Tempo Timor Online

Dili, Tempo Semanal - Ki’ik oan ida la konsege hetan oportunidade atu ba halo tratamentu iha Singapora, ida maka Sergio da Costa Maia. Nune’e agora dadaun nia koko kombate hela todan husi moras ne’ebe nia leva hodi reziste ba ninia moris iha Klinika Bairopite wainhira DR. Daniel buka esforsu atu hetan tulun tuir kbi’it no kondisaun maka iha. 

 

Sergio da Costa Maia, tinan sia  toba hela iha sala izolamentu iha klinika Bairopite. Sergio ninia mama, Filomena da Costa Fatima tu’ur besik kama sorin no ninia liman karuk taka hela ba nia hirus matan, reza no liman loos hamaus Sergio ninia ulun. Ninia mama husu tulun ba Maromak atu bele tulun haraik isin di’ak ba Sergio. Iha parede besik kama Sergio toba, tara hela tersu ida. Sergio mear neineik los no dada iis maka’as hodi tahan moras ne’ebe obriga nia tenke para ninia eskola no halimar hanesan labarik sira seluk.

 

Baucau, Tempo Semanal – Politika Governu Timor-Leste ninian fasilita estudantes sira liu husi merenda eskolar atu bele aijuda nutrisaun ba estudantes sira maibe akontesimentu ida iha Quelicai iha sexta feira ne’e hamosu perguntas no realsa preokupasaun Xefe do estadu ninian ba merenda eskolar.

 

Estudantes ensino Bazico Catolika Santa Terezinha sub-distrito Quelicai, distrito Baucau hamutuk nain 209 iha Sesta (5/9) kotuk deskonfia lanu tan ba han ikan tongkol.  Hafoin han tiha merenda escolar alunus nain neen simu soru tan ba sira nia kondisaun grave hodi mai baixa iha Hospital Referal Baucau e estudante sira seluk halao tratamentu iha centru saude sub-distritu Quelecai.

 

Bo’ot Hadau Malu Rai, Labarik Simu Pankada

Publika iha Justisa

DILI, Tempo Semanal - Labarik nain rua ho identidade hanesan Celio Imanuel ho Ana Rosita hetan baku husi nia tiun rasik arguidu Luis Alberto Pereira ho nia bin Berta Filomena dos Santos. Tanba deit la gosta vitima nain rua nia inan ho aman kontinua hela nafatin iha rai ne’ebé agora dadaun sira oukupa. Kazu hada'u malu rai sai oho malu no istoria ninia volume sa'e maka'as liu tan iha tempu ikus-ikus ne'e.

 

Iha audensia julgamentu sesta (05/09)  ne’ebe hala’o iha Tribunal Distrital Dili, tribunal husu parte rua atu halo konsiliasaun hodi taka kazu refere. Maibe parte vitima ho arguidu laiha konkordansia nune’e nafatin ba submete prosesu julgamentu iha tribunal.

 

Dili, Tempo Semanal – Iha aniversariu loron liberdade povu TL hili rasik ninia destinu ba dala sanolu resin lima Presidenti da Republika Timor-Leste mos foo indulto ba dadur nain lima inklui eis Ministra Justica iha IV Governu Konstitusional ne’ebe Tribunal TL kondena kadena tinan lima tan ba kazu partisipasaun ekonomia. 

 

Eis Ministra da Justica, Lucia Maria B. F. Lobato simu indulto husi Presidenti da Republika no agora moris hakmatek ona maibe Durante loron hitu nial aran ne’e, Taur Matan Ruak simu fali kritikas husi komunidade mos la talin la kotu. Hanesan iha loron 05/09/2014 ONG lima ne’ebe hamahon a’an iha Tranparansia Internasional Timor-Leste (TITL) hasai sira nia deklrasaun ba publiku hodi kondena lala’ok Presidenti da Republika ninian. 

