Tempo Timor Online

Tempo Semanal – Baukau, 20/03/2014

 

Prezensa Konselho Revolusaun Maubere iha Lalulai ho operasaun Polisia Nasional Timor Leste hasoru grupu ne’ebe tuir Parlamentu Nasional liu husi ninia rezolusaun numeru 05/III/2014 define hala’o atividades ilegais hasoru estadu no governu ne’e hamosu hela trauma ba komunidade.

 

Parte komunidade ne’ebe la aseita mmos ho hahalok balun husi Konselho Revolusaun Maubere iha sira nia fatin ne’e mos la aseita ho lala’ok atuasaun husi PNTL ninian ne’ebe uza forsa ho kilat tiru tarutu I sunu uma.

Publika iha Nasional

Tempo Semanal – Dili, 19/03/2014

 

Mari alkatiri hateten katak daudaun ne’e Mauk moruk sei iha direitu atu defende ninian aan no la lider opozisaun ne’e mos la aseita ho teoria konspirasaun ne’ebe tula ba presidenti Konselho Revolusaun ninia kapas.

 

Mari dehan lia fuan sira ne’e inklui mos husu Mauk Moruk atu respeitu nafatin ba Estadu de Direitu no Demokratiku tan ba nia mos uluk funu ba harii estadu Timor Leste, hafoin de nia enkontru ho Presidenti Taur Matan Ruak iha Aitarak laran (19/03) dader tuku 10:30.

 

Mari Alkatiri hateten katak, “kuandu asuntu ida tama ona justisa di’ak liu lideres politikus sira lalika halo komentariu. Ne’e kompetensia justicia nian. Justica I Tribunais ne’e independenti.”

 

Maske nune’e lideransa jerasaun 75 ninian ne’e mos uza situasaun refere hodi apela ba publiku kona ba sentidu do estadu ninian.

 

“Ha’u hakarak de’it hateten katak sidadaun hotu-hotu iha Timor Leste atu hasai husi esperiensia sira ne’e lisaun ida ke di’ak ba ita hotu. Signifika ke ita kuandu iha ideas foun ita buka dialogu para atu ita kompriende malu,” Mari Alkatiri dehan.

 

Sekretariu Jeral partidu Fretilin ne’e mos husu, “Labele fali mai atu ameasa malu ka hatauk malu ka, ne’e labele. Tan ba ne’e estadu ona, Timor Leste ne’e estadu ona. Estadu iha ninia direitus I nia mos iha ninia obrigasoeins. 

Primeiru Estadu tenke defende nia aan. Soke depois ita hare bainhira hanesan Mauk Moruk uluk mos luta I ninia maun L7 luta to’o fin, 24 anos, ita hotu hanoin bu’at sira ne’e Soke hanesan estadu, ita hotu luta para hari’i estadu.”

 

“Agora ita hari’i estadu entaun ita be luta nain sira ne’e hare estadu hari’i ona ita mak tenke uluk fo izemplu atu respeita estadu.”

 

“Estadu ne’e la’os Xanana, estadu ne’e la’os Taur Matan Ruak no estadu ne’e la’os Mari mas estadu ne’e instituisaun ita hotu ninian.” 

 

“Uluk kuandu ita luta ema mate barbarak ne’e tan ba atu hari’i estadu independent ida. Entaun se ita hari’i ona estadu independent ho ita nia konstituisaun rasik, ita nia parlamentu povu maka hili, ita nia governu mos mai husi Parlamentu, ita nia Presidenti Republika Povu maka hili I ita iha justica ida maka independent. Se ita la respeita ida ne’e entaun uluk ita luta ne’e halo sa’ida.”

 

“Agora se Mauk Moruk hanesan sidadaun, nia iha direitu atu defende nia aan. Enkuantu nia seidauk kondenado ba ha’u dehan ona prezunsaun de inosencia. Seidauk kondenadu, sei konsidera nia hanesan sidadaun livre. Livre kerdizer ke ho direitus tomak I para atu defende nia aan.”

 

Tuir ema balun dehan Mauk Moruk iha ema ruma husi liur maka iha ninia kotuk maibe Mari Alkatiri dehan ninia parte la gosta atu ko’alia kona ba teoria konspirasaun. 

 

“Teoria konspirasaun ne’e ha’u la gosta ko’alia bu’at sira ne’e. hotu-hotu konspirasaun, hotu-hotu konspirasaun ha’u la gosta. Ha’u hanoin ita tenke hare ba ita nia rai laran uluk saida maka it abele halo para ke evita bu’at sira ne’e akontese fila fali. 2006 mos akontese ona I ha’u nia komportamentus 2006 t0’0 agora ema hotu-hotu hatene. Ne’e lisaun bo’ot ke ita hotu aprende ke 2006 labele repete fila fali iha rai ida ne’e,” eis Primeiru Ministru Alkatiri ne’ebe mohu husi ninia kadeira depois de programa televizaun Four corners ninian.

