Tempo Timor Online

Dilema: se maka hela se maka sai

Publika iha Opiniaun

Husi : Vicente Maubocy (Observador Politico)

Sumario:

Lia fuan Remodelasaun, sai ” popular “ ka buzz word” iha Timor Leste. Remodelasaun ni uzo hanesan “anin bot” hu husi Dili tama  ba fatin hotu-hotu. Dait husi uma ba uma, husi ibun ba ibun, iha offices, iha merkado, iha kafes, iha restaurants, iha lia mate, lia moris, mesmo ema strangeiros mos koalia.

Substancia  centraliza ba “bainhira“ maka akontece, se maka hela se maka sai, se maka tama”. 

Preokupasaun kait ho debate ba   se maka sai se maka hela,  grupo  “average thinking” sira halo analise, indusaun, espekulasoens ba naran sira nebe hela no sira nebe sai. 

Prezidente Taur Fó Kaza de Trabailho ba Guvernu

Publika iha Nasional

 

Dili, TEMPO SEMANÁL – Iha diskursu Prezidente da Republika Taur Matan Ruak iha okaziaun selebrasaun aniversariu Falintil ba 39, Xefe Estadu nee ladun satisfas ho prosesu dezenvolvimentu iha rai laran nebe seidauk bele kore povu husi mukit tanba ema kiak barak daudaun nee sei padese.

 

“Ita harii sosiedade ida bazeia ba lei nebe respeita dignidade ema nian ho objetivu nebe Falintil sira fakar ran hodi hetan. Ita-nia lei iha ita-nia rain hanesan ba ema hotu, la foti ida as liu nein hatun ida tun liu. Ita harii estadu iha dezemvolve no haforsa ita-nia estadu, itaharii sosiedade ida ho institusoens politikas nebe bazeia ba direitus sidadaun sira nian atu partisipa, asumi sira-nia responsabilidade no hametin dalan atu tuir ba harii ita-nia estadu”.

 

“Instituisaun militar ita nian hametin liutan, Falintil-FDTL dezemvolve liutan. Forsa garante soberani nasaun nian, hametin an, fo prioridade ba formasaun ita-nia ema sira nebe hakarak fila ita-nia an sai forsa, sai teknikamente hodi apoia dezemvolve ita-nia nasaun hahu husi hametin ita-nia nasaun iha defeza no soberania no tau matan ba ita-nia riku soin sira. 

 

Falintil hanesan forsa ida nebe defende konstituisaun, sobernira ba poder sivil iha tinan sanulu resin rua halo esforsu boot, tantu hametin disiplina ho nia profesionalidade. Koalidade nebe militar sira hetan nee kontribuitu boot ida ba estabilidade sosiedade ninian, nebe hametin komfiansa ita-nia povu ba institusoens sira nebe ita harii iha ita-nia rain”, dehan nia. 

 

Taur hatutan liutan katak, “ita hametin daudaun ita-nia reinsersaun rejional nebe diak, ita haree relasaun amizade ho Indonezia, Australia no paiz sira nebe besik liu ita no hametin ita-nia relasaun iha aspeitu siguransa no area militar. Ita mos hametin relasaun iha rejiaun, ho paiz hotu-hotu liu-liu paiz ASEAN, Pasifikus, Zelandia Foun nebe ita dezemvolve ita-nia relasionamentu ida diak, relasionamentu ida nebe tau interese nasaun ida-idak nian iha leten no buka dalan atu hametin liutan servisu hamutuk iha area importante ba interese ida-idak nian”. 

 

Ita iha relasaun diak ho Japaun, Korea du Soul, China, Estadus Unidus, Uniao Europeia no nasaun sira hotu nebe nungka kole atu kontinua hametin amizade no kooperasaun produtivas ho ita-nia nasaun. Timor-Leste daudaun nee prezide CPLP, kooperasaun Timor-Leste CPLP makaas tebes iha nivel militar nomos iha nivel sira seluk iha area sira seluk tantu bilateral no multilateral. 

