Login to your account

Username *
Password *
Remember Me

Items filtered by date: Friday, 31 July 2020

 

Tempotimor (Dili) - Xefe Estadu Maiór Forsa Armada, Koronel Calistro dos Santos Coliati, sente triste bainhira haree membru Forsa Armada Libertasaun Nasionál Timor-Leste (FALINTIL) reformadu ba vida sivíl, agora daudaun moris iha kondisaun susar ho terus nia-laran.

"Sira-nia kondisaun ohin loron ne'e bele dehan susar teb-tebes, bainhira kompara fali ema hosi instituisaun sira ne'ebé seluk, too ohin loron laiha reforma. Purtantu, ida ne'e presiza tenke iha justisa," dehan nia, ba jornalista sira, iha Kuartél Jerál FFDTL, Fatuhada, Kinta (30/07).

Nia dehan, atu halo reforma ba membru FALINTIL sira, presiza tuir lei, nune'e husu ajuda ba média sira tenke hato'o informasaun ba sosiedade timorense katak, funu na'in sira durante tempu naruk halo funu iha tinan 24 nia-laran, sira to'o mai respeita ba regras no lei, maibé kompara ho ema husi instituisaun seluk to'o agora la reforma.

"Ema funu na'in sira haruka ba uma, ema ne'ebé uluk la funu ba rai ida ne'e, kontra rai ida ne'e ita halibur hamutuk iha rai ida ne'e", nia lamenta. (*)  

Published in Politika

 

TempoTimor (Díli)-Sumbriña ba organizasaun massa partidu FRETILIN, Organizasaun Filiadas FRETILIN (OFILIN), husu ba partidu politiku foun sira atu bainhira buka massa karik tenke ho onestu, sivizmu no labele kari rai-rahun ba malu.

OFILIN nu’udar organizasaun massa FRETILIN ne’ebé hamahan organizasaun rezisténsia sira hanesan: OPJLATIL, OJETIL, FITUN, Aswain Lemorai, no Fuan Domin.

Prezidente OFILIN, José Manuel Nakfilak hatete, demokrasia lori mai biban atu ezerese ida-idak nia direitu hodi hola opsaun polítika, maibé ezersísiu demokrátiku ne'e tenke hatur tuir dalan no regras ne'ebé komtempla iha konstituisaun no leis.

"Ba partidu foun sira bainhira halo konsolidasaun iha baze hodi buka apoiu no simpatias ruma atu lori ba halo rejístu karik, tenke halao ho onestidade no sivízmu, no labele hahú ho manobras, bainhira ita hakarak hadia buat ruma naksalak, tenke ho korajen hatete buat ruma ne'ebé loos, buat ne'ebé edukativu ba ita-nia massa no adeptu sira," dehan Nakfilak ba jornalísta sira iha sede OFILIN,Akait, Sesta (31/07).

Ni dehan, hakarak atu hetan apoiu no kartaun ba rejístu, lalika lori ema seluk nia naran, tanba hahalok ida ne’e sei hamihis valór organizasaun no hamihis mós adeptu sira-nia fiar ba sira-nia partidu rasik bainhira lia loos mosu.

"Respeita malu tuir ida-idak nia vontade, keta kari rai rahun ba malu, tan ita hotu nia objetivu hakarak hadia no haloos ba lala'ok hirak ne'ebé ladun loos ne'ebé lao buras iha ita-nia rain, tanba diferénsias ideias ne'e nuudár esénsia husi demokrasia nian rasik,", nia hatete.

Nakfilak dehan, durante ne’e iha individu balun mak husu klarifikasaun ba OFILIN liu husi whatsapp kona-ba partidu politiku foun balun ne’ebé hakarak foti no rejísta identidade militante sira nian atu apoiu ba sira-nia partidu.

Tan ne’e, iha oportunidade ne’e, Nakfilak husu ba kuadrus OFILIN tomak husi nasionál too baze katak OFILIN nia vontade atu defende FRETILIN ho nia intereses tomak ne'e la nakdoko, la mate,no labele diskute.

"Ba OFILIN tomak labele moris tuir hoax, fake no moris tuir rumoris, maibé moris ho valóres no prinsípiu ne'ebé orienta organizasaun," nia husu.

Published in Politika
Friday, 31 July 2020 17:20

Média Nafatin Sai Atensaun Ba Governu

Tempotimor (Dili) - Ministru Asuntu Parlamentár no Komunikasaun Sosiál (MAPKomS), Francisco Martins da Costa Pereira Jerónimo, iha vizita kórtezia Gardamor Radio Televizaun (G-RTV) atu hatudu katak Governu iha interese ba dezenvolvimentu média iha Timor-Leste.

Published in Politika

Tempotimor (Dili)-Prezidente Organizasaun Filiada Fretilín (OFILIN) José Manuel Fernandes "Nakfilak" hatete, Prezidente Partidu CNRT Kay Rala Xanana Gusmão mak hamosu partidu Marsista Lelinista FRETILIN (PMLF) iha tinan 1983 liu ba.

Published in Politika

Tempotimor (Dili) - Ministru Asuntu Parlamentár no Komunikasaun Sosiál (MAPKomS),Francisco Martins da Costa Pereira Jerónimo, hateten, governo mai vizita hodi haree kondisaun maibé la’ós atu halo buat hotu.

Published in Politika

Tempotimor (Dili)-Prezidente Republika Francisco Guteres Lu Olo no Sekretariu Jeral partidu FRETILÍN Mari Alkatiri fó apoiu karau rua ba musulmanu hodi selebra sira-nia loron importante, Idul Adha.

Published in Politika

Tempotimor (Dili) - Ministru Asuntu Parlamentár no Komunikasaun Sosiál (MAPKomS) Francisco Martins da Costa Pereira Jerónimo hateten, objetivu husi vizita ne'e atu haree direta kondisaun média nune'e bele  haree hamutuk hodi buka solusaun, no mós husu Lafaek News atu fó informasaun ho kredivél.

Published in Politika
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« July 2020 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter