Saida maka virus corona?

1. Adolexente ka foin sa’e sira bele hetan COVID-19?

Sin. Grupu idade hotu bele hetan COVID-19. Bainhira ami sei estuda oinsa COVID-19 afeta ema, ema idade avansadu (ezemplu, ema ho idade liu hosi tinan 60) no ema ne’ebé ho nanis moras sira seluk, hanesan tensaun, moras fuan, moras pulmaun, kankru ka ra’an midar (diabetes), dala barak dezenvolve moras grave liu sira seluk. Tanba ida ne’e virus foun ida, no mós sei estuda oinsá nia afeta labarik no adolexente ka foin sa’e sira. Evidénsia to’o agora sujere katak labarik no adolexente ka foin sa’e sira laduun hetan moras todan, maibe kazu grave ka todan no mate mós sei bele akontese iha grupu idade sira ne’e.

2. Adolexente ka foin sa’e bele da’et COVID-19 ba ema seluk karik sira ho sintomas ne’ebé kmaan ka laiha sintomas?

Sin. Ema ne’ebé infetadu iha grupu idade hot-hotu- inklui adolexente ka foin sa’e sira bele hada’et virus ne’e ba ema seluk, maske sira iha sintomas kmaan ka sira la sente moras. Virus ne’e hada’et hosi ema ida ba ema seluk liuhosi turuk-oan ne’ebé sai hosi inus ka ibun hosi ema infetadu ho COVID-19 bainhira sira me’ar, fani ka ko’alia. Turuk-oan sira ne’e bele monu hela iha objetu/sasan ruma no superfísiu sira. Ema bele infetadu liuhosi kaer sasan ka superfísiu hirak ne’e, hafoin kaer fali sira-nia matan, inus no ibun.

3. Hare’e ba kazu grave hosi COVID-19 iha adolexente ka foin sa’e sira menus liu, bainhira ha’u dezenvolve sintomas hosi moras refere, ha’u tenki ba fasilidade saúde?

Karik ita iha sintomas kmaan de’it hanesan me’ar ituan ka isin manas uitoan, jeralmente la presiza atu hetan asisténsia médiku. Hela iha uma, izola an no monitoriza ita-nia sintomas. Halo tuir regra nasionál kona-ba izola an rasik.

Evita kontaktu ho ema seluk no vizita ba fasilidade saúde sei ajuda fasilidade sira atu halo servisu ho efetivu liu no ajuda proteje ita no ema seluk hosi posibilidade atu hetan COVID-19 no virus sira seluk.

Buka asisténsia médiku karik ita-nia kondisaun aumenta a’at, ka karik la iha ema ida hosi ita-nia família ne’ebé bele tau matan ba ita iha uma. Importante mak ita halo tuir prosedimentu hotu ne’ebé aplika ona iha nia nasaun. Husu membru família ida ka adultu ida ne’ebé ita iha konfiansa kona-ba oinsá ita bele hatene prosedimentu sira iha fatin ita hela ba.

4. Saida mak ha’u sei halo bainhira ema ida iha ha’u-nia família moras maka’as ho COVID-19?

Buka asisténsia médiku, karik iha membru família ruma moras todan. Karik posivel, ita ka ema bo’ot ruma iha uma halo kontaktu ba númeru emerjénsia COVID-19 nian lokál ka nasionál hodi hetan instrusaun kona-ba oinsá ita bele hetan tratamentu. Karik ita-nia membru família ne’e konfirmadu hetan COVID-19, ita no ita-nia kontaktu besik sira seluk ne’ebé identifikadu tenki preparadu atu hetan monitorizasaun ba sintomas, no kontinua ba halo auto-kuarentena durante loron 14, maske ita sente saudavel ka la moras.

5. Ha’u hemu hela ai-moruk ba moras kroniku. Ha’u tenki muda buat ruma?

Importante tebes atu kontinua ho ai-moruk saida deit mak ita hemu ba moras kroniku ka kondisaun sira seluk, hanesan azma, diabetes, infesaun HIV no TB, no ba halo kontrola tuir rekomendasaun. Konsulta ho ita-nia autoridade saúde nian karik oráriu kontrola bele halo diferente durante surtu COVID-19. Atendimentu sira seluk, hanesan akonsellamentu, disponivel dalaruma deit. Ba tratamentu klinikal ba adolexente ka foin sa’e sira ho infesaun HIV no TB ka ho moras kroniku sira seluk, ita-nia pesoál saúde tenke konsidera halo reseita ba fulan barak no distribui kedan atu nune’e bele hamenus sira-nia frekuensia vizita ba iha klínika no asegura kontinuasaun tratamentu, karik laiha movimentu ruma durante pandemia. Kumpri tratamentu importante tebes durante periodu ida ne’e.

6. Ha’u nia oráriu atu hetan vasina ba HPV, meningitis ka tetanus liu ona, maibe servisu imunizasaun nian la lao. Ha’u presiza prekupa?

OMS rekomenda katak vasina hotu iha eskola no kampaña masal tenki muda durante pandemia COVID-19. Maibé, vasina ne’ebé fornese ba adolexente ka foin sa’e sira hotu iha oráriu ne’ebé flexivel atu asegura katak ita bele hetan vasina iha momentu ne’ebé programa vasina nian hahú fali. Ezemplu, vasina ba HPV ne’ebé presiza doze rua bele komesa kualkér tempu entre tinan 9 no tinan 14 no intervalu entre doze rua bele kleur ituan. Intervalu mínimu entre doze mak fulan 6, maibe bele to’o fulan 12 ka fulan 15 no, karik nesesáriu, bele kleur liu. Importante liu mak ita hetan doze segundu iha tempu ruma atu nunee bele proteje ita. 

Desizaun atu kontinua programa vasina rutina tuir nasaun ida-idak. Husu membru família ka ema adultu ne’ebé ita fiar kona-ba oinsá atu hetan informasaun kona-ba programa vasina iha fatin ne’ebé ita hela. Importante tebes ita hetan vasina ne’ebé ita tenke hetan, maske tenke demora durante pandemia COVID-19 nian.

7. Hu sente baruk los hela iha uma. Tamba ha’u laduun hetan moras todan liu maske ha’u hetan ona COVID-19, tambasa mak importante mai ha’u atu halo tuir regras atu prevene da’et hanesan mantein distánsia fíziku hosi ema seluk?

Hela iha uma ne’e dalaruma difisil no sei sente baruk. Maibé ida ne’e bele ajuda ho halo saida mak bele anima ita. Ida ne’e bele liuhosi le’e livru, halimar no rona muzika. Koko atu mantein kontaktu ka komunika ho kolega no família sira lor-loron, hosi komunika sira liuhosi telemovel ka internet karik ita bele, ka, karik ita hela besik ho sira no regra lokál sira fó dalan ba ita, liuhosi koalia ba ema ida no mantein nafatin distánsia.

Iha tempu hanesan, importante tebes ba ita atu hamenus ita-nia oportunidade atu hetan infesaun ka da’et COVID-19 liuhosi fase ita-nia liman ho sabaun no be’e ka uza dezinfetante beibeik karik posivel, mantein pelumenus metru 1 (pasu 3) hosi ema seluk, no evita fatin ne’ebé iha ema barak. Dalaruma ita bele mak adolexente ka foin sa’e ida ne’ebé bele hetan moras todan bainhira hetan CVID-19, ka ita bele hada’et moras ida ne’e, ba ema seluk no responsabiliza ba sira bainhira sira hetan moras todan ka mate. Ita iha poder atu halo desizaun ne’ebé sei salva vida no hamutuk ho adolexente ka foin sa’e sira seluk hodi hasoru COVID-19.

8. Ha’u sente tauk tebes kona-ba COVID-19 no ida ne’e impaktu ba ha’u-nia moris. Saida mak ha’u tenki halo?

Iha situasaun hanesan pandemia ne’e, normál tebes atu sente tauk no laiha poder, no ida ne’e la iha buat ida. Tuirmai sujestaun balun kona-ba buat ne’ebé bele ajuda ita atu jere ita-nia tauk/ansiedade ho proativu:

Hanoin kona-ba ita-nia sentimentu. Labele ignora ita-nia sentimentu, espesialmente karik ita laduun sente diak. Bainhira ita sente interompe iha ita-nia moris, normál ba ita atu iha sentimentu diferente: tauk, frustradu, triste, estress, hirus, ansiedade - ida ne’e bele akontese ba ema hotu. Tau hamutuk abilidade no estratéjia ita uza iha pasadu ne’ebé ajuda ona ita atu jere difikuldade iha moris, no abilidade atu ajuda jere ita-nia emosaun. Tuir iha ezemplu balun:

• Rai diáriu ida
• Espresa ita-nia sentimentu liuhosi arte, hanesan hakerek poezia, dezeña, dansa ka toka muzika.
• Koalia kona-ba ita-nia sentimentu ba ema ne’ebé ita iha konfiansa
• Koko halo ezersísiu dada iis. Ita bele hetan nia guia kona-ba ezersísiu dada iis online karik ita iha asesu ba internet.

Halo buat ruma ne’ebé ativu lor-loron. Kualkér ezersísiu bele ajuda, bele hamenus hormonal estress nian iha isin, ne’ebé sei ajuda ita-nia isin no kakutak sente kmaan. Ezersísiu mós prodús “hormone sente diak” nian ne’ebé ho naran endorphins ne’ebé bele ajuda atu promove ita-nia mood. Koko lao uitoan, halai, ka halo kualkér atividade fíziku nian iha liur maibé tenki mantein nafatin distánsia hosi ema seluk. Ba sira ne’ebé labele husik hela uma, ita bele loke janela atu hetan anin fresku no halo mos ezersísiu balun iha uma.

Labele fuma sigaru, han, hemu tua/alkol ka uza droga hodi jere ita-nia emosaun.

Mantein kontaktu ho kolega no família sira liuhosi komunika tuir telemovel ka internet karik ita bele. Karik ita hela besik sira no regulamentu lokál autoriza ita, ita bele hasoru sira maibé tenki nafatin mantein distánsia.

Mantein ita-nia atividade rutina nian nafatin karik posivel. Koko ba toba no hadeer iha oras ne’ebé hanesan lor-loron, tenki asegura katak ita toba ho adekuadu. Halo planu antes no koko atu iha balansu atividades hanesan nafatin halo servisu eskola nian, ezersísiu fiziku, ko’alia ho família no kolega sira, halo buat ne’ebé ita gosta, no han hahan regulár. 

