Razaun hakoi Dom Basílio iha katedral laran, nu'udar onra ida, tanba durante tinan 25 ukun iha Diozese Baukau.

"Ida ne'e regra kreda nian ne'ebé Bispu sira kuandu mate tau kedas iha nia katedral nune'e mós iha vatikanu, bainhira Amu Papa sira mate hakoi iha bazilika”, dehan Padre Manuel ba jornalosta sira iha katedral vila Antiga, kuarta (03/11).

Estatua ba matebian Dom Basílio do Nasimento la presiza hari’i, tanba antes ne'e harii ona iha resintu kámara estatistika, maibé sei tau mak figura ida hanesan bakisteru nian iha nia rate leten sai fatin di'ak ba sarani sira bainhira halo vizitasaun, tanba ne'e preparasaun ba matebian Dom Basílio do Nasimento nian ne'e prepara husi sarani no joven sira hodi agradese ida ikus ba Dom Basílio do Nascimento.

Iha Dom Alberto Ricardo da Silva ne'ebé mate iha tinan hirak liubá no halot iha semitériu públiku Bekussi iha Dili, tuir planu Arkebispi Diozese Dili nian sei hasai hikas ruin matebian Dom Alberto Ricardo da Silva hodi halot fali iha resintu igreja katedral Dili. (*)