Tempo Timor Online

 

Tempo Timor : Iha vizita Presidente da Republika, Taur Matan Ruak ba suku sira iha teritoriu Timor-Leste, komunidade sira sempre kestiona makas kona ba serbisu governantes balun ne’ebé tau as interese partidu ninian duke interese komum no la tau atensaun ba problema atual ne’ebé povu infrenta.

“Ha’u sente membru governu sira serbisu tuir regras no sira iha lei organiku governu nian ne’ebe define kompotensia apropriadus, tan ne’e ha’u sente espresaun publiku ne’e refleta espetativa povu nian ba estadu atu halo buat ida lalais de’it, maibe agora ita hala’o hela jestaun ba estadu nian tanba dezenvolvimentu ekonomia nasaun foun ida depende de’it ba investimentu publiku nian,” dehan Segundu Vice Presidente Paramentu Nasional, Aderito Hugo ba Online Tempo Timor iha Uma Fukun Parlamentu Nasional.  

Hugo haktuir, kritika sira ne’e klaru ba ezekutivu sira atu halo avaliasaun ba nia dezenpenamentus membru governu sira nian hodi nune’e serbisu membrus governu sira nian, liu-liu lina ministerial sira atu bele konkreta liu hodi responde nesesidades sektorais nian. 

Segundu Vice Presidente PN fó ezemplu katak, ita presiza hanoin buat foun hodi responde kestaun edukasaun nian ne’e la’o hanusa no ita labele hanoin de’it atu dezenvolve setor edukasaun ba mediu prazu no longo praju nian maibe haluha tiha situasaun atual agora ne’ebe maka ita nia estudante sira infrenta.

Nune’e mós iha setor agrikultura nian, ita labele hanoin de’it ba mediu praju no longu praju, maibe tenke hare ba situasaun agora no buka hatene saida maka agrikultor sira presija agora iha kurtu praju ne’e, ezemplu atu halo irigasaun tenke hare mós ninia funsionamentu hanesan hare ba ninia kanal primer no sekundariu sira hotu, duke ita halo de’it irigasaun maibe distribuisaun bee la di’ak.

“Ida ne’e buat ida ne’ebé praktis tebes, ne’e duni lina ministerias sira tenke tau atensaun, purezemplu Obras Publiku nian tenke tau prioridade ba estrada ida ne’ebe maka atu hala’o, Estrada rurais nian ka Estrada nasional nian. Bainhira ita dehan katak presija maka hadia Estrada zona rurais ninian, entaun ita konsentra ba zona rurais nian para depois povu sira iha rurais bele asesu ba Estrada no bele asesu ba merkadu no asesu ba transporte publiku.” tenik Hugo      

Iha parte seluk, estudante Universidade Nasional Timor-Leste,  Alexandre da Costa Soares hateten, faktus hatudu katak membru Governantes balun la iha planu serbisu ne’ebe maka di’ak ne’e duni uluk akontese reformasaun, maibe situasaun ida ne’e kontinua akontese tanba  membru Governu balun serbisu la iha seriadade.

“ha’u la presiza atu dehan Ministeriu ida ne’e ka ida ne’ebá, maibe it abele ba hare rasik iha Ministeriu sira tanba dala barak ministeriu balun la iha planu serbisu ne’ebé di’ak no menus liu kontrolu entaun fó espasu ba funsionariu sira atu hala’o serbisu tuir ida-idak nian.” Soares kestiona. 

 

Estudante ne’e haktuir, presija tebes lideransa sira, liu-liu ezekutivu sira tenke halo avaliasaun ba nia dezenpenamentus membru governu sira nian hodi nune’e bele hadia diak liu tan mekanismu serbisu ministeriu nian. (**)  

Publika iha Nasional

 

Tempo Timor : Atu garantia serbisu Jornalista nian iha futuru presiza tebes atu estabelese Konselu da Imprensa (KI) iha Timor-Leste tanba Konselu da Imprensa iha knar ne’ebé  importante atu apoiu serbisu komunikasaun sosial nian.

Hatan ba kestaun ne’e, Segundu Vice Parlamentu Nasional (PN), Aderito Hugo hateten, kontinuasaun husi lei komunikasaun sosial ne’ebé vigora ona no bazeia ba dekretu Governu nian ne’ebe Presidente Republika promulga sobre Konselu da Imprensa, tuir Lei komunikasaun sosial nian hateten katak, kompozisaun Konselu da Imprensa tenke mai husi orgaun komunikasaun sosial.

“ida ne’e hatudu katak, na’in ba media sira maka iha kompetensia ka iha knar ida atu eleze ema na’in rua ne’ebé ho meritu iha area komunikasaun sosial, maibe entre sira na’in rua ida tenke mai husi area jurista.” dehan Deputadu Aderito Hugo ba Jornalista sira iha Uma Fukun Parlamentu Nasional (PN) Segunda Feira, (25/8) 

Deputadu Bankada Conselu Nasional Rekonstrusaun Timor (CNRT) haktuir liu tan katak, “to’o agora orgaun komunikasaun sosial sira seidauk forma asosiasaun ida, maibe daudauk ne’e iha komunikasaun informal entre orgaun komunikasaun sosial sira no ida ne’e la’o hela”.

Eis Jornalista no nu’udar nain ida ba meida Timor Post ne’e promete katak iha tempu oportunu sei tuur hamutuk ho media nain sira seluk hodi deskute kona ba sira nia reprezentante iha orgaun ne’ebe iha posibilidade sai hanesan liman ho ain ba ukun nain sira hodi trava servisu jornalista ninian iha nasaun ne’e.