Koalia ho pesoál saúde sira bainhira ita ka ema ruma interese kona-ba:

• Sente la aguenta ho emosaun hanesan triste, terór ka tauk
• Sente hanesan estresse empata ita-nia atividade rutina ka 
• Sente hanesan atu estraga ita-nia an no ema seluk.

Iha tempu hanesan ne’e, dalaruma ita prefere koalia ba konselleru ida duké ba pesoál saúde ida, karik iha bandu ba halo movimentu no fasilidade saúde sira mós dalaruma okupadu trata sira ne’ebé ho COVID-19.

9. Bainhira los mak pandemia ida ne’e hotu atu nune’e ha’u bele fila fali ba eskola hodi hasoru ha’u nia kolega sira?

Ita lahatene bainhira mak pandemia ida ne’e sei hotu, maibe ita hatene ida ne’e depende ba ema ida-idak ninia kontribuisaun hodi ajuda hapara da’et. Sakrifisiu hotu ne’ebé ita halo ona liuhosi la haree ita nia kolega sira no liuhosi la ba eskola no atividade sira seluk mak sai hanesan ita-nia kontribusaun atu kontra pandemia ida ne’e. Liuhosi empede ita-nia sosiedade no ekonomia, ita hamenus ona abilidade hosi virus ne’e atu da’et ba komunidade sira. Medida defensivu sira ne’e ajuda ona atu limita impaktu balun hosi virus ne’e iha tempu badak no fó mós tempu mai ita atu transfere saida mak ita aprende ona kona-ba virus ne’e no nia solusaun atu nune’e ita bele familiariza liután ho ita-nia maneira moris. Importante tebes atu ita kontinua prátika medida hirak ne’e no enkoraja ita-nia kolega sira atu halo hanesan.

10. Eskola sira balun loke fali ona iha área balun iha ha’u nia nasaun. Ida ne’e seguru atu fila fali ba eskola ka lae?

Desizaun ida atu loke fila fali eskola sira iha nasaun ida-idak no área sira halo liuhosi avaliasaun ba situasaun ne’ebé klean tebes, ho akordu hosi parte relevante hotu ne’ebé envolve, inklui polítika na’in ba saúde no edukasaun sira, profesores no funsionáriu eskola, inan-aman sira no pesoál saúde no komunidade sira. Alende ne’e, loke fila fali eskola sira sei planu no prepara ho didiak, ho medida nesesáriu hotu ne’ebé presiza aplika atu proteje ema hotu iha komunidade eskola nian.

Tamba ne’e, karik ita-nia eskola loke fila fali, ita tenki sente garante katak seguru ba ita atu fila fali ba eskola karik ita kumpri tebes regras ne’ebé aplika iha ita-nia eskola.

Nunee, karik ita sei sente tauk atu fila fali ba eskola, labele tauk atu koalia ba ita-nia profesores no inan-aman sira. 

11. Ha’u hatene iha risku atu hetan COVID-19 agora dadaun, maibe ha’u sente diak hela. Ha’u bele nafatin halimar desportu?

Sin. Ita sei bele halimar atividade desportu balun ne’ebé mak aplika ho medida distánsia fíziku no bandu ba movimentu ne’ebé aplika iha ita-nia nasaun. Fizikamente ativu ne’e diak ba ita-nia saude, ba ita-nia fíziku no mós mentál. Koko prátika atividade regulár ka desportu ne’ebé la presiza halo kontaktu besik ho ema seluk, lor-loron oras ida. Ita bele halo desportu indivíduu hanesan hala’i, la’o, dansa no yoga. Iha opsaun barak atu koko. Ita bele halo rasik fatin halimar nian iha uma laran, hanesan fatin haksoit no hop-scocth, halimar ho ita-nia maun no alin sira, prátika atividades todan balun hanesan hi’it masa ne’ebé nakonu ho be’e ka rai henek. Karik iha asesu ba internet, ita mos bele envolve iha jogu online ka klase fitness nian, ka ita mós bele kria rasik ita-nia ezersísiu fíziku online ho ita-nia kolega sira. Buka atividade ne’ebé bele anima ita, ne’ebé bele halo iha momentu sira restritu hanesan implementa iha ita-nia nasaun, no ida ne’ebé bele halo ita sente diak.

12. Ha’u kuaze lakon ha’u nia estudu no materias tamba pandemia COVID-19. Saida mak ha’u tenki halo?

Ita-nia eskola ka fatin ne’ebé ita estuda sei aranja tempu ba ita atu kobre fila fali ka sei halo fali ezame iha tempu seluk. Halo tuir prosedimentu hotu ne’ebé ita-nia eskola tau ona atu hamenus impaktu hosi taka eskola, no atu fasilita kontinuasaun hosi ita-nia estudu. Karik iha asesu ba internet, ita bele mós konsulta ho ita-nia profesores eskola no ema bo’ot sira seluk ne’ebé ita fiar atu bele ajuda ita hodi identifika rekursu/materias ka oportunidade online, inklui sira solusaun aprende ho distánsia ne’ebé rekomenda hosi UNESCO ne’ebé, Agensia Nasoens Unidas nian ne’ebé ajuda nasaun sira atu hasa’e sira-nia sistema edukasaun. UNESCO mos halo rekolla ba istória hosi estudantes, profesores eskola no inan-aman sira kona-ba oinsá sira bele adapta atu kontinua estuda durante eskola taka. Asesu ba istória sira ne’e, dalaruma bele inspira ita. Ita mós bele kontaktu UNESCO no fahe mós ita-nia istoria! 

Iha fatin sira ne’ebé iha problema ho internet, governu barak mak komesa ona halo transmisaun kona ba edukasaun nian liuhosi kanál Televizaun no rádiu durante eskola taka. Karik ita hela iha fatin sira hanesan ne’e, bele hare’e ba programa edukasaun iha ita-nia televisaun no rádiu lokál sira.

13. COVID-19 iha notisia hotu, no ha’u sente difisil tebes atu hatene ida ne’ebé mak loos no ida ne’ebé mak falsu. Saida mak tenki halo?

Kanál informasaun ne’ebé besik ita, dalaruma kontradiz, bele halo ema balun sente lakon no triste. Asegura katak ita uza fontes ne’ebé kredivel hanesan iha pájina UNICEF no World Health Organization’s atu hetan informasaun, ka bainhira atu kompara informasaun balun ne’ebé ita hetan hosi kanál balun ne’ebé laduun kredivel.

Karik ita iha telemovel, ita bele uza WHO Health Alert iha WhatsApp atu hetan informasaun atuál kona-ba pandemia. Globalmente, ida ne’e programa foun ida, ne’ebé gratuita atu utiliza, dezeña atu fó informasaun lalais, kredivel no ofisiál iha durante oras 24 loron ida. Bele komesa ho hili WHO Health Alert, hafoin hakerek letra “Hi” iha mensajem Whatsapp nian atu hahu’u. Tenki tau iha hanoin katak ita akumula informasaun barak liu kona ba COVID-19 bele halo ita estresse, tan ne’e buka deit informasaun ne’ebé update no regra espesífiku durante loron ida no evita rona ka tuir rumores sira ne’ebé bele halo ita sente la konfortavel.

14. Durante lockdown, ha’u gasta tempu barak liu ba halimar jogu online, sosializasaun no estuda. Ha’u presiza prekupa ho ida ne’e ka lae?

COVID-19 ne’e halo ema barak nia moris ka sira-nia servisu tuir maneira online, no ita mós bele gasta oras barak liu online kompara ho uluk. Maske solusaun ba online fó oportunidade barak ba ita atu kontinua ita-nia estudu, sosializasaun no halimar, ita mós tenki koko hamenus oras ne’ebé ita gasta ba hare’e layar/screen ne’ebé la iha relasaun ho ita nia estudu ka atividade fizika. Ida ne’e tamba, ita presiza ativu fizikamente atu mantein saude no attitude pozitivu. Iha mos ema balun ne’ebé sensitive lo’os wainhira loke lampu no dalaruma sente ulun moras, laran sae no oin halai wainhira sira gasta tempu barak liu iha layar/screen oin. Tamba ne’e importante atu troka atividades balun ne’ebé la uza layar/screen hanesan, rona muzika, le’e, halimar jogu ruma, no atividade fíziku balun hanesan lao halimar. Halimar game barak liu bele rezulta “gaming disorder” ne’ebé bele kauza oras bainhira toba ka toba la tuir oras, la iha vontade ha’an, nervus lalais, ulun moras, no problema ho atensaun. Karik ita esperiénsia sintomas sira ne’e, buka ajuda hosi ita nia inan-aman ka ema bo’ot ruma ne’ebé ita fiar.

Sorumutu ka eventu ne’e presiza ema barak oinsá hodi konsidera nu’udar “halibur ema lubun boot”?

Eventu desportivu internasionál hanesan Olimpíku ka Kopa Mundiál no mós eventu relijiozu internasionál hanesan partisipa iha peregrinasaun musulmanu ne’e konsidera nu’udar halibur ema lubun boot. Maibé, konferénsia no eventu sira-ne’ebé ki’ik bele mós konsidera tuir definisaun OMS nian halibur ema-lubun boot. Eventu ida konsidera nu’udar “halibur ema-lubun boot” bainhira númeru ema hamutuk barak liu ne’ebé iha potensiál atu aumenta presaun iha rekursu ba planu no responde hosi sistema saúde nian iha komunidade ne’ebé iha fatin refere. Ita presiza konsidera fatin no durasaun eventu nian no mós númeru partisipante sira, pur ezemplu: Se eventu ne’e hala’o loron balu iha nasaun illa ki’ik ida ne’ebé nia kapasidade sistema saúde limitadu no eventu ho partisipante kuaze rihun bele fó presaun boot ba sistema saúde, no bele konsidera nu’udar eventu “halibur ema-lubun boot”. Pelu kontráriu se eventu ne’e hala’o iha sidade boot nasaun ida-ne’ebé boot no rekursu ba sistema saúde adekuadu no durasaun oras balu de’it, nunee eventu ne’e la konsidera nu’udar eventu “halibur ema-lubun boot”.

Seráke OMS rekomenda katak halibur ema-lubun boot internasionál nian hotu kansela tiha tanba COVID-19?

