Tempo Timor Online

Lospalos, Tempo Semanal - Iha loron Sexta Feira Xefe do Estadu Taur Matan Ruak somutuk ho komunidade sira iha Mehara no iha Tutuala. Komunidade sira mos kestiona hasa’e li aba Presidenti da Republika relasiona ho dezenvolvimentu ne’ebe la’o ho ain kudeik balun inklui kestiona kona ba lala’ok remodelasaun.

Durante semana ida ikus ne’e komunidade Timor-Leste ninia kakutak hetan kadeia husi Rezignasaun no Re-estruturasaun maibe Presidenti Ruak la preokupa hodi hala’o ninia viajen tama sai suku sira iha Distritu Lauten hahu husi 26/01/2015,

Remodelizasaun Estrutura Governu ka Bloku Koligasaun?

Publika iha Opiniaun

 

Cesar “ Lere Cay” Dias Quintas

 

Tuir acordo Bloku Koligasaun (BK) atual CNRT, PD no Frente-Mudanca (FM) halo ona acordo politico nebe legalmente hamosu BK no harii Kintu Governu Konstitusional depois de elisaun Parlamentar 2012. Iha parte seluk partido Fretilin hili nia dalan ona atu sai oposizaun atu bele halo balansu politika “check-and-balance” tuir ispritu no valores democrasia iha kontekstu Timor-Leste. Tuir analiza ida katak remodelizasaun mosu atu remodeliza governu ka BK? Ita bele haree fenomena politika iha rai laran husi elisaun 2012 tama too prosesu remodelizasaun. Antes elisaun 2012 relasaun entre partidu CNRT no Fretilin lao ladun harmonia compara tempu agora, liuliu atual Presidente CNRT ho Secretario Geral Fretilin husi perpektiva pisikololizia politika. Karik depois iha komunikasaun no kompromisu politika entre lider nain rua nebe kolia liu ba interese nasional no sentido de estadu do que interese partidu. Prosesu nee bele haree iha mudansa radical tebes iha Parlamentu no executive sobre politika orsamentu geral estadu nebe resulta mos remodelizasaun. Husi lider rua nee nia stratezia politika karik hakarak haforca interese nasional ou sentido de estado liu fali interese partidu no BK tamba bele haree katak inkontro politika auto-nivel entre lider nain rua nee dala barak decide sein involvimentu partidu ho BK. Dala barak sira kolia la uza naran partidu nia maibe uza sira nia figura no influensia depois foin deskuti ho sira nia partidu, BK foin dekuti no decide iha Parlamentu no Concelho de Minitsro. Iha fator balun que bele provoka remodelizasaun bele mosu tuir compromisu lider nain rua nee. Ita haree katak mais ou menus governu halao ona esforsu servisu tuir acordo BK ba tinan 2 ho balun maibe hasoru dificuldade no obtaclu barak tamba postura governu boot liu no kualidade servisu ladun iha liuliu ba servisu basico ba atendementu public nebe sei persiza atensaun makas.  Gastu orsamentu barak liu mak ba iha despesas instituisaun estadu nia do que ba povu tamba sei iha frakeza iha jestaun ba siclo implemetasaun/exekusaun programa inkluindu monitorizasaun no evaliasaun. Iha parte seluk departamentus barak mak seidauk iha linha koordinasaun diak entaun dala barak hamosu “overlapping” wainhira sira halo exekusaun program iha nivel ministerial liuliu halo planu orsamental la tuir capasidade exekusaun cada miniterio, too ikus la konsege exekuta orsamentu ho diak entau besik proximu orsamentu annual, barak mak hamosu projetu emergensia atu halo despezas nebe la tuir planu no la iha kualidade. Dala barak PM mak tenque tuun rasik halo jestaun no halo monitorizasaun iha terenu e la tuir concordansia orsamentu nebe aprova hamatuk ho Fretilin iha Parlamentu nasional nebe sai sasukat mos husu ba PM atu halo remodelizasaun. Husi prosesu nee sai preukupasaun tebes karik PM no SG Fretilin hamutuk ho lideres balun nebe iha influensia politika hanoin atu remodela estrutura governu ou bele mos ba BK atu salva osan povu no interese nasional. 

Maibe iha parte seluk iha pergunta bele mosu, karik politikamente no legalmente governu foun husi remodelizasaun bele realiza no metin too 2017? Husi prosesu politika depois de elisaun 2012, iha ona fenomena politika katak Presidente CNRT no SG Fretilin atual nebe tuir analiza pisikolozia politika katak sira nia amizade relasaun politika liu fali membru BK e PM atual konsulta no rona liu mak SG Fretilin, tamba saida? Iha bele hare fila fali ba kotuk katak inkontro Maubise I ho II la iha pasu konkreta ba kompromisu politiku entre lideres sira e iha BK rasik la iha signal ida atu bele hamosu  interese nasional ou hanesan SG Fretilin temi “ sentido de estado” entau PM indivualmente lider balun liuliu SG Fretilin atual halo aproximasaun no kompromisu politika atu tau agenda interese nasional iha Partidu nia leten. Presesu nee bele los tamba buat segredu nebe kolia entre lider nain rua nee la atraves husi konsultasaun no desizaun husi sira nia partidu no membru BK, em termus SG Fretilin sai Preisdente ZEEMS. Movimentu politika nee indereitamente exclui PD no FM husi agenda auto-nivel ba interese nasional tamba karik lider nain rua nee bele hanoin katak sira sidauk too tempu atu kolia auto-nivel nee maibe sira bele halao programa depois lider nain rua nee kolia no intende malu. Presidente CNRT rasik bele hanoin katak so SG Fretilin atual mak iha estrazia no kompromisu politika no bele influensia nia partidu atu kontribui ba dezenvolvimentu no estabilidade husi partidu, Parlamentu no executive. Purtantu, PM rasik mos bele hanoin katak BK rasik sei la bele realiza programa governu nia, purisu persiza apoio husi partido bo’ot hanesan Fretilin atu fo apoio. Agora cooperasaun politika entre lider nain rua husi partidu diferente persiza mos komunika ba sira nia membru no BK sira atu nune bele iha komunikasaun politika atu hatene lolos orientasaun partidu nebe ikus mai labele soke malu tamba sira nain rua. Iha parte seluk persiza mos halo komunikasaun politika ba partidu sira seluk, liuliu sira nebe iha BK hanesan parte ida atu hamoris ho haburas interese nasional ou sentido de estado.       

Tuir acordo politika wainhira iha planu remodelizasaun, karik PM persiza konsulta no hetan acordo husi PD no FM foin halo remodelizasaun tamba legalmente, partido nebe hamahun iha BK mak partidu 2 nee hamutuk ho CNRT nebe hetan ona aprovasaun husi Presidente da Republica e annuncia husi jornal da Republica atraves husi Tribunal Recurco. Posibilidade obtaclo bele mosu iha dalan klaran wainhira la iha inisiu komunikasaun politika profundu entre CNRT, PD no FM sobre remodelizasaun radical nebe atu hasai membru BK husi partido PD no FM.  Remodelizasaun persiza haree didiak ho komunikasaun politika entre membru BK atu hetan kompromisu, karik diak liu iha acordo escrito entre Partidu 3 iha BK atu fo poder maximu ba PM atu halo remodelizasaun no evita halo oral kompromisu politika tamba nia baze legal ladun forte wainhira mosu dezentedimentu politika entre membru BK nebe legal. Wainhira remodelizasaun PD ladun hetan nia porsi diak depois seluk seluk hetan liu nia mak Ikus mai, PD bele retira a’an husi BK siknifika presidente persiza halo fali komunikasaun politika entre partidu nebe asentu iha Parlamentu oinsa atu resolve atu hamusu nafatin koligasaun, maibe karik labele duni mak Presidente da Republica tenque dezolve Parlamentu atu halo elisaun anticipada. PD deit retira a’an husi koligasaun bele kria situasaun foun nebe bele halai ba elisaun anticipada tamba FM deit ho CNRT foin mak 32 kadeiras iha Parlamentu maibe karik Fretilin fo apoio iha Parlamentu, CNRT ho FM maioria simples bele maintain BK too 2017.   

Husi Partido Fretilin hasai ona statement politika husi nia Secretario Gerai ba media nacional katak Fretilin sei la hola parte iha remodelizasaun maibe see membru Fretilin participa karik hanesan individual. Politika nee los tamba Fretilin tamba tama iha remodelizasaun entau Parlamentu bele totalmente lakon kanar oposisaun nebe bele hamate prosesu democrasia. Iha parte seluk lei la fo dalan Fretilin atu tama ba BK tamba nia laos fas parte iha acorde ba BK, karik nia tama hanesan partido tenki hamusu fali elisaun anticipada hanesan dalan ida,   liuliu cargo PM ba remodelizasaun tuir mai assume husi Partidu historiku nee. Karik nia membru tama hanesan individual, sira tenki resigna a’an husi membru Fretilin, liuliu cargo lideranca husi partido Fretilin tamba see lae bele hamosu interese conflito e PD ho FM bele la aseita sobre status membru Fretilin iha BK. Maibe pergunta mos bele mosu tambasa nia SG Fretilin bele assume cargo executive ba Presidente ZEEMS no legislativo maibe karik iha ona komunikasaun politika no kompromisu polika ho BK? Karik Fretilin tama iha remodelizasaun ba estrutura governu tuir mai persiza haree didiak, liuliu husi aspeitu consequensia politica no legal antes hola parte iha remodelizasaun.   