 

“Mesmu nune’e hanoin katak iha tempu badak nia laran ami bele kria inkontru konkreta ida para bele hare no priense rekizitus sira ne’ebé iha, tanba tuir lei komunikasaun sosial orgaun komunikasaun sosial sira maka iha kompotensia atu eleze ema ba iha Konselu Imprensa nian.” hakotu Aderito.(**)

Publika iha Nasional

 

Tempo Timor : Durante Luta ba “Libertasaun da Patria” hakerek mós iha istoria katak juventude Timor nia nia partisipasaun maka’as, tan ne’e iha era ukun an nia laran juventude iha papel importante atu kontribui ba prosesu dezenvolvimentu nasaun, liu-liu atu kontinua luta ida ne’e hodi kore povu husi ki’ak no mukit nia laran.

“Ko’alia kona ba papel foinsa’e iha era indepednesia ida ne’e, signifika katak foinsae presiza prepara an atu sai fini diak hodi bele ukun rai doben ida ne’e iha future, tanba se ita la prepara agora konserteza ita rasik maka lakohi kontribui ba ideas dezenvolvimentu nasaun.” dehan Xefe Gabineti Sekartariu Estadu Juvetude Desportu (SEJD), Zeferino dos Santos bainhira partisipa primeiru kongresu alumi Parlamentu Foinsa’e ne’ebé hala’o iha Salaun inkontru CNE Caicoli, Dili (25/8).

Hateke ba istoria pasadu, iha tempu invazaun nia laran, juventude sira hatudu ona sira nia papel tanba ativu tebes hodi komunga ba prinsipiu ida de’it, libertasaun de patria, mesmu juventude barak hetan konsekuensia no sofrementu oin-oin to’o balun tenke oferese ninia vida.

Mesmu hasoru sofrementu no dezafius oin-oin, maibe la hamate juventude sira nia espiritu hodi luta ba ukun rasik an to’o Timor-Leste hetan ninia indepedensia iha tinan 1999.

Zeferino haktuir, iha ukun nia laran nu’udar sidadaun Timor Leste ita ninia responsabilidade aumenta boot liu tan hodi luta ba libertasaun povu, maibe atu liberta povu ida ne’e presiza ema hotu iha preparasaun, liu-liu juventude sira tanba juventude maka sai hanesan fundasaun prinsipal iha nasaun ida ne’e.

“juventude iha papel ne’ebé importante tebes iha prosesu hari estadu no nasaun ida ne’e. Ne’e duni, iha tinan hirak liu ba, ita nia eis Presidente Republika, Jose Ramos Horta hamutuk ho ita nia lideransa balun hanoin atu estabelese Parlamentu ba juventude, ne’e duni iha momentu ne’ebá CNJTL, SEJD, Gabinete Presidente Republika no UNICEF hala’o diskusaun makas hodi kobre ideas ba estabelesementu Parlamentu Foinsa’e ne’ebé hakarek iha rezolusaun Governu numeru 17/2006 ho ninia finanseiru apoiu husi SEJD.” esklarese Xefe Gabineti SEJD.

Ita hotu hatene katak ho evolusaun tempu ne’ebe iha, lori ita ba iha kabe ida ne’ebe defisil liu kompara ho ohin loron. Maibe, se ita prepara an halo didiak, organizado maka ita sei sai fini ne’ebé positivu hodi atinze objetivu ne’ebé di’ak iha nasaun ida ne’e.

“Ohin loron ita boot sira hanaran an nu’udar alumi Parlamentu Foinsa’e. Ida ne’e signifika ita liu ona faze ida iha Parlamentu Foinsa’e nian laran, tanba konsge halibur malu entre jovens ne’ebe mai husi Munisipiu ne’ebé la hanesan, nivel edukasaun la hanesan, karakteristu la hanesan, maibe iha hanoin ida deit atu hola parte no kontinua ejiste nu’udar jovens ne’ebé ho hanoin positivu, intelijensia no iha mehi bo’ot ba dezenvolvimentu ne’ebé di’ak iha futuru.” tenik Zeferino. 

Molok taka ninia liafuan, Xefe Gabineti husu ba foinsa’e tomak presija muda sira nia an no tenke sai sidadaun ne’ebé hatene hadomi ninia patria no povu, tanba liu husi dalan ida ne’e maka ita bele servi nasaun ida ne’e ho di’ak.

Entertantu Presidente Conselu Nasional Juventude Timor-Leste (CNJTL), Maria Dadi Soares iha ninia deskursu hateten, kongresu ida ne’e importante tebes tanba ho kongresu ida ne’e fó hanoin ba alumi Parlamentu Foinsa’e sira atu buka hatene istoria povu no rai ida ne’e nian ne’ebé hakerek iha livru mutin ne’ebé iha.

“Ita ne’ebé marka prezensa iha ne’e, kongresista sira, membru governu ka instituisaun governu nian no Conselu Nasional Juventude Timor-Lleste rasik sai testamunha ba istoria ida ne’e, tanba istoria ida ne’e importante tebes ba imi jerasaun foun sira.” tenik Soares.

Hanesan ulun boot Juventude nian, Presidente CNJTL la duvida ho didikasaun no prestasaun ne’ebé alumi Parlamentu Foinsa’e hatudu ona, tanba sira mai ho istoria rasik no iha kaer ba komitmentu ativismu, sivismu hodi dezenvolve no fó valor ba istoria ida ne’e.

Mesmu nune’e, CNJTL konsidera ho ida ne’e de’it la forte, tanba imi sei hasoru loron manas, sei hasoru udan boot no dezafius oin-oin, ne’e duni iha prosesu tomak nia laran foinsa’e sira tenke esforsu makas no sai fini ne’ebe di’ak. 

 

“Loos duni, atu sai fini ne’ebé di’ak, imi rasik tenke kari fini ida diak ba imi nia an hodi nune’e imi bele kari ba foinsa’e tomak. Maibe, atu transforma mentalidade juventude nian, imi maka tenke foti papel importante atu servi makas hodi hatudu modelu ka hanoin di’ak ba jovens sira seluk katak Timor Leste presija ita nia prezensa ohin, aban no iha futuru oin mai.” tenik nia. (**)

Publika iha Nasional

Tempo Timor : Atu garantia sistema serbisu judisiariu, tuir planu liu husi orsamentu jeral do estadu tinan 2016 nian sei aloka ba Ministeru da Justica (MJ) atu hala’o konstruksaun Edifisiu Justica Juvinil  ne`ebe supmete ona ba Ministru Kordenador Asuntu Administrasaun Justica ho montante total orsmanetu ba Ministeriu Justica U$18 Miloens.

“Proposta orsamentu ba tinan 2016 husi Ministeriu Justica remata ona no total orsamanetu hamutuk 18 Miloens no planu orsamanetu ba tinan 2016 supmete ba Ministru Kordenador Asuntu Administrasaun Ba Justica no Supemete mos ba iha Konselu Ministru”dehan Diretor Jeral Ministeriu Justica, Henrique de Jesus Oliveira ba Jornalista sira iha Centru Formasaun Juridiku Kaikoli,Segunda-Feira, (24/08).

Planu orsamentu ne’e Ministeriu da Justica propoin ona ba Konselu Ministru no orsamentu hirak ne’e sei uza hodi hala’o programa maka hanesan, hari Edivisiu Justica Juvinil, Defensor Publiku, Polisia Investigasaun Cirminal, hasae kualidade rekursu, kartoriu Notarias, Conservador no programa sira seluk.

Henrique haktuir, tuir proposta ne’ebé orsamanetu ba MJ iha tinan 2016 hamutuk 18 Miloens, maibe hein Englope Fiscal  ne’e duni persiza trasa planu hodi nune’e ezekusaun orsamanetu tenke tuir duni ninia planu.

Husu kona ba prosesu ezekusaun orsamentu tinan 2015 nian, Diretor Jeral ne’e rekoñese katak,ezekusaun  agora foin maka atinji to`o 60%  no orsamentu hirak ne`ebe maka gasta ne’e ba Diresoens hotu, inklu iDefensor Publiku Jeral, maibe orsamentu bo`ot liu maka Dirasaun servisu kadestrai ninia tanba hala’o programa sukat rai iha teritoriu Timor-Leste nomos orsamentu ba dirasaun seluk.

Orsamnetu hirak ne`ebe maka seidauk ezekuta hotu iha Ministeriu da Justica, Diretor Jeral ne`e promote sei ezekuta ho masimu, mesmu hela de’it ona fulan hirak nia laran no Ministeriu da Justica sei aseleira lalais planu ne`ebe seidauk remata.

Entertantu, Inspektur Jeral Ministeriu da Justica, Lucas Antonio da Costa hateten,Inspektur Jeral iha funsaun importante atu hala’o inspesaun ba servisu ida ne`ebe maka hala’o ezekusaun planu asaun annual ninia iha Ministeriu da Justica.

 

Inspector Jeral mos halo avaliasaun tuir ninia regras ne’e duni ezekusaun orsmanetu ba tinan 2015 ne’ebé atinji ona to`o 60%  tuir duni planu ne`ebe maka iha, maibe orsamentu ne`ebe sei iha sei ezekuta hotu tuir planu ne`ebe iha (**)

Publika iha Justisa

 

Tempo Timor : Hafoin hala’o abertura ba workshop ho temaKontrolu Internu ba Ministeriu Justica” ne’ebé realiza iha Centru Formasaun Juridiku Kaikoli, loron (24/08), Ministru Koordenadór ba Asuntu Administrasaun Estadu no ministru Administrasaun Estatal, Deonicio Babo informa katak, durante ne`e menus liu kontrolu internal iha kada Ministeriu ne’e duni halo funsionariu balun la efetivu.

Iha oportunidade ne’e, Deonicio Babo hanesan mós Ministru Koordenador ba Justisa apela ba Diretor Jeral no Xefe Departamentu iha kada Ministeriu, liu-liu ba Ministeriu Justica atu hala’o kontrolu ho masimu ba servisu internal funsionariu Ministeriu Justisa nian, tanba funsionariu balun seidauk iha koñesimentu no ladun fó atensaun ba servisu ne`ebe atu hala’o iha Ministeriu.

 “dala ruma funsionariu balun la’os oras diskansa nia, maibe sira sai ba liur hodi han kuaze oras tomak foin tama. Nune’e mos iha funsinariu balu sempre halimar Game no gasta de’it orsamentu tamba ne`e maka presiza iha kontrolu internal makas” tenikDeonicio Babo ba Jornalista sira Segunda-Feira, (24/08)  

Babo haktuir, ita hotu tenke halo tuir Lei ne’ebé maka Governu hasai iha tinan kotuk kona ba preparasaun Planu asaun no Avaliasaun ba Desempenu iha Ministeriu hotu-hotu atu hala’o kontrolu Internu ba servisu loron-loron liu husi Diretor Jeral to Xefe Departamentu. 