 

PM Xanana Husu Ninia Governantes Labele Fokal Demais

Publika iha Nasional

Dili, TEMPO SEMANÁL – V Guvernu Konstitusional daudaun ne’e halao hela análize institusional, hodi buka tuir naksalak iha prosesu jestaun no administrasaun guvernu nian nebe prejudika guvernu ninia funsionamentu servisu. Tanba ne’e Xefe du Guvernu Kay Rala Xanana Gusmao husu ba ninia ministrus no sekretariu estadu sira atu evita fokal demais tanba tuir Xanana nia haree, ema nebe fokal demais nee la signifika razaun barak.

 

“Koandu iha analize ba instituisaun ninia lalaok, husu ba hotu-hotu atu evita sai fokal demais. Koandu ita fokal demais ita sai kantor solo hodi buka hela dehan bainhira maka ita bele halo konsertu.  Ita presiza to the point tanba atu kontribui ba miloria ita-nia instituisaun, tanba fokal demais la signifika razaun barak. Psikolojikamente ita bele dehan katak, koandu fokal demais hodi ansi ida ne’e maibé laiha konsiensia atu hadia”, dehan Primeiru Ministru Kay Rala Xanana Gusmao ba ninia governantes sira iha CCD Dili foin lalais ne’e.

 

Liutan Xanana dehan, “Hau husu ba instituisaun hotu atu haree liu ba saida maka presiza atu hadia. Hau husu ba  Komunikasaun  atu servisu hamutuk ho Obras Publikas tanba ita iha ona vila optika haleu Timor. Hau husu ba Dezemvolvimentu Rural atu lalikan halai tanba presiza fokus ba Aileu, Ermera, Likisa atu ita prepara ema daudaun ona tanba halao tiha ona inkontru ministeriais fo sai ona. Tanba ne’e husu tok Agrikultura fo ona saida, Edukasaun fo ona saida, Saude fo ona saida, Solidariedade fo ona saida, husi sira seluk fo ona saida, ita prepara atu ba munisipius.

 

Se ita sentral besbesik malu, mis sira ne’e sei besik iha ita-nia leet, apa lagi se mis ne’e iha duni maka nia sei sai boot no sei ba duni  kunkursu iha mundu  no inves ita-nia rain mak naran boot, nia naran boot iha fatin seluk. Hanesan izemplu, iha tinan kotuk koandu hau husu lisensa tanba atu ba ajuda Sudan du Soul hodi evita saida maka ita halo ona, maibe ohin loron sira tama fali komflitu. 

 

Ho ida nee hotu maka ita tenke tau iha ita-nia hanoin katak estadu sei frazil. Iha orsamentu jeral du estadu tinan ida nee koalia konaba diagnostiku rekursu umanus. Hau kontenti rona katak ita presiza formasaun espesializada. Koandu ita temi formasaun espesializada, ita la temi dehan S1 ba S2. Sira     nebe S1 maka dala ruma INAP haruka ba, fila mai S2 tiha ona tanba problema ita haruka ba ne’e atu S2 mai ho diploma dehan atu sae. Agora maka ita hotu-hotu toma konsiensia katak, laos S1 a S2 maibe ba espesializasaun iha area nebe nia atu responde.

 

Ita hotu rona kriteriu a pratika e o kriteriu da verdade, verdade ba mal pratika ou verdade ba boa pratika. Tanba ida nee maka se halao nafatin runioens semanais. Tanba ida nee atu haree dehan katak ita lao daudaun ona entaun ita hotu-hotu senti kontenti tanba ita hadia daudauk ona.

 

Instituisaun tomak nudar parte integrante ida, nebe membrus guvernu sira, diretores sira, hotu-hotu koandu koalia konaba performance pesoal i institusional. Hau simu i hau kumpriende ita boot sira-nia laran susar, laran taridu, laran teriste tanba Komisaun Revizaun Orsamentu koa ita boot sira-nia osan.

 

Foin lalais ita halo workshop ida iha Timor Plaza dehan katak finansas mak sala tanba hatudu katak, ita husu osan barak maibé ita laiha kapasidade atu ezekuta. Hakarak halo buat barak mas laiha kapasidade atu ezekuta. Bele los tanba ita boot sira-nia prioridade ami koa tiha husik fali buat sira seluk.