Lae. Tanba halibur ema-lubun boot internasionál nian la hanesan, fatór sira ne’ebé konsidera bainhira determina se eventu bele kansela bele mós adia. Kualkér desizaun atu muda planu ba halibur hamutuk internasionál nian tenke bazeia ba avaliaaun risku no oinsá bele jere, no nivel planu eventu nian. Avaliasaun tenki envolve parseiru sira hotu iha eventu ne’e, no liuliu, autoridade saúde iha nasaun refere ka ho komunidade ne’ebé eventu hala’o ba. Autoridade no parseiru sira mak iha pozisaun di’ak liu atu avalia nivel estres nian ba eventu ne’ebé bele tau iha sistema saúde lokál no servisu emerjénsia – no karik nivel estres ne’e bele simu iha situasaun atuál ne’e.

3. Fatór saida de’it mak organizadór no autoridade saúde sira tenki haree bainhira avalia se risku sira-ne’e bele simu ka lae?

Ba nasaun sira-ne’ebé atualmente seidauk iha esperiénsia oinsá COVID-19 da’et ba komunidade, konsiderasaun prioridade karik planu eventu halibur ema-lubun boot maioria aumenta risku virus sira tama ba nasaun ne’e no sai estabelesidu, no mós risku ba partisipante sira atu importa infesaun fila fali ba sira-nia nasaun no aumenta liután hodi hada’et globalmente. Bainhira halo avaliasaun ne’e, organizadór no sira-nia autoridade saúde nasionál ka lokál tenki rekoñese katak risku hosi importa COVID-19 ne’e naturalmente ligadu ho viajen internasionál. Sira mós tenki rekoñese katak la’ós realístiku ka dezejavel finalidade ba risku zero. Bainhira organizadór no autoridade saúde sira determina karik atu realiza halibur ema-lubun boot, sira tenki determina risku saida mak bele simu no medida adisionál saida mak tenki implementa atu hamenus risku sira-ne’e. Ba nasaun sira-ne’ebé COVID-19 hahú hada’et ona iha komunidade, konsiderasaun prinsipál maka hanesan:

• objetivu iha kontrola ka pelumenus hamenus virus ne’e da’et iha komunidade/nasaun.
• prevene partisipante sira hosi nasaun sira seluk ne’ebé hada’et ona ho COVID-19

Iha kada kazu, risku ne’e tenke konsidera bazeia ba kontestu karaktéristika COVID-19 nian ne’ebé koñesidu, forsa atu afeta, oinsá atu hada’et no medida efetivu atu prevene ka hamenus COVID-19 da’et. Presaun ne’e tau ona ba sistema saúde lokál hodi responde ba surtu COVID-19 no presaun adisionál ba halibur ema-lubun boot bele tau iha sistema no mós presiza tau iha konsiderasaun. Ita bele buka liután konsellu kona-ba saida mak atu haree iha OMS nia dokumentu Rekomendasaun xave planu prinsipál ba halibur ema-lubun boot iha kontestu surtu COVID-19, 14 Fevereiru 2020. Hare iha link tuirmai: https://www.who.int/publications-detail/key-planning

4. Oinsá se ha’u-nia organizasaun laiha espesialista atu avalia risku COVID-19 ne’ebé iha ba ita-nia planu halibur ema-lubun boot?

Autoridade saúde públiku nasionál no lokál iha nasaun ne’ebé ita planea atu realiza halibur ema-lubun boot maioria iha koñesimentu hodi hala’o avaliasaun risku saúde. Se iha OMS nia eskritóriu iha nasaun refere, sira bele mós fó suporta peritu balu. Nune’e, eskritóriu OMS iha ita-nia parte iha mundu tomak. Ita bele hetan naran no kontaktu sira OMS iha nasaun ida-idak iha: https://www.who.int/about/who-we-are/regionaloffices

5. Se ita kontinua halibur ema-lubun boot internasionál ida, saida mak ita bele halo hodi hamenus risku ba partisipante sira atu hetan COVID-19?

Promove fase liman, ijiene respiratóriu no distánsia sosiál iha eventu refere. Asegura ita iha númeru kontaktu emerjénsia partisipante hotu nian, inklui fatin ne’ebé sira toba durante

eventu ne’e. Ita tenki klarifika ba sira katak informasaun sirane’e sei fó ba autoridade saúde públiku lokál hodi kontaktu buka tuir lalais se iha partisipante ruma iha eventu ne’e hetan

moras COVID-19. Organizadór eventu ne’e presiza iha planu preparasaun ida se kazu iha partisipante ida ka liu mak hetan sintóma COVID-19.

Ida-ne’e tenki inklui izolamentu rápidu ba ema moras ne’e no sira-nia seguransa transferénsia ba fasilidade saúde lokál. Ita tenki konsidera se númeru partisipante iha eventu ne’e presiza hamenus, halo disponibilidade partisipasaun liuhosi video ka telekonferénsia no posibilidade halo triajen ba partisipante sira ho sintóma COVID-19 (mear, isin-manas, sente moras ) iha entrada ba fatin eventu ne’e. Ita bele hetan konsellu oinsá kada partisipante bele proteje sira-nia an no ema ne’ebé sira hadomi hosi COVID-19 iha link ne’e: https://www.who.int/emergencies/diseases/novel-coronavirus-2019/advice-for-public

6. Iha-ne’ebé mak ha’u bele hetan liután konsellu kona-ba oinsá avalia no jere risku saúde bainhira halibur ema-lubun boot internasionál ida?

OMS prodús ona matadalan no mós formasaun kona-ba oinsá halo planu ba halibur ema-lubun boot. Matadalan no formasaun ne’e bele haree iha oinsá hala’o avaliasaun risku ida, planu no jere risku sira liuhosi parseria ho autoridade lokál sira:

https://www.who.int/emergencies/diseases/novel-coronavirus-2019/technical-guidance/points-of-entry-and-mass-gatherings

Ita bele hetan konsellu oinsá kada partisipante bele proteje sira-nia an no ema ne’ebé sira hadomi hosi COVID-19 iha link ne’e: https://www.who.int/emergencies/diseases/novel-coronavirus-

2019/advice-for-public

Pergunta & Resposta (P&R): Kona-ba COVID-19, Isin-rua, Partu no Fó-Susu

Serake inan sira-ne’ebé isin-rua iha risku aas hosi COVID-19?

Agora daudauk iha hela peskiza laran atu kompriende impaktu hosi infesaun COVID-19 ba inan isin-rua. Dadus limitadu, maibé daudauk ne’e laiha evidénsia katak sira iha risku aas ba moras grave kompara ho populasaun enjerál. 

Maibé, tanba mudansa ba sira-nia isin-lolon no sistema imunidade, ita hatene katak inan isin-rua bele hetan afeta maka’as ba infesaun respiratóriu. Tanba ne’e importante ba sira atu foti medida preventiva hodi proteje sira-nia aan hasoru COVID-19, no hato’o sintoma posivel sira (inklui isin-manas, me’ar ka susar dada iis) ba pesoál saúde sira.

OMS sei kontinua halo revizaun no atualiza informasun no konsellu ho evidénsia barak hodi sai disponivel.

Hau inan ne’ebé isin-rua hela. Oinsá hau proteje hau-nia aan hasoru COVID-19?

Inan isin-rua tenke hola medida preventiva hanesan atu evita infesaun COVID-19 hanesan mós ema sira seluk. Ita bele ajuda proteje ita-nia aan liuhosi:

• Fase ita-nia liman beibeik ho kose dezinfetante ka fase liman ho sabaun ho bee.
• Mantein espasu entre Ita-Boot ho ema seluk no evita aan hosi fatin ne’ebé iha ema grupu boot.
• Evita kaer ita-nia matan, inus no ibun
• Prátika ijiene respiratóriu. Ne’e signifika taka ita-nia ibun no inus ho ita-nia liman-sikun ka tisu ruma bainhira me’ar ka fani. Depois so’e kedas tisu ne’e ba lixu ne’ebé ho matan metin.

Se ita sente isin-manas, me’ar ka susar dada iis, ba konsulta kedas. Telefone ka fó hatene antes ba fasilidade saúde, no halo tuir instrusaun hosi ita-nia autoridade saúde.

Inan isin-rua no inan sira-ne’ebé foin partu –inklui ba sira-ne’ebé hetan infesaun COVID-19 – tenke bá halo tratamentu rutina.

Inan isin-rua bele halo teste ba COVID-19 ka lae?

Protokolu no elijibilidade ba teste muda beibeik depende ba fatin ne’ebé ita hela ba.

Maibé, rekomendasaun sira OSM nian katak inan ne’ebé isin-rua ho sintoma sira COVID-19 nian sei sai prioridade ba teste. Se sira iha COVID-19, sira sei hetan atendimentu espesiál.

COVID-19 bele pasa hosi inan ida ba nia bebé ne’ebé iha hela knotak ka bebé ne’ebé foin moris?

To’o agora ita seidauk hatene se inan ida isin-rua ho COVID-19 bele pasa virus ne’e ba nia ka’an-fuan ka bebé ne’ebé iha knotak ka partu ona. To’o agora, virus ne’e seidauk hetan ezemplu (sample) ruma hosi líkidu amniótiku ka susubeen inan nian.

Tratamentu saida maka tenki disponivel durante inan isin-rua no partu?

Inan isin-rua sira hotu, inklui sira-ne’ebé konfirmadu ka suspeitu ba infesaun COVID 19, iha direitu aas atu hetan tratamentu kualidade molok, durante no depoizde partu.

Ida ne’e inklui prenatál, partu, posnatál, intrapartu no tratamentu saúde mentál

Esperiénsia ida-ne’ebé partu ho seguru no pozitivu inklui:

• Hetan tratamentu ho respeita no dignidade;
• Iha prezensa akompañamentu ida durante partu
• Komunikasaun klaru hosi parteira sira
• Estratejia halakon moras apropriadu
• Mobilidade durante hala’o servisu se bele, no pozisaun partu tuir hakarak

Se hetan suspeitu ka konfirmadu COVID 19, nune’e pesoál saúde tenke foti medida apropriadu hodi hamenus risku ba infesaun ba sira-nia an no sira seluk, inklui liman-moos, no uza roupa protejidu apropriadu hanesan luvas, bata no máskara médiku.

Inan isin-rua ne’ebé suspeita ka konfirmadu COVID 19 presiza partu liuhosi sezariana?

Lae. OSM fó konsellu katak sezariana só bele hala’o bainhira justifika ona medikamentu.