“Iha Timor-Leste nivel kontrolu iha oin tolu maka hanesan, Kontrolu husi Diretor Jeral, Inspesaun Jeral Ministeriu, PDHJ nomos Komisaun Anti Korupsaun hodi halo kontrolu servisu ninian.” dehan Babo.

Babo esplika liu tan katak, funsinariu ne’ebé kontra Administrasaun sei haruka ba iha Inspeksaun Jeral Estadu, maibe ba funsinariu ne’ebé komete krimi sei haruka ba iha Tribuna. 

Bainhira iha kontrolu servisu ne`ebe Efetivu bele garantia ona servisu iha Ministeriu nia laran no kuandu iha kontrolu ne`ebe makas bele kontrobui ba prosesu dezenvolvimentu tan ne`e halo kontrolu internu la’os atu fo sansaun ba funsinariu.

Iha fatin hanesan, Diretor Jeral Ministeriu Justica, Henrique de Jesus Oliveira hateten, aktividade ida ne’e atu hametin liu tan informasaun ne`ebe ligadu ho Papel Diretor Nasional, Diretor,Munisipiu, Xefe Departamentu no Funsinariu hotu atu bele hala’o sira nia knar ho di’ak.

“ema barak hanoin katak kontrolu internu ne`e papel husi Audit Inspeksaun Estadu nian de’it, maibe loolos ne`e kada Ministeriu hotu persiza hodi halo kontrolu Internu ba pontualidade ba ninia funsinariu  hodi nune’e ita bele hatene ezekusaun planu asaun atinji ona klae.” Esplia Henrique.

Henrique rekonese katak, kontrolu internu ne’e importante tebes ba iha kada Ministeriu, ne’e duni labele hare deit ba planeiamentu no ezekusaun maibe presija ligadu ho aktividade ne`ebe maka trasa ona ninia planu. 

Iha parte seluk Estudante Universitariu kestiona kapacidade governantes sira ninian hodi kontrola fungsionariu Estadu sira ne’ebe koloka iha sira nia ministeiru atu hala’o sira nia kna’ar ho efektivu no efikasia.

“Ha’u hare Ministru Koordenador Babo ninia deklarasaun ne’e hatudu momos ukun nain sira ni frakeza atu koordena no kontrola fungsionariu do estadu sira atu halo servisu ho didi’ak”, dehan A. de sousa P. Ximenes, Estudante UNTL ida ba Tempo Tiumor.

Nia haktuir katak durante ne’e governantes sira gosta hatudu liman ba iha Fungsaun Publika maibe dala barak matenek nain sira ne’ebe tuir iha Governu laran ne’e maka la hatene jere sira nia administrasaun publika iha Ministeiru relevante.

 

“Ita hare Ministeiru balun ninia fungsionarius barak liu fali F-FDTL maibe sira nia prestasaun de servisu la iha. Izemplu ki’ik ida maka tuir dadus husi Governu ninian hatudu Ministeiru Agrikultura no Peska sira nia fungsionariu barak loos maibe tinan-tinan ita importa hela foos de’it. Ne’e katak iha problemas bo’ot iha ita nia ministeiru sira ne’e”, estudante ne’e lamenta (**)

Publika iha Nasional

 

 

 

Tempo Timor : Mate isin Deputadu, Jose da Silva Panaõ “Folaran” ohin lokraik mais ou menus (22/08) halot ona iha Jardin de Herois Metinaro tanba konsidera nu’udar Veteranus. Maibe, antes atu lori mate isin ba halot iha Jardin de Herois Metinaro mais ou menus iha tuku 13 : 00 Otl sei hala’o misa agradesementu iha Kapela,São Sebastião, Bidau

Kuaze semana ida nia laran mate isin tau iha Bidau Toko Baru, ema barak, inklui lideransa balun ba iha fatin ne’ebá hodi fó sira nia sentidu kondolensia ba matebian saudozu “Folaran.”  Lideransa hirak ne’ebé ba iha ne’ebá maka hanesan, Presidente Republika, Taur Matan Ruak ho ninia espoza, Maior Jeneral F-FDTL, Lere Anan Timor ho nia espoza, Komandante Falur Rate Laek, Deputadu, Veteranus, kolega partidu no membru Governu balun.

Hanesan publiku tomak hatene, iha luta libertasaun ba Ukun Rasik An, saudozu Folaran fó ninia kontribuisaun boot ba rai ida ne’e no serbisu barak maka matebian halo hodi liberta rai ne’e liu husi Frente Klandestina.

Saudozo deside involve an iha politika luta ba libertasaun tanba hamrik iha prinsipiu ida hodi tau as interese povu maubere nian no interese nasaun nian. Serbisu la sente kole, la iha ambisaun no iha responsabilidade boot hodi hala’o serbisu ho laran hanesan ho ninia kodiku “Folaran”.

Deputadu no Primeiru Vice Sekertariu Jeral Partidu Conselu Nasional Rekonstrusaun Timor (CNRT) hakotu nia vida moris iha Ospital Waluyo Jakarta, Indonesia loron 16 Augustu 2015 hafoin fila husi vizita serbisu nian iha Singapura.Objetivu husi vizita de traballu ne’e atu hala’o estudu komparativu.

Bainhira hakotu is iha Jakarta, mate isin Deputadu Folaran lori toba kalan ida iha Denpasar Bali molok lori mai Timor-Leste. Mate isin Saudozo Folaran to’o iha Aeroportu Nicolau Lobato, iha loron 18 Augustu 2015 no kontinua lori ba iha Uma Fukun Parlamentu Nasional.