 

Hau repete, ba 2014 submisaun orsamentu ba 2 billioens seim millioens tanba ita hotu iha prioridades. Halo hau lembra iha prosesu dehan button up nee, ita husu ba sukus hotu-hotu atu sira maka halo PNDS no iha sukus balu iha 45 prioridades ba tinan ida, balu 35 prioridades, hakarak dehan  buat sira nebe sira iha nee sai prioridade hotu.

 

Hau sente katak ita la preseve liafuan prioridade nee, ita hanoin fali dehan katak prioridade nee hanesan fali nesesidades ita nian, tanba nee maka ba iha neba buat barak koa..koa..koa nufin protesta dehan nusa maka koa fali, imi  koa fali ami-nia prioridade hodi husik fali buat sira nebe ladun prioridade. Kulpa hau nian tanba hau mak koa.

 

Deskuti-deskuti husi 2.1 tun ba 1.7 tanba lakohi rende, tanba lakohi defende didiak planu de asaun anual ninia instituisaun, entaun prioridades barak halo ita sai hanesan xefe sukus sira nebe iha 45 prioridades. Tanba ita ladun iha konesimentu ba ita-nia nesesidades ekzatas iha ita-nia ministeriu, sekretaria du estadu, ita hakarak rezolve buat hotu-hotu.

 

Dala ida tan ita koa, restu ba adjusta hela iha neba dehan prontu, nia koa tiha ona ida nee entaun ita haree tok ita-nia planu, se lae sala hau nian tanba hau maka preside misaun revizaun de orsamentu tanba hau dehan koa. Hau koa ita mak nunee hotu husi 2.1 ba 1.7.

 

Ita haluha tiha ona katak bainhira ita husu para 3 purisentu nee bele fo mai ita. Nebe koandu ita halo buat hotu diak hotu esperiensia laiha, ita halo sala maka hadia mak la halo sala mak redus, a ida nee mak esperiensia diak. AMP-nia tempu koa tiha, ida-idak iha nia partidu ba lovi. La lovi ona Komisaun Revizaun Orsamentu tanba dehan o katuas nee koa deit, nebe ba lovi fali iha neba mak ita aumenta-aumenta.

 

Hau hanoin katak ita tenke produs buat ruma hodi hatudu katak ita halo. Hau atu dehan ba ita boot sira balu nebe dehan ami haruka ba ita boot sira koa tiha, sem hau mak sala, tanba hau mak tenke hatene hotu-hotu ba ita boot ida-idak ninia nesesidade nee ida nebe mak prioritariu ida nebe maka ladun. Asala koa maibe koandu asal koa ona ita asal simu, idapois komisaun revizaun orsamentu maka estraga tiha imi-nia planu asaun.

 

Hau orsida hau hasai kursu SH. Laos tanba hau la gosta ita boot sira, hau hadomi tebtebes iha hau-nia fuan laran, maibe interese nasional koandu hau haree ba estadu koandu baku hanesan nee imi monu tiha fali tanba la metin, nee maka hau-nia domin ba imi ladun, tanba estadu baku hanesan nee imi monu hanesan ai-fuan dodok.

 

Ita hotu bolu atensaun ba malu laos tanba atu bloku...atu sai bloku boot, lae. So para ita hotu bele hadia ita-nia estadu, bele lori ita-nia estadu ba dalan nebe ita-nia beiala sira sei temi imi katak Timor-nia oan sira nebe matenek tur iha prosesu konstrusaun estadu, sira berani, sira ema diak duni. 

 

Hodi sira bele dehan katak la fo fatin ba ita nebe sira-nia beioan nia bei oan nee atu halo kleuk tanba sira iha neba harii tiha uma nebe metin, harii uma nebe hamahon nafatin ita-nia aspirasoens, ita-nia intereses. Konaba projetus fizikus, hau rona balu dehan halo dadaun inspesaun interna konaba administrasaun, konaba jestaun, atu kurizi mal administrasaun, atu kurizi mal jestaun. 