Wainhira Fretilin karik hakarak nia membru tama ba remodelizasaun hanesan individu la representa partido, persiza deskuti didiak atraves komunikasaun no kompromisu politika ho nia membru sira no partidu koligasaun e hatoo deklarasaun politika ba public katak nia membru sira ba hanesan individual nebe rezignaan a’an ona husi partidu. Manuver politiku nee persiza tamba bele mantain sira nia kompromisu  atu hases a’an husi konflitu interese “conflict of interest” e nia posisaun bele claro entre nivel executive, legislative no partido politiku. Tamba see lae bele hamosu problema foun ba Partidu Fretilin rasik no remodelizasaun nebe harii tuir interese nasional laos interese partido. Politikamente ita sidauk hatene saida mak sei haran governu foun depois remodelizasaun e see los  mak sei assume PM karik PM atual resigna a’an duni, maibe ho situsaun politika agora, sei defisil ituan ba lider oin foun atu lori pasta PM tamba ho estrutura governu foun nebe mai husi Partidu 3 nomos bele mai husi parte indepedente. Iha parte seluk karik PM foun la iha experiensia no influensia atu haforsa komunikasaun politika ho orgaun estadu no parte organizasaun civil hanesan veteran, partido politiku  no igereza, sei mosu problema foun maibe karik PM Xanana atual no lider seluk seluk hanesan Mari Alkatiri fo apoio forca politiku, PM foun bele matein no halo servisu ho diak too elisaun 2017. 

Ikus liu agora depende haree ba forca politika nebe iha duni ineterese nasional sein haree ba interese partido ou gropu/individual atu bele servisu iha estrutura foun mai depois de remodelizasaun para halo duni mudansa. Povu espera katak laos deit remodela estrutura deit mak importante maibe persiza iha mos avaliasaun profundu ba makina governu nia hanesan administrasaun no jestaun nebe bele for apoio ba estrutura foun para bele servisu diak ho maximu atu hetan resultadu no impaktu concreta tamba iha deit tinan rua mandatu BK remata ona. Karik iha duni ispiritu interese nasional ou sentido de estado sai hanesan base fundamental atu halo remodelizasaun mak estrutura govern foun mai sei hetan apoio tomak husi componentus hotu hotu bele halo servisu duni. Husi ispiritu no enerzia foun sei bele neneik ultrapaza obtaclo no dificuldades balun maibe membru governu foun mai persiza iha komunikasaun politika laos deit ba sira nia membru maibe ba instituisaun estadu sira, organizasaun socidede civil no seluk seluk tan—jestaun koordesaun ba implemetasaun, monitorizasaun no avaliasaun programa sai fator importante tebes ba estrutura governu foun mai atu bele halo mudansa.     

 

Osan Merenda escolar Tarde Alunus Sei Zezun

Publika iha Aileu

 

 

AileTempo Semanal - Orsamento  transfere tarde,  programa merenda eskolar primero periodo 2015 seidauk implementa kuaze iha eskola barak iha Timor_Leste ninia laran nune’e Governu seida’uk nafatin apriende husi lisaun naksalak iha tinan sira kotuk.

 

Programa merenda eskolar iha Municipiu Aileu ba premeiro periodo 2015 seidauk bele implementa iha eskola ensino basiko hotu iha posto 4 iha Municipiu Aileu.

 

Vice koordenador Eskola Ensino Basiko 1 e 2 siklu Filial Mantane Posto Aileu Vila Marcelino Bareito hateten,  programa merenda escolar sidauk halao iha escola tan ba problema orsamento ba sosa modo seidauk transfer mai konta bankaria eskola ninian.

 

Marcelino Bareito informa mos katak maske osan modo seida’uk transfer maibe fos husi diresaun merenda eskolar departemento Edukasaun munisipio Aileu distribui ona iha semana ruma kotuk ba eskola sira ho total hamutuk saka 50. Fos ne’ebe distribui ba eskola sira  baseia ba total numeru alunus ne’ebe iha.

“Fos distribui ona 50 saka, maibe orsamento atu sosa modo seidauk transfere mai eskola”, dehan Marcelino Bareto, Vice koordenador Eskola Ensino Basiko 1 i 2 siklu Filial Mantane Posto Aileu Vila, iha nia knar fatin tersa.

Vice koordinador ne’e, espera iha semana hirak tuir mai programa merenda eskolar bele realize ona iha eskola refere nune’e bele fo natatin motivasaun ba alunus hodi partisipa iha prosesu apriendizajen ba tinan 2015.

Wainhira konfirma ho Director da Edukasaun Munisipio Aileu, Izac Samento esplika katak fos merenda eskolar distribui ona ba eskola ensino basiko hotu iha posto 4 Munisipio Aileu  alende distribui fos Edukasaun Municipio Aileu ho esforsu distribui mos livros kona ba materia hotu ba ensino Secundaria iha posto Administrativo 4 Munisipio Aileu.

 

Iha Parte seluk tuir observasaun iha eskola balun iha Distritu Ermera, programa merenda eskola trava hela tan ba hein mos osan modo nian seidauk dolar sai ba eskola refere nune'e fos merenda eskolar rai iha armajen eskola ninia to'o fohuk. 

 

Husi: Hugo Fernandes 

Iha loron 26 Janeiru, 2015, membru governu sira iha V Governo Konstitusional simu ona karta husi Primeiru Ministru, Kay Rala Xanana Gusmao, husu ba membru sira atu submete sira nia karta resignasaun husi membru Governu. Sekretariu Estadu Defesa, Julio Tomas Pinto, liu husi intervista iha Tempo Semanal online, deklara katak, nia kumpri ordem husi Primeiru Ministru hodi hatama nia resignasaun ne’ebe sei efeitu hahu loron 1 Fevereiru 2015. Enfelismente, hau rasik seidauk haree  no sani kontiudu Karta husi Primeiru Ministru ba membru governu sira. Tan ne’e, rumoris mos mosu barak, liu husi ibun ba ibun no mos iha media social sira konaba Membru Governu ne’ebe mak sei hela no se mak sei sai husi kaixa governasaun nian. Ema hotu-hotu preukupadu ho situasaun ne’e, tamba ema ida-idak iha nia persepsaun rasik ba remodelasaun ka restruturasaun governu nian. Agredese ba SE Julio Tomas Pinto ne’ebe publikamente deklara katak nia hatama ona karta resignasaun haktuir pedidu husi Primeiru Ministru. 

Hahu kedas wainhira Primeiru Ministru deklara ba publiku katak sei halo remodelasaun ka restruturasaun, mosu persepsaun pro-kontra. Sira ne’ebe kontra remodelasaun- signifika hakarak mantein strutura ne’ebe iha- hatur razasaun oi-oin; balun dehan, se agora halo remodelasaun, tan sa mak uluk halo strutura V Governu Konstitusional ho nia membru Hamutuk 55? Seluk dehan, sa avaliasaun mak Governu, karik SE Fortalesementu Institusional (SEFI) halo ona mak hodi PM deklara atu halo remodelasaun ka reshuffle? Ba sira ne’ebe pro remodelasaun- sira ne’ebe iha persepsaun katak, governu bot no bokur liu, nune’e la konsege hambrik no lao, iha mos razaun katak, ho membru governu ne’ebe bo’ot, sei fo todan ba orsamentu jeral; hamusu duplikasaun de funsoens no mos se metade husi membru governu ne’e ema foun, nune’e wainhira liu tiha fulan 42, sira mos sei hatodan tan estadu ho pensaun vitalise. Razaun sira husi balun ne’e pro no kontra los hotu.

Hau hakarak koko atu haree remodelasaun ka restruturasaun governu ne’e husi enkuadramentu Konstitusional ka Direitu Konstitusional. Konstituisaun RDTL hatur Sistema politika Timor-Leste nian nudar Sistema Semi-Presidensial, iha ne’ebe Presidenti da Republika mak chefe de Estadu no Primeiru Ministru mak Chefe de Governu.  Konstituisaun RDTL Parte III konaba Organizasaun Poder Politika sira, ne’ebe deskreve konaba prinsipiu jeral sira, estabelesementu, strutura, mandatu  no sira nia relasaun ba malu entre Presidenti Republika, Parlamentu Nasional, Governu no Tribunal sira, haktuir  Artigu 62, 67 no 68  Konstituisaun RDTL nian. Atu garante separasaun de poderes entre orgaun soberanu sira, iha artigu 69 Konstituisaun RDTL hateten katak, orgaun soberanu sira iha relasaun interdependensia wainhira halao sira nia funsaun sira, maibe tenki hakruk ba prinsipiu  separasaun de poder entre sira. 

Relasiona ho remodelasaun ne’ebe akontese dadaun ona, oinsa mak hatur prosesu ne’e iha enkuadramentu Konstitusional, liu-liu haree ba Parte III konaba Organizasaun Poder Politiku sira ka konaba relasaun entre orgaun soberanu sira? 

Iha ita nia pratika governasaun nian, ita haree no halao tiha ona katak, orgaun soberanu rua, se mak atu sai nudar Presidenti Republika no se mak atu sai nudar membru Parlamentu Nasional, determina husi eleisaun jeral. Iha prosesu ne’e eleisaun ba Presidenti da Republika mak hala’o uluk, hafoin eleisaun ba Parlamentu Nasional.  Presidenti Republika eleitu direitamente husi povu, Membru Parlamentu Nasional, tamba ita nia Sistema unicameral, eleitores sira hili membru sira haktuir lista ne’ebe partidu mak determina, ou simplesmente ita bele dehan katak eleitores sira hili partidu politiku X, laos hili direitamente senhor A  ka senhora B atu sai Deputadu (a)  hodi representa eleitores sira. Hafoin, partidu sira ne’ebe hetan kadeira, Se partidu ida hetan kadeira maioria simplis, iha deputadu Hamutuk 34, bele ona forma rasik governu, maibe se laiha partidu ida mak konsege atinzi asentu maioria simplis, partidu sira  ne’ebe tama ona iha Parlamentu Nasional tenki  hahu dialogo politiku hodi forma Governu Koaligasaun (Izemplu mak AMP no BKG), ne’ebe nudar Orgaun Soberanu Exekutivu. Partidu ne’ebe iha maioria azentu iha Parlamentu Nasional mak hato’o naran ida husi membru parlamento nasional eleitu ba Presidente da Republika hodi aprova nudar Primeiru Ministru.  Baibain ne’e, Presidenti sempre aseita naran ne’ebe hato’o ba. Maibe mos Presidente da Republika bele rezeita. 