 
Publika iha Politika

Tempo Semanal - Dili

 

Presidenti Konselho Revolusaun Maubere Mauk Moruk loron ida antes de hetan cerku husi PNTL (12/03) halo konferensia de imprensa ida iha Fatuhada (Bele haree iha Video sira iha okos ne’e) hodi esplika sira nia pozisaun kona ba operasaun PNTL ninian iha Lalulai – Laga (10/03).

Publika iha Nasional

Tempo Semanal – Dili, 15/03/2014

 

Tribunal Distrital Dili liu husi juiz Jose Maria, iha loron kraik Sabado (15/03) deside Mauk Moruk ho Labarik Maia tama prizaun preventivas iha komarka Bekora no iha momentu ne’ebe hanesan Juiz mos deside aplika aprezentasaun Periodika ba ema nain lima seluk inklui L7, Antonio Ai Tahan matak, Gil Ferdes, Teki Liras ho tan ida seluk no Juiz refere deside mos ba suspeitu nain sia seluk medidas Termus de Identidade Residensia (TIR).

Publika iha Justisa

Dili, Tempo Semanál – Loron hirak ba kotuk, Mauk Moruk ho ninia simpatizantes sira ne’ebé hamaha-an iha grupu Konsellu Revolusaun Maubere, bele sente anin fresku tanba orgaun du estadu nian sira sei fó liverdade ba Mauk Moruk hodi lansa ninia ibun moruk. 

 

Maibé hahú loron 3 fulan Marsu, Mauk Moruk ho ninia simpatizantes tomak sente fali ona anin moruk tanba Parlamentu Nasionál hasai ona rejolusaun ida hodi hapara urjentemente atividades ilegais husi Konsellu Revolusaun Maubere iha teritoriu tomak. No rejolusaun ne’e hahú implementa husi Polisia Nasional Timor-Leste iha loron 5 fulan Maru 2014. 

Publika iha Nasional

Tempo Semanal – Baukau, 10/03/2014

 

Iha dadersan mais ou menus tuku 06:34 OTL PNTL sira hahu tama iha Lalulai, Laga hodi halo operasaun ba iha fatin ne’ebe deskonfia membru Konselho Revolusaun Maubere (KRM)  konsentra ba. 

 

Tuir Komandante Operasaun PNTL Baukau ho komandante PNTL hateten ba jornalista katak membru KRM uza kilat automatiku hodi tiru hasoru membru PNTL ne’ebe hala’o operasaun iha Lalulai iha dia 10/03/2013.

Publika iha Seguransa Defesa

Tempo Semanal – Dili, 08/03/2014

 

Hahu loron Kuarta Semana kotuk PNTL hahu ezekuta rezolusaun ne’ebe aprova husi Parlamentu Nasional iha loron 03/03/2014 hodi ba taka sede CPD-RDTL iha Dili laran hahu husi sede sentral iha Balide no daudaun ne’e taka ona sede CPD-RDTL lubun ruma iha nivel distritu mos maibe iha distritu balun sei uza hela metode aproximasaun.

 

“Implementa rezolusaun ne’e, husi pertente rua. Pertente ida, pertente politika ne’e katak esklarese, fo hanoin ba malu. Polisia lori rezolusaun, iha lian tetun para atu ba hamutuk ho administradores distritus, sub-deistritus, xefes suku, xefes aldeia hodi fo hatene ba sira (CPD-RDTL ho KRM), fo mos kopias ba sira hare katak problemas la’os ita buka malu mas problemas ne’e hanesan atentadu ida ba estadu de direitu demokratiku tuir sa ida maka sira foo,” Primeiru Ministru Xanana esplika implementasaun rezolusaun numeru 05/III/2014 hafoin hasoru malu ho Presidenti da Republika iha Kinta Feira semana kotuk. 

Publika iha Nasional

 

Tempo Semanal – Dili, 06/03/2014

 

Mauk Moruk ezije atu Governu ho Parlamentu nasional dada hikas resolusaun numeru 05/2014. Mauk Moruk hato’o ninia ezijensia ne’e ba Prokurador Jeral Republika (PGR), Jose Ximenes wainhira hasoru malu iha fatin servisu Prokuradoria Jeral Republika ninian, Kolmera Dili, Kinta (06/03/2014).

Publika iha Nasional

PM Xanana Husu KRM Hasai Farda Hakiak Fahi

Tempo Semanal – Dili, 21/02/2014

Primeiru Ministru apela ba Mauk Moruk ho ninia membru Konselho Revolusaun Maubere ne’ebe sei hatais farda militar nafatin atu hasai tiha Farda hodi ba halo natar no hakiak animal atu hadia familias ninia ekonomia.

Publika iha Seguransa Defesa
Page 2 of 2
Joomla SEF URLs by Artio

Copyright © 2015 Agora Tempo Intermedia Ltd. All Rights Reserved.
Online since February 01, 2013
Creative Commons License
This work by Tempo Semanal is licensed under a Creative Commons Attribution-NonCommercial-ShareAlike 4.0 International License.

Top Desktop version