 

Uluk iha AMP-nia tempu, Konsellu Ministrus semana-semana idapois kontaktus ho diretores sira dehan ami la hatene buat ida, tanba falta de komunikasaun entre membrus guvernu ho diretores sira. Ita alerta malu, maibe hau rona balu dehan hahu ona reuni, mas balu preokupa liu dehan ami mak ezekuta imi mak tenke kuriji. Hau hakarak hotu, hau buka intende. 

 

Husi anaize nebe ita halo ba ita-nia an rasik, ba ita-nia instituisaun rasik labele hela deit iha surat maibe tenke sai letra morta, sai surat nebe laiha valor, importante maka implementa. Tanba ida nee hau husu ba hotu-hotu se seidauk kompleta karik kompleta ba. 

 

Iha imi-nia inkontru imi konese balu, Rosa fo ida nee, Abel fo ida neba, Manuel dehan ida nee, hodi fo valor ba partisipasaun, preokupasaun husi ema ida-idak iha neba dehan katak ita atu hadia, hadia ida nee. Runiaun sira seluk, ida nee mak sai ona pontu de partida ba ita atu hadia, haree progresu nebe ita temi performance ou ita temu razaun paiz-nia servisu. 

 

Neduni hau iha rekomendasoens oituan ba ita boot sira. Hau husu ba Komisaun Funsaun Publika (KFP) atu analiza klean liu oituan ita boot sira-nia asaun ba buat nebe ita dehan controling, avaliasaun purke lae hanesan fali ita boot sira tur tiha iha neba, prosesu ba imi atu avalia atu halo rekrutamentu, se ho nee deit ladun produtivu iha kestaun kapasitasaun rekursus umanus, avaliasaun rekursus umanus.  Ba KFP imi-nia partisipasaun atu hadia instituisaun du estadu nee too iha nebe?.

 

Ba rekomendasaun ida nee, hau husu ba ministerius hotu simu ona relatorius inspesaun nasional estadu nian. Ita lalikan ansi atu duni ema, ita ansi atu hadia. Hau mos ladun konkorda katak Inspeksaun Geral du Estadu (IGE) ba halo fiskalizasaun fizika, nia presiza engineiru, nia presiza teknikas. Bolu atensaun ba IGE atu haree ba iha mal administrasaun, mal jestaun, hodi kapasita hodi ita bele haree hamutuk ho KFP atu oin nusa atu espesializa formasaun, fo formasaun ba espesializasaun laos S1 ba S2. 

 

Tanba ida nee maka husi ministerius sira fahe relatorius IGE nian ba diretores sira atu deskuti hodi aponta sala iha nee iha neba hodi kurizi. Ita tenki halo  liu aproximasaun depois ida nee dala rua dala tolu ita dehan katak ida nee la serve. 

 

Kestaun rekursu umanus kestaun importante tebe-tebes, importante agora  ita atu hadia tanba ita atu tama ba municipius. Tanba ida nee maka hau husu ba Sekretariu Estadu Dezemvolvimentu Rural atu lalikan ansi. Ita boot lalikan ansi sae Ramelau, ita boot iha kedas foho ida iha neba, sae tok dada iis bele ka lae. Sae husi Laklo, sae foho ida nee tun fali mai iha Subaun, ita boot moris aaa... ida nee ita lao ho diak. 

 

Ida nee tenke kordena ho problema ida preparasaun rekursu umanus espesializasaun iha areas nebe defisientes ka lema tebtebes iha institusoens publikas, administrasaun, jestaun finanseira. Se ita haree ona dehan iha mis-mis iha ita-nia sorin, wainhira lao ba dok, ita hotu labele haluha koandu ba tiha dok neba, koandu  ADN tau iha nee katak karik ita kria mekanizmu ida ho komfiansa nebe diak, ita la gasta osan barak ba ida ba iha neba ida ba fali, ate hau admira Provedoria Direitus Umanus no Justisa (PDHJ) ba hotu haree inspesaun fizika, waooo...maibe iha uma mahon iha 250 kriansas vitimas insestu. Nebe ita justisa nee hanesan justisa nebe lao hotu ba buat hotu ba hela deit, ba too iha neba.