Iha situasaun ida ne’e, ita haree katak, Presidenti da Republika tuir ita nia Konstituisaun iha poder exekutivu no lejislativu. Poder Exekutivu tamba nia mak determina se mak atu sai nudar Primeiru Ministru no Membru Governu sira seluk (Artigu 85). Poder Lejislativu tamba Presidenti Republika mak promulga lei sira (Artigu 85).  

Iha prosesu remodelasaun ne’ebe mak sei akontese, iha prosesu politika hira mak sei mos akompana ka akontese bazeia ba senariu rua tuir mai ne’e:  

  • -Senariu ba dahuluk;  Membru governu sira deit mak resigna-an. Iha senariu ne’e  BKG sei kontinua, hafoin Primeiru Ministru submete strutura foun ba Presidenti da Republika hodi aprova se mak atu sai ministru saida.  To’o ohin loron senariu ida ne’e mak la’o hela, maske iha nutisia hatete Primeiru Ministru mos sei hato’o karta resignasaun ba Presidenti Republika.
  • -Senariu daruak: hafoin, membru sira hotu resigna-a’an, Primeiru Ministru mos hato’o karta resignasaun ba Presidenti da Republika. Ne’e, automatikamente, V Governu Konstitusional dezolve. Presidenti da Republika sei hein fali naran foun husi maioria parlamentar iha Parlamentu Nasional ne’ebe sei submete kandidatu Primeiru Ministru. Iha situasaun ida ne’e, koaligasaun BKG sei mantein nafatin karik, partidu CNRT, PD no FM konsege halo komprimisiu politika foun, liu-liu atu determina se mak sei tama nudar membru governu iha VI Governu Konstitusional. 

Maibe iha senariu daruak ne’e iha mos kondisaun hirak mak tenki observa no bele mosu, liu-liu iha kontestu estabelese koaligasaun foun iha Parlamento Nasional hodi forma maioria asentu iha Parlamento Nasional. Posibilidade ida mak koaligasaun entre CNRT ho deit PD, sufisiente atu forma governu foun tamba iha 38 asentu (deputadu). Posibilidade seluk mak koaligasaun entre CNRT ho Fretilin  ne’ebe asentu hamutuk 57. Maske dalabarak Sekretariu Jeral Fretilin deklara katak Fretilin apoiu remodelasaun, membru kuadru Fretilin nian bele partisipa iha governu foun maibe Fretilin nudar Instituisaun se mantein nudar opozisaun, maibe  Iha politika posiblidade sira ne’e sempre iha no stratezia taktiku bele determina mudansa hirak ne’e. 

Agora, se remodelasaun ne’e akontese haktuir senariu daruak nian, katak, aleinde membru governu sira mak resigna, maibe mos Primeiru Ministru rasik mos sei resigna-a’an- Karta Resignasaun ne’e tenki haruka ba Presidenti da Republika- ne’e automatikamente  BKGa  V Governu Konstitusional demitadu ka dezolvidu  kedas  haktuir Konstituisaun RDTL Artgu 112 (1) (b), ne’ebe hatete katak governu dezolve wainhira Presidenti Republika simu demisaun ka resignasaun husi Primeiru Ministru nian. Nune’e sei mosu VI (Sestu) Governu Konstitusional, ne’ebe karik ita hotu hein katak sei responde duni perspetiva ema sira ne’ebe pro remodelasaun.  Hau fiar katak senariu ka  opsaun sira ne’e Primeiru Ministru Kay Rala Xanana Gusmao koalia tiha ona ho Presidenti Republika, Eslensia Taur Matan Ruak, Dr. Jose Ramos – Horta, Dr. Mari Alkatiri no Dr. Francisco Lu Olo Guterres. 

Vise-MNEK Vizita linhas Fronteira Oe-cusse

Publika iha Oekusi

 

 

Dili, Tempo Semanal - Vise-Ministru Negósiu Estranjeiru no Koperasaun, Constâncio da Conceição Pinto iha loron 21 – 25 Janeiru 2015, halao vizita trabalhu ba Rejiaun Administrativu Espesiál Oe-Cusse hodi partisipa iha reuniaun Konselhu Ministru Extraordinariu no seremonia entrega poder ba Autoridade ZEEMS.

 

Durante vizita loron 5 ne’e, Vise-Ministru Constâncio Pinto aproveita mos oportunidade hodi halao visita ba  Postu Unidade Polísia Fronteira rua iha Besa-Toko, Aldeia Ato, Suku Abani, Sub-Distritu Passabe no Leol-Batan, Aldeia Laku-Foan, Suku Kosta, Sub-Distritu Pante Makasar, iha Rejiaun Administrativa Espesiál Oe-Cusse.

 

Iha loron 21 Janeiru 2015, Vise-Ministru Negósiu Estranjeiru no Koperasaun, Constâncio Pinto, halao vizita ba area fronteira Passabe hodi hasoru malu ho Autoridade seguransa Indonesia nian.

 

“Para alem de partisipa iha Konselhu Ministru hamutuk ho Ministru no Sekretáriu Estadu ba Assuntus ASEAN, ho oportunidade ida ne’e, hau halao mos vizita ba fronteira sira ne’ebé maka dalaruma iha problemas, liu-liu iha Passabe i tambem Naktuka. Maibe, tamba tempu, ami so vizita deit mak Passabe. Iha Passabe, ami hasoru malu ho militar Indonézia nian ne’ebé maka servisu iha area fronteira. Hare’e mos ba postu sira ne’ebé TNI sira hapara ita nian ema dada fiu, aproveita koalia mos ho sira katak fiu ne’ebé dada iha ita nian teritoriu, ahi ne’e sei benefisia mos parte rua i nune’e mos kontribui ba seguransa iha fronteira. Komandante husi sira nian parte hato’o katak problemas iha komunidade parte sira nian, tamba ne’e maka sira hapara dada fiu. Mas, hau esplika ba sira katak sira nian responsabilidade para esplika didiak ba sira nian komunidade konabá liñas fronteiras ne’ebé iha,” haktuir Constâncio Pinto.

 

Durante iha Passabe, Vise-Ministru Constâncio Pinto vizita mos postu Polisia Unidade Patrolhamentu Fronteira hodi hare ho besik kondisaun no situasaun servisu iha ne’ebá.

 

“Hau ba vizita mos ita nian Polísia UPF. Ita hare katak kondisõens mínimu, liu-liu sira nian hela fatin, assessu ba be, transporte, buat sira ne’e hotu, agora minímu tebes. Espera ke iha tempu badak husi Sekretáriu Estadu Seguransa nian bele hare’e problema sira ne’e hodi resolve i nune’e mos hare ba movimentasaun ita-nian komunidade ho sira nian tamba iha Passabe mos iha border-pass. Ita hare katak iha atividades ekonómikas iha ne’ebá, iha merkadu ki’ik oan ida iha sira nian parte, ita nian seidauk iha. Ita hein katak iha tempu badak mos bele loke espasu ida para komunidade sira bele halao mos atividades ekonómikas iha fronteira ne’e. Ita hare dezenvolvimentu infraestrutura husi ita nian parte, presiza teb-tebes. Embora iha estradas balun diak ona, maibe barak mak seidauk diak no tenki hadia, para nune’e bele fasilita populasaun bele halo sira nian negósiu no mobilizasaun,” hatutan Vise-Ministru Pinto.

 

Hafoin remata vizita iha Passabe, Vise-Ministru ne’ebé akompaña husi Sekretáriu Estadu ba Assuntus Kombatentes Libertasaun Nasional, Julio da Costa “Meta Malik” hamutuk ho Komandante Postu UPF Passabe, Edigar dos Remedies, Komandante Postu UPF Leol-Batan, Carlos Luan, Ofisial Ligasaun PNTL ba MNEK, Komandante Quintiliano Soares no Ofisial Gabinete Demarkasaun Fronteira MNEK, Pedro Laranjeira, kontinua halao vizita ba Leol-Batan. 

 

Iha tinan kotuk, mosu problema iha Leol-Batan entre komunidade Timor-Leste ho Indonésia nian ne’ebé rezulta uma tolu maka hetan sunu, markus fronteira balun hetan estragu husi parte populasaun Indonésia nian no mosu reklamasaun liu-liu ba rai-henek no rate ne’ebé lokaliza iha teritoriu Timor-Leste nian.

 

“Ami ba to’o fatin ne’ebé sira reklama, liu-liu konabá rai henek no rate ne’ebé mak iha. Rai henek ne’e iha ita nian rai, rate mos iha ita nian rai. Ita hare parte rua ne’e mak hanesan problema ituan ba sira. Ita laiha problema. Sira hanoin katak ne’e sira rain tamba sira nian familia hakoi iha rate ne’ebá. Ita hare klaru katak teritoriu ne’e ita nian. Indonésia mos konkorda tiha ona ho ita katak ita iha liña fronteira ida. Ba rate ne’e, konkluzaun katak komu sira uza rate ne’e desde kedas avo sira nian tempo, ne’ebé ita hanoin katak bele mos fasilita sira uza nafatin ou ba vizita maibe labele hakoi tan mate ona maibe bele ba vizita. Desde ke iha kordenasaun diak ho autoridade iha ne’e, fo informasaun, hau hanoin buat sira ne’e mak bele hametin relasõens amizade entre povu rua ne’e, liu-liu iha liñas fronteiras,” katak Constâncio Pinto. 