 

Komfiansa komunidade internasional foti prestizu Timor-Leste nian no kontribui atu ita bele hetan dezemvolvimentu nasional ida nebe tuir mehi no hanoin ita nian. Falintil-FDTL fo nia kontributu pozitivu no importante tebes ba afirmasaun ita-nia estadu nian, tanba F-FDTL kontribui ba protesaun rekursu naturais ho ezersisiu efetivu ita-nia soberania nasional.

 

Kontribui ba estabilidade no paz hodi prestezia ita-nia nasaun. Aumentu prestizu nasaun nian atraves misoens sira nebe ita-nia estadu fo, liu-liu mosiens manutensaun paz ho komunidade internasional foti Timor-Leste nia naran. Maibe dejafius ita-nia nasaun sei makaas, se barak los. Ejize empeinamentu ita hotu nian, sidadaun hotu-hotu nian para ke ita hamutuk kontinua buka mehi ida nebe iha tinan rua nulu resin haat Timor oan rihun ba rihun fakar ran.

 

Investe ita-nia nasaun ninia riku soin ho matenk no koidadu tebes. Dezemvolve setor produtivu ida nebe  fo benefisiu ba ita-nia komunidade sira, valoriza rekursu naturais liu-liu ita-nia rain no agrikultor kiik sira nebe namkari iha ita-nia nasaun. Fila Timor-Leste sai nasaun ida nebe menus depende ba rai seluk, dezemvolve ekonomia ida diak bazeia ba infraestrukturas nebe iha koalidade, ajuda komunidade sira atu produs liutan hodi hetan asesu ba merkadu. Nee servisu sira nebe ita tenke preparadu los ba halao iha tempu oin. Tanba ita-nia mehi ita hakarak dezemvolve populasaun ida nebe saudavel ka iha saude diak. 

 

Mais de 50 pursentu ita-nia populasaun malnutrisaun, proteze ambiente no tau matan ba sukus sira sai moos aldeia sira sai moos, prevene moras, bee diak, eletrisidade diak ba ita-nia sidadaun sira. Dezemvolve sosiedade ida nebe elevadu koalidade edukasaun, ofrese eskolas ba ita-nia sukus no aldeia sira. Nee servisu balu nebe ita tenke halo no kontinua halo para lori ita-nia nasaun ba oin. 

 

 Falintil-FDTL dedikasaun instituisaun militar nian, tau matan atu kumpri nia misaun ho diak no hola parte konstribuisaun boot ida nebe Falintil fo ba dezemvolvimentu nasional. Falintil sira-nia misaun ida importante tebes atu proteze ita-nia rain no riku soin, kontribui ba dezemvolvimentu, estabilidade, kontribui mos ba manutensaun paz iha mundu liu husi Nasoens Unidas. Para dezempena misoens sira nee Falintil tenke kontinua prepesoa ninia kapasidade teknika no operasional iha aspeitu hotu-hotu.

 

Hau husu ba militar sira para ke kontinua tau matan ba imi-nia formasaun profesional para imi bele iha altura atu responde servisu nebe ita-nia nasaun no ita-nia povu integra ba imi. Dezemvolve ita-nia nasaun hanesan dezafiu boot ida i so lori ita-nia domin, lori ita-nia sakrefisiu mak ita-nia nasaun bele ba oin. Tanba ne’e, husu para ita hotu labele haluha sira nebe iha tinan naruk fo sira-nia vida, mate hodi ohin loron ita-nia nasaun sai nasaun ida nebe livre no independente. Barak liman tohar ain tohar, kontinua lao ho bala iha isin, faluk no oan kiak sira iha ita-nia rain sei namkari, padese no terus.

 

Ita hotu nasaun tomak lebele haluha sira, nee forma ida atu fo ita-nia kontribuisaun no inspira sira seluk para sente katak vale apena ita fo ita-nia kontribuisaun ba ita-nia nasaun, tanba ita-nia nasaun bainhira diak nia sei la haluha ita”, hakotu Taur. (ts)

 

Husi RuI da silva Pinto

 

Ohin loron umanidade biban atu hala’o avansu makás iha área saúdi. Moras barak ne’ebé tinan atus ida ba kotuk oho ema tokon ba tokon, ohin loron ita bele kura ka, bele dahir ema nia moris ka hadi’a ema nia kondisaun moris ho moras oioin. Biar ne’e, ekipa peskizadór Saudi mundiál hahú kestiona ita nia kapasidade atu funu hasoru mikro-organizmu oioin ne’ebé hamosu movimentu rezisténsia makás hodi hasoru ai-moruk oioin.

