Login to your account

Username *
Password *
Remember Me

Klandestinamente Sidadaun 25 Kontinua Tama TL Tempotimor (Dili)-Informasaun Atuál husi Sentru Integradu Jestaun Krize (SIJK) katak, hahú husi loron 8 to’o loron 15 fulan Juñu, iha sidadaun hamutuk na’in 25 kontinua tama mai Timor-Leste (TL), husi nasaun viziñu, klandestinamente liuhusi fronteira terrestre.

"Maski governu deside ona hodi loke hikas fronteira terrestre, semana ida dala ida, iha loron kuarta durante oras rua nia laran, desde loron 2 fulan Juñu, maibé, sei iha nafatin sidadaun Timor-Leste ne’ebé klandestinamente hakat liu mai liuhusi rai maran," dehan Portavoz SIJK doutór Rui Maria de Araújo ba jornalista sira, iha sala situasaun, Segunda (15/06).

Entretantu, husi totál númeru ne’e, na'in 10 iha teritóriu Rejiaun Administrativa Espesiál Oecusse Ambeno (RAEOA) espesialemete Citrana na'in 4, Oesilo na'in 6. Alende ne’e, na'in 14 seluk husi munisipiu Bobonaro espesialmete liuhusi Memo no Tunubibi, no ema na'in 8 seluk na’in 2 tama ba Lolotoe, na’in 4 ba Batugade, no iha Munisipiu Covalima na'in 1.

Tempotimor (Dili)-Maske Timor Leste deklara ona katak laiha ona kazu konfirmadu ba corona virus disease 2019 (Covid-19), maibé sidadaun na'in 253 sei Kontinua hein rezultadu teste husi laboratóriu no na'in 87 kontinua iha faze vizilánsia.

Tempotimor (Dili)-Relasiona ho preokupasaun públiku nian kona-bá kuerentina no auto-kuarentena, maka Porta-Vóz Sentru Integradu ba Jestaun Krize (SIJK) iha Sala Situasaun hatete, kuerentena no auto-kuarentena nia atendimentu hanesan maibé diferensa mak fatin.

Tempotimor (Dili)- Relasiona ho situasaun polítika iha rai laran Sentru Integradu Jestaun Krize (SIJK) hala'o servisu atu kombate surtu Corona Vírus Desiase 2019 (Covid-19) la iha polítika partidu nian tama.

Tempotimor (Dili) - Tuir dadus atuál ne'ebé husi Sentru Integradu ba Jestaun Krize (SIJK) pasiente Coronavirus Disease 2019 (Covid-19)  iha sala izolamentu hela na'in rua ho karga baixa.

Tempotimor (Dili)-Bazeia ba dadus atualizasaun husi Sala Situasaun Sentru Integradu ba Jestaun Krize (SS-SIJK) katak, dadus ba infesaun corona vírus deasses 2019 (Covid-19) iha Timor-Leste númeru pozitivu la aumenta no kontinua reduz.

Tempotimor (Dili)-Dadus komulativu husi Sentru Integradu ba Jestaun Krize (SIJK) katak surtu corona virus diseases (Covid-19) afeta ba sidadaun nasionalidade timor-oan inklui estranjéiru balun ne'ebé sei hein rezultadu laboratóriu sa'e ba 104, no sira ne'ebé konfirmadu ba pozitivu Covid-19 tuun ona ba na'in neen husi númeru komulativu 24.
 
Tuir portavoz SIJK doutora Odete da Silva Viegas iha sala situasaun ba jornalista sira katak, kazu pozitivu hela na'in 6.
 
VIDEO PUBLISIDADE APELU HUSI PM TAUR APLAUS BA FRONT LINE
 
 
 
"Rekuperadu ohin aumenta ida, entaun ita nian kazu rekuperadu sa'e ba 22, husi númeru ne'e, na'in 18 husi kazu pozitivu no na'in haat seluk husi kazu provavél, nune'e ema ne'ebé sei baixa hela na'in 6, sira na'in neen ne'e mai husi klaster Hotel Katuas hotu," dehan Portavoz SIJK Dra. Odete iha sala situasaun CCD ba jornalista sira, Domingu (10/05)
 
Dezde fins fulan Abril numeru kazu pozitivu Covid 19 ne'ebe atinze ona 28 reduz fali nune'e husi teste sira maka iha, liu loron sanolu ona Timor Leste seida'uk rejista ema ruma pozitivu hodi lori ba fatin izolamentu iha Sentru saude Vera Cruz. 
 
 PUBLISIDADE
 
 
Maibe Portavoz Sentru Integradu Jestaun Krize dehan maske kazu pozitivu hela na'in neen, maibé númeru suspeitu aumenta ba 104. 
 
"Totál komulativu teste hamutuk 909, númeru ne'ebé halo ona teste laboratóriu ne'e, suspeitu ka ema ne'ebé sei hein rezultadu laboratóriu sa'e ba 104 kompara ho horseik iha de'it na'in 80," dehan Odete.
 
Tuir lia na'in ne'ebe iha Sala Situasaun, dadus ba loron ohin nian, ema ne'ebé halo teste hamutuk 909, hein rezultadu 104, konfirmadu mantein 24, laiha kazu foun, rezultadu laboratóriu negativu hamutuk 781.
 
 PUBLISIDADE
 
 
Nune'e mos totál profesionál saúde ne'ebé tama iha karantina hamutuk 53, aumenta ba númeru ne'e, sira ne'ebé halo tratamentu iha sala izolamentu, totál dadaus karantina no auto karantina husi 6 marsu to'o 10 maiu, hamutuk 151, karantina obrigatoriu hamutuk 117, auto karantina 34, alende ne'e sira ne'ebé pasa ona husi karantina hamutuk 2108.
 