Hafoin PN presta homenajen ikus, mate isin saudozu Folaran kontinua lori ba iha sede Partidu CNRT iha Bairo dos Grilos hodi fó ultimu homenajen husi strutura partidu nian molok entrega ba familia.

 

Durante toba kalan hat ho familia sira iha Bidau Toko Baru matebian nia kaixaun tau iha konzelador to’o loron funeral nian no iha loron hirak ne’e nia laran, kolega no familia sira troka malu hodi hala’o orasaun tuir relijiaun katolika nian. (**)

Publika iha Nasional

Tempo Timor : Governu Timor Leste liu husi Ministeriu Defeza ofisiamente asina ona kontratu ho kompania KWANG DONG FRP INDUSTRIAL CO, atu halo mantensaun ba roo komponente naval F-FDTL ninian ne’ebé iha tinan rua liu ba oferese husi Governu Korea do Sul ba Timor-Leste.

“Ami persija hala’o manuntensaun ba roo komponente naval nian, hodi nune’e bele fasilita ita nia kompenente Neval bainhira hala’o operasaun iha area tasi nian,” dehan Ministru Defeza, Cirilo Cristovão ba jornalista sira ninia serbisu fatin, Fatuhada, foin lalais. 

Cirilo haktuir, ohin asina kontratu entre Ministeriu Defeza ho Kompania ida husi Korea, atu nune’e bele hala’o rehabelitasaun no reparasaun ba roo komponente Neval nian.

Aliende ne’e, Ministru ne’e husu hotu-hotu atu pasiencia tan ba kompania mós sei hatama ekipamentus husi Korea do Sul, nune’e duni prosesu manutensaun ne’e sei presija mós tempu. 

“Ami foin maka primeiraves atu hala’o manutensaun ba roo ida ne’e no orsamentu ba manuntensaun mais ou menus hamutuk Dollar Amerikanu 600 ital mil,” tenik Cirilo

 

Iha fatin hanesan Ministru Defeza ne’e espera katak iha tinan ida ne’e reparasaun bele remata ona nune’e bele hala’o fali atividades hanesan bainbain.. (**)

Publika iha Seguransa Defesa

 

Se los maka sai  master  brain iha terenu?

 

 

Koalia kona-ba Insurreição Armada  Aileu iha 15 de Agosto de 1975, la ses husi loron importante balun komesa husi dia 7 to’o dia 18 de Agosto de 1975. Durante loron sanulu resin ida nia laran iha akontesementu barak. Ho akontesimentu hirak ne’e maka ita konklui hanesan istória nasional ida, to’o temi “loron Falintil”. 

Kona-ba se los maka sai otak pengatur to’o Saudouzu Presidente Nicolau Lobato bele halo intervensaun direkta no emidiata no sai sasin  lolos hodi hadau markas militar Portugues nian iha Aileu???

 

Faktus ne’e faktus. Istória ne’e istória. Gosta ka la gosta ida ne’e maka realidade. 

 

Tuir istória ne’ebé hau rona  katak ema ne'ebe sai xavi estratéjiku kona-ba armada Aileu monu ba CCF Fretilin maka kamarada Abel da Costa Freitas Ximenes (Larisina) agora aktual Vice-Ministro Educacao. Iha dia 09 de Agosto de 2015, kamarada Abel Larisina ho nia kamarada seluk maka hanesan kamarada Mauhunu, Faliciano Mausiri (Bobonaro), Oscar de Araujo, sira hamutuk na'in haat ho kamioneta ba Same hodi partisipa konsentrasaun bo'ot ho militante Fretilin -halo avaliasaun ba situasaun nasional. Iha momentu ne'e, sira na'in haat toba iha kamarada CEPEDA nia uma. Depois de konsentrasaun iha Same sira hetan amiasas husi UDT. Sira na'in haat (4), idak-idak separa ba malu ho objetivu ida deit. Balu fila liu husi Aileu, Balu ba kamarada Presidente Francisco Xavier iha Turiscai. Komu UDT buka atu kaer sira, entaun kamarada Abel Larisina maka sae motor ho soldado Furel ida naran Rosalino. Loron ne'e kedas sira na'in rua tama iha Markas bo'ot nia laran. Kamarada Abel subar iha laran no Furel Rosalino kontinua mai Dili. Momentu kamarada Abel iha markas Aileu nia laran maka nia halo kontaktu ho soldadu balun. Soldadu dahuluk nebe nia kontaktu maka Domingos Gaio. Liu husi Domingos Gaio maka kamarada Larisina konsege hetan pistola no kilat no hasoru malu mos ho direjentes Komite rejional Fretilin nian iha Ai-Sirimou. Depois de halo kontaktu hotu,Kamarada Larisina rasik halo bilete ida haruka mai Vice-Presidente Nicolau Lobato iha Dili. iha Bilete nia hakerek nune'e "“Camaradas, estou em Aileu, vindo de Same. Aileu esta somos noso controle e organisado. Esso informação e Orientação, Abel Larisina”, Ema nebe lori bilete naran "Agusto" aktual membru parlamentu nacional husi CNRT. Tuir istoria nebe iha, bele konfirma rasik ho nia nain katak durante nia lori bilete tun mai Dili, bilete ne'e nia tau iha ai nebe uja hodi tara aifarina. Entaun durante lao tun mai Dili, nia finji faan aifarina. Bainhira ema atu sosa aifarina, nia hasae aifarina nia folin, nebe laiha ema ida maka sosa aifarina no nia konsege lori bilete ne'e entrega duni ba Saudouzu Nicolau Lobato. Bazeia ba Bilete ne'e maka, Saudouzu Kamarada Nicolau Lobato ba Aileu ho kamarada sira seluk, no ho kamarada Abel Larisina konsege hadau Markas bo'ot Militar nian husi Malae Portugal no iha tempu ne’e duni markas militar monu ba kontrolu CCF Fretilin. Bazeia ba istoria ne'e hau bele konklui katak "yang menjadi otak pengatur to’o  Fretilin kontrola markas militar primeiru iha AIleu maka Senhor "Abel Larisina". Atu konfirma kona-ba ida ne'e, bele konfirma ho Senhor Abel Larisina, aktual Vice-Ministru Edukasaun, bele mos kontaktu senhor Agosto iha Parlamento Nacional.

 

Istoria kona-ba loron Falintil la ses husi loron Insurreição Armada  15 de Agosto de 1975. Istoria kona-ba loron Insurreição Armada, labele nega atu temi mos ema na’in hirak ne’ebé halao idak-idak papel durante loron 11 nia laran. Ema hirak ne’e sei moris no balu mate ona. Sira ne’e maka hanesan Saudouzu Nicolau Lobato, Abel da Costa Freitas Ximenes, Mauhunu, Feliciano Mausiri, Oscar de Araujo, Lucas da Costa, Rosalino, Sarjentu Brass, Domingos Gaio,  Adao, Januario Lobato, Simao, Januario, Agusto, Alarico Fernandes, Justino Mota, Marí Alkatiri,  senhor Larisina nia Noiva, Junior  Jose Lobato,  Fernando (Baucau),  Liandro, Raul Isak, Eujenio Pires, Albino, Tera Mau Bulak, Jose da Silva, Rogerio Lobatu. No talves iha mos sira seluk ne’ebé fo ona sira nia kontribuisaun-liu-liu apoiantes sira iha Same no iha Aileu. 

 

Iha loron Falintil ida ne’e, Ita Timor oan ne’ebé sei moris bele harohan ba Aman Maromak atu fo fatin ba Saudouzu sira ne’ebé dedika ona sira nia moris tomak hodi hetan libertasaun ba ita nia nasaun no ho liberdade fo honra gloria ba Aman Maromak. 

 

 

Obrigadu

 

Hakerek nai’n agora daudauk 

Iha Bali Indonesia. 

HP:+6281237115303

 

Email:This email address is being protected from spambots. You need JavaScript enabled to view it.

Publika iha Opiniaun

 

Tempo Timor : Komunidade Indonesia hamutuk ho Embaixador Indonesia iha Timor-Leste, Marcelius Primanto Hendrasmoro Segunda Feira, 17 Augostu 2015, iha Dili komemora loron restaurasaun indepedensia ba dala 70 Republika Indonezia ninian.

Serimonia isar bandeira ba komemorasaun loron 17 Agustus ne’e lidera husi Embaixador Indonesia ba Timor Leste, Marcelius Prymanto Hendrasmoro. Tema husi komemorasaun loron restaurasaun indepedensia ne’e maka “Dirgahayu Republik Indonesia Dengan Semangat Proklamasi  17 Agustus 1945, kita sukseskan Gerakan Nasional “Ayo Kerja’’ 70 tahun Indonesia Merdeka.”

Embaixador ne’e ,hateten ba Jornalista sira iha ninia serbisu fatin Farol, Dili katak,nasaun Indonesia agora restaura ninia indepedensia ba dala 70 ona  tamba ne’e Indonesia iha komitmentu atu  dezenvolve   relasaun  servisu  hamutuk ho nasaun seluk no ninia vijinu Timor Leste tanba ida ne’e importante tebes atu fó benefisiu  ba povu sira iha nasaun  rua,Indonesia ho TL.

“Importante liu maka oinsá ita bele hasae no haforsa liu tan apoiu relasaun entre nasaun rua, dala barak ita hala’o ona maibe sei hasoru difikuldade ne’ebe mak bo’ot,maibe nasaun rua indonesia ho Timor Leste kontinua fó fiar ba malu tamba ne’e ba futuru nasaun rua ne’e sei hala’o relasaun ne’ebe  mak diak liu tan”, dehan Primanto.

Nia mos haktuir katak buka esforsu atu bele hametin relasaun entre povu, iha relasaun forsa ne’ebe diak no bele kompriende hodi ajuda malu  entre nasaun rua ne’e.

Iha parte seluk komunidade Indonesia Alif Atmaja ne’ebe mak partisipa iha selebrasaun 17 Agustus ne’e  saleinta ba jornalista sira katak, ohin loron kontente tebes tuir komemorasaun loron restorasaun indepedensia RI dala  70 ne’e tamba lao ho diak to’o remata.

 

“Ho komemorsaun loron independesia ba dala 70 ne’e hau espera katak governu timor leste ho governu Indonesia iha realsaun ne’ebe diak liu hodi nune’e nasaun rua ne’e bele metin diak liu tamba nasaun rua ne’e nasaun vizinu.” dehan Alif.  (**)

Publika iha Nasional

 

 

By  Daniel  Pereira

(HP: +6281237115303, Email: This email address is being protected from spambots. You need JavaScript enabled to view it.)

 

 

Desde dia 12 de Agosto de 2015, estudante sira husi Timor-Leste hamutuk ema na'in 21  ne’ebé desde 2013 estuda kona-ba “jestaun” nian (programa kooperasaun entre UNUD ho Institute of Business), agora tuir dau-dauk ona Exame de Tese iha Universidade Publiku Udayana Bali Indonesia. Exame de tese ne’e hanesan etapa ikus husi parte krusial maka hanesan propoin titulu peskiza, hakerek proposal, halao  peskiza, seminar proposal, exame de viabilidade

 

Husi Grupu Estudante ne'ebe agora dau-dauk iha Univesidade Udayana Bali,  iha mos aktual Vice Presidente Parlamento Nacional Sr. Adriano do Nacimento no Komandante Polisia Unidade Martima Sr. Lino Saldanha. No Impresivu liu maka  iha mos estudante nebe nia idade liu ona tinan 60, maka Sr Luis alias “Lagu”  (eis Administrador Baucau).

 

Sente intersante atu fo sai ba lee na’in sira (liu-liu ba maluk sira ne’ebé idade katuas ka ferik no idade joven sira) katak bainhira iha hakarak atu aprende siensia,  sei laiha fronteira intermos de idade. Fraze iha leten hatudu ona katak  senhor Luis “Lagu” agora dau-dauk nia idade liu ona tinan 60, besik tama ona tinan 65. Bainhira dada lia ho nia kona-ba tansa sei hakarak estuda? Senhor Luis dehan “hau mos hakarak atu deskansa hanesan maluk sira seluk” maibé deskansa deit ne’e iha valor ka lae? Nia salienta tan katak valor ne’ebé  bo’ot  ba nasaun nurak hanesan Timor-Leste maka “edukasaun”. Hau maski katuas ona, hau hakarak hatudu ba joven sira katak diak liu aprende duké sente an matenek  depois hein ema seluk maka fo servisu ba ita. Bainhira ita matenek intermos de kuñesementu sientifiku, no matenek in termos de kuñesementu  aplikavel, ita sei iha kreatividade iha ita nia pensamentu. Bainhira ita iha ona kreatividade, ita nia motivasaun sei mosu rasik ou auto de motivação atu aplika konseitu ATM (Amati, Tiru  no  Modifikasi). 

 

Tebes duni le’e na’in sira, edukasaun sein fronteira  ou Learning by endless hanesan prinsipiu komum ida  ne’ebé ita nia maluk sira balu iha planeta ida ne’e komunga dau-dauk ona. Iha Timor-Leste, maluk balu komesa hatudu ona ezemplu diak ba ita nia sosiadade hanesan kazu senhor Luis “Lagu”.  Ba daudauk ne’e, le’e na’in hamutuk ho senhor “Lagu” tuir ona exame de tese. Ami ida-idak iha istoria rasik kona-ba oinsá defende ami nia tese iha penguji sira nia oin.  

 

Tuir mai ne'e, hakerek na’in iha rasik istoria badak  ne’ebé hakerek ho lingua Indonesia,  Istoria  ne’e ho formas narasaun simples kona-ba sentimentu ba loron exame de tese iha fakuldade Ekonomia, Departemento Magister Management Universidade publiku Udayana Bali:

 

INILAH KISAH DETIK-DETIK TERAKHIR TENTANG KELULUSAN MAGISTER MANAGEMENT DI UNIVERSITAS UDAYANA BALI  INDONESIA.

Setelah melalui usaha yang panjang, pada akhirnya harus maju ke meja hijau mengikuti sidang Ujian Tesis untuk menentukan layak atau tidak layak mendapatkan gelar S2 dengan mempertanggungjawabkan hasil penelitian tentang koperasi. Pada hari itu adalah hari Jumat tanggal 14 Bulan Agustus 2015, Ketika aku terbangun dari tempat tidur di Hotel Arta depan Sekolah SMP Santo Yosep Denpasar Bali-Indonesia, aku langsung menuju ke kamar mandi. Setelah mandi, tepat jam 8.00 aku mulai keluar dari tempat tinggal dan menuju ke Kampus Universitas Udayana Bali Indonesia. Setelah tiba di Kampus, aku langsung menuju ruang sidang pertanggungjawaban tesis aku yang berjudul Pengaruh Service Quality terhadap Satisfaction dan Customer Loyality. Setelah aku duduk di atas kursi yang tersedia, aku langsung mengambil USB dari dalam tasku dan menghubungkannya ke laptop yang sudah tersedia.Aku transfer file yang berisi tentang power point ke laptop tersebut dan setelah itu mencoba membaca sejenak sambil memikirkan tentang bagaimana membuat presentasi tesis aku, melalui power point kepada para pengujiku, yang terdiri para professor dan doctor yang berpengalaman di bidangnya. Setelah 20 menit aku berada di dalam ruangan, kini giliran dosen pembimbing utamaku bernama Ayu Giantari masuk ke dalam ruangan, dan aku menyalaminya dengan selamat pagi. Ibu Ayu langsung tanya padaku mengenai bagaimana dengan power pointnya. Aku tunjukan power pointku di layar yang letaknya tepat di atas kepalaku. Setelah pembimbingku mengecek, ternyata ada beberapa bagian yang belum saya transferkan ke power point. Aku segera kerja secepatnya sambil menunggu para penguji yang lain masuk ke dalam ruang penguji. Berjalan seiring jalannya waktu, semua pengujiku sudah lengkap, dan aku pun dipersilakan untuk melakukan presentasi. Waktu yang kuhitung selama melakukan presentasi adalah sekitar 15 menit. Setelah aku melakukan presentasi kini giliran para pengujiku yang terdiri dari Dr. I G AK Giantari, SE. MSi sebagai ketua dan selanjutnya adalah bapak Dr. I Putu Gde Sukaatmadja, SE MP, bapak Prof. Dr. Made Wardana, SE., MP, Ibu Dr. Ni Nyoman Kerti Yasa. SE., MS, dan ibu Prof. Dr. NW Sri Suprapti. SE., MSi.