 

Vise-Ministru Constâncio Pinto mos expressa ninian preokupasaun relasiona ho kondisaun postu Polisia UPF no kondisaun infraestrutura ne’ebé nia hare iha Aldeia Leol-Batan.

 

“Husi dalan ba Leol-Batan, ami konsege para iha ita nian postu UPF. Hau hare kondisaun iha ne’ebá susar tebes ba sira liu-liu ba be. Be sira laiha i sira toba fatin mos la diak. Toba deit iha rai, kulsaun tau iha rai deit, kama kala laiha i sira mos husu para atu bele aumenta tan postu ida iha Leol-Batan. Populasaun mos husu atu tau postu ida iha ne’ebá. Postu ida atu kontrola para nune’e ita nian UPF sirabele ba bebeik iha ne’ebá. Ida ne’e mak hau rona husi komandante UPF nian.Ita hare’e sira servisu diak, estabelese relasaun diak ho Indonézia hanesan mos iha Passabe. Maibe tenki fo fasilidades ba sira no lojístiku ne’ebé nesesáriu para sira bele halo sira nia atividades sira ho diak. Aldeia Leol-Batan ne’e izolodau tebes. Embora estrada, dalan ba diak ho kareta. Maibe tenke ser hadia. Portantu, Aldeia ida ke laiha asesu ba eletrisidade mos. Ne’ebé, hau hanoin, ita hein katak autoridade lokál, Rejiaun Autónoma Oe-Cusse nian sei tau matan ba sira, liu-liu hadia estrada sira no be.”

 

Entertantu, Vise-Ministru Constâncio Pinto mos iha loron 22 Janeiru 2015 halao vizita ba Nitibe hodi hare Veteranu ida ninian rate no observa katak kondisaun infraestrutura husi Pante Makasar ba Nitíbe sei kontinua hanesan ho fatin sel-seluk ne’ebé presija hetan mos atensaun. Tamba ne’e, Constâncio Pinto rekomenda katak infraestruturas tenke sai prioridade, liu-liu estrada, atu nune’e, populasaun bele iha asesu no fasilita sira nian movimentasaun. 

 

“Hau hanoin i rekomenda katak infraestruturas ne’e tenki prioridade, liu-liu estrada, atu nune’e ita nian populasaun bele iha asesu. Ita hare bele asesu ba eskola, asesu ba merkadu, asesu ba ospitais no halo sira nian negósiu. Ita hare mos katak labarik sira barak mak lao dok teb-tebes ba eskola i hau hanoin se estrada diak, se iha transporte, labarik sira em vez de lao dok oras ida ka rua mak to’o eskola, sira bele utiliza transporte ne’ebé maka iha”.

 

Tuir plano, Vise-Ministru Negósiu Estranjeiru no Koperasaun hamutuk ho komitiva atu halao mos vizita ba Bijael-Sunan ho Naktuka. Maibe, tamba tempu ne’ebé ladun diak prevene delegasaun labele atu kontinua vizita ba area ne’ebé oras ne’e tama hela kategoria area sira seidauk resolve entre Timor-Leste ho Indonézia. Vise-Ministru Constâncio Pinto haktuir mos katak oras ne’e, prioridade ida husi Indonézia nian polítika esterna maka atu resolve kestõens fronteira. Tan ne’e, iha tinan ne’e nian laran presija servisu makas liu tan para bele resolve tiha segimentus rua ne’ebé maka seidauk resolve ho Indonézia.

 

 

Dili, tempo Semanal – iha kalan tuku hitu OTL (28/01) Primeiru Ministru la’o ain akompanai husi ninia seguransa ho ninia fungsionarius balun hakat sai husi ninia residensia ba iha Hotel Novo Turismo atu hola parte iha jantar ne’ebe tuir parte balun dehan nu’udar jantar despedida ba membrus V Governu Konstitusional hafoin de barak maka hatama ona sira nia rezignasaun.

 

Wainhira Primeiru Ministru to’o iha fatin membrus governu sira seida’uk to’o iha fatin maibe la kleur de’it kareta matrikula koor azul hahu nadodon tama ba iha resintu hotel Novo Turizmu. Membrus Governu ne’ebe to’o ikus maka Sekretariu do Estadu Politika Formasaun Empregu Ilidio Ximenes

 

Maibe to’o jantar hahu mais ou menus tuku 20:00 oras Timor-Leste membrus do Governu hotu-hotu to’o ona iha fatin maibe Ministru da Edukasaun, Bendito Freitas no Ministru do Presidencia do Consello dos Ministru maka la marka prenza.

 

Tuir informasaun husi membru do Governu ida dehan Ministru Edukasaun ne’e ba halo Check up ba ninia saude iha Rai Liur hafoin de halo operasaun iha inisiu Janeiru.

 

Wainhira membrus do governu sira jantar daudaun, Primeiru Ministru, Kay Rala Xanana Gusmao hahu mos hato’o ninia deskursu ho jestu la’o ba mai liu haleu meja han ne’ebe tuur haleu husi membrus do Governu sira. Biar Jornalista sira la fo tama ba sala jantar ninia maibe autoridade sira husik jornalista sira se tilun hodi rona husi koridor hotel ninian.

 

“Ha’u bolu imi mai ita han hamutuk ikus nian ne’ebe imi han avontade”, dehan Primeiru Ministru hodi hakat la’o haleu sala jantar fatin.

 

Primieru Ministru mos esplika ba Governates nain 53 ne’ebe tuur haleu ida-idak ninia meja jantar katak hanesan Xefe do Governu foti desizaun  ida la’os tan ba la gosta ninia membrus sira. Iha momentu hanesan PM Xanana dehan ba ninia membrus sira katak presiza duni ona atu iha rotasaun tuir dinamika politika mak iha.

 

Wainhira fo oportunidade ba membrus Governu sira atu ko’alia lia fuan ruma Ministru Agrikultura no Peska, Mariano Asanami Sabino ho Ministru Negosiu Estranjeiru Jose Luis Guterres ne’ebe PM Xanana husu ona atu hatama sira nia karta de rezignasaun dehan sira la’os foin servisu hamutuk ho Primeiru Ministru iha tinan hitu ikus ne’e iha Governu AMP no BGK. Maibe sira hamutuk ona ho PM Xanana dezde tempu uluk, agora no aban bainrua. Ministru rua ne’e promete katak maske la tama ona iha governu foun ne’ebe sei hetan bensaun iha inisiu fulan Fevereiru sira promete sei sei kontinua hela iha Timor-Leste no pronto atu kontribui kualker oras wainhira Primeiru Ministru Xanana presiza sira nia apoiu.

 

 

Iha Loron Segunda Feira (26/01) Primeiru Ministru Kay Rala Xanana Gusmao haruka envelope konfedensial ba membru do governu tomak. Ba sira ne’ebe sei la kontinua Primeiru Ministru Xanana fo Agradese ba membrus sira ne’e ninia kontribuisaun no husu sira atu rezigna an ba sira ne’ebe sei hetan oportunidade atu tama iha membru governu foun.

 

Primeiru Ministru Kay Rala Xanana gusmao husu ona ba membru do governu lubun ruma maka atu hatama sira nia karta rezignasaun. Husi Ministeiru Edukasaun maka Ministru Edukasaun, Bendito Freitas, Vise Ministru do Ensino sekundariu, Virgilio Smith, Vise Ministru do Ensinu Superior, Marcal Avelino Ximenes no ida ne’ebe karik bele hetan fiar iha Governu foun maim aka vise Ministra do Ensinu Baziku, Dulce de Jesus Soares. 

 

Husi Ministeiru Solidaridade Social membrus do Governu ne’ebe hatama ona sira nia rezignasaun maka Vise Ministru da Solidaridade Social, Jacinto Rigoberto de Deus, Sekretariu do Estadu da Seguransa Social, Victor da Costa no Sekretariu de Estadu ba asuntus da kombatentes da Libertasaun Nasional. Ministra Solidaridade Social,Isabel Guterres maka sorte di’ak. Hodi hetan oportunidade atu asume kargu ruma iha re-estruturasaun ne’e.

 

Iha Ministeiru Negosiu Estranjeiru Primeiru Ministru tesi uluk maka ulun gusi instituisaun ne’e. Nune’e Ministru Negosiu Estranjeiru sei la hetan sorte hanesan Ministra solidaridade atu tama iha instituisaun Estadu tan ba Primeiru Ministru fo ona Agradesimentu no husu ba Lugo atu hatama ninia karta rezignasaun.

 

Iha Ministeiru Transporte no Telekomunikasaun Ministru Pedro Lay submete ona ninia karta de rezignasaun no sorte di’ak liu maka husi Ministeiru Administrasaun Estatal tan ba hahu husi Ministru Jorge da conceicao Teme, Sekretariu do Estadu de Estadu Desentralizasaun Administrativa, Tomas Cabral no Sekretariu de Estadu do Dezrnvolvimentu lokal hetan nafatin fiar atu bele iha posibilidade hodi asume kargu ruma iha governu foun oin mai.

 

Husi Ministeiru de Defesa no Seguransa Primeiru Ministru husu ba Sekretariu de Estadu da Defesa Julio Tomas Pinto ho Sekretariu de Estadu da Seguransa, Francisco Guterres hatama hotu ona sira nia karta de rezignasaun. Nune’e mos iha Ministeiru Komersiu Industria no Ambiente PM husu ona ba Sekretariu de Esyadu do Komersiu, Ricardo Cardoso Nheu, Sekretariu de Estadu da Industria no Kooperativa, Filipus Nino Pereira no Sekretariu de Etadu do Meio Ambiente, Nominando Soares Martins Buras atu hatama sira nia rezignasaun. Maibe Ministru MKIA, Antonio da Conceicao ho ninia vise Ministru, Abel  da Costa Ximenes sei hetan fiar hodi bele asume kargu ruma iha Governu mai.