Modu partu tenke individualizadu no bazeia ba preferénsia inan nian hamutuk ho indikasaun obstériku.

Inan isin-rua ne’ebé hetan infesaun hosi COVID-19 bele fó-susu ka lae?

Sin.  Inan isin-rua ne’ebé hetan infesaun hosi COVID-19 bele fó-susu se sira hakarak. Maibé, tenke:

• Pratika ijiene respiratóriu durante fó-susu, uza máskara se iha;
• Fase liman antes no depois kous bebé;
• Hamoos no hamoos ho ai-moruk (dezinfeta) ba objetu leten ne’ebé sira kaer ona.

Se hau hetan ona infesaun COVID-19 hau bele kous hau-nia bebé ne’ebé foin moris ka lae?

Sin, bele.  Kontaktu besik no antes, no fó-susu  eskluzivu tulun bebé ida ho dezenvolvidu liután. Ita tenke suporta atu:

• Fó-susu ho seguru, ho ijiene respiratóriu ne’ebé di’ak
• Kous bebé no isin kona malu
• Toba hamutuk ho ita-nia bebé iha kuartu ida

Ita tenke fase-liman molok no depois kous ita-nia bebé, no mantein objetu nia leten ho moos.

Hau hetan infesaun hosi COVID-19 no sente isin-baruk atu fó-susu hau-nia bebé diretamente. Saida mak hau bele halo?

Se Ita sente isin-baruk atu fó-susu ita-nia bebé tanba infesaun COVID-19 ka moras komplikasaun sira seluk, Ita tenke suporta fó-susu ita-nia bebé ho seguru liu hosi dalan ida-ne’ebé posivel, disponivel no bele simu hosi Ita. Ida-ne’e bele inklui:

• Susubeen espresandu (hois no tau iha fatin apropriadu hafoin bele fó ba bebé iha kualkér tempu)
• Relaktasaun – Fó-susu ba bebe depoisde tempu balun liu tiha
• Doasaun susu-been hosi ema seluk

Imunizasaun iha kontestu pandemia COVID-19 - Pergunta ne’ebé Husu Beibeik (PHB)

Pergunta ne’ebé Husu Beibeik (PHB) - Corona Virus

Hela iha uma la’os fatin seguru mai ha’u. saida mak hau bele halo?

Se ita sofre tanba violensia, karik di’ak liu husu família, kolega no viziñu sira, buka apoiu hosi liña apoiu ruma. Buka hatene fasilidade lokál (ezemplu, uma-mahon, fatin ba akonsellamentu) ne’ebé funsiona hela no kontaktu ba sira bainhira disponivel. 

Halo planu seguru Karin bainhira akontese tan violensia hasoru ita-boot ka oan sira. Ida ne’e inklui: 

• Identifika família, kolega no viziñu ka fatin uma-mahon ruma hodi bele ba provizoriu bainhira presiza hasees an hosi uma tanba razaun seguransa. 
• Tenke iha planu oinsá atu sai hosi uma ho seguru no oinsá atu ba to’o iha fatin refere (ezemplu, transporte)
• Rai sasan esensiál ka ida ne’ebé presiza tebes (ezemplu. Dokumentu idenfitikasaun, telefone, osan, ai-moruk, no roupa) no halo lista númeru telefone importante karik ba kazu emerjénsia. 
• Karik posivel, kria kódigu ida entre ita-boot ho viziñu ka ema ne’ebé ita-boot fiar liu atu nunee sira bele mai ajuda karik ita-boot iha situasaun emerjénsia nia laran. 

Ha’u presiza hetan atendimentu médiku tanba violensia. Se mak bele ajuda ha’u no ha’u tenki ba ne’ebé?

Karik ita-boot presiza atendimentu médiku, favór telefone ambulánsia ka kontaktu ba servisu saúde emerjénsia nian. Se presiza apoiu sira seluk, kontaktu ba servisu espesializadu refere karik disponivel ka kontaktu ba pesoál saúde sira. 

Ha’u seguru, maibe hau sofre hosi problema mentál/seksuál/sosiál/problema fíziku ba longu prazu tanba violensia. Iha ema ruma mak bele ajuda hau durante COVID-19?

Karik posivel, hamenus fontes ne’ebé halo ita-boot estresse:

• Mantein kontaktu no buka apoiu hosi família no kolega sira liuhosi telefone, sms ka maneira kontaktu sira seluk hanesan liuhosi media sosiál.
• Koko mantein nafatin atividade rutina lor-loron nian no fahe tempu ba halo ezersísiu no deskansa.  
• Utiliza ezersísiu relaxadu (ezemplu. Dada iis neineik, meditasaun, halo múskulu relaxadu, no ezersísiu relaxadu sira seluk) hodi alevia hanoin barak no estresse. 
• Partisipa iha ativididade ne’ebé maka bele ajuda jere ita-nia estresse no difikuldade.
• Buka informasaun kona-ba COVID-19 ne’ebé maka mai hosi fonte kredivel no hamenus tempu ba notisia la loos (ezemplu. Haree/lee notisia loron ida dala ida ka rua, la’os kada oras)

Buka atendimentu saúde hosi pesoál saúde treinadu ba sintomas no kondisaun balun inklui kanek ne’ebé presiza hetan atensaun médiku nian. Tanba restrisaun iha movimentu, no presaun ba sistema saúde, karik ida ne’e sai difikuldade hodi hetan asesu ba tratamentu saúde. Entaun, buka tuir saida maka disponivel iha ita-nia área no buka mós alternativu seluk, inklui informasaun no apoiu ne’ebé oferese tuir telefone no online. 

Se agora daudaun hetan hela tratamentu saúde no apoiu ba asuntu relasiona ho violénsia, ida ne’e sei kontinua durante COVID-19  –  ida ne’e bele komunika mós tuir telefone ka online se posivel no apropriadu tuir ita-boot nia nesesidade. 

Ha’u preokupa kona-ba ha’u nia kolega/família ida. Oinsá mak hau bele ajuda?

Se ita-boot hatene, ka preokupa kona-ba, kolega/família ne’ebé iha relasaun ne’ebé nakonu ho violénsia, ita-boot bele halo tuir buat hirak ne’e:

• Mantein kontaktu ka komunika nafatin ho ema ne’e hodi hatene sira seguru, garanti nafatin katak bainhira komunika malu ho ita-boot ne’e seguru. Tenke asume nafatin katak autór ba violénsia ne’e bele haree, rona ka monitoriza komunikasaun hotu, nunee buka meius oinsá atu komunika di’ak liu ho vitima refere. Manda SMS ka mensajen liuhosi media sosiál, tuir maneira ida ne’ebé seguru ba sira. Tenke komunika ho vitima kuidadu bainhira autór violénsia ne’e iha uma ka besik hela vitima, atu nunee la tau risku seluk tan ba sira.
  
  
• Buka hatene fasilidade servisu ida ne’ebé maka disponivel ba sobrevivente violénsia kontra feto (ezemplu. uma mahon, hotline, servisu akonsellamentu, organizasaun feto nian) ne’ebé funsiona durante pandemia COVID-19 no halo informasaun ne’e disponivel liuhosi ita-nia rede no rede sosiál. Fornese de’it informasaun ida ne’e diretamente sein autór violénsia ne’e hatene tuir. 
• Se ita-boot nia kolega/família ruma presiza ajuda urjente ba razaun saida de’it, tenke preparadu hodi telefone ba servisu saúde emerjénsia, polísia, sentru saúde ka hotline. 

Ha’u hakarak relata insidente violénsia durante COVID-19. Saida mak ha’u tenke halo?

Se ita hakarak relata insidente violénsia, ita tenke halo tuir guia iha nasaun ne’e kona-ba oinsá atu relata violénsia no kontaktu ba servisu sira ne’ebé iha posibilidade bo’ot hetan responde ida ne’ebé sentradu ba sobrevivente sira. 

Iha nasaun balun halo ezeptu ba restrisaun movimentu hodi relata violénsia espesífiku balun. Tenke hanoin katak bainhira relata insidente ruma bele tau ita iha risku, nunee tenke asegura katak ita-boot iha planu ba seguransa nian prontu. 

Karik ita sente difisil emosionál ka mentál bainhira relata insidente violénsia. Buka tulun hosi kolega, família, viziñu ka parente sira, ka servisu suporta lokál ba sobrevivente violénsia nian. 

Ha’u sofre ka preokupa karik ha’u hakanek ka halo ha’u nia parseiru (no oan sira) sofre tanba ha’u nia liafuan ka asaun. Oinsá ha’u bele para?

• Se ita sente hirus tebes, la’o sees tiha ba kuartu seluk, ka ba liur hodi hetan anin fresku no dezvia tiha hirus ne’e.
• Sura to’o sanulu no dada iis tama no hasai to’o ita sente kalma ona.
  Sura hosi sanulu to’o zero, ka halo tiha atividade seluk ne’ebé maka bele ajuda ita sente kalma.
• Koalia ho kolega ne’ebé ita fiar, família, ka lider relijiozu balun no karik presiza buka ajuda hosi servisu saúde lokál ka servisu espesializadu ne’ebé mak disponivel besik ita-boot. 
• Rekoñese katak ema hotu iha família ne’e sente estresse durante tempu ida ne’e. 
• Hatudu laran di’ak no pasiensia iha ita-nia liafuan no asaun.
• Hamenus konsumu alkol/tua  

Medida atuál hodi responde ba pandemia COVID-19, hanesan restrisaun ba movimentu, nunee mós tanba sistema finansiál ne’ebé la estavel kauza hosi krize ida ne’e, no ida ne’e hanesan fatór ida hodi aumenta ita-nia estresse. Foti medida hirak ne’e hodi asegura katak ita jere duni ita-nia estresse tuir maneira ida ne’ebé respeitadu no seguru ba ita no família sira. Koko atu nafatin laran malirin ba parseiru moris, ba ita-an rasik, oan-sira no família sira seluk. 

Ha’u pesoál saúde ida. Oinsá mak mak hau bele ajuda sobrevivente feto sira durante COVID-19?

Nuudar pesoál saúde ida, iha maneira barak mak ita bele ajuda hodi hamenus impaktu hosi violénsia ba feto no labarik sira iha kualkér tempu, inklui durante pandemia COVID-19. 

