Tempo Timor Online

Tempo Timor : Atu garantia sistema serbisu judisiariu, tuir planu liu husi orsamentu jeral do estadu tinan 2016 nian sei aloka ba Ministeru da Justica (MJ) atu hala’o konstruksaun Edifisiu Justica Juvinil  ne`ebe supmete ona ba Ministru Kordenador Asuntu Administrasaun Justica ho montante total orsmanetu ba Ministeriu Justica U$18 Miloens.

“Proposta orsamentu ba tinan 2016 husi Ministeriu Justica remata ona no total orsamanetu hamutuk 18 Miloens no planu orsamanetu ba tinan 2016 supmete ba Ministru Kordenador Asuntu Administrasaun Ba Justica no Supemete mos ba iha Konselu Ministru”dehan Diretor Jeral Ministeriu Justica, Henrique de Jesus Oliveira ba Jornalista sira iha Centru Formasaun Juridiku Kaikoli,Segunda-Feira, (24/08).

Planu orsamentu ne’e Ministeriu da Justica propoin ona ba Konselu Ministru no orsamentu hirak ne’e sei uza hodi hala’o programa maka hanesan, hari Edivisiu Justica Juvinil, Defensor Publiku, Polisia Investigasaun Cirminal, hasae kualidade rekursu, kartoriu Notarias, Conservador no programa sira seluk.

Henrique haktuir, tuir proposta ne’ebé orsamanetu ba MJ iha tinan 2016 hamutuk 18 Miloens, maibe hein Englope Fiscal  ne’e duni persiza trasa planu hodi nune’e ezekusaun orsamanetu tenke tuir duni ninia planu.

Husu kona ba prosesu ezekusaun orsamentu tinan 2015 nian, Diretor Jeral ne’e rekoñese katak,ezekusaun  agora foin maka atinji to`o 60%  no orsamentu hirak ne`ebe maka gasta ne’e ba Diresoens hotu, inklu iDefensor Publiku Jeral, maibe orsamentu bo`ot liu maka Dirasaun servisu kadestrai ninia tanba hala’o programa sukat rai iha teritoriu Timor-Leste nomos orsamentu ba dirasaun seluk.

Orsamnetu hirak ne`ebe maka seidauk ezekuta hotu iha Ministeriu da Justica, Diretor Jeral ne`e promote sei ezekuta ho masimu, mesmu hela de’it ona fulan hirak nia laran no Ministeriu da Justica sei aseleira lalais planu ne`ebe seidauk remata.

Entertantu, Inspektur Jeral Ministeriu da Justica, Lucas Antonio da Costa hateten,Inspektur Jeral iha funsaun importante atu hala’o inspesaun ba servisu ida ne`ebe maka hala’o ezekusaun planu asaun annual ninia iha Ministeriu da Justica.

 

Inspector Jeral mos halo avaliasaun tuir ninia regras ne’e duni ezekusaun orsmanetu ba tinan 2015 ne’ebé atinji ona to`o 60%  tuir duni planu ne`ebe maka iha, maibe orsamentu ne`ebe sei iha sei ezekuta hotu tuir planu ne`ebe iha (**)

Lee kontinua... 0

 

Tempo Timor: Ministeriu Finansa (MF) liu husi Direto Jeral Dirasaun geral Alfandega, Jose Antonio Fatima dehan, foin daudauk ne’e polisia Unidade Polisia Fronteira (UPF) ho Polisia Militar (PM) ezekuta mandatu husi Prokurador Jeral Suai hodi kaptura Xefe seksaun Alfandega Batugede. 

 

“Diskonfia involve iha fasilita komersiu illegal tan ne’e maka ho bazeia ba mandatu ne’ebe, polisia kaptura (suspeitu) EP ne’ebe maka hanesan xefe seksaun alfandega Batu-Gede no lori kedas ba iha tribunal distrital suai hodi halo premeiru intregatoriu,” dehan Jose Fatima ba jornalista sira iha edifisiu Alfandega, Tersa Feira (04/08). 

 

Direktor Jeral ne’e esplika, agora daudauk suspeitu EP fila –fali ba ona hala’o ninia servisu iha postu intregradu Batugede hanesan funsionariu public hodi hein desizaun husi Tribunal wainhira bolu fila-fali ba hatan iha Tribunal kona ba informasaun ruma. 