 

Tuir lia dalen husi Ministeiru Obras publikas iha posibilidade Sekretariu de Estadu balun sei lakon sira nia oportunidade hodi nafatin serve iha instituisaun Governu ninian.

 

Iha Ministeiru Agrikultura no Peskas, Primeiru Ministru Kay Rala Xanana Gusmao husu uluk kedan ba Ministru Mariano Asanami Sabino depois tuir kedan maka Sekretariu de Estadu das Florestas I Konservasaun Natureza, Joao Fernandes, Sekretariu de Estadu das Peskas Rafael Pereira Goncalves no Sekretariu de Estadu das Pekuaria, Valentino Varela atu hatama sira nia karta rezignasaun. Husi Ministeiru ne’e hela de’it maka vise Ministru Agrikultura no Peska, Marcos da Cruz.

 

Situasaun ne’ebe sei klaru maka husi Ministeiru Financas, Ministeiru do Petroleo Rekursus Naturais no Ministeiru das Saude. Tuir informasaun ne’ebe sirkula iha gorvernantes sira nia let katak membrus do governu sira iha ministeiru ne’e balun mos husu atu hatama karta rezignasaun maibe infelizmente ukun nain sira ne’e seida’uk fo hatene sai konteudu husi sira nia karta.

 

Tuir dadus ne'ebe Tempo Semanal rekolla liu husi dada lia ho governantes sira ne'ebe simu envelpoe ho konteudu husu rezignasaun to'o loron ohin hamutuk membru husi atual governu nain rua nolu ona maka sei la hetan oportunidade atu tama iha Governu foun. Iha posibilidades numeru dadus ne'e sei bele aumenta tan ba ministeiru balun no sekretaria do Estadu balun maka Tempo Semanal seida'uk konsege dada lia ho, hodi hatene situasaun lolo'os.

Issue Restruturasaun

Publika iha Opiniaun

 

Husi: Vicente Maubocy (Observador Politico)

Syntheses :

Finalmente, plano ka ideia Restruturasaun, materiaaliza duni, iha tempo badak tanba iha loron 26 Janeiro husi Gabinete Primeiro Ministro, fahe ona envelope notifikasaun ba membros V governo Konstituisional tomak. Distribuisaun “envelopes” sai hanesan evidencias reais atu implementa duni Restruturasaun.

Ora komposisaun membros hira no se se maka halo parte iha VI governo, parece iha dia 01 Fevereiro maka PM sei fo sai ba publiko.

Lia fuan Restruturasaun, tuir nia “semantic” katak ( rearrangement, reengineering, reform, reshuffle etc) vital tebe-tebes atu kualker organizasaun hetan eficiencia no produtividade maxima. Exercicio ka ginastica ida, integra iha aspect managerial organizasaun.

Fundamento Restruturasaun ne mossu, tamba” makina” administrativa V governo ho 55 membros la konssegue hetan resultados diak durante fulan 30 ka loron 900. Durante period ida ne, to ohin loron membros governo sira la konssegue halo mudansas signifikativas ba povo nia standard moris embora, ho alokasaun orsamental ho montante bot. Pior liu tan ministerios sira la konssegue exekuta orsamento nebe aloka ba sira nia ministerio ida-idak.

Kestaun crucial ka kritika  hasoru  maka : “ criterios saida  PM Xanana uza atu seleciona the right man for right job? “  Aspecto ida ne  maka sai “ issue no problema  central” ba tema Restruturasaun.

Hanesan norma ka regra geral nebe aplika iha nebe deit maka “fit and proper test” atu detecta kandidatu nia kompetencia no kapacidade hanesan: (konhecimento, experiencia, talent, skill no atitudes) iha duni aptidaun no kualidades ba posisaun nebe okupa.

“Fit and proper test” sai hanesan instrumentu nebe fo garantia maxima atu seleciona the “right man for the right job”. Metodo “asal bapak senang atau titipan” sei la produz resultados ho eficiencia no akareta “desastre fatal” . 

Exemplo Indonesia

President Jokowi Indonesia uza metodologia “fit and proper test”  liu husi “ekipa technika” ida atu estuda no tais kada ministro (a) nia  kompetencia no kapacidade, rigorosamente depois maka submete ba Presidente nia apresiasaun no decisaun final. 

Atu garante liu tan, membros governo sira nia reputasaun iha publiko, Presidente hussu rekomendasaun husi KPK atu hatene kandidatos sira nia envolvimento iha korupsaun ka lae.  Presidente Jokowi hakarak apresenta ba publiko Indonesia no internacional katak membros governo tomak , “livre” totalmente  husi praticas korupsaun iha sira nia moris iha  passado.

Total 34 membros governo, 18 husi background  akademicos professionais, 16 politicos professional.

Konceito “fit and proper test”

Aplikasaun metode ka kriteria ida ne, largamente utilizada atu “komprova” kandidatu nia aptidaun (skill, knowledge ho experiences) ba profisaun nebe aplika. Nune hanesan exemplo atu tama servisu militar, kandidatu tenki submete ba examinasaun medika uluk lai, kondisaun saude “fit” ka lae. Tuir mai, sei tuir exames escritas no orais. Sira nebe matenek ho valores superior maka prenche kriterios atu liu. Sira nebe ho  valores kik la passa. Nune atu tama ba universidade estudantes sira hotu tenki submete ba test. Sira ho valores as maka liu. Hanesan mos ba funsaun publika kandidatus sira tenki liu husi exames ka testing.

Definisaun  4 kona ba fit and proper test : 

iha kandidatus balu fit mas la proper ;iha balu proper mas la fit;; balu fali kompletamente la fit and proper; iha balu totalmente fit and proper. Kategoria ida ikus ne, maka prenche kondisoens ka rekezitos.

Nune atu garante maxima kualidade membros VI governo, kandidatos potenciais devia submete sira nia proposta iha area especializa ba fatin sira nebe atu okupa pelo menos ho lia fuan 1 000 kona ba konseito, desafios, planos, programas, agenda, no asaun no resultados hirak nebe maka atu espera atinge.

Hanesan stilo Steve Jobs atu testing technikos sira, metodo nebe utiliza maka hamossu perguntas oi oin.Steve la interesse ba resposta.(I don’t care what the answer is. What I want to hear how they handle the question) Saida maka Steve hakarak rona, oin sa sira hare ba problema nebe refere.

Selesaun membros VI Governo

Metodo “fit and proper test” ala Jokowi nia aplikasaun tarde ona ba PM Xanana, mai be iha metode simples ida sei iha atu bele utiliza hanesan koloka “questions and problems” ba kada  ministro  ida idak“ how to handle “ the issues at their department. Hanesan exemplos tuir mai :

1. Agricultura : Governo tinan tinan aloka orsamento bot ba ministerio agricultura; sosa tractors oi-oin, sosa fini, halo ka hadiah irigasaun ho objective atu hasae produsaun Agricola:

a. Tan sa maka importasaun foz aumenta bei-beik tinan-tinan?

b. Factores saida, maka kontribui ba problema ida ne?

 

Ministro ne, kaer pasta ida ne, tinan 7 ona. Resultados hatudo prestasaun totalmente “insatisfatorio”.

 

2. Ministerio Recursos Naturai & Petroleo: Issue pipeline ministro ida ne, dala barak koalia iha TVTL katak  kadoras “besik mai ona”. Governo aloka ona multi millions dollar ba projecto Taci mane:

 

a. Tan sa maka lia fuan “besik ona” tranforma fali dok liu tan? 

b. Se disputa Sunrise sei dauk finaliza, prudente  no ekonomico aloka nafatin multi million dollars ba Projecto Taci Mane?

 

Tinan 7 ona maka fulano tal kaer pasta ida ne. Ironico liu “lei ba recursso natural” sei dauk pronto to ohin loron. Output performance realidade hatudo completamente “ mediocre”.

 

3. Ministerio Finansas: Ministerio ida ne, nakuno ho acessores internacionais barak liu ministerio hotu-hotu. Governo aloka orsamento bot sosa system Free Balance, lamentasoens husi fatin hotu-hotu kona ba pagamento atrazado: ministra relevante halo edificio bot rua; ida ba office ho 11 andares, ida fali ba residencia ministra.

 

a. Tan sa maka acesor ministra nian Boby Boy ho nia parceiro portugues, desvia osan Estado Timor Leste million dollars?

 

b. Problema saida maka relaciona ho sistema pagamento atrazado? Esforsos hirak maka halo tiha ona, intra ministerial atu fo solusaun ida definitiva?

 

c. Tan sa maka ministra Finansa tauk ba hela uma nebe halo ba nia?

Ministra ida ne, halo Katuas Xanana ulun moras, kona ba alegasaun “korupsaun”. Elegil atu kontinua nafatin?

4. Turismo : Ministerio ida ne, vital tebe-tebes atu hatama receitas ba kofre Estado Timor Leste. Nune ministerio tenki lidera  husi ema  ida ho “kakutak”  luar biasa.Timor Leste possue potencias espetakulares ba industria turismo hodi loke kampos trabalho ba “skill no un-skill” labour force tanba TL  iha panorama linda, husi foho to taci.

a. Preparativos saida maka ministerio prepara ona  atu Timor Leste sai “tourist destination”? b. Tipo turismo saida maka apropriado ba Timor Leste?

c. Iha ona estudo detalhado kona mercado turismo?

d. Prepara  ona infra-estruturas fisicas ba “tourism spot?.