Enkuantu ita-nia tempu no rekursu limitadu durante emerjénsia saúde ida ne’e, ita iha dever atu kuidadu ka haree inan-feto sira ne’ebé karik husu ita-nia tulun – dalaruma hodi hatan ba sofrimentu mentál no fíziku ne’ebé kauza hosi violénsia ne’e.

Karik ita tenke ajusta oinsá mak ita atu hala’o servisu ida ne’e, karik la posivel atu hasoru malu diretamente. Depende ba ita-nia rekursu seluk, karik konsidera mós telemovel, WhatsApp ka kanál komunikasaun seluk hodi bele ajuda, tenke asegura beibeik katak it abele halo servisu ida ne’e tuir maneira ka dalan ida ne’ebé maka seguru ba sobrevivente. Komunika ho didi’ak ba inan-feto sira kona-ba mudansa ruma iha prestasaun servisu nian. 

Se inan-feto ida maka suspeitu ka konfirmadu ho COVID-19 buka atendimentu ruma tanba violénsia, ita-nia maneira halo tratamentu tenke hanesan ho sobrevivente sira seluk. Maibé, ita tenke kontinua asegura katak ita protejidu hosi infesaun, mantein distánsia bainhira posivel, uza roupa protetivu, prátika respiratóriu ijiene, no fase liman no fatin/sasan sira ne’e ho sabaun no bee bebeik no depois ka’er pasiente, hodi Evita infesaun. 

Iha kualkér sirkunstánsia, inklui durante pandemia COVID-19, pesoál saúde sira tenke fornese suporta liña apoiu dahuluk, uza abordajen LIVES hodi ajuda inan-feto sobrevivente sira hosi violénsia: 

L - rona didi’ak, ho empatia no la julga 

I – halo inkeritu kona-ba inan-feto sira nia nesesidade no sira-nia preokupasaun 

V – valoriza inan-feto sira-nia esperiénsia. Hatudu ba sira katak ita fiar no kompriende. 

E – haforsa sira-nia seguransa 

S – suporta inan-feto hodi liga ba servisu apoiu adisionál 

Ha’u servisu iha fasilidade saúde. Saida mak ha’u bele halo hodi suporta sobrevivente feto sira hosi violénsia durante COVID-19?

• Identifika informasaun kona-ba apoiu lokál, inklui hotline, uma-mahon, sentru krize ba violasaun, no akonsellamentu.    
• Buka hatene oras fasilidade apoiu sobrevivente ne’e loke, kontaktu detallu no servisu sira ne’e bele oferese tuir maneira seluk hanesan, tuir telefone ka sms, no estabelese ligasaun referál. 
• Halo servisu apoiu hirak ne’e disponivel ba pesoál saúde sira no fasil ba pasiente/kliente sira atu asesu ba ita-nia fasilidade.
• Suporta pesoál saúde sira iha ita-nia fasilidade saúde hodi kontinua suporta inan-feto sobrevivente sira hosi violénsia iha tempu ida agora ne’e. 
• Tenke preparadu atu muda lalais no hodi bele fornese tratamentu liuhosi maneira alternativu seluk, liuhosi kria planu responde efetivu; hanesan ezemplu, asegura pesoál saúde liña oin sira iha telemovel no bele karrega. 
• Tenke asegura katak iha protokolu ne’ebé prontu hodi asegura kontinuasaun arkivu dokumentu ho seguru karik iha lockdown derrepente. 
• Informa ba sobrevivente sira maneira oi-oin sira bele proteje sira-nia an, no fornese kartaun lista númeru telefone hodi bele hetan suporta bainhira presiza. 

Ha’u polítika na’in ida. Saida mak hau bele halo hodi prevene no responde ba violénsia kontra feto durante COVID-19?

• Bainhira kria planu prontidaun no responde ba pandemia COVID-19, tenke inklui mós servisu esensiál ba violénsia kontra feto. 
• Aloka rekursu adekuadu servisu ba sobrevivente sira no identifika maneira atu halo servisu hirak ne’e asesivel – liuliu iha kontestu medida sira ne’ebé restrita ema-nia movimentu. 
• Esplora uza telemedicine, digital health ka mhealth atu haforsa sobrevivente sira-nia asesu hodi hetan suporta, enkuante asegura sira katak ida ne’e seguru ba sira. 
• Esplora tan uma-mahon alternativu ba inan-feto sira ne’ebé maka presiza suporta ida ne’e. 
• Asegura katak medida lockdown la kastigu inan-feto sira ne’ebé maka buka suporta bainhira sira sofre hosi violénsia, hanesan relata ba polísia ka ba ospitál.   

Se mak vulneravel liu?

Women who are displaced, who are migrants or refugees, and those living in conflict-affected areas, older women and women with disabilities are particularly at risk of violence and are likely to be disproportionately affected by violence during COVID-19. 

Inan-feto sira ne’ebé laiha fatin hela, migrante ka refujiadu, no sira ne’ebé hela iha área konflitu, inan-feto idozu no inan-feto defisiénsia sira mak partikularmente iha risku ba violénsia no sei afetadu liu hosi violénsia durante COVID-19. 

Tansá mak ha’u tenke preokupa kona-ba violénsia kontra feto durante COVID-19?

Violénsia kontra feto ne’e violasaun grave ba feto nia direitu umanu, la haree ba tempu, fatin ne’ebé, ka maneira oinsá. Iha maneira oi-oin hosi violénsia kontra feto ne’e, ida ne’ebé maka iha konsekuénsia negativu ba feto no labarik sira-nia saúde. 

Violénsia kontra feto ne’e bele rezulta iha kanek no problema fíziku, mentál no seksuál no problema saúde reprodutiva, inklui infesaun ne’ebé hada’et liuhosi relasaun seksuál, HIV, no isin-rua la planeadu. Iha kazu grave, violénsia kontra feto bele rezulta iha mate. 

Efeitu hosi violénsia ne’e metin ba tempu naruk dalaruma ba ema ne’e nia moris tomak. Violénsia – iha forma hotu-hotu – bele iha impaktu ba feto-nia ben-estar ba nia moris tomak. Ida ne’e la aseitavel, no risku violénsia ne’ebé feto no labarik sira enfrenta durante krize COVID-19 ne’e ita labele ignora. 

Bainhira ita bele prevene violénsia, ka suporta inan-feto sobrevivente violénsia, ita ajuda asegura feto-nia direitu umanu, no promove saúde fíziku no mentál no ben-estar ba feto sira durante sira-nia moris tomak. Ida ne’e ajuda hodi alevia presaun ne’ebé maka makaas ona iha servisu esensiál públiku nian, inklui Sistema saúde.

Bele ka lae COVID-19 ne’e da’et liuhosi susubeen inan?

To’o agora seidauk iha evidénsia hatudu katak COVID-19 ne’ebé ativu hela (virus ne’e bele kauza infesaun) liuhosi inan nia susubeen ka bainhira inan fó susu. Laiha razaun ida ba inan sira atu para fó susu sira-nia oan. 

Iha komunidade ne’ebé maka COVID-19 ataka hela, inan sira tenki kontinua fó susu ka lae?

Sin. Ida fatin sosio-ekonómiku hotu, fó susubeen inan ne’e aumenta 

In communities where COVID-19 is prevalent, should mother’s breastfeed?

Yes. In all socio-economic settings, breastfeeding improves survival and provides lifelong health and development advantages to newborns and infants. Breastfeeding also improves the health of mothers.

Following delivery, should a baby still be immediately placed skin-to-skin and breastfed if the mother is confirmed or suspected to have COVID-19?

Yes. Immediate and continued skin-to-skin care, including kangaroo mother care, improves the temperature control of newborns and is associated with improved survival among newborn babies. Placing the newborn close to the mother also enables early initiation of breastfeeding which also reduces mortality.

The numerous benefits of skin-to-skin contact and breastfeeding substantially outweigh the potential risks of transmission and illness associated with COVID-19.

Inan isin rua ne’ebé konfirmadu ka suspeitu ba COVID-19 bele fó susu ka lae?

Sin. Inan ne’ebé konfirmadu ka suspeitu ba COVID-19 bele kontinua fó susu bainhira sira hakarak. Maibé sira tenke: 

Fase liman beibeik ho sabaun no bee ka uza dezinfetante no liuliu bainhira antes kous bebé;

Uza máskara bainhira besik bebé, inklui bainhira fó susu;

Bainhira me’ar ka fani tenke uza tixu. No soe kedas tixu ba lixu fatin no fase kedas liman;

Tenki hamoos beibeik no dezinfeta sasan sira ne’ebé ka’er ona

Importante atu troka beibeik máskara bainhira bokon no fo’er no soe kedas. Labele uza fali máskara ka ka’er hosi parte oin.

Se inan ne’ebé konfirmadu ka suspeitu hetan COVID-19 no laiha máskara, bele ka lae sira kontinua fó susu?

Sin. Fó susubeen inan ne’e hamenus taxa mortalidade iha bebé foin moris no labarik sira no ida ne’e fornese vantajen di’ak ba labarik nia dezenvolvimentu kakutak no moris saudavel ba moris tomak. 

Rekomenda ba inan ne’ebé ho sintomas COVID-19 atu uza máskara, maske ida ne’e la posivel, maibé tenke kontinua nafatin fó susu bebé. Inan sira tenke halo tuir medida prevensaun infesaun seluk, hanesan fase liman, dezinfeta sasaan ka objetu, bainhira me’ar ka fani uza tixu.

Máskara naun-médiku (ezemplu. Máskara hena ka halo hosi uma) seidauk iha avaliasaun. Agora daudaun, ida ne’e la posivel atu halo rekomendasaun apoiu ka la apoiu atu ema bele uza. 

I have confirmed or suspected COVID-19 and am too unwell to breastfeed my baby directly. What can I do?

If you are too unwell to breastfeed your baby due to COVID-19 or other complications, you should be supported to safely provide your baby with breast milk in a way possible, available, and acceptable to you. This could include:

Expressing milk;

Donor human milk. 

If expressing breast milk or donor human milk are not feasible then consider wet nursing or infant formula milk with measures to ensure that it is feasible, correctly prepared, safe and sustainable.

I had confirmed or suspected COVID-19 and was unable to breastfeed, when can I start to breastfeed again?

You can start to breastfeed when you feel well enough to do so. There is no fixed time interval to wait after confirmed or suspected COVID-19. There is no evidence that breastfeeding changes the clinical course of COVID-19 in a mother. Health workers or breastfeeding counsellors should support you to relactate.