 

Aliende ne’e, disizaun final husi tribunal seidauk iha, ida ne’e mak parte alfandegan seidauk konspdera supeitu E hanesan salah nain, tanba seidauk iha evidensia ruma mak hatudu katak nia salah, ne’ebe hanesan funsionari alfandega sei kontunua halao ninia kna’ar tuir lei Jose hatete.

 

Husi parte polisia nian mos halo chek poin hetan evidensia balu, maibe husi parte alfandega mos iha evidensia, ne’ebe aprezenta iha jurgamentu nune’e mos tribunal seidauk hamonu sentensa ida to agora. 

 

“Ita hotu-hotu tenke kompri ba lei ne’ebe mak vigora iha nasaun Timor-Leste, bainhira iha ona evedensia forte no disizaun husi tribunal ita tenke respeita,” haktuir Jose 

 

Tuir nia, dalan ida mak sira foti keisa ne’e ba to iha prokurador Jeral suai, realidade senor E ba duni tuir jurgamentu iha ne’eba, husi ida ne’e seidauk iha desizaun final.tanba husi ne’e ami konseidera katak Alfandega halao nia kna’ar ho responsabidade ho profisional, iha parte balu dehan alfandega fasilita buat sira ne’e hotu. 

 

Tuir lolos ita tenke servisu hamutuk iha ne’eba hodi hatene, polisia kuandu halo chek poin hetan problema ruma hanesan instituisaun ne’ebe mak iha hotu fronteira tur hamutuk buka solusaun ba problema refere. Mas Ita ida-idak hakarak lori prosesu ne’e afrente, dala ruma ita sai ona husi funsaun ida-idak nian, tanba hanesan alfandega la bele interven funsaun servisu polisia nian, polisia mos la bele interven fali alfandega nian”m dehan diretor ne’e.

 

Tanba durante ne’e Alfandega mos tuir dikretu lei fo poder ba nia para atu halo atuasaun iha area radius 10 Km ne’e alfandega bele halo kontrplu, maibe husi parte seluk polisia mos hanesan liman kroat atu bele fo protesaun iha ne’eba.  (**)

 

 

Lee kontinua... 0

 

Tempo Timor : Tribunal Distrital Dili (TDD) iha loron Quarta feira (29/07) hala’o Premeiru Intogratoriu ba arguidu naran inisial HPDJ ne`ebe komete krimi Koasaun Sexsual hasoru Lezada ho inisial CC loron 27 Julho 2015 iha Aldeia Rau Kasa,Suku Lauhata Munisipiu Liquisa.

Mesmu iha prosesu premeiru interogatoriu ne’e taka ba publiku, maibe tuir informasaun husi parte CC katak, iha primeiru interogatoriu ne’e atu rona dekarasaun husi parte rua (arguido no lezada) kona ba kazu ne’ebé akontese iha loron rua liu ba.  

Bazeia ba kronolozia ne’ebé vitim konta kata, mais ou meus iha tuku 24.00 otl, Lezada toba ho ninia oan iha kuartu laran, derepente arguidu tama ba lezada nia uma laran no hare lezada toba dukur hela entaun arguidu hakat besik hodi toba hamutuk ho lezada depois book lezada ninia isin lolon maibe lazade la sente buat ida tanba dukur loos no hanoin katak ida ne’e ninia katuas oan.

Bainhira arguidu koko atu hanoin at lezada mós hakfodak hodi hader no hare katak la’os ninia katuas oan entaun vitima hakilar no suspeitu mós halai sai husi uma laran, maibe vizinu sira duni tuir to’o kaer toman no iha momentu ne’e kedas familia husi parte vitima telefone ba Polisia Nasional Timor-Leste Munisipiu Liquisa ba kedas iha fatin akontesementu.

Hafoin to’o iha fatin Polisia lori kedas suspeitu ba kantor polisia hodi supmete ba prosesu investigasaun no supmete iha sela durante oras 72, depois maka Polisia entrega ba Tribunal Distrital Dili iha Kuarta- Feira (29/7) hodi halo premeiru interogatoriu ba suspeitu tamba tenta  atu halo relasaun sexual ho vitima CC.

 

“Lezada konsidera hahalok ne’ebé komete husi arguidu halo hamonu lezada ninia dignidade, tan ne’e lezada husu ba Tribunal atu fó pena ne’ebé todan no justu ba arguidu hodi nune’e nia bele sente atutedi ne’ebé nia halo ne’e la di’ak” konfesa CC. (**)

Lee kontinua... 0



Di;I, Tempo Timor - Juiz administrador Tribunal Distrital Dili (TDD), DR. Juiz Duarte Tilman inform aba media sira katak TDD haruka hikas tan rekerimentu ida ba Parlamentu Nasional (PN) hodi ezije desizaun husi Plenaria tuir rejimentu Parlamentu ninian kona ba levanta ka la levanta imunidade ba atual Presidenti Parlamentu Nasional, Arguido DR. Vicente Guterres.

“Kona ba arguido Vicente Guterres, atual Prezidenti Parlamentu Nasional ne’ebe hetan ona akuzasaun defenitivu husi Ministeiru Publiku remete tiha ona mai tribunal. Tuir ultimo despacha husi juiz prosesu ne’ebe konsta iha folias 1232 I seguintes husu ka ou dehan insiste novamente, ka husu tan fali ba Parlamentu Nasional atu iha prazu 30 dias hodi junta ka informa mai Tribunal. Junta autos kona ba desizaun iha plenaria ne’ebe parlamentu deside hodi suspende ka ou la suspende arguido Vicente husi nia kargu para bele mai”, hateten DR. Juiz Duarte Tilman ba media sira iha ninia kna’ar fatin iha loron Kinta (16/07) semana kotuk.

Tribunal husu dala ruma ona ba Parlamentu Nasional maibe politikus reziste maka’as hasoru Tribunal hanesan iha fulan Oetobru 2014 mos mosu karta ida husi Primeiru Ministru IV Governu Konstitusional ninian hodi fo ordem ba Parlamentu Nasional atu labele hasai imunidade ba ukun nain sira ne;ebe sei ezerje hela sira nia fungsaun inklui Presidenti Parlamentu Nasional no membru Governu sira.

“Ne’ebe (TDD) husu tiha ona ba (Parlamentu Nasional). Ne’e ultimo despachu ne’e notifika ona iha dia 13 de Jullo ba mandatariu sira ou ba prokuradores sira. Ita hein de’it bain hira maka Parlamentu Nasional atu halo plenaria hodi deside dehan deputadu nain hira maka vota kontra, hira maka afavor no hira maka abstain katak levanta ou la levanta husi arguido ne;e para nia bele mai ou la levanta mos Tribunal hodi halo desizaun ida hodi hateten katak fika ho efeitu preskrisaun”, DR. Tilman esplika

Wainhira hare na jogus politikus ne’ebe la’o iha meja Parlamentu Nasional ne’e hatuur ona sinal katak Parlamentu Nasional koko maka’as atu la husik sira nia ulun bo’ot ba tuur iha kadeira arguido iha meja Tribunal ninia oin maske antes ne’e Prezidenti Parlamentu Nasional deklara ona ninia barani katak Kadeia la’os sulan asu iha laran.

“Despacho juiz halo iha dia 19 de Juno nune’e notifika ba iha Ministeiru Publiku iha dia 08 de Jullo. Notifika ba iha arguido ninia mandatariu iha dia 02 de jullo no ba Parlamentu ninian ne’e maka seksaun”, relata DR. Juiz ne’e.

DR. Duarte enfaze liu tan katak, “Despachu ne’e haruka tiha ona ba Parlamentu I sira hanesan lejislador, sira mos konsiente katak rai ida ne’e obriga ita hotu tenke halo atu kumprimentu da legalidade para bele garante estadu de direitu.
seida’uk junta mandadu ne’e”.

Tuir ulun bo’ot Tribunal Distrital Dili ne’e informa katak wainhira Parlamentu maka la levanta imunidade arguido DR. Vicente Guterres ninian hanesan Prezidenti Parlamentu Nasional entaun Tribunal tenke hola desizaun ruma.

“Tan ba la’os obriga de’it nia atu mai. se desizaun plenaria dehan la suspende maka ninia efeitu iha. Efeitu para atu kontajen ba preskrisaun do prosedimentu kriminal katak ita atu prosede ba ne’e dala ruma ita hein no hein to’o bain hira.
Ne’e tenke iha. Tan ba ne’e maka Tribunal insiste nafatin tenke halo desizaun
ida”, esplika Tilman.