 

Waah...Awal-awalnya aku merasakan kepananasan dicampur dengan kedinginan sambil menanti pertanyaan dari para penguji. Untungnya para penguji memandangku bukan hanya dengan wajah yang serius tapi antara senyum dan serius. Aku mulai mengikuti tahap pengujian dari para penguji dengan giliran satu demi satu. Giliran pertama adalah dari ibu Dr. Ni Nyoman Kerti Yasa, SE. MS. Beliau menyapaku dengan mengatakan "saudara Daniel, kami bukan hanya memberi masukan kepada anda tapi juga kami menguji anda.....selanjutnya mengajukan pertanyaan-pertanyaan dan aku pun menjawab yang aku bisa. Giliran demi giliran dari setiap penguji pada akhirnya selesai. Pengujian tesisku berjalan selama hampir dua jam namun tak dirasakan lamanya waktu seiring pusing kepala keliling.  Menurutku hal yang paling sulit adalah menyuruhku memaknai dan menjelaskan setiap angka dari hasil analisis per variabel dalam tesisku, aku mencoba menjelaskan yang aku tahu, namun pada akhirnya aku menyadari bahwa setiap pertanyaan yang aku terima dari setiap pengujiku adalah point-point emas yang membuatku harus mencari sendiri jawaban demi mempertahankan seberapa tingkat kualitas tesisku yang aku selesaikan selama hampir dua bulan lebih. Selanjutnya bagian terakhir yang aku lalui dalam meja sidangku ternyata belum berakhir. Aku disuruh keluar sebentar dari ruang sidang. Dalam hatiku aku bertanya "untuk apa aku dikeluarkan?" ingin tahu dan cari tahu...oh ternyata para pengujiku membahas tentang hasil ujianku yang mestinya akan dijatuhi kepadaku. Setelah pembahasan tentang hasil ujian yang sangat rahasia itu selesai, aku dipanggil lagi ke dalam ruang ujian. Aku masuk diperkenankan lagi duduk di kursi hitamku seperti semula. Setelah aku duduk, aku lihat semua penguji memandang kearahku, ada yang senyum dan ada yang tidak senyum. Setelah beberapa detik berlalu, dosen pembimbing utamaku yang adalah juga dosen penguji memulai menyapaku dengan mengatakan "saudara Daniel, setelah kami para penguji berdiskusi dan memutuskan bahwa saudara Daniel TELAH LULUS DENGAN HASIL YANG MEMUASKAN" dan anda berhak menyandang gelar Magister Management".

 

Setelah itu, aku sadar wajahku sedikit ada senyuman, namun dalam hatiku aku merasa bahwa gelar S2 yang aku dapat adalah sebuah tantangan baru bagi hidupku. Aku senyum karena itulah hasil perjuanganku. Gelar yang aku dapat dari Universitas Negeri dengan program MM yang berkualitas dan terakreditas A. Oleh karena itu, sebelum aku keluar dari ruang pengujian tesis, aku sempat mengatakan kepada pengujiku bahwa "apalah artinya sebuah gelar kalau dalam pengaplikasiannya tidak ada kontribusi yang bermanfaat bagi masyarakat, Bagimana menyediakan kontribusi yang bermanfaat sesuai kebutuhan masyarakat itulah tantangan baru dan aku harus terus belajar sampai akhir hayatku. Pada akhir dari seluruh proses di hari itu ditutupi dengan ungkapan dari bapak Prof. Dr. Made Wardana, SE., MP yang mengatakan "Learning by endless". Setelah itu aku jabatangan dengan setiap pengujiku dan keluar dari ruang ujian tesis. Meskipun telah selesai mempertahankan tesisku, tugas lanjutannya adalah mengecek dan menyempurnakan  kada demi kata, kalimat demi kalimat, frase demi frase dalam tesisku untuk penyempurnaannya lebih lanjut menjadi sebuah buku yang boleh dibaca oleh publik. 

 

Sahabat-sahabatku, demikian sekilas narasiku tentang proses peneltiian, penulisan proposal tesis, ujian kelayakan dan ujian tesis.

 

Semoga dengan narasiku ini, dapat mendorong adik-adik pelajar di Timor-Leste untuk belajar semakin giat. Berprinsiplah bahwa “study  today  leader  tomorrow”

 

Akhirnya atas nama teman-teman menyampaikan salam hormat kami untuk bapak menteri dan wakil menteri (pemerintahan ke-lima) di kementerian Perdagangan, Industri dan Lingkungan serta aktual bapak menteri dan wakil menteri (pemerintahan ke-6) di Kementerian Pedididikan Timor Leste. Dan tak lupa juga ucapan terima kasih yang tak terhingga kepada semua keluarga, guru, para dosen serta sahabat belajar dan rekan kerja kami, Semoga Tuhan membalas jasa kalian semua.

 

DI  mana Ada Kemauan, Pasti Ada Jalan. "Ora Et Labora",

 

Daniel  Pereira

Hakerek na’in

 

Agora dau-dauk iha Universidade Udayana Bali Indonesia. 

Publika iha Opiniaun
Joomla SEF URLs by Artio

Copyright © 2015 Agora Tempo Intermedia Ltd. All Rights Reserved.
Online since February 01, 2013
Creative Commons License
This work by Tempo Semanal is licensed under a Creative Commons Attribution-NonCommercial-ShareAlike 4.0 International License.

Top Desktop version