I have confirmed or suspected COVID-19, is it safer to give my baby infant formula milk?

No. There are always risks associated with giving infant formula milk to newborns and infants in all settings. The risks associated with giving infant formula milk are increased whenever home and community conditions are compromised, such as reduced access to health services if a baby becomes unwell, reduced access to clean water and/or access to supplies of infant formula milk are difficult or not guaranteed, affordable and sustainable.

The numerous benefits of breastfeeding substantially outweigh the potential risks of transmission and illness associated with the COVID-19 virus. 

Tanbasá mak ai-moruk hydroxychloroquine ne’e suspende temporáriu hosi Teste Solidáriu (Sigla Inglés: Solidarity Trial?

• Tuir publikasaun foin lalais ne’e hatudu katak evidénsia ba seguransa no efikásia hosi ai-moruk hydroxychloroquine ne’ebé uza hodi halo tratamentu ba pasiente COVID-19, Grupu Ezekutivu hosi Teste Solidáriu deside atu suspende temporáriu ba hydroxychloroquine iha Teste Solidáriu ne’e rasik hanesan prevensaun ida enkuantu dadus ba seguransa nian iha hela avaliasaun.
  
  
• Hanesan ezemplu, estudu observasaun ne’ebé públika iha Lancet 22 Maiu hatudu katak, entre pasiente nain 100,000 hosi nasaun lubun balun ne’ebé hetan tratamentu ho ai-moruk hydroxychloroquine, hatudu katak taxa mortalidade aas no frekuénsia ritmu fuan ne’ebé irregulár, bainhira uza hydroxychloroquine mesak de’it ka hamutuk ho macrolide.
  
  
• Desizaun final hosi hydroxychloroquine ba efeitu adversu, benefísiu ka laiha benefísiu, sei públika bainhira iha ona rezultadu hosi evidénsia hirak ne’ebé agora daudaun Data Safety Monitoring Board avalia hela. Avaliasaun ida ne’e sei inklui mós dadus hosi Teste Solidáriu no teste seluk ne’ebé lao daudaun hela, nunee mós ho kualkér evidénsia ne’ebé públika ona. Rezultadu hosi avaliasaun ne’e hein katak bele hatene iha fulan Juñu nia klaran.  

Saida mak sei akontese ba ema hirak ne’ebé maka agora daudaun ne’e hemu ai-moruk hydroxychloroquine durante Teste Solidáriu ida ne’e?

Pasiente hirak ne’ebé maka tuir tratamentu hydroxychloroquine tenke kontinua hemu ai-moruk hydroxychloroquine to’o sira remata ona tratamentu. Uzu hosi hydroxychloroquine no chloroquine ne’e en jerál aseitavel tanba seguru atu fó ba pasiente sira ne’ebé maka iha moras auto-imunidade ka malaria. 

Oinsá OMS nia opiniaun kona-ba tratamentu prophylaxis ne’ebé hala’o iha nasaun balun, ne’ebé inklui mós uza ai-moruk hydroxychloroquine?

OMS agora daudaun halo hela avaliasaun ba uza ai-moruk hydroxychloroquine ba pasiente COVID-19 iha Teste Solidáriu nia laran. Aimoruk hydroxychloroquine no chloroquine ne’e produtu lisensiadu hodi halo tratamentu ba moras seluk, atuál, ai-moruk hirak ne’e seidauk fó rezultadu pozitivu iha tratamentu COVID-19 ne’e. 

Nasaun hotu-hotu, partikularmente sira ne’ebé ho autoridade regulatóriu, iha dever atu fó konsellu ba nia sidadaun sira kona-ba uza kualkér ai-moruk. Maske nunee hydroxychloroquine no chloroquine ne’e produtu lisensiadu ona hodi halo tratamentu moras seluk, agora daudaun ai-moruk hirak ne’e seidauk fó rezultadu efetivu iha tratamentu ba COVID-19. Tuir faktu, autoridade saúde nasionál barak mak fó aviza ka alerta ona kona-ba efeitu adversu hosi ai-moruk refere no uzu ai-moruk ne’e limitadu iha nasaun barak ba teste kliníku liuhosi supervizaun ka monitorizasaun rigorozu iha ospitál ka fatin halo teste kliníku. 

OMS mós alerta ka aviza ona médiku hodi bandu rekomenda ka fó tratamentu ai-moruk hodi halo tratamentu ba pasiente COVID-19, no alerta ba ema ne’ebé hemu ai-moruk rasik. Akordu entre peritu iha mundu tomak katak potensiál eziste maibé iha estudu barak liu ne’ebé presiza ho urjente determina ai-moruk antivirál ne’ebé eziste bele efetivu hodi halo tratamentu COVID-19. Tratamentu hirak ne’e iha efetivu, sira bele hamenus todan hosi COVID-19. 

Saida maka Teste Solidáriu?

Teste Solidáriu mak teste kliníku internasionál ne’ebé ajuda hodi buka tratamentu efetivu ba COVID-19, ne’ebé maka lansa hosi OMS no parseiru sira. Hein katak iha tratamentu ida ka liu iha teste kliníku ida ne’e sei fó rezultadu di’ak ba pasiente COVID-19 no salva ema nia moris. Alende Teste Solidáriu, iha mós teste kliníku sira seluk ne’ebé la’o daudauk iha mundu tomak. 

Bazeia ba dadus hosi laboratóriu no estudu kliníku, Remdesivir, Lopinavir/Ritonavir, Lopinavir/Ritonavir ho Interferon beta-1a, no hydroxychloroquine hetan selesaun iha inisiu hanesan opsaun ai-moruk hodi fó tratamentu. Tuirmai, evidénsia foun kona-ba seguransa no efikásia hosi hydroxychloroquine nu’udar ai-moruk tratamentu ba pasiente COVID-19 ne’ebé baixa, rejistu hodi ba teste ai-moruk ida ne’e suspende temporáriu hahú loron 24 Maiu 2020. 

Nasaun liuhosi 100 mak espresa ona sira-nia interese hodi partisipa iha teste kliníku no OMS mós ho ativu fó suporta ba nasaun liuhosi 60, inklui ho medida hirak tuirmai ne’e:

• aprovasaun étika no regulamentu hosi protokolu OMS;
• identifikasaun ospitál sira ne’ebé partisipa iha teste kliníku;
• treinamentu ba médiku ospitál sira kona-ba web-based randomization no sistema dadus;
• manda ai-moruk teste kliníku ne’ebé hetan pedidu hosi nasaun sira ne’ebé partisipa.

To’o agora, ospitál liuhosi 400 iha nasaun 35 mak ho ativa simu pasiente no kuaze pasiente nain 3500 mak rejista ona tuir teste kliníku iha nasaun 17. 

Analíze provizóriu ba teste kliníku sei prodús no sei hetan monitorizasaun hosi grupu peritu independente sira nu’udar Komite Monitorizasaun ba Dadus no Seguransa.

OMS kontinua halo monitorizasaun no responde ba prevensaun no tratamentu moras tuberkuloze (TB) durante pandemia COVID-19. Servisu saúde presiza ho ativa envolve iha responde ne’ebé lais no efetivu ba COVID-19 no nunee mós garante katak TB no servisu saúde esensiál sira seluk ne’e kontinua la’o nafatin. 

1. Ema ne’ebé moras tuberkuloze iha posibilidade boot atu hetan infesaun COVID-19, moras grave no mate?

Esperiénsia ka informasaun kona-ba infesaun COVID-19 iha pasiente tuberkuloze (TB) sei limitadu, tenke antisipa nafatin katak ema ne’ebé sofre moras TB no COVID-19 karik bele hetan rezultadu ladun di’ak, liuliu se tratamentu ba TB ne’e paradu. 

Ema idozu, moras diabetes, no moras COPD iha ligasaun ho moras COVID-19 grave no mós iha fatór risku tanba la kumpri tratamentu TB. 

Pasiente TB tenke foti medida preventiva tuir konsellu hosi autoridade saúde atu bele protejidu hosi COVID-19 no kontinua sira-nia tratamentu TB tuir oráriu. 

Ema ne’ebé moras COVID-19 noTB hatudu sintomas hanesan, mear, isin-manas, no dada iis araska. Moras rua ne’e ataka liuliu ba pulmaun no maske ajente biolójiku ne’ebé hada’et moras ne’e hosi kontaktu besik, period inkubasaun hosi kontaktu besik to’o hetan moras TB ne’e presiza tempu kleur liu, dalabarak neineik lós. 

1. COVID-19 no tuberkuloze ne’e hada’et ho maneira ne’ebé hanesan?

Tuberkuloze (TB) no COVID-19 da’et liuhosi kontaktu besik entre ema ba ema ho maneira hada’et ne’ebé la hanesan, bainhira esplika diferensia rua ne’e iha medida kontrolu hodi mitiga kondisaun rua ne’e. 

TB bacilli nia turuk-oan nafatin suspende iha ár livre durante oras balun bainhira pasiente ida me’ar, fani, hakilar, ka kanta, no ema sira ne’ebé dada iis bele infetadu mós. Medida hosi turuk-oan sira ne’e maka fatór xave hodi determina moras ne’e infesiozu. Konsentrasaun hosi turuk-oan ne’e sei menus bainhira iha ventilasaun no loro-matan kona. 

COVID-19 nia da’et ne’e prinsipalmente hosi dada iis direta turuk-oan ne’ebé ema infetadu ho COVID-19 hasai bainhira me’ar ka fani (ema balun bele infesiozu ona antes hatudu karaktéristiku kliníku nian). Turuk-oan prodús bainhira me’ar, fani, dada iis no ko’alia bele haksoit no monu ba objetu ka superfisie balun, no iha kontaktu besik bele hetan infesaun COVID-19 bainhira ema ne’e kaer no depois kaer fali matan, inus ka ibun. Alende ne’e, fase liman nu’udar medida preventiva ne’e importante tebes hodi kontrola COVID-19. 