Portavoz SIJK mós dehan, sidadaun sira ne'ebé durante iha estadu emerjénsia hodi tama iha kuarentena no auto kuarentena ne'e barak liu iha Dili, Oekusse, Covalima, Bobonaro no Baucau.
 
 PUBLISIDADE
 

Tempotimor (Dili) - Atualizasaun dadus Coronavirus Disease 2019 (Covid-19), iha Kuarta (6/5), kazu pozitivu ba Covid-19 husi totál na’in 24 no provavel 4, agora daudaun menus ona ba na’in 7.

Tempotimor (Dili)- Kazu surtu Corona Virus Disease 2019 (Covid-19) iha Timor-Leste, numeru pasiente nafatin 24, maibe Sentru Integradu husu ba sidadaun hotu-hotu atu nafatin aplika regras sira, Distansia sosial no fase Liman bei-beik ho sabaun, tanba meius hirak ne'e atu hadok moras refere husi ida-idak nia saude.
 
Portavoz Sentru Integradu Jestaun Krizi (SIJK) Dr. Rui Maria de Araoju informa, Kazu Covid-19 iha Timor-Leste komfirmadu nafatin 24 no numeru rekopera mantein 20, tanba ne'e total lolos ne'ebé dadaun sei baixa iha fatin ijolamentu iha Sentru saude Vera Cruz, hela ema nain 8.
 
"Ohin loron 5/5 Total kazu komulativu mantein 24 la iha mudansa, kazu komfirmadu foun la iha mudansa husi horseik mai ohin, total kazu rekupera ka kuradu nafatin 20 no total Kazu komfirmadu ne'ebé sei iha izolamentu Vera Cruz nain 8", dehan Portavoz ne'e liu-husi konferensia imprensa iha sala situasaun Sentru Konvensoes Dili, tersa (5/5).
 
VIDEO PUBLISIDADE APELU HUSI PM TAUR APLAUS BA FRONT LINE
 
 
Dr.Rui sublina, Total komulativu izame laboratoriu hamutuk nain 719 kompara ho loron Segunda Feira (4/5) ema nain 706, sira ne'ebé mak hein rezultadu laboratoriu nain 73 kompara ho loron Segunda Feira (4/5) nain 103, rezultadu negativu hamutuk nain  622 kompara ho loron ida antes iha de'it nain 579.
 
Ema ne'ebé mak sei iha kuarentina obrigatoriu hamutuk nain 253 kompostu husi Dili nain 169 no iha munisipiu nain 38. Iha auto kuarentina nain 46 iha munisipiu no Dili la iha.
 
Entertantu SIJK husu ba populasaun tomak atu kumpri nafatin regras sira ne'ebé antes ne'e fo sai ona ba publiku.
 
"Husu ba populasaun tomak, atu nafatin halo esforsu hodi fase liman bei-beik ho bee no sabaun, nu'udar dalan ida ne'ebé efetivu atu hadok an husi moras Covid-19", tenik Nia 
 
Nune'e dr. Rui Araujo haforsa liu tan apellu ba Populasaun tomak maske numeru kazu detetadu la aumenta maibe husu nafatin kumpri ho disiplina regra distansiamentu sosial koletivu, hanesan halibur-malu ka la'o rame-rame liu-husi ema nain lima.
 
PUBLISIDADE
Tempotimor (Dili)-Relasiona ho kazu konfirmadu ne'ebé sa'e maka'as to'o na'in 24 iha fulan abril, maibé tama ba estensaun estadu emerjénsia iha faze daruak nian, iha fulan maiu ne'e, kazu konfirmadu hahú reduz maka'as tebes, husi númeru 24, dadaun ne'e hela de'it na'in ualu.
 
Tuir porta-voz Sentru Integradu ba Jestaun Krize (SIJK) doutora Odete da Silva Viegas katak kazu foun husi Covid-19 mantein zero.
 
"Kazu konfirmadu mantein 24, maibé kazu foun mantein zero," dehan Porta-voz SIJK Dra. Odete iha sala situasaun ba jornalista sira, Segunda  (04/05).
 
VIDEO PUBLISIDADE APELU HUSI PM TAUR APLAUS BA FRONT LINE
 
 
Entretantu sidadaun sira ne'ebé hala'o ona teste hamutuk 607. Husi sira ne'ebé teste ona, na'in 103 sei hein rezultadu, sira ne'ebé rezultadu negativu hamutuk na'in 579, sira ne'ebé konfirmadu pozitivu Covid-19 hamutuk 24, husi na'in 24 ne'e, na'in 16 mak rekopera ona, kompostu husi pozitivu na'in 12 no provavél na'in 4. Entretantu na'in 8 mak sei konfirmadu no dadaun ne'e sei iha hela fatin izolamentu Sentru Saúde Vera Cruz. Nune'e mós sidadaun sira ne'ebé sei iha kuarentena obrigatóriu hamutuk 273, pesoál saúde iha kuarentena hamutuk na'in 40 no sira ne'ebé liu ona períodu inkubasaun hamutuk 1941.
 
Husi observasaun tempotimor.com nian nota katak husi loron 25 abril to'o 04 maiu 2020, kazu konfirmadu mantein 24 no laiha kazu foun, maske iha kazu suspeitu nia númeru ne'ebé kada loron aumenta, maibé husi kazu konfirmadu na'in 20 ne'e, na'in 16 konfirmadu pozitivu no na'in 4 seluk provavél mak rekopera ona, husi corona virus refere, tanba pasiente sira nia imunidade forte.
 
PUBLISIDADE
Page 1 of 4
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter