Tempo Timor Online

Tempo Semanal – Dili, 17/02/2014

 

Eis veteranus FALINTIL, Adelino da Costa Tilman (Cadafe ) hateten, nia hetan moras riss dezde sei iha ai-laran to agora no hetan ona apoiu husi Ministeriu Saude ba halao tratamentu saude iha Surabaya (Indonesia) tinan 2010.

 

Publika iha Nasional

Tempo Semanal - Dili, 10/02/2014

F-FDTL daudaun ne’e iha hela faze de selesaun dokumentus hodi prepara ba rekrutamentus membru F-FDTL foun atus lima tan iha tinan 2014 nune’e duni Xefe Estado Maior das Falintil –Forca de Defasa Timor Leste (Xefe EM F-FDTL), Falur Rate la’ek husu ba instruktores sira atu kuda disiplina ne’ebe rigorous ba membru foun sira iha instituisaun ne’e ninia laran hodi labele banati tuir izemplu maka ladi’ak ita pasadu.

Publika iha Seguransa Defesa

Durante funu kontra militar Indonézia

 

Dili, Tempo Semanál – PovuTimor-Lestekoiletavitoria ba luta ukun rasik-an iha tinan 1999 liu husi referendum ne’ebé uluk lider rejistensia nian sira mehi ona atu referendum iha tinan 1979. Maibé tanba forsa mínimu, maka referendum iha tinan 1979 la konsege realiza. Tanba ne’e, durante tempu naruk nia laran, povu tomak hamutuk ho Falintil, luta kontra militar Indonezia i aumezmu tempu luta kontra Timor oan sira seluk ne’ebé fó apoiu ba militar Indonezia. 

 

Publika iha Nasional

Presidenti da Republika Taur Matan Ruak, husu V Governu labele projeitu ba veteranus Falintil no Klansdetina sira ne’ebe sei ativu iha instituisaun estadu ninian hanesan F-FDTL, PNTL no fungsionariu estadu ninian.

 

“Ikus-ikus ne’e veteranus sira involve aan iha negosiu hodi hadau malu projeitu. Tan ba ne’e V Governu konstitusional tenke hapara apoiu ba inisiativa sira ne’e,” dehan Taur iha ninia deskursu.

 

Primieru Ministru ninia fuan di’ak dala barak sempre foo despacho ba veteranus sira atu bele hetan projeitu iha ministeiru sira ne’ebe ukun husi eis lider da Resistencia ne’e maibe dala barak mos hamosu problemas ba kualidade no koordenasaun ministeirial ikus mai hamosu problema desentendimentu hanesan mosu ba projeitu balun iha eletricidade, fornecimentu foos MTCI, pakote Referendum no hadia dalan blun iha nasaun ne’e ninia laran. 

 

Eis Xefe Estado Maior das FALINTIL ne’e halo apello ba V Governu Konstitusional ne’ebe lidera husi Eis Komandante En Xefe das FALINTIL Xanana Gusmao, durante cermonia aniversariu FALINTIL ba dala tolu nolu resin walu iha Betano, distritu same, loron 20/08/2013.

 

Presidenti Taur Matan Ruak hateten katak  hahalok veteranus balun ne’ebe sei horik iha instituisaun estadu ninia laran maka hala’o mos negosiu no manan projeitu husi Governu ne’e viola lei no husik hela presedenti la di’ak jeresaun foun sira.

 

“Aktu ida ne’e kontra lei sira ne’ebe vigora iha ita nia nasaun no aktu ida ne’e mos fo izemplu aat ba ita nia jerasaun foun sira,” realsa Taur Matan Ruak.

 

Daudaun ne’e emprezariu barak maka uza veteranus ne’ebe sei ativu iha instuisaun estadu ninian maka sai hanesan kurtina atu halo negosiasaun ho governu kona ba Projeitu ruma no dala barak hamosu problemas ne’ebe halo presidenti da Republika Taur Matan Ruak expresa on a ninia preokupasaun sira ne’e iha vizita ba distritu Vikeke, Lospalos, Baukau no manatutu iha tempu ruma liu ba. Maibe nia foo lembra hikas tan iha ceremonia loron heroi FALINTIL ninian iha Betano.

 

“Iha okaziaun ne’e, ha’u dehan ba Veteranus sira. Veteranus sira balun involve an iha negosiu no projeitu. Presidenti da Republika, hanesan komandante em xefe sente katak, ita bo’ot sira hakat liu ona linea vermello,” Presidenti da Republika hateten.

