Tenente, Leandra Gonzaga hateten, iha kada rekrutamentu sira ne'ebé hahú husi tinan 2002 to'o ohin loron, iha instituisaun defeza, feto sira prienxe pursentu 11 (11%) mak partisipa ona iha vida militár, mezmu ho ninia persentajen ne’ebé ki'ik.
"Situasaun atuál feto iha F-FDTL, ami hakarak hateten de'it katak, efetivu feto hamutuk 232 ho totál 11% mak hola parte ona iha instituisaun ne’e", Tenente Leandra Gonzaga hateten iha nia knaar fatin, Fatuhada, Sesta (18/12).
Nia hatutan, husi 11% ne'e, ofisiais hamutuk nain-ualu (8) ho pursentu 0.4%, mak ho postu alferis no tenente, ne'ebé kompostu husi sarjentu hamutuk na'in hitu-nulu resin tolu (73), ho total 3.3% mak mai husi primeiru no segundu sarjentu, prasas hamutuk ema na’in 151 ho totál 7% husi postu kabu no soldadu.
Husi númeru hirak ne'e, nia dehan, feto barak mós partisipa ona iha unidade sira hanesan kuartél jenerál, komponente terrestre, Componente Apoiu Servisu (CAS), Naval, Formasaun no terrenu, Unidade Polísia Militár no Unidada Falintil.
"Hirak ne'ebé servisu iha kuartel jenerál husi postu ofisiais ho tenente nian, agora daudaun, hamutuk ema-na’in 4, komponente terrestre laiha, CAS iha ofisiais tenente ida, Navál iha ofisiais ho segundu tenente ida. Nune'e totál husi postu tenente hamutuk ema na'in-neen", nia esplika.
Husi Kuartel Jenerál, nia salienta, postu alferes na'in ida, komponente terrestre laiha, CAS iha ema na'in ida, navál, CEFTEC, PM postu ofisial laiha, nune'e ofisiais hamutuk ema na'in-ualu.
Tanente ne’e mós dehan, iha kuartel jenerál mós, iha sarjentu ho prasas ne'ebé hamutuk ema nain 43, komponente terrestre na'in 24, CAS hamutuk na'in 74, husi Naval iha 59, Formasaun terrenu iha nain 25, PM iha feto nain-haat, unidade Falintil iha feto rua, totál ema na’in 232.
"Servisu sira ne'ebé feto sira xefia mak iha protokolu, responsável ba igualidade jéneru ligadu ho polítika ba rezolusaun ONU 1325 nian, feto mós iha área espesialiddae sira hanesan médiku jerál ho seluk tan", nia hakotu.(*)