 

Para ita ajita oituan ita-nia setor justisa nee barak pendente iha neba mas barak haree fali ba guvernu, haree fali ba diretores sira dehan ita hotu naok ten tanba ita hatudu oituan mal jestaun karik, para ita bolu malu.  Tanba ita sei iha prosesu konstrusaun estadu ita sei frazil tebtebes.

 

Hau husu tok ba Defensia Publiku atu haree diskuti tok iha konseillu judisial buat sira nee hotu, halibur malu tok. Husi Ministeriu Publiku mos balu-balu iha nee, mas problema nee ita-nia nasaun nee ita-nia estadu nian. Nebe ida-idak haree tok saida mak prioridade, lae provedoria ba dehan oouu... ami ba haree estrada nee monu, depois ita haree fali dehan ami haree uma maho nee ema barak presiza justisa maibe ita la fo apoiu ba justisa neba. Nee susar, violensia domestika  buat sira nee hotu, buat ida nee mak karik iha impaktu iha povu-nia leet, ita dehan karik dehan justisa tenke servi povu. Mas komu Ministeriu Publiku ho Tribunal ho KAK ho hotu-hotu dehan naok ten hotu deit, prontu taka hotu tiha tau juis sira, prokuradores sira, KAK sira, provedor sira imi ba servisu ba ami mak nonton.

 

Problema tenke iha ekilivre iha ita-nia hanoin konaba konstrusaun estadu nee, laos dehan taka matan, lae. Ita hatene katak ita kria justisa atu serve povu, los. Balu sai tiha ba liur neba mak mai, ikus-ikus nee ita hatene tiha ona ida nee ba liur neba ema fo SMS ba sira fo SMS mai hau dehan korrupsaun meraja lela, tanba sa, ou kareta barak waooo... entaun diak, motor barak.. ida nee korrupsaun meraja lela ida nee kapas tanba povu mos hetan tooo. Karik ministru ka diretores nia kareta nee oras-oras troka, a sem. Mas buat nee lao-lao entaun dehan katak tanba ita fakar osan nebe hotu-hotu korruptor hotu. Koandu ita la haree dehan katak justisa atu halo saida iha ita-nia rain. 

 

Kazus pendentes barak hau hatene katak ou kleur-kleur nian arkivu uuu...kleur-kleur nian soe, entaun problema sira nee mosu beibeik. Ita hotu seidauk intende didiak ita-nia servisu iha nebe, la intende didiak no laiha vizaun jeral ida nebe diak konaba ita-nia atuasaun ba iha konstrusaun estadu ba fo fiar povu ida nee konaba buat nebe ita atu halo.

 

Nee maka finansas husi grupu haat ninian sei halo hanesan buku oan ida ba tiha ita boot sira, ita boot sira tau, apensa ka anexa ka hatutan ho saida maka imi haree ba imi-nia fatin rasik, hodi fulan tolu-tolu, fulan nen-nen dehan ita hadia ona iha nebe, seidauk hadia ida nebe. 

 

Ita hotu seidauk iha metorolojia servisu, ita tama ba servisu ita la hatene dehan semana ida ita halo saida. Husi resposaves sira tenke iha, semana ida ita atu kumpri saida. Purke ita laiha nee maka hau haree institusoens balu nebe seidauk responde. Hau fo serkular iha dia 20 de Junu atu integra aplikasaun ba orsamentu nia submisaun fulan ida ho balu tiha ona tanba sa, tanba ita lorloron nee ita ba dehan mai ba mai la mai ba mai.