1. Impaktu potensiál saida de’it mak sei iha hosi pandemia COVID-19 ba servisu esensiál tuberkuloze nian?

Tuir estrutura servisu sujere katak se pandemia COVID-19 rezulta iha redusaun global 25% hosi detesaun TB durante fulan 3 – posibilidade realistíku tuir nivel suspende ba servisu esensiál TB nian ne’ebé hetan observasaun iha nasaun lubun balun – nunee tuir espetativa sei iha ema mate tanba TB aumenta ba 13%, no ida ne’e sei rezulta iha taxa mortalidade TB nian tinan 5 liubá. Ida ne’e karik estimasaun bai-bain de’it tanba la inklui fatores iha posibilidade impaktu seluk hosi pandemia ba TB nia da’et, suspensaun iha tratamentu no rezultadu ladi’ak iha ema ne’ebé sofre TB no infesaun COVID-19. Entre tinan 2020 no 2025 taxa ema mate adisionál billiaun 1.4 tanba konsekuénsia direta hosi pandemia COVID-19.  

Medida hotu tenke implementa hodi bele garante kontinuasaun hosi servisu refere ba ema ne’ebé presiza hetan tratamentu no kura hosi moras tuberkuloze (TB). 

1. Saida maka autoridade saúde sira tenke halo hodi fornese sustentabilidade hosi servisu esensiál tuberkuloze durante pandemia COVID-19?

Atendimentu ne’ebé sentradu ba ema kona-ba prevensaun, diagnostiku, tratamentu no servisu atendimentu tuberkuloze (TB nian tenke garante ho responde ba COVID-19.

Prevensaun: Medida hirak ne’e tenke implementa hodi limita TB no COVID-19 iha fatin balun no fasilidade saúde nian. Administrativu, ambientál, no medida protesaun pesoál  aplika ba rua ne’e hotu (ezemplu, prevensaun no kontrolu báziku ba infesaun, étika mear, triajen pasiente). 

Tenke mantein nafatin estabelesimentu tratamentu TB preventiva.

Diagnóstiku: Teste ba TB no COVID-19 ne’e diferente no teste rua ne’e tenke halo disponivel ba indivíduu ho sintomas respiratóriu, ne’ebé mak iha similaridade entre moras rua ne’e. 

Tratamentu no atendimentu: Atendimentu ba pasiente ne’ebé mai konsulta no bazeia ba komunidade tenke preferidu liu halo tratamentu iha ospitál ba pasiente TB (anaunser kondisaun grave ne’ebé presiza baixa) hodi hamenus risku hada’et. 

Tratamentu anti-TB, ne’e aliña ho matadalan atualizada ikus liu hosi OMS, tenke fornese hotu ba pasiente TB sira, inklui sira ne’ebé maka iha kuarentena no sira ne’ebé konfirmadu ho COVID-19. Tenke fornese ai-moruk adekuadu ba pasiente hotu hodi hamenus pasiente ba mai foti ai-moruk. 

Utiliza teknolojia saúde dijitál ba pasiente no tenke intensifika programa saúde nian. Aliña ho rekomendasaun OMS nian, teknolojia hanesan monitor eletróniku medikamentu no suporta liuhosi terapia vidío ne’ebé bele ajuda pasiente sira kompleta sira-nia tratamentu TB. 

1. Oinsá mak autoridade saúde sira garante suprimentu ai-moruk no diagnóstiku ba tuberkuloze?

Monitorizasaun no planeamentu ne’ebé apropriadu ne’e importante hodi garante katak aprovizionamentu no suprimentu ba ai-moruk tuberkuloze no diagnóstiku la suspende. 

OMS agora daudaun halo monitorizasaun suprimentu ai-moruk iha nivel global, enkuantu The Global Fund, Stop TB Partnership Global Drug Facility (GDF), USAID, Unitaid, no doadór seluk iha papél importante hodi fó apoiu ba nasaun sira atu asegura suprimentu ai-moruk TB, no diagnóstiku ne’ebé adekuadu no sustentavel.

Akonsella ba nasaun sira atu halo akizisaun ba tinan 2020 nian lalais hodi antisipa atrazu iha transporte no mekanismu entrega sasan ne’ebé sosa. 

1. Servisu saida de’it mak bele aproveita hosi moras rua ne’e?

Responde ba COVID-19 ne’e bele hetan benefísiu hosi esforsu halo kapasitasaun ne’ebé dezenvolve ba tuberkuloze (TB) ba investimentu durasaun tinan barak hosi autoridade saúde nasionál no doadores sira. Hirak ne’e inklui infesaun prevensaun no kontrolu, rastreamentu kontaktu no kuidadu bazeia ba komunidade, no sistema vijilánsia no monitorizasaun. 

Maske nunee modu hada’et hosi moras rua ne’e iha diferensa, administrativu, medida protesaun ba ambientál no pesoál aplika ba rua ne’e hotu (e.z prevensaun infesaun no kontrolu báziku, étika me’ar no triagen ba pasiente).

Rede laboratóriu TB nian estabelesidu ona iha nasaun sira ho apoiu hosi OMS no parseiru internasionál sira. Rede hirak ne’e nunee mós ho mekanismu transporta amostra bele utiliza mós ba diagnóstiku COVID-19 no vijilánsia. 

Doutór respiratóriu, pesoál pulmonolojia iha nivel hotu, espesialista ba TB no pesoál saúde sira iha nivel kuidadu saúde primáriu sai nu’udar pontu referénsia ba pasiente sira sofre komplikasaun pulmonáriu ba COVID-19. Sira tenke familiariza an ho rekomendasaun atuál hosi OMS ba tratamentu suportivu no konfinamentu COVID-19. 

Pesoál ba programa TB ho sira-nia esperiénsia no kapasidade, inklui buka kazu ativu no halo rastreamentu kontaktu, tenke hatuur hodi fó apoiu responde ba COVID-19. 

Teknolojia dijital oi-oin utiliza iha programa TB nian bele fó suporta ba responde COVID-19 nian inklui suporta ba adezaun, rejistu elektróniku médiku no eLearning. 

1. Medida saida mak tenke hatuur hodi proteje pesoál sira servisu iha laboratóriu tuberkuloze no fasilidade saúde, no ba pesoál saúde komunitáriu, hosi infesaun COVID-19?

Fasilidade saúde, inklui sira ne’ebé halo diagnóstiku no tratamentu ba tuberkuloze (TB) no moras pulmaun, iha dever atu simu pasiente moras COVID-19, kuaze barak mak labele hetan diagnóstiku. Karik presiza iha tan medida prevensaun adisionál hodi bele evita pesoál saúde sira iha sentru ne’e da’et ka hetan infesaun COVID-19. 

Iha Nota Informasaun ne’e inklui, medida temporáriu ne’ebé maka tenke konsidera. Hirak ne’e inklui arranju alternativu ruma hodi hamenus pasiente TB halo vizita ba konsulta, provizaun ba rekolla sputum, transporta no halo teste. Nota ne’e mós inklui deskrisaun obrigasaun étika iha fasilidade saúde.

Rekomendasaun OMS ne’ebe eziste ba infesaun prevensaun no kontrolu ba TB no COVID-19 tenke implementa ho rigorozu, inklui ekipamentu protesaun pesoál.

Lisaun aprende hosi tinan barak ba infesaun prevensaun no kontrolu TB, rastreamentu kontaktu, investigasaun no jestaun kazu ne’ebé bele hetan benefísiu hosi esforsu hapara COVID-19 da’et. 

1. Oinsá mak ita proteje ema sira ne’ebé buka tratamentu tuberkuloze durante pandemia COVID-19?   

Tuir kontestu restrisaun movimentu populasaun nian bazeia ba responde pandemia no pasiente iha fasilidade izolamentu COVID=19, tenke mantein komunikasaun ho servisu iha fasilidade saúde atu nunee ema sira sofre moras tuberkuloze (TB), liuliu vulneravel sira atu hetan tratamentu servisu esensiál ida ne’e. Ida ne’e inklui jestaun ba reasaun ai-moruk efeitu adversu no co-morbidade, apoiu nutrisionál no saúde mental, no tau fali stok suprimentu ai-moruk. 

Tenke fó ai-moruk TB ne’ebé sufisiente ba pasiente ka ema ne’ebé haree pasiente refere hodi bele dura to’o vizita ka konsulta mai fali. Ida ne’e sei limita konsulta la nesesáriu ba kliníka. Mekanismu fahe ai-moruk ba uma ka rekolla amostra hodi halo teste follow-up karik sei iha benefísiu. Tratamentu TB iha uma ne’e sai komún ona. Arranju alternativu ida hodi hamenus konsulta ba kliníka bele envolve limita halo apontamentu ba oras espesífiku hodi evita da’et moras ne’e ba pasiente seluk iha kliníku; utiliza teknolojia dijital hodi mantein suporta tratamentu. Pesoál saúde komunitáriu sira sei hala’o sira-nia servisu ho kritíku tanba tratamentu ne’e komesa desentralizada. 

Pasiente TB barak mak sei hahú sira-nia tratamentu iha uma no nunee ida ne’e limita risku ba moras TB hada’et iha uma laran durante semana dahuluk halo tratamentu hosi uma ne’e importante tebes. 

Populasaun vulneravel sira ne’ebé maka laiha asesu ba fasilidade saúde ne’e sei sai marjinalizadu liután durante pandemia ne’e. 

1. Bele ka lae tuberkuloze no COVID-19 ne’e halo teste ho amostra ne’ebé hanesan?

Métodu diagnóstiku ba tuberkuloze (TB) no COVID-19 ne’e diferente uitoan no baibain uza amostra la hanesan. 

Sputum, nunee mós ho amostra biólojiku, ne’ebé bele uza hodi halo diagnóstiku ba TB utiliza tékniku culture ka molecular. 

Teste ba COVID-19 baibain halo liuhosi nasopharyngeal ka oropharyngeal swab ka wash iha pasiente ambulatóriu (pasiente ne’ebé mai konsulta) maibé sputum ka endotracheal aspirate ka bronchoalveolar lavage bele uza ba pasiente ne’ebé sofre moras respiratóriu aguda. Teste molecular mak nuudar teste métodu ne’ebé rekomenda ba identifikasaun ba moras COVID-19 infesiozu no testeserological assay ne’ebé utiliza ba teste TB ne’e la rekomenda ba halo diagnóstika COVID-19. 

Progresu diagnóstiku ba COVID-19 aumenta barak tan iha fulan hirak ne’e nia laran. Entre diagnóstiku sira ne’e maka Xpert® Xpress SARS-CoV-2 cartridge hodi uza ba mákina GeneXpert, ne’ebé maka utiliza mós hodi halo teste diagnóstiku ba TB. OMS agora daudaun halo avaliasaun cartridge ida ne’e nune’e mós ho teste sira seluk Tenke mobiliza rekursu adisionál atu halo teste COVID-19 duké depende de’it ba rekursu ne’ebé eziste uza ba teste diagnóstiku TB, hodi bele garante katak kobertura ba teste diagnóstiku ba TB tenke mantein tanba nesesáriu. 