 

Alerta hirak ne’e husi Organizasaun Mundiál Saudi nian (WHO) mosu tan mikro-organizmu hahú ona re-agrupa no hala’o funu rezisténsia no haberan hodi hasoru arsenal ne’ebé forsas (ai-moruk) ne’ebe ita nia Doutor uza hodi oho sira.

 

Ohin loron mikro-organizmu reziste makás liu no ai-moruk la biban atu estermina sira. Ezemplu ida mak rezisténsia hasoru antibiótiku. Ohin loron antibiótiku la biban atu hamate mikroorganizmu barak loos ne’ebé hahú haburas moras rezistente oioin mundu tomak. Ema rihun ba rihun hahú mate tan ne’e. Iha Estadus Unidus, tinan-tinan 25,000 ema mate deit tan infesaun rezistente.

 

Iha Timor-Leste, ita iha kazu oioin. Nu’udar ezemplu di’ak, ita hanoin hikas ba infesaun ne’ebé oho Timor oan ida iha tinan hirak liu ba. Autór hakarak dedika artigu ne’e ba família matebian, Francisco Horta, maun boot husi Dr. Ramos-Horta, no mos Timor oan hotu hotu ne’ebé nia i’is kotu no fila hikas ba Na’in maromak tan infesaun husi baktéria ne’ebé ai-moruk la biban atu.  

 

Dezenvolvimentu antibiótiku iha mundu tomak oras daudaun paradu hela. Matenek Na’in mikrobiologu la biban atu deskobre ka rekruta batallaun foun nu’udar ai-moruk antibiótiku desde 1970, tan ne’e organizasaun mundiál Saudi hahú hato’o ona ba mundu tomak katak ita tama ona ba krize foun, no moos ba períodu foun iha istória umanidade. Iha períodu ne’e, ne’ebé matenek Na’in hanaran, períodu pós-antibiótiku ema rihun ba rihun sei mate tan kanek ki’ik oan ida iha ain, bainhira ema la’o ain tahan iha tasi ibun, ka tan kanek ki’ik oan ida bainhita ema tein ka joga bola.

 

Deskoberta antibiótiku hahú tinan atus ida liu ba, maski nune’e matenek na’in la biban atu halo ida ne’e liu tiha 1970. Dr. Steven Brickner, mak matenek nain ikus ne’ebé treina no rekruta klase foun ba anti-biotiku ne’ebé ohin loron ita uza (batallaun naran Linezolid). Baktéria, hanesan nia haklaken, iha estratéjia guerrilla no funu di’ak liu fali duke ita nia Doutór sira uza. Sira iha ohin loron “biru” makás no kilat musa (komponente kímiku iha antibiotiku) la tama ba sira nia kulit besi.

 

Prof. Dame Sally Davies, Chief Medical Officer for Her Majesty's Government, hateten iha entrevista ba BBC, katak se mundu no polítiku sira la halo investimentu iha formasaun Doutór no peskiza sientifiku, entaun ai-moruk besik hotu-hotu sei la vale atu kura moras. Ema ne’ebé hala’o operasaun ki’ik-oan ida iha ospitál bele mate, ema ne’ebé ba fukit nehan ida Doutór bele mate tan ai-moruk antibiótiku la biban atu hasoru mikroorganizmu no baktéria ne’ebé reziste maka’as hanesan baktéria sira ne’ebé ohin loron ita iha hela iha mundu tomak. Medisina moderna sei mate se ita la biban atu rekruta batallaun foun antibiótiku nian.