 

Iha Oetobru 2011, Major Jeneral Taur Matan Ruak rezigna husi ninia kargu komandante jeneral F-FDTL  hodi konkore ba kargu Xefe do Estadu no manan iha elisaun Presidensial 2012 ne’e mos hanesan asume responsabilidade hanesan komandante supremu ba Forcas Armadas.

Publika iha Nasional

Komunidade Dale MS Kona Virus Injustisa Iha Tratamentu Saúde

ANTES ne’e, iha publikasaun Jornal Tempo Semanal fulan kotuk sosiedade sivil kestiona makas desizaun Ministeriu Saúde ne’ebé aprova orsamentu urujente ba sidadaun estranzeiru, Welfried Adolfus Seran hodi ba halo tratamentu saúde iha rai liur.

Publika iha Nasional

MS Abandona Veteranus Na’in 8 Seidauk Hetan Tratamentu

KUAZE tinan ida ona membru F-FDTL na’in valu (8) ne’ebé kompostu husi, Tanente Koronel ema na’in 1, Major na’in 1, Sarjentu Xefe na’in 1, Sarjentu na’in 1, Segundu Sarjentu na’in 1 no Primeiru Kabu na’in 3 hein atu ba hala’o tratamentu saúde iha rai liur. Maibe, to’o ohin loron Ministeriu Saúde seidauk halo tranferensia.

Publika iha Nasional

Sidadaun Estranzeiru “Anak Emas,” Timor Oan Tau Ba Kotuk

Ministeriu Saúde Prefere Apoiu Sidadaun Estranzeiru Halo Tratamentu Iha Rai Liur Hodi Abandona Pedidu Veteranus Na’in 8 Ne’ebé Ativu Hela Iha Instituisaun F-FDTL satan Populasaun bainbain sira nian. 

NOTISIA ho titlu,“Nepotizmu Iha Tratamentu Saúde” parese sei manas hela iha publiku nia tilun. Ema barak kestiona desizaun Ministeriu Saúde (MS) ne’ebé fó atendementu espesial ba sidadaun estranzeiru, Welfried Adolfus Seran hodi hala’o tratamentu sáude iha Surabaya, Indonesia.

Situasaun ne’e, halo timor oan sira senti “dianak tirikan.”  Tanba, faktus hatudu membru veteranus na’in valu (8) ne’ebé oras ne’e ativu hela iha Falintil-Forsa Defeza Timor-Leste (F-FDTL) kuaze tinan ida ona hein desizaun Ministeriu Saúde atu ba hala’o tratamentu iha Singapura. Maibe, tansá..? to’o ohin loron seidauk halo transferensia. 

Indikasaun ne’e hatudu katak, Servidor estadu sira oras ne’e prefere fó atendementu espesial ba sidadaun estranzeiru, duke Timor oan. Pior liu, sira buka ajuda de’it familia, parentes no kolega, hodi tau ses tiha interese povu. Ezemplu, kazu Welfried Adolfus Seran, sidadaun Indonesia ne’ebé hetan “rujukan” husi Ministeriu Saúde ba hala’o tratamentu iha Surabaya ho povu timor nia osan.   

Fasil tebes, sidadaun ho pasaporte Indonesia ne’e asesu ba fasilidade estadu. Maibe, ba Timor oan, povu baibain, veteranus no familia veteranus defisil la halimar. Tansá, ida ne’e bele akontese.? Karik, Ministeriu Saúde mak la iha planu di’ak, ou karik, nia (red-Welfried Adolfus Seran) nu’udar Vise Ministra Saúde, Maria do Ceú Sarmento nia kuinadu. Ne’e duni, bele hetan lalais atendementu husi Ministeriu Saúde hodi ba hala’o tratamentu iha rai liur.?

Perguntas hirak ne’e, dala ruma bele loos. Tanba, se ita analiza no halo komparasaun dokumentus entre sidadaun Indonesia, Welfried Adolfus Seran nian no membru F-FDTL na’in 8 ni’an ne’ebé Tempo Semanal asesu, deskonfia buat balun la loos no bele akontese konflitu de interese iha prosesu ne’e. 

Karta pedidu husu atu haruka membrus F-FDTL na’in 8 ba hala’o tratamentu saúde iha Singapura, ida fó sai iha loron, 3 Agostu 2012 no ida fali fó sai iha loron, 19 Setembru 2012. Iha karta primeiru husu atu haruka ema na’in lima (5) no karta segundu ema na’in tolu (3). Karta hirak ne’e asina husi Dr. Mendes Pinto,s.B.