5.    Comercio & Industria:  Ministerio ida mos inportante tebe-tebes hanesan fontes receitas ba Estado Timor Leste. Nune ministro relevante tenki ser iha mind set ida ho “business oriented” no iha kapacidade estabele “networking” luan nivel regional.

Timor Leste possue produtos lubuk ida, atu hetan folin diak iha merkado regional no potencias ba industrias minerais lubuk ida.

a. Comercio & industia halo ona research detalhado ida produtos local ho valor economico acrescentado iha Mercado?

b. Iha ona kordenasaun linhas ministeriais ba agro-industry? agro-forestry? Fishery? No minerais?

c. Estabele ona kontactos ho embaixadas Timor Leste iha estrangeiro atu fan produtos Timor Leste?

d. Resultado hira ona maka ministerio Comercio & Industria hetan ona durante fulan 30? 

 

6. Edukasaun : Ministerio ida ne, nia papel vital tebe-tebes, oin sa prepara Timor oan hotu husi labarik to ema adulto hetan acesso ba ensino ida  ho kualidade excelente. Nune ministro relevante tenki possue visaun ida estrategico kona ba modul ensino basico, secundario no superior. Desafios nebe hasoru maka:

a. Preparativos saida maka precisa, atu labarik sira iha ensino basico hatene: le, hakerek, konta no hanoin?

b. To ohin loron agentes ensino ho lingua portuguesa limitado. Oin sa ultrapassa situasaun ida ne?

c. Curriculum ensino basiko no secundario sei baralhado hela, bainhira los maka resolve?

d. Universidade sira nia kualidade fraku hela, oin sa ministerio edukasaun participa atu hasae kualidade?

Governo tenki aposta ba kampo edukasaun ho orsamento bot atu kapacita Timor oan sira iha area ciencias no technologia hanesan nasaun Singapura, Korea no Taiwan. Ho kualidade recursos humanos kompetentes maka possibilta hasoru desafios desenvolvimento.

7.Saude: Ministerio ida, possue ona infrastruturas fisikas no humanas suficiente ho mos alokasaun orsamental annual ba sira nia despezas korentes:

a. Tan sa maka reklamasoens bara-barak mossu bei-beik, kona ba atendimento iha Hospital Guido Valadares ho hospitais referais sira iha Distritos?

b. Oin sa, kona insuficiencia medicamentos ba centros saude sira iha Timor Leste tomak?

c. Problemas nebe afecta ministerio –generico katak hanesan hotu. Medidas saida maka toma ona atu minimiza complaints ka reklamasoens?

 

Referencias hirak nebe ilustra husi minesterios chaves, hanesan “mata-dalan” atu provoka circuito ministros sira nia kakutak funciona ka lae.. “ how someone mind works”. Importante  atu hatene klean liu, ema nia “kakutak” bele hanoin, interpreta, analiza, no racionaliza ba problemas ka dificuldades nebe hasoru.

Karateristikas especificas ba membros governo foun maka saida?

Abstract reasoning : karateristika ida ne, importante liu husi aspect cognitive  kona konhecimentos largos no profundos  iha area nebe okupa atu ministro ou (a) bele utiliza atu analiza ka halo diagnostic ba problemas ka desafios nebe hasoru. Abstract reasoning kapacita individuo atu enfrenta situasaun deficil nune foti decisaun. Situasaun hotu-hotu iha “central issue” nune ministro tenki possue kapacidade atu buka solusaun. La os ba buka Katuas Xanana fali

Talent and creative thinking:  Ministros sira nebe iha talent, sempre nakloke aan, atu halo mudansas (changes) nebe necessarias  atu halo reajustamento ba evolusaun; nune mos nakloke hodi simu ideias husi ema seluk. Sira uza creative thinking skills hodi halo inovasaun konstamente  iha sira nia ministerio atu halo melhoramento ba metodos no habitos koperasaun, estabele networking ida solida ba team work atu hasae “joint performance” nune bele atinge objectivos hirak nebe trasa.

Reading and writing skills: Ministros sira, representa figuras nasaun Timor Leste.  Nune sira tenki possue “habito” ba leituras atu enche “kakutak nakonu” ho conhecimentos diversos. Nune bainhira hasoru sira nia homologos husi estrangeiro bele fo valor ba kualidade ministros Timor Leste. Hanesan iha orgauns humana atu mantein metabolism funciona normal precisa hahan oi-oin no konsumo be ka likidus. Nune mos “kakutak” precisa absorve informasaun barak no oi-oin liu husi leituras. Kostuma dehan: the great mind talk about ideas; average mind talk about themselves and lower mind; talk about others.

Abilidade hakerek mos rekesito principal, atu ministros sira halo despachos transmite sira nia hanoin ho logika no klareza ,nune ema nebe le komprende facilmente hodi exekuta instrusaun nebe sai husi ministro nia office. Dala ruma iha situasaun balu, ministro maka hakerek nia diskurso rasik.

Multilingual mos rekesito ida importante ba membros VI governo. Fluente ba lia portugues tanba legislasaun hotu-hotu iha lia portugues. Nune iha Concelho Ministros, bele hamossu debate ida ho kualidade argumentaun, fo opiniaun ka sugestaun ba materia hirak nebe relevante. 

Domina lia Ingles mos importante tanba ministros sira participa konstantemente seminars iha estrangeiro. Lingua nebe uza maka Ingles. 

Effective Speaking Skills: Dale  Carnegie dehan nune :” business, social and personal satisfaction depend heavily upon a person’s ability to communicate clearly to his fellow men - what he is, what he desires, and what he believes in. And now, as never before in an atmosphere of international tensions, fears, and insecurities, we need the channels of communication between people kept open”.  Significa katak : iha situasaun business, social ka satisfasaun pessoal depended largamente individuo nia abilidade atu komunika ho klareza ba nia maluk, nia se, saida maka nia hakarak, saida maka nia fiar ba. Ohin loron la hanesan tempo uluk, nebe atmosfera internacional nakuno ho tensaun, tauk, ho inseguransa, ita preciza canal comunikasaun entre ema husik nakloke.

Ministros sira konstamente hasoru ema oi-oin deit atu koalia husik ema kik to bot. Nune ministro tenki realiza katak “ lia fuan hirak nebe sai husi nia ibun, importante ka relevante ba ema sira nebe rona”. Dale Karnegie dehan tan:” the effective speaker earnestly desires his listeners to feel what he feels, to agree with his point of view to do what he thinks is right for them to do, and enjoy and relieve his experience with him. His is audience –centered and not self- centered. He knows that the success or failure oh his talk is not for him to decide- it will be decided in the minds and hearts of hearers.” Dehan katak: ema nebe matenek koalia, kapta simpatia ba sira nebe rona,  atu sente hanesan ida nebe koalia, konkorda ho ponto de vista nebe apresenta, halo  tuir buat los, sira nebe rona sente haksolok hanesan ema nebe koalia. Orador sente katak nia centro atensaun ba ema barak la os nia an rasik. Orador hatene katak nia sucesso ka frakasso sei hetan avaliasaun husi ema hirak nebe rona nia palestra”.

Ministro sira konfronta atu foti decisau dificil (make hard decision): Decisaun dificil dala barak engloba aspectos diferentes nebe inclui : valores ho objectivos. Decisaun nebe foti, sei hasoru ho uncertain events and consequnces. Nune atu facilita decisaun ministro sira pelo menos possue nosaun geral oin sa “structure decision process” uza “influence diagram or  decision trees” hanesan instrumentos bainhira hasoru situasaun problematica atu foti decisoens.

Intuition and Inspiration:  Aspecto ida ne, mos relevante ba ministros sira atu sira hetan sucesso hodi hanoin ba horizonte ne luan no dok ba sira nia ministerio atu progride. Sem inspirasaun la iha inovasaun ba desenvolvimento. Kualker invensaun iha historia, ciencias ka technolgias ka disciplina seluk-seluk hahu husi inspirasaun nebe hamosu  ideias husi ema ida nian inspirasaun. Albert Einsten dehan nune: “ I  believe in intuition and inspiration. At times I feel certain that I am right while not knowing the reason. Imagination is more important than knowledge, because knowledge is limited, whereas imagination embraces the whole world.” 

Nune ministros sira tenki possue talent ida ne, atu hamosu ideias hirak nebe brilhantes atu reforsa sira nia performance out puts.

The Need for practicality :  Ministros sira tenki consciente katak situasaun nebe sira enfrenta loro-loron “ sei la iha buat ruma nebe mossu, hanesan kazu ida kompleto ona, no mos la iha kazu ruma nebe dispoen dados informaticos nebe kompleto ona atu facilita halo analise  no fo rekomendasaun”. Ministros sira tenki “fera kakutak” loro-loron – make reasonable assumption about unknown, state assumptions clearly, perform appropriate analyses, and make decision konforme Peter Drucker nia versaun.

Atu remata, Timor oan hotu-hotu  hein katak Restruturasaun hamosu figuras ho “kualidade excelencia” atu presta servisos ho professionalism atu povo sente kontente. Ministros sira nebe prestasaun “frako” deskansa ona ba. 

Ita hotu konhece malu se maka kompetente e se maka incompetente. Ita hein katak PM desta vez koloka “ the right person for right job”.

 

 

Dili, Tempo Semanal - Hahu loron segunda feira (26/01) semana ne’e PM Xanana haruka karta konfedensial ba membrus do governu sira. Konteudu principal husi karta Primeiru Ministru ninian ne’e iha oin rua. “Posibilidade bele hetan kna’ar foun iha oportunidade seluk ne’ebe investidu atu serve di’ak liu tan ita nia rain”, dehan Primeiru Ministru iha surat konfidensial ne’ebe haruka ba membru Governu sira ne’ebe iha posibilidade sei tama iha estrutura foun governu oin mai.