Liu tan DR. Duarte tilman argumenta katak, “Tan ba desizaun ida uluk mai ne’e tuir despavha ka karta ne’ebe mai husi vixe presidenti ka ou presidenti en exersisiu ne’e dehan bazea de’it ba paraser husi komisaun Etika ho seluk tan ne’ebe la iha ida votasaun ne’e. Tan ba ne’e maka (husu fiila fali). Tan ba iha artigu oitu, numeru kuatru no sinku do rejimentu Parlamentu Nasional ne’e dehan ezije desizaun tenke mai husi plenaria ne’ebe deputadu sira vota, hira maka kontra, hira maka afavor no hira maka abstain I halo hodi bainhira junta iha autos ne’e para Tribunal bele halo desizaun”.

Iha Parte seluk wainhira Tempo Timor dada lia ho membru Parlamentu nasional balun rejeita katak sira iha kuinesimentu kona ba karta despachu husi TDD kona ba pedidu levantamentu imunidade ba sira nia presidenti Parlamentu. Membru Parlamentu sira ne’e mos finji dun todan ba meja Parlamentu Nasional.

Maibe Ironia tebes maka xefe bankada partidu FRETILIN mos la hatene katak TDD halo tan fali ona pedidu foun ba Parlamentu Nasional no alega katak resposta ba pedidu ida uluk ninian ne’e hanesan “manipulasaun” husi parte balun iha Parlamentu Nasional

Kazu Alegasaun kontra Arguido DR, Vicente Guterres atual Presidenti Parlamentu Nasional ne’e keixa husi membru Parlamentu Nasional husi bankada Opozisaun iha tempu segundu lejislatura ninian wainhira FRETILIN sei sai hanesan opozisaun lolo’os ida.

Lee kontinua... 0


Tempo Timor: Tersa-Feira (7/7), Tribunal Distrital Dili (TDD) adia prosesu julgamentu ba arguido, Oscar Tilman ne`ebe deskonfia komete kazu krimi sunu kios no baku rahun ema nia uma, iha Aldeia 20 Setembru Suku Comoro.


Iha julgamentu ne’e, tribunal akuza arguido komete krime “Dano Simples Insidiu” ne’ebé haktuir iha artigu 63 kodiku penal katak, ema ne`ebé ho intensaun hamosu Insidiu hodi estraga ema nia uma, Edifisiu, Estabelesementu, Meu ba Transporte,Floresta no patrimonia sira seluk sei  hetan pena prisaun tinan 2 to`o tinan 8 ka selu multa U$ 5000.00.


Mesmu hetan akuzasaun husi Ministeriu Publiku katak, arguido ho ninia kolega maka sunu kios no baku rahun komunidade ninia uma rua iha 20 Maiu 2007. Maibe, tuir deklarasaun husi arguido katak,  akontesmentu sunu kios no baku rahun uma rua ne`e nia (arguido) la involve.


“ iha momentu ne’e ha’u foin fila husi eskola, maibe derepente polisia ba kaptura ha’u iha uma no durante ne’e kuandu akontese problema ruma iha ne’e polisia sempre ba kaptura ha’u tanba deskonfia involve grupu artemarsias.” deklara arguidu iha tribunal.


Entertantu, vitima ho`o inisia A deklara katak,iha momentu ne`eba vitima halai ba subar iha irman sira nia residensia no husi ne’ebá vitima hare ninia kios hetan sunu husi grupu 77. Maibe, vitima rasik labele deskobre katak arguidu mós involve hotu iha akontesementu ne`e, tamba vitima rasik la hare arguidu ih ne’ebá.
Tuir vitima, sasan hirak ne’ebe hetan sunu ka estagus tanba impaktu husi sunu kios maizu menus ho total orsamentu U$.2000.00.


Bainhira rona tiha deklarasaun husi parte vitima no arguidu, Defensor Publiku ne’ebé akompaina arguidu husu ba tribunal atu tetu halo didia molok foti desizaun hodi hamonu sentensa ba arguidu tamba faktus seidauk klaru no foin deskonfia de’it.


Tamba seidauk iha faktus ne’ebé konkreta, ne’e duni juis ne’ebé predize prosesu julgamentu deside adia fali ba fulan oin. (**)

Lee kontinua... 0
Joomla SEF URLs by Artio

Copyright © 2015 Agora Tempo Intermedia Ltd. All Rights Reserved.
Online since February 01, 2013
Creative Commons License
This work by Tempo Semanal is licensed under a Creative Commons Attribution-NonCommercial-ShareAlike 4.0 International License.

Top Desktop version