Kontestu (red-isi) husi karta ho asuntu “lista do pessoal de veteranus para tratamentu fora de pais” ne’ebé hato’o ba Xefe Departamentu Servisu Enkaminamentu DNSHE MdS iha loron 19 Setembru 2012 katak, bazeia ba despaxu (surat) husi Servisu Enkaminamentu DNSHE MdS ne’ebé atu hala’o paraser kona ba membru veteranus na’in 8 hodi hala’o tratamentu iha Singapura, tuir lista pedidu ne’ebé hato’o husi Gabinete do CEMG das F-FDTL, maka depois halo reviu ba kazu hirak ne’e, ami tau prioridade (I) ba membru na’in 5 no agora aumenta tan ema na’in 3.

Membru F-FDTL hirak ne’e mak hanesan, Manuel Freitas ‘Maubuti’ ho kargu Tanete Koronel, presiza hala’o endoscopy ho CT-scan abdomen no konsulta ho doutor Gastrohepatoenteroligia/ Urologista. Armindo Nunes dos Santos ho kargu Major, presiza hala’o endoscopy ho MRI vertebra no konsulta ho doutor gastrohepatoenterologia/neurologista. Virgilio da Costa ‘Tuba-Rai’ ho kargu Sarjentu Xefe, presiza hala’o endoscopy no colonoscopy, konsulta ho doutor gastrohepatoenterologia/endokrinologi. Maunel da Silva Cabral kargu Sarjentu, presiza hala’o endoscopya ho CT-scan abdomen, konsulta ho doutor gastroenterologia/nefrologista. Antonio Pinto ho kargu Primeiru Kabu, presiza hala’o CT-scan abdomen konsulta ho doutor nefrologista/urologista.

Ba membru na’in 3 ne’ebé ninia karta pedidu hato’o ikus mak hanesan, Gregorio Meneses ho kargu Segundu Sarjentu, presiza hala’o endoscoy no CT-scan abdomen, konsulta ho doutor Gastrohepatoenteroligia. Justinho Madeira ho kargu Premeiru Cabo, presiza hala’o endoscopy ho CT-scan abdomen, konsulta ho doutor Gastrohepatoenteroligia. Nune’e mós, Raul Cipriano Madeira Premeiru Cabo, presiza hala’o endoscopy ho CT-scan, konsulta ho doutor Gastrohepatoenteroligia/endokrinologi.

Situasaun hanesan akontese mós ba pasiente, Joana Maria Dulce Victor. Tanba, to’o ohin loron Ministeriu Saúde seidauk halo tranferénsia ba pasiente refere atu hala’o tratamentu saúde iha rai liur, mezmu nia rasik hetan ona karta referensia (surat rujukan) husi junta mediku iha Hospitál Nasional Guido Valadares HNGV (Timor Post edisaun Tersa 06 Agustu 2013). 

Antes ne’e, Joana Dulce baixa loron sanulu ona iha HNGV no hetan karta husi junta mediku atu hala’o tratamentu iha rai liur tanba sofre moras tumor. Mezmu nune’e, Joana Dulce, nu’udar mós Komisária CNE bainhira lori karta ba entrega iha Ministeriu Saúde. Maibe, husi Ministeriu Saúde dehan la iha osan atu halo transferensia.

Relasiona ho kestaun hirak ne’e Tempo Semanal tenta hakat ba edifisiu Ministeriu Saúde atu hasoru Diretor Servisu de Enkaminamentu,  DNDHE. Maibe, la konsege tanba resepsionista ne’ebé atende Jornalista Tempo Semanal iha momentu ne’ebá dehan, Diretor la iha fatin.   

Deskonfia Mosu Nepotizmu 

Problema ida ne’e hahú, bainhira Ministeriu Saúde aprova orsamentu urujente ba sidadaun estranjeiru, Welfried Adolfus Seran hodi hala’o tratamentu saúde iha Surabaya, Indonesia. Dokumentus ne’ebé Tempo Semanal hetan hatudu katak, orsamentu inisial ne’ebé presiza hamutuk U$ 1.396.00. Kona ba Kustu  intervensoens diagnostika no terapeutikas sei selu bainhira Hospital Husada Utama, Surabaya Indonesia haruka invoice mai. 

Nepotizmu tanba faktus hatudu katak, pasiente nu’udar sidadaun Indonesia mais Ministeriu Saúde kontinua aprova orsamentu urujenti ba nia hodi halo tratamentu. Maibe, ba timor oan hanesan, Joana Maria Dulce Victor no membru F-FDTL na’in 8 to’o ohin loron seidauk tranfere ba rai liur hodi hetan tratamentu.