 

Maibe ba grupu membrus do governu seluk ne’ebe sei la tama iha lista estrutura governu oin mai, Primeiru Ministru Kay rala Xanana Gusmao fo agradesimentu ba sira nia kontribuisaun no Xefe do governu ne’e husu ba membrus sira ne’e atu hatama surat rezignasaun.

 

Iha parte Ministeiru Solidaridade social, Ministra de’it maka simu karta atu bele asume fali pozisaun foun iha re-estruturasaun governu ne’e maibe Vice Ministru Rigoberto, ho Sekretariu do Estadu ba asuntus Veteranus, Julio Meta Mali no sekretariu do Estadu ba Seguransa Social, Victor Costa, PM Xanana husu ona hatama karta Rezignasaun.

 

“Membrus governu ida-idak simu, hotu-hotu simu nune’e ha’u mos simu nian. (PM) husu ha’u para atu halo karta de rezignasaun, ne’ebe hodiseik kedas, (27/01) ha’u haruka ha’u nia karta de rezignasaun ba Primeiru Ministru nia gabinete. 

 

Hatan ba perguntas karik nia la sente hirus ho surat ne’ebe nia simu sekretariu do estadu durante tinan hitu ne’e dehan, “la’e. Tan ba remodelasaun ne’e bu’at ida  situasaun maka ezije no iha nesecidade duni hodi di’ak ba ita nia nasaun, ba ita nia governu no ba ita nia estadu”.

 

Membru governu husi Partidu FRENTE Mudansa ne’erelembra komprimisu partidu dezde inisiu dehan nu’udar partidu ki’ik bolu mos sira pronto partisipa iha Governu maibe la bolu mos sei nafatin kontribui

 

“Tuir lolo’os koligasaun CNRT ho PD bele forma ona governu mas tan sa ida maka ma’u bolu ami, talvez ita maun de’it maka hatene ne’ebe ami sei la ezije bu’at barak. Dala ida tan kona ba remodelasaun ami kompriende katak ne’e nesecidade duni maun maka hatene tan maun maka sei forma governu foun nia hakarak tau se-tau se, maun nu’udar primeiru Ministru I nu’udar prezidenti partigu bo’ot ne’ebe manan votus varak liu iha elisaun (2012), nia (PM) maka sei deside I ami la iha bu’at ida atu kestiona”, Victor haktuir.

 

Maske husu victor da costa rezigna an maibe PM Xanana hatudu ninia laran luak hodi fo agradese ba bu’at sira ne’ebe sekretariu do estadu ne’e halo ona iha IV no V Governu ninia ukun.

 

“Primeiru la fo mensajen ruma mas agradese de’it ha’u nia servisu durante tinan hitu iha IV Governu no V Governu I husu ha’u nia kompriensaun katak remodelasaun ne’e nesecidade duni no nesesariu duni. Remodelasaun ne’e temi ona dezde 2013 ema hotu-hotu hein I balun desakredita tan ba ne’e maka agora tenke realiza duni”, nia haktuir uitoan konteudu husi karta Pm ninian.

 

Iha parte seluk observasaun envelope konfidensial husi primeiru Ministru ba Ministeiru Agrkultura no Peska foin simu husi Mariano Asanami Sabino iha loron Tersa (27/01). Maibe Ministru Tuir observasaun Ministru Asanami seida’uk loke envelop PM ninian maibe husi ninia lala’ok Ministru ne’e pronto ona simu kualker desizaun husi Xefe do Governu.

 

Maske nune’e mosu espekulasaun barak no tuir informasaun no observasaun kona ba lala’ok balun iha Palasiu do Governu hatudu ona katak iha posibilidade bo’ot Ministru Mariano sei la hetan oportunidade atu simu kna’ar ruma iha governu foun ne’ebe sei tomada tuir planu sei simu tomada.

 

Ministru Mariano Sabino dehan nia rasik mos nota ona nune’e ministru ne’e la tauk atu hare konteudu surat ne’e no Asanami pronto ona simu rezultadu. Maibe daudaun ne’e lider husi partidu Demokratiku ne’e sei halo hela esforsu tomak atu buka hala’o ninia servisu no ko’alia didi’ak ba ninia membrus sira atu simu desizaun tomak husi Primeiru Ministru ninian ne’e ho ulun no matenek.

 

Iha Miniseiru Saude envelope husi PM simu tiha ona maibe Ministru Saude ho ninia vise Ministra nain rua orontu ona atu simu rezulta maibe governantes sira ne’e sei fokus ba sira nia servisu nune’e sei loke envelope husi PM ninian iha loron ikus ne’ebe determina ona hodi fo resposta.

 

“Ami simu tiha ona mas bain rua maka ami loke, ami nain tolu sepakat ona to’o hari H maka ita loke ba para ita garante servisu ne’e la’o hela hein to’o ministru  governu foun ne’e mai fali”, dehan Ministru Saude, Sergio Lobo iha intervista eskluxivu ho Tempo Semanal.

 

Tuir Observasaun iha Ministeiru Saude Ministru no ninia vise nain rua la hatudu preokupasaun ruma kona ba atu sai ka tama iha governu foun maibe sira servisu normal tebes maske isu la’o maka’as tebes. Ministru Sergio dehan nia ho ninia vise nain rua sei loke envelope ne’e no sei kumpri ordem husi Xefe do Governu ninian maibe nia hakarak funsionamentu ministeiru saude la’o normal to’o loron ne’ebe determina ona.

 

“Servisu tenke la’o nafatin, kona ba atu kontinua asume kargu  ka la kontinua  ona hanesan membru governu mos to’o dia 31 de Janeiru ha’u tenke menjamin servisu atendimentu. Ha’u tenke responde ba situasaun sira hotu-hotu atu garante vida ema nian. Tan ba ita nia sistema ne’e seida’uk forte. Ema barak maka ta’uk fote desizaun nune’e ha’u halo lai ha’u nia responsabilidade tan ba dala barak bu’at ki’ik ka bo’ot ministru ka vise ministra sira mak tenke ba resolve”, nia esplika.

 

Ministru Sergio realsa katak, “ha’u problema maka ha’u iha Ministeiru Saude hola konta ba prestasaun servisu ba saude publiku ne’ebe loron ne’e sei to’o tanggal 31 atu labele pengaruh ba ami nain tolu nia servisu nune’e di’ak liu dia 30 mak loke dala ida. Se hakerek iha ne’ebe husu ami rezigna entaun ami rezigna I karik hakerek iha ne’eba ami serve naftin maka ami sei kumpri”.

 

Tuir dadus ne’ebe Tempo Semanal Rekolla hatudu katak Ministeiru Negosiu Estranjeiru no Kooperasaun mosu situasaun triste ida tan ba Primeiru Ministru sei fo de’it oportunidade ba vise Ministru ho Sekretariu do Estadu ba asuntus ASEAN mak iha posibilidade atu asume kargu ruma iha governasaun mai ne’e. Maibe ba Ministru jose Luis Guterres PM husu atu hatama ninia karta rezignasaun.

 

Tempo Semanal koko ona dala wain atu hetan konfirmasaun maibe susar wituan nune’e to’o notisia ne’e hatun ami seida’uk bele hetan deklarasaun ruma husi Ministru Negpsiu estranjeiru no Kooperasaun ne’ebe mos hanesan presidenti partidu Frente Mudansa.

 

Iha parte Sekretaria do Estadu nain lima ne’ebe hamahan an iha Ministru do Presidencia do Konsello  dos Ministrus Sekretariu do Estadu ninian mahon hanesan Sekretariu do estadu ba Konsello dos Ministrus, Sekretariu do Estadu ba asuntus Parlamentar, SEKOMS, SEFI no SEAPRI hotu-hotu hetan karta ho konteudu hanesan katak sei iha posibilidade atu hetan kna’ar foun iha governasaun foun.

 

Tuir fontes Tempo Semanal iha palasiu do Governu informa katak iha planu tentativas tomada de pose  ba iha membrus governu foun sei hala’o iha loron 06/02/2015. 

 

 

Dili, Tempo SEmanal - Primeiru Ministru Haruka envelope hat ba membru do governu nain hat iha Ministeiru Edukasaun. Membru do ida de’it ninia konetude tama iha re-estruturasaun no iha posibilidade simu pasta ruma iha Governasaun foin. Maibe Ministru Edukasaun Bendito Freitas hamutuk no ninia vise nain rua hanesan Vergilho Smith ho vise Ministru Marcal Avelino Ximenes hatama ona sira nia karta rezignasaun hanesan haklaken iha konteudu karta Primeiru Ministru ninian ne’ebe sira simu iha Segunda Feira (27/01).

 

“Ohin ha’u ba hatama tiha ona. Karta rezignasaun  Ami nain tolu maka tenkeser hatama karta rezignasaun maka ha’u, vise Smith ho vise Marcal”, dehan Ministru Bendito ba Tempo Semanal (27/01).

 

Nia esplika katak, “Karta mai husi PM mai ha’u ninia konteudu maka husu para atu halo rezignasaun. Nune’e ohin ha’u hatama ona surat rezignasaun.” 

