"Kuitadu ha'u-nia komunidade sira ne'e moras, xefe aldeia sira telefone ha'u no ha'u telefone karreta Ambulánsia hein iha dalan boot, depois ami autoridade lokál ho família viziñu sira hulan hakur mota rua ho kilometru 6 hafoin to’o iha estrada boot tula ho ambulánsia, hodi lori ba sentru saúde”, Xefe Suku Namanei, José Ximenes, liuhusi telefone, sesta (03/09).
Tanba ne’e, husu ba Governu atu tau matan ba povu kiik sira iha área rurál sira tanba povu iha mak loron lideransa sira ukun troka malu.
Maibé ezije ba Governu atu hadi’a dalan husi aldeia ba suku no postu bainhira ema moras sira hulan de'it sasán lori ba estrada boot ne'ebé diresaun ba postu administrativu Laga hafoin tula ho ambulánsia lori ba sentru saúde atu hetan tratamentu.
"Ha'u husu beibeik ona maibé resposta laiha, no ohin loron ha'u husu tanba mandatu oitavo Governu nia ne'ebé lidera husi Primeiru Ministru, Taur Matan Ruak atu haree, hadi’a no loke netik ami-nia dalan ne'e, husi suku ba postu, inklui aldeia mai suku, tanba ami atu viajen ba mai ne'e dalan laiha no la di’ak,desde ukun-an to’o agora”, esplika nia.
Bainhira husi suku Namanei ba Postu Administrativu Kelikai tenke liu fali Postu Administrativu Laga mak bele, maibé husi suku Namanei ba direita postu Kelikai dalan laiha.
Entretantu totál populasaun suku Namanei hamutuk rihun-rua-ruanulu (2020) husi aldeia haat. (*)