Ironia liu tan, Ministeriu Saúde dehan la iha osan ba pasiente Joana Maria Dulce Victor atu halo tranferensia. 

Ironia seluk tan, tuir informasaun ne’ebé Tempo Semanal hetan husi fontes konfirmadu katak, pasiente Welfried Adolfus Seran ne’ebé agora daudauk hala’o tratamentu saúde iha Surabaya, antes ne’e nunka hala’o tratamentu iha Ospital Nasioanl Guido Valadares.

Tratamentu Paradu 

Tinan rua kotuk, veteranus sira ne’ebé sofre moras sempre ba hala’o tratamentu saúde iha rai liur, hafoin hetan ‘rujukan’ husi Ministru Saude liu husi Ospitál Nasional Guido Valadares. Uluk Governu haruka veteranus sira ba hala’o tratamentu iha Ospitál Surabaya, hodi konsulta no hala’o analizasaun ba moras ne’ebé sira sofre. Maibe, iha ne’ebá la halo operasaun. Ne’e duni, se sira (red-Veteranus) ne’ebé hetan moras todan haruka ba Ospitál Mount Elisabet Singapura. 

Iha 7 Augustu 2013, tuir Filomeno da Paixao de Jesus, nu’udar Vise Xefe Estadu Maiór General F-FDTL katak, tinan rua kotuk Veteranus sira ne'ebé hetan moras sempre ba hala’o tratamentu iha rai liur. Maibe, la hatene, tansá iha tinan ida ne’e paradu tiha.? “ita la hatene, tanba saida mak prosesu tratamentu ba ita nia veteranus ne’ebé naran iha lista, to’o agora seidauk ba hala’o tratamentu. Karik, difikuldade kona ba osan, ou karik seidauk iha kontratu ho Ospitál Elisabet Singapura, ne’e duni mak seidauk haruka mós ita la hatene.” dehan Paixao ho duvida.

Paixao rekonese, lista naran veteranus F-FDTL ne’ebé atu ba tratamentu iha rai li’ur to’o ona iha ninia meza no ida ne’e agora sai preokupasaun boot ba membru F-FDTL hotu ne’ebé hetan moras, liu-liu ba sira ne’ebé Veteranus. “ba veteranus ne'ebé hetan moras durante ne'e, Governu iha polítika ida, atravesa Ministru Defeza no Sekretariadu Estadu, iha osan atu aloka ba Veteranus sira hodi hala’o tratamentu iha rai li'ur. Maibe, tinan ida ikus ne’e tratamentu ba Veteranus paradu” esklarese Paixao. 

Kazu ne’e agora daudauk iha hela ninia meza no hein atu trata ho Sekertariu Estadu, oinsá mak osan ne’ebé aloka husi Governu ba iha orsamentu tranferensia bele fó ba veteranus sira atu ba hala’o tratamentu.

“Veteranus sira ne'ebé atu hala’o tratamentu iha rai li'ur, ami labele haruka ba arbiru de'it. Maibe, Governu mak tenke iha akordu (MoU) ho Ospital ne’ebé atu haruka veteranus sira ba halo tratamentu, depois Ministeriu Saúde ba asina tiha kontratu, hafoin mak ami bele haruka ba. Se ida ne’e la iha, entaun ami atu haruka oinsá? Aliende ne’e, tenke iha osan.” Paixao kestiona.

Publika iha Nasional

DURANTE loron lima toba falun an iha sala ICU Ospital Nasional Guido Valadares, Maria Bilatu-Koro kaben husi saudozu Koro-Asu hetan vizita husi Premeira Dama Isabel Fereira. Vizitasaun ne’e nu’udar solidaridade ba familia veteranus, tanba ita hotu hatene katak, Saudozo Koro Asu ema ida ne’ebé famozu tebes, tanba iha istoria luta ba ukun rasik an saudozu Koro-Asu mak hadau kilat barak liu hodi distribui fali ninia funu maluk sira.

Publika iha Nasional
Page 2 of 2
Joomla SEF URLs by Artio

Copyright © 2015 Agora Tempo Intermedia Ltd. All Rights Reserved.
Online since February 01, 2013
Creative Commons License
This work by Tempo Semanal is licensed under a Creative Commons Attribution-NonCommercial-ShareAlike 4.0 International License.

Top Desktop version