 

Maske lakon ninia kadeira maibe membru xave husi partidu CNRT ne’e la sente triste maibe hare hanesan konsiencia estadu Timor-Leste ninian

 

“Ha’u hare ida ne’e hanesan konsiencia estadu nian ida.  Se ita nia politika ba ita nia nasaun, hanesan ne’e duni tan ba ita hakarak lori melhoramentu ba serve ita nia nasaun no ita nia povu, ha’u hanoin planu ne’ebe ke ita nia maximu hanoin hanesan importante atu halo iha dalan klaran hanesan avaliasaun ba sistema governativa ne’e no kreia kondisoins hanesan ne’e ita kumpri. Portantu ha’u ko’alia dala ida tan konsiencia do estadu tan ba Timoroan mos iha kandidatu intelektuais barbarak I balun ke bele kontribui di’ak para atu apoiu governu I balun en kualker parte ne’ebe ke nia hala’o nia vida professional, nia sempre aijuda mos ba dezenvolvimentu paiz ninian ne’e”, Ministru Bendito Freita hateten.

 

Maske iha loron Tersa Feira (27/01) Ministru Bendito Freitas ho ninia vise Ministru nain rua hatama ona sira nia karta rezignasaun ba Primeiru Ministru Kay Rala Xanana Gusmao maibe Ministru ne’e promete katak sei nafatin hala’o sira nia kna’ar hanesan bainbain to’o membru do governu foun simu pose no  halo tiha termus de entrega kna’ar ba ministru foun maka sira foin sai ba sira nia hela fatin nune’e labele fo impaktu negativu ba roda governasaun.

 

“Ami depois de simu sura husi Primeiru Ministru husu ami nia rezignasaun mas ami sempre iha responsabilidade moral ida ba instituisaun ne’ebe ami lidera to’o agora. Ne’ebe ohin (27/01) ami konvoka reuniaun ho diretores sira hotu I ami iha diretores servisu kooperativus I elementus kompetenetes ne’ebe ami fiar katak makina estadu sei kontinua no sei la para. Portantu sei la iha parajen servisu sei lao nafatin”, nia haklaken.

 

Iha parte seluk hafoin de simu envelope husi Primeiru Ministru iha loron segurda feira (26/01), vise Ministru Marsal Avelino Ximenes mos fo ona resposta tuir pedidu husi Xefe do Governu ninia husu atu nia  mos hatama surat rezignasaun.

 

“Ha’o hakerek ona karta rezignasaun no fo fila fali ona ba senor Primeiru Ministru. Ha’u ohin (27/01) entrega tiha ona ha’u nia karta rezignasaun tan ba husu rezigna an I ha’u rezigna duni nune’e halo tiha ona rezignasaun”, hateten Vise Ministru, Marcal Avelino Ximenes ba Tempo Semanal (27/01).

 

Nia esplika dehan, “kuandu ha’u simu konvite partisipa iha governasaun, ha’u halo tiha ona. Talves bu’at sira balun ha’u halo la  di’ak ka di’ak, ida ne’e maka ha’u nia prestasaun ba nasaun ne’e. Agora nia (PM) husu rezigna an, ha’u mos kumpri nia hakarak tan ba hanesan xefe governu husu dehan rezigna entaun ha’u rezigna”.

 

Vise ministru ne’e hateten katak durante ne’e parte barak maka kestiona makina governu ne’e todan nune’e Primeiru Ministru presiza halo avaliasaun hodi hamosu remodelasaun ne’e.

 

“Bu’at  ne’e, ita hare hanesan durante ne’e evalusaun sociedade sivil no avaliasaun sociedade tomak katak governu ne’e todan demais liu  entaun ha’u hanoin iha fatin konviniente duni para atu Primeiru Ministru halo remodelasaun ida ne’e para hodi serve ba rai ida ne’e di’ak liu tan”, Vise Marcal dehan.

 

Ministeiru Edukasaun hanesan area ida ne’ebe komplikadu  no iha problemas barak tebtebes maske nune’e tuir observasaun husi Deputadu Parlamentu Nasional sira dehan katak orsamentu la suficiente no poder ba ezekusaun barak liu maka haksumik iha Ajensia de Dezenvolvimentu Nasional mas kona ba falta meja kadeira, eskola aat, falta biblioteka no bu’at aat sira seluk ema hotu tula todan ba Ministrus ho ninia emar sira iha edukasaun,

 

“Ha’u hare failansu sira ne’ebe mosu iha Ministeiru Edukasaun ne’e la’os de’it erru husi Ministru ho ninia vise sira maibe sala sira ne’e mos mai husi hahalok balun ADN ninian. Dala balun ADN sira halo tarde ba prosesu balun maibe ema hotu duun todan ba Ministru ho ninia vise sira, ida ne’e mos ladun justu ida. Mas Parabeims ba fuan bo’ot husi Ministru Bendito ho ninia emar sira”, dehan fungsionariu ida husi Minieiru Edukasaun ne’ebe husu ninia naran lalika publika.

 

Bloku Governu Governu estabelese pasta hat ba iha Ministeiru edukasaun maka Ministru ida ho vise nain tolu. Husi membru governu nain hat ne’e vise Ministra Dulce de Jesus Soares de’it maka iha posibilidade atu assume fali kargu foun iha governasaun foun oin mai. Maibe hahu husi Ministru Edukasaun Bendito Freitas, Vise Ministru Vergilho Smith (Kranek) no vise Ministru, Marcal Avelino Ximenes.

 

 

Dili, tempo Semanal - Sekretariu do Estado da Defesa, DR. Julio Tomas Pinto hafoin (lokraik 26/01) simu tiha envelope  husi Primeiru Ministru  ne’ebe husu atu nia husik hela ninia kargu, ohin dadersan sedu de’it sekretariu do Estadu da Defesa sesante ne’e hakat kedan ba knua servisu fatin PM ninian hodi entrega karta de rezignasaun ba PM Kay Rala Xanana Gusmao ne’ebe mos daudaun ne’e asume hela kargu nu’udar Ministru da Defesa.

 

“ha’u simu ona envelope ne’ebe Primeiru Ministru haruka mai ha’u I ha’u kumpri konteudu karta ne’ebe ke Primeiru Ministru haruka mai ha’u. Tan ba nia maka iha kompetensia tomak hodi nomeia ema, fo konfiansa ba ema I nia maka iha kompetensia tomak bele hapara, ne’e maka ha’u kumpri desizaun ne’e”, dehan Sekretariu do Estadu Pinto.

 

Nia mos hateten liu tan katak,“Ha’u foin daudauk (dadersan 27/01) maka hasoru sua excelensia Primeiru Ministru tan ba nia bolu I ha’u aproveita oportunidade ne’e ha’u entrega ha’u nia karta de rezignasaun”.

 

Julio Tomas Pinto, uniku muslumanu maka tama iha kabinet Iv no V Goevrnu ninian durante tinan hitu ho balun ne’ebe lidera husi Primeiru Ministru Kay Rala Xanana Gusmao .

 

“Konteudu husi karta ne’e maka “hatama rezignasaun”. Portantu ohin ha’u hatama tiha ona. Ha’u entrega tiha ona direitamenete ba sua excelensia Primeiru Ministru I ha’u kumpri ordem ida ne’e”, Julio Pinto haktuir.

 

Hafoin de entrega ninia karta rezignasaun ne’ebe sei tama iha vigor iha loron dahuluk fulan Fevereiru Julio Tomas Pinto fila hikas ba ninia hakna’ar fatin iha Ministeiru de Defesa iha Fatuhada hodi hala’o ninia kna’ar hanesan bainbain hodi labele hamosu estagnadu ba roda governasaun liu-liu iha parte ministeiru de defesa ninian.

 

“Iha ha’u nia karta ha’u esplika ba Senhor Primeiru Ministru katak ha’u nia rezignasaun komesa vigor iha dia um de Fevereiru I depois dia um de Fevereiru ha’u organiza de’it atu halo termus de entrega ba iha sekretariu do estadu foun ka Ministru iha governasaun mai. Ha’u sei entrega dokumentus hotu-hotu, relatorius 

 

Julio Tomas pinto agradese tebes ba laran luak husi Primeiru Ministru Kay Rala Xanana Gusmao hodi fo konfiansa ba nia atu serve nasaun ne’e. I nia mos la haluha hodi hato’o agradesimentu ba eis jeneral Taur Matan ruak atual presidenti da Republika, atual komandante jeneral, Maijor Jeneral F-FDTL, Lere Anan Timur, veteranus no ofisiais ho soldadus tomak iha F-FDTL ninia kontribuisaun inklui fungsionariu tomak iha sekretaria do Estadu da Defesa.

 

Tempo Semanal sei hatun ho kompletu intervista entre Sekretariu do Estadu da Defesa ssesante Julio Tomas Pinto iha edisaun tuir mai. Tuir observasaun husi parte balun iha F-FDTL dehan Sekretariu do Estadu da Defesa, Julio Tomas pinto hahu ninia kna’ar di’ak no hotu ho di’ak. 

 

“ita hare senor Julio Pinto simu instituisaun ne’e iha momentu ne’ebe instituisaun hasoru problemas bo’ot ida hafoin de krize 2006. Maibe durante ninia mandate tinan hitu nia servisu di’ak tebes ho seriedade hodi dezenvolve ita nia forsa armadas no ohin ita hotu bele hare ninia rezultadu”, dehan ofisial F-FDTL ida ne’ebe husu atu labele publika ninia naran.

 

Tuir veteranus FALINTIL ne’ebe la kleur sei reforma husi ninia kna’ar elojia lala’ok kmanek Julio pinto ninian hodi dehan, ‘ami hotu inklui atual presidenti mos hawelok ema ne’e ninia servisu hodi husik hela ba instituisaun ne’e bu’at di’ak barak”.

Page 1 of 4
Joomla SEF URLs by Artio

Copyright © 2015 Agora Tempo Intermedia Ltd. All Rights Reserved.
Online since February 01, 2013
Creative Commons License
This work by Tempo Semanal is licensed under a Creative Commons Attribution-NonCommercial-ShareAlike 4.0 International License.

Top Desktop version