's going on. I just didn't understand because they had said 'You were just in the wrong car' and then I was arrested after that! So I didn't understand what was happening". 

 

"Everything was in Portuguese there were only a couple of sentences that were translated so I didn't really understand what was happening. But they said that they were holding my passport until the investigation is complete", she complain. 

 

Maluk doben sira,

La kleur tan ita atu hakat liu tinan 2014. Tempu diak atu halo refleksaun konaba atinjimentus neebe ita hetan no dezafius sira neebe ita sei hasoru. Iha tinan 2014 ita kontinua dezenvolve setor saude husi aliserse sira ne'ebé ita hari tiha ona dekada ida lu ba, atu hakbesik-an liu tan ba atinjimentu vizaun Ministeriu Saude nian: "Timorense saudável, num Timor-Leste saudável".   Atinjimentu balun ne'ebé ita bele marka iha ne'e inklui redusaun mortandade labarik husi 84/1000 ba 64/1000, eliminasaun tetanu maternal no neonatal no redusaun iha taxa mánutrisaun.

 

Organizasaun Mundial Saude (OMS) hahí Timor-Leste nia Programa Kontrolu Malaria ho Prémiu Exselensia iha Saude Publika, tanba nota katak Timor-Leste atinji  tiha ona meta dezenvolvimentu mileniu (MDG) ba malaria. Insidensia malaria hetan redusaun  liu 75% iha periodu 2000-2014.

 

Haktuir ba Planu Estratejiku Setor Saude 2011-2030, Ministeriu Saude dezenvolve tiha ona estratejia nasional balun, hanesan: Estratejia Nasiona atu Prevene no Kontrola Moras La Daet, Traumatolojia, Dezabilidade no Kuidadu ba Idozu sira, no Planu Asaun Moras la Daet 2014-2018; Estratejia Saude Reprodutiva, Maternal, Neonatal, Labarik no Foin-Sae sira nian ba 2014-2018; Estratejia Nasional ba Saude Eskolar 2014-2018; Politika Nasional Ran no Programa Ran Nasional 2014-2018, Planu Estratejiku Laboratoriu 2015-2019, no Estratejia e-Health Nasional 2015-204.

 

Maski neineik, ita halo ona progresu balun iha area planeamentu no orsamentasaun, monitorizasaun no avaliasaun, no mos iha sistema jestaun finanseira.

 

Atu haforsa rekursu umanu sira, Ministeriu Saude fo apoiu maximu ba treinamentu profesional saude sira. Profesional saude barak (mediku, enfermeiru , parteira no tekniku aliadu sira) ne'ebé hetan treinamentu iha rai liur oras ne'e serve daudaun iha fasilidade saude iha suku sira namkarik iha Timor-Leste tomak.  Atu hadia kualidade prestasaun servisu saude, ita elabora tiha ona Padraun Prosedimentu Operasional ("Standard Operating Procedures", SOP) ba servisu kliniku sira no servisu saude publika sira balun.

 

Ita sei esforsa nafatin atu haforsa lista aimoruk esensial no sistema lojistika. Area sira ne'e sei konstitui dezafiu boot ne'ebe ita sei tau nudar prioridade iha tinan 2015. Area seluk ne'ebe presiza esforsu barak mak: Sistema Informasaun Saude, Rekursus Umanus  ba Saude, etika no area seluk iha pretasaun servisu. Manutrisaun sei sai nudar preokupasaun boot ita hotu nian, tanba  taxa labarik krekas sei as, maski tun tiha ona husu 58% iha 2010 ba 50.2% iha 2013. Ministeriu Saude sei iha empeñu boot ba Deklarasaun Komoro 2010, atu hakotu  hamlaha no manutrisaun. Mós, iha tinan 2014 ne'e, Timor-Leste  lansa tiha ona "Zero Hunger CHallenge" iha Azia no Pasifiku atu aselera seguransa aihan no nutrisaun, liu-liu ba inan feto sira, labarik, no membru komunidade sira ne'ebe kiak liu. 

 

Timor-Leste sei kontinua tau enfoke ba esforsu haforsa sistema saude atu garante asesu universal ba servisu saude promotivu, preventivu, kurativu no reabilitativu. 

 

Hau aproveita mos oportunidade ne'e atu, hodi Ministeriu Saude nia naran, hato'o agradesimentu klean ba parseirus dezenvolvimentu hotu tanba kontribuisaun boot ne'ebe sira fo mai dezenvolvimentu setor saude iha Timor-Leste.

 

Atu remata, hau agradese mos funsionariu no kolaborador sira hotu iha Ministeriu Saude ba sira nia servisu makas no empeñu atu lori ministeriu ne'e ba oin. Hau dezeja ba imi hotu Feliz Natal 2014 no Prosperu Anu Novu 2015!

 

Dr Sergio GC Lobo, SpB

Ministru Saude

 
Page 1 of 4
Joomla SEF URLs by Artio

Copyright © 2015 Agora Tempo Intermedia Ltd. All Rights Reserved.
Online since February 01, 2013
Creative Commons License
This work by Tempo Semanal is licensed under a Creative Commons Attribution-NonCommercial-ShareAlike 4.0 International License.

Top Desktop version