1. Ema hotu tenke halo konsulta ba tuberkuloze nunee mós halo teste ba COVID-19? 

Halo teste ba pasiente hanesan ba moras tuberkuloze (TB) no COVID-19 ne’e fó indikasaun razaun tolu, bazeia ba área espesífiku iha kada nasaun:

• Karaktéristiku kliníku ne’ebé komun entre moras rua ne’e; ka
• Hetan moras rua ne’e iha tempu hanesan; ka
• Iha prezensa fatór risku

Tanba pandemia ne’e aumenta, ema barak iha kualkér idade, inklui pasiente TB mós, sei sofre hosi COVID-19 ne’e. Ba informasaun klean liután kona-ba tuberkuloze no COVID-19, bele asesu iha Organizasaun Mundiál Saúde nia website. 

1. Tratamentu ba tuberkuloze diferente ba ema ne’ebé maka sofre moras TB no COVID-19?

Maioria tratamentu ba kazu tuberkuloze (TB) ne’e la diferente iha ema ne’ebé infetadu ka la infetadu ho infesaun COVID-19.    

Tratamentu ba jestaun moras infesaun COVID-19 no TB kontinua iha informasaun limitadu. Maibé, bainhira halo suspensaun ba tratamentu TB iha pasiente sofre COVID-19 ne’e tenke halo ezepsaun. Tratamentu preventiva ba TB, tratamentu ba drug-resistant TB ne’e tenke kontinua nafatin sein iha interrupsaun hodi salva pasiente nia saúde, hamenus moras da’et no prevene pasiente dezenvolve rezisténsia ba ai-moruk. 

Enkuantu tratamentu klíniku lao hela, laiha ai-moruk ida maka rekomenda ba COVID-19 no nunee laiha restrisaun ba ai-moruk nia intersaun ne’ebé indika agora daudaun. Pasiente TB sira bainhira antes hemu ai-moruk ruma, pesoál saúde sira tenke husu karik sira hemu ai-moruk seluk, inklui ai-moruk tradisionál, ne’ebé maka karik bele iha interrasaun ho ai-moruk ne’ebé sira atu hemu. 

Tratamentu efetivu hodi prevene TB no trata moras TB ativu aumenta ona no utiliza ona iha mundu tomak. Risku ba pasiente TB mate ne’e kuaze besik 50% se la halo tratamentu no ida ne’e karik sei aumenta iha idozu ka sira ne’ebé iha kondisaun seluk. Ida ne’e kritíku katak servisu ba moras TB la hetan interrupsaun durante responde ba COVID-19.

Rekolla informasaun durante pandemia lao hela ne’e sei importante tebes, enkuantu kontinua hala’o servisu ho profesionalizmu no mantein pasiente nia konfidensialidade ne’e importante tebes.

• Ema fumadór ho hemudór sira iha risku aas liu ba infesaun COVID-19?

Fumadór sira iha risku aas liu atu vulneravel ba COVID-19 tanba bainhira sira fuma iha posibilidade ba sira-nia liman kontamina sigaru no kona-ba sira nia ibun no ida ne’e aumenta posibilidade atu hada’et virus ne’e hosi liman ba ibun. Fumadór sira mós sofre ona tanba sira-nia funsaun pulmaun ne’e menus no ida ne’e aumenta risku boot liu atu hetan moras grave. 

Produtu tabaku nian hanesan kaixumba sira ne’e dalabarak envolve ema fuma troka malu, no ida ne’e mós bele fasilita hada’et COVID-19 entre ema ida ba ema seluk iha grupu ka sosiedade nia laran. 

Kondisaun hirak hanesan ne’e aumenta tan nesesidade ba oksijéniu ka isin-lolon nia abilidade atu uza oksijéniu ho loloos no ida ne’e halo pasiente fumadór ne’e iha risku boot ba moras pulmaun grave hanesan pneumonia. 

• Bainhira ita tahan dada iis durante segundu 10 ka liu sein mear ka sente la konfortavel LA signifika ita livre ona hosi COVID-19 ka moras pulmaun sira seluk. 

Sintomas komún hosi COVID-19 maka isin-manas, mear maran, kolen no dada iis araska. Ema balun bele dezenvolve moras grave hanesan pneumonis. Maneira di’ak liu atu konfirma karik ita hetan virus ne’e maka liu hosi teste laboratóriu. Ita labele konfirma virus ne’e ho maneira halo ezersisíu dada iis nian, no ezersisíu ida ne’e mós perigozu. 

• Hemu tua/alkol ne’e la proteje ita hosi COVID-19 no tua/alkol mós bele fó perigu bo’ot ba saúde

Hemu tua/alkol beibeik ne’e la proteje ita-nia an hosi COVID-19, maibé bele aumenta tan risku ba moras seluk no bele halo ema moras grave bainhira hetan COVID-19.

• Ita bele rekupera fali husi moras virus corona (COVID-19). Hetan moras ne’e la signifika atu sofre ba moris tomak

Maioria ema sira ne’ebé hetan moras COVID-19 bele rekupera fali no elimina virus ne’e husi sira nia isin. Se ita hetan moras ne’e, tenki halo tratamentu ba sintomas hotu. Se me’ar, isin-manas, no dada iis araska, buka kedas atendimentu saúde – maibe karik posivel telefone uluk ba fasilidade saúde. Maioria pasiente hotu rekupera tanba hetan suporta ba atendimentu saúde.

1. Habai aan iha loron matan ka iha temperatura aas liu 25C LA prevene ita husi moras virus corona (COVID-19)
   Ita bele hetan moras COVID-19, la haree ba rai ka klima manas. Nasaun ho klima manas mós relata ona kazu COVID-19. Atu proteje ita-nia aan, tenki asegura fase liman bebeik ho sabaun no bee no labele ka’er matan, ibun, no inus.
   
   

• COVID-19 bele hada’et iha área ho klima manas no úmidu

Hosi evidénsia durante ne’e hatudu katak virus corona (COVID-19) ne’e bele hada’et iha ÁREA HOTU-HOTU, inklui área ne’ebé ho klima manas no úmidu. 

La haree ba klima, tenke kontinua adopta medida protetivu iha fatin ne’ebé ita hela ba, ka bainhira halo viajen ba área ka fatin ne’ebé iha kazu COVID-19. Maneira di’ak liu atu proteje an hosi COVID-19 maka fase liman beibeik ho sabaun no bee. Bainhira halo ida ne’e ita bele ajuda elimina ona virus ne’ebé maka belit iha ita-nia liman no prevene an hosi infesaun ne’ebé maka bele kona ita liuhosi ka’er matan, inus no ibun. 

• Bainhira susuk tata, LABELE hada’et virus corona

To’o agora seidauk iha informasaun ka evidénsia foun ne’ebé maka sujere katak COVID-19 ne’e bele hada’et liuhosi susuk tata. 

Moras COVID-19 ne’e nu’udar virus respiratóriu foun ne’ebé maka hada’et prinsipalmente hosi turuk-oan ne’ebé maka sai bainhira ema infetadu ida mear ka fani, ka liuhosi kabeen ka turuk-oan ne’ebé sai hosi ita-nia inus bainhira ita mear ka fani. 

Atu proteje ita-nia aan, tenke fase liman beibeik ho sabaun no bee ka uza dezinfetante. Nunee mós evita kontaktu besik ho ema ne’ebé maka mear ka fani. 

• Han liis-asu bele ajuda prevene infesaun husi COVID-19?

Liis-asu nu’udar ai-han saudavel ne’ebé mak kontein antimikróbiu. Maibe, seidauk iha evidensia husi surtu atuál katak han liis-asu sei proteje ema husi virus corona (COVID-19).

• COVID-19 ne’e bele afeta ema idozu ka foinsa’e sira?

Ema hotu, kualkér idade bele hetan COVID-19.

Ema idozu no ema sira ne’ebé mak ho kondisaun moras seluk (hanesan azma, diabetes, moras fuan) iha risku boot liu atu hetan moras grave. OMS rekomenda ba ema hotu-hotu, kualkér idade atu foti medida preventiva oi-oin atu proteje an hosi COVID-19, hanesan ezemplu halo tuir ijiene liman moos no mós ijiene respiratóriu. 

• Hamoos inus beibeik ho líkidu ba inus bele prevene infesaun husi virus corona (COVID-19)?

Seidauk iha evidensia katak hamoos inus beibeik uza líkidu ba inus bele proteje ema husi infesaun ba virus corona (COVID-19).

Maibé iha evidénsia balun maske limita katak hamoos inus ho saline bele ajuda rekopera lalais hosi kustupadu bai-bain. Maibé uza líkidu ba inus ho beibeik hodi hamoos inus ne’e seidauk hatudu katak bele prevene infesaun respiratóriu.

• Iha ka lae, ai-moruk espesífiku hodi prevene ka trata moras COVID-19?

To’o agora, seidauk iha ai-moruk espesífiku ne’ebé rekomenda atu uza hodi prevene ka trata moras virus corona (COVID-19). 

Maibé, ema sira ne’ebé infetadu ho virus ne’e tenke hetan tratamentu saúde apropriadu hodi hamenus no trata sintomas ne’e, no sira ne’ebé ho moras grave tenke hetan tratamentu saúde ne’ebé ótimu. Tratamentu espesífiku balun iha hela investigasaun nia laran, no sei halo teste liuhosi esperimentu klínika. OMS ajuda atu aselera peskiza no esforsu dezenvolvimentu ho parseiru lubun bo’ot iha mundu tomak. 

• Vasina ba pneumonia bele proteje ita husi virus corona foun (COVID-19) ne’e?

Lae. Vasina ba pneumonia, hanesan pneumococcal no Haemophilus influenza tipu B (Hib), la fó protesaun hasoru virus corona (COVID-19).

Virus ida ne’e foun no oinseluk ne’ebé maka presiza nia vasina rasik. Peskizadór sira koko dezenvolve vasina hodi kontra hasoru virus ne’e, no OMS fó apoiu tomak ba esforsu sira hirak ne’e.

Maske vasina sira ne’e la efetivu hodi kontra COVID-19, vasina kontra moras respiratóriu ne’e hetan rekomendasaun bo’ot hodi proteje ita-nia saúde.