 

Balu iha tiha ona defeza de orsamentu iha tiha ona iha parlamentu neba mak mai bisbisu dehan ami nian ida nee seidauk selu, husu ba iha tezouru, tezouru dehan buat ida la tama, nebe imi ba haree tok. Depois husu ba husu mai dehan buat nee iha hela meja ministru ninian semana ida ona mas ministru seidauk hatun mai, mas ita gosta haree deit dehan katak problema nee iha ema seluk nia liman, tanba sa tanba ita laiha metodu de trabaillu, ita laiha kuadru ida ita iha fali buat oioin Ipond, Ipid, Ipad...mak ita laiha kuadru ida iha ita-nia oin hodi dehan semana oin atu halo ida nee, aban nee atu halo ida nee, fulan ida atu halo ida nee. 

 

Nebe ita konsentra duni, ita orienta oituan ita-nia diretores sira, diretor sira mos tenke hatene. Nebe runiaun semanal ita tau iha neba para hotu-hotu bele lao, se lae saida maka mestre rekomenda mai ita hotu nia alunus nee ita sei la halo. Se ita laiha minutas nebe ordena ita-nia servisu, se ita laiha metodu de trabaillu ida metodolojia nebe dehan katak fulan rua ita atu alkansa saida, aban ita atu halo saida, truka lalais nebe ita haree buat seidauk nee ita bolu diretores ita dehan tanba saida seidauk ou diretores dehan iha tiha ona ami atu lori mai, entaun lori mai ba.

 

Ita koalia ba malu laos atu hatun malu, ita koalia ba malu atu halo dehan katak sekap ida ba ita-nia estadu-nia isin lolon. Nebe hau tenke dehan fila fali ba jestaun finanseira mak sai hanesan ran ba instituisaun estadu nian hotu. Se ita hakarak estadu nee metin nafatin, ema sei prays ita, sei fo louvour ita. Nufin laos iha dalan klaran. Tanba sa maka ita la halo workshop ida hodi koalia deit konaba saida mak ita halo tiha ona, tanba tempu seidauk too”, tenik Xanana. (ts)

 

 

 

CVTL Hamihis Terus Bee Moos ba Komunidade Atelari

Publika iha Baucau

Baucau, Tempo Semanal – Dala barak tebes komunidade sira halerik be’e moos nune’e duni Cruz Vermelha Timor Leste (CVTL) ho orsamentu naton maibe hamenus ona komunidade ninia sofrementus no halerika ba kuran bee moos.

 

Daudaun xefe familia uma kain 237 husi Suco Atelari, sub-distrito Laga, distrito Baucau asesu ona bee moos, ne’ebe fasilita husi Cruz Vermelha Timor Leste.

 

“Hau bele fo relatorio oituan konaba projetu bee moos ho saniamento iha suco Atelari, ninia orsamento lolos gasto ba dada be’e mos ne’e ninia orsamento lolos hamutuk $.57,279.00,- maibe husi total orsamento ne’e apoia husi doadores Australia iha $. 48,279.00,-,agora kontribui husi komunidade sira $.9,000.00,“ prezsidenti konselho CVTL nasional, Jose Pereira da Conceicao hateten ba jornalista sira foin lalais ne’e iha Baucau.

 

Presidenti CVTL ne’e mos informa katak, parte CVTL aleinde dada bee moos halo mos saniamento hanesan sintina rua ba estudante escola ensino bazico catolika Atelari no 237 sintina ka latrinas ba komunidade xefe familia 237.

 “projetu ne’e lao tarde tinan rua fulan ida mak foin entrega tanba fou-foun parte CVTL tenki konvense ho parte komunidade konaba projetu ne’e no oinsa mak komunidade hola parte atu servisu voluntaramente,”nia dehan.

 

Komunidade Atelari senti kontenti ho aktividade dada bee moos husi CVTL ba sira nia suco laran hodi bele responde ona problema konaba bee moos, Tuir Amaro de C. Belo  fo razaun tanba durante ne’e komunidade lao ain kuaze kilometru ida balun kilometru ida resin mak ba kuru bee iha mota laran.