 

Tuir lolos klase antibiótiku foun la iha desde 1970 tan falta inovasaun no kreatividade Governu nian atu fó tulun ba peskiza sientifiku. Nu’udar ezemplu, biólogu sira peskiza fatin hotu ne’ebé fasil atu hakat ba (maioria mak iha rai maran) no ohin loron kompañia farmaséutiku hahú tau matan ba tasi bele nu’udar oportunidade bo’ot atu sai sentru rekrutamentu ba batallaun antibiótiku foun. Maibé peskiza iha tasi, karu liu no moos presiza matenek iha parte biólogu, parte luku no komponente téknika-prátika sira seluk no moos prosedimentu oioin atu regula peskiza ne’e hodi garante katak Governu husi nasaun ki’ik oan hanesan Timor-Leste sei hetan asésu ba benefísiu finanseiru, karik, kompañia ne’e deskobre materiál biolójiku ne’ebé bele sai ai-moruk.

 

Nasoin Unidas hahú tuir prosesu ida naran Protokolu Nagoya, proteje nasaun em vias de dezenvolvimentu husi peskizadór sira ne’ebé foti ka nauk fali komponente biodiversidade hodi halo ai-moruk no manán osan tokon ba tokon no la koi fó osan fali ba nasaun ne’ebé sira foti amostra biolójiku.

 

Timor-Leste seidauk asina Protokolu ne’e, nune’e mós nasoin Unidas labele proteje Timor-Leste no ita sei la biban atu hetan matenek tékniku hodi ajuda mundu dezenvolve ai-moruk foun.

 

Tuir loloos asinatura protokolu ne’e gratis. Timor-Leste la presiza selu ida, maibé Governu Timor-Leste seidauk haruka surat ida atu dehan katak Timor-Leste prontu atu simu tulun no protesaun husi Nasoins Unidas hodi hasoru bio-pirataria ka ema/kompañia ne’ebé naok ita nia oportunidade atu hetan osan husi ai-moruk ne’ebé halo liu husi materiál jenétiku ne’ebé mai husi Timor-Leste.

 

Maski nune’e, Governu Timor-Leste nakonu ho kontradisaun tan Governu, liu husi Ministériu Agrikultura no Peskas, haksolok atu asina kontratu ho kompañia hodi esporta materiál jenétiku antes ita hetan prosedimentu di’ak hodi defende interese Estado nian, no taka dalan ba prosesu arbitrajen husi Nasoin Unidas.

 

Tuir lei, ita labele fó lisensa hodi foti ahu-ruin, maski nune’e Ministériu Agrikultura no Peska hahú hanoin atu fó lisensa ba esportasaun ahu-ruin no material tasi okos oioin. Organizasaun internasionál oioin, no Parlamentu Nasionál hahú kestiona desizaun ne’e husi Ministru Agrikultura no Peskas.

 

Alem de Protokolu Nagoya, biólogu timór oan Rui Pinto, hato’o katak, tuir loloos, Timor-Leste mos iha kompromisu atu ratifika Konvensaun CITES, ne’ebé presiza dolar 73$ tinan-tinan ba kota hodi satan di’ak liu tan Timor-Leste no peskizadór iha Timor-Leste. Karik Governu kontinua hateten katak osan atu selu kota 73$ tinan-tinan atu proteje rikusoin biolójiku Timor-Leste nian, karik osan ne’e la iha, Biologu ne’e prontu atu selu kota ba Timor-Leste husi nia osan privadu. Ho ratifikasaun ne’e, Sr. Pinto hateten, Governu sei hetan protesaun iha prosesu hasai amostra biolójiku husi Timor-Leste nia laran, no permite peskizadór Timor oan hodi rejista espésie foun ba mundu oioin, nanis ema foti no haburas iha nasaun seluk no hetan osan barak no la fo osan fali mai Timor-Leste. The growing resistance to antibiotics

 

It is a great honour to address this Global Forum in the presence of so many distinguished dignitaries, sharing their commitment to tolerance and peace.

 

I would like to thank His Excellency Ban Ki-moon, Secretary-General of the United Nations, for his global leadership and contribution to human progress. Two years ago, the Secretary-General visited Timor-Leste and shared his vision of development and peace.

 

Page 5 of 5
Joomla SEF URLs by Artio

Copyright © 2015 Agora Tempo Intermedia Ltd. All Rights Reserved.
Online since February 01, 2013
Creative Commons License
This work by Tempo Semanal is licensed under a Creative Commons Attribution-NonCommercial-ShareAlike 4.0 International License.

Top Desktop version