 

“Ho inagurasaun be’e mos ne’e signifika entrega ona mai ami para ami atu uza, i ami simu ho kontenti teb-tebes tanba foin primeira ves ami aldeia 6 husi aldeia 10 iha suco Atelari hetan asesu ona bee moos ho susesu tan ne’e ami fo agradese,”hateten Amaro.

 

Husi parte Xefi do suco Atelari, Antonio M. Guterres hateten katak  komunidade husi aldeia 6 senti kontenti teb-tebes ho bee moos ne’ebe estabelese ona husi parte CVTL, tanba durante ne’e bee mos susar ba komunidade.

 

Iha momentu hanesan  CVTL mos entrega hela ekipamento ba Grupo Manutensaun Fasilidade Bee Moos (GMF) iha suco refere hamutuk ema nain 10 resin.

 

Iha seremonia inagurasaun ne’ebe mak halao iha sede suco Atelari, partisipa direita husi presidente conselho diretiva CVTL nasional, doadores husi Australia, Administrador distrito, sub-distrito Laga no Baguia, reprezenta veterano L-4, SAS distrito, xefe do suco ho ninia komunidade inklui estudante escola ensino bazico catolica Atelari.

 

By Xanana Gusmao, East Timor Prime Minister

 

It is a great honour to speak at this III UN International Conference of such importance to humanity’s collective and sustainable future - “the sustainable development of SIDS through genuine and durable partnerships”. I would like to thank the people and the government of Samoa for hosting this event and for the warm welcome and wonderful hospitality.

 

CDE Baucau Halo Kompetisaun Planu Negosiu Inovativa

Publika iha Ekonomia

Baukau, Tempo Semanal - Centro Dezenvolvimento Emprezarial (CDE) distrito Baucau realiza kompetisaun planu negosiu inovativa, kompetisaun partisipa husi emprezariu sira ne’ebe iha idea inovasaun ba produtu ne’ebe sira kria iha distritu.

 

Partisipa iha kompetisun refere emprezarius mai husi distrito  rua hanesan Distritu Baucau no distrito Lautem. Emprezarius sira ne’ebe envolve iha kompetisaun planu negosiu inovativu bazeia ba registu ne’ebe CDE, distrito Baucau hetan emprezariu ema nain sanolu resin tolu no partisipantes husi distrito Lautem iha emprezariu ema nain sia.

 

Dili, Tempo Semanal - Lakleur tan Ministeriu Edukasaun (ME) iha tinan 2014 ne’e sei la aplika 100% pasa ezame nasional ba estudante finalista sira sekunadaria no pre-sekundaria no tinan uluk ninian.

 

Direktor diresaun nasional kurikulum Ministeriu Edukasaun, Fernando Mozinho Gama, informa katak, iha tinan ne’e Ministeriu Edukasaun uza sistema foun ba ezame nasional tan ne’e sei laiha 100% pasa ezame.

 

PR TMR Halo Desizaun Koruptu Hodi Liberta Koruptor

Publika iha Opiniaun


HUSI : João Almeida 

 

Iha kampañia eleitoral ba Prezidensia Repúblika nian iha tinan 2012, kombate kiak, prospriedade ba povu no kombate korupsaun sai ajenda prinsipal ba Prezidenti Repúblika - PR Taur Matan Ruak – TMR nian kampañia. Nune’e mos Prezidenti Repúblika TMR simu pose iha 20 Maiu 2012, pasu dahuluk liu deklara nia riku soin ba públiku no aprezenta ba Tribunal Rekursu. Ema hotu basa liman ba inisiativa ida ne’e no úniku PR TMR mak halo ida ne’e. Iha diskursu seremonia ofisial sira PR TMR ko’alia maka’as luta kontra korupsaun. Povu tomak doko ulun ho oin midar no tau esperansa maka’as ba PR TMR. 

 

Joomla SEF URLs by Artio

Copyright © 2015 Agora Tempo Intermedia Ltd. All Rights Reserved.
Online since February 01, 2013
Creative Commons License
This work by Tempo Semanal is licensed under a Creative Commons Attribution-NonCommercial-ShareAlike 4.0 International License.

Top Desktop version