Login to your account

Username *
Password *
Remember Me

Tempotimor (Dili)-Prezidente Partidu Congresso Nacionál de Reconstrução de Timor (CNRT), Kay Rala Xanana Gusmão, ‘sente’ insin-kolen la konsege lori Kandidatu José Ramos Horta hakatak liu bareira votu pursentu 50+1 husi totál votu validu iha primeira volta ba Prezidente Repúblika (PR) períodu 2022-2027.

“Klaru ita-nia hanoin karik bele primeiru volta, mais rezultadu hatudu tiha ona katak ita tenke ba segundu volta. Isin-kolen loos, mais kolen ida ne'e ita sei la sente wainhira ita hotu hanoin kona-ba objetivu ne'ebé mak partidu hasai”, dehan Xanana liuhusi konferensia imprensa iha Sede Nasionál Kandidatu José Ramos Horta, Hudi Laran, tersa (22/03).

Maibé sente orgullu ho estrutura tomak partidu CNRT nian, husi nasionál to'o munisípiu, inklui RAEOA, iha postu administrativu no suku, aldeia ne'ebé mak konsege hala'o servisu maka’as iha eleisaun primeiru ronda.

"Ita husu boot mós karik iha Abril nia laran, loron udan, tanba ohin temi tiha ona maluk sira ne'ebé lakonsege vota, 227 mil, estasaun votu dok oituan husi aldeia sira, estrada la di'ak, udan tán, ho ida ne'e mak reduz tiha ita nia kbi'it la'o ba oin”, hatete nia.

Tanba ne'e, husu boot atu iha fulan-abril ne'e labele iha udan fó posibilidade ba kandidatu José Ramos Horta, tanba ne'e importante tebes nasaun, atu hatur fali konstituisaun iha nia fatin, no konsolida Estadu Diretu Demokrátiku.

“Klaru isin kolen, hanesan ohin temi tiha ona, maibé kolen ne'e ita sei la sente tanba objetivu ba ita konstituisionál ne'e boot liu ita-nia isin rasik, ita-nia kolen ita la kolen rasik”, afirma Xanana.

Ba eleisaun segundu volta ne'ebe mosu hanesan oportunidade ba povu tomak, atu hili ho konsiénsia, entre opsaun rua ne'ebé mak sempre temi.

“Ou estraga nafatin ita-nia estadu diretu demokratiku lori ba ditadura ou ita hadi'a tiha krize ida ne'e hodi hatur fali konstituisaun no hametin Estadu diretu demokratiku”, dehan nia.

Tanba ne’e, husu ba entidade hothotu atu iha segundu volta mai buat hotu la'o ho di'ak iha estabilidade nia laran.

“Loos duni kazu ne'ebé akontese iha kedas hahú kampaña, ita husu ba hothotu bele hamenus tiha posibilidade ne'ebé baku malu oho malu, hamenus tiha posibilidade ataka sentru votu, tanba povu nia votu ne'e la'ós buat ida ba sosa, la’e, povu nia votu ne'e importante tebes”, afirma Xanana.

Husi rezultadu finál Provizóriu ne’ebé fó sai husi Orgaun eleitorál hanesan Sekretáriadu Tékniku Administrasaun Eleitorál (STAE) iha loron segunda (21/03) hatudu Kandidatu Prezidente Repúblika (PR), José Ramos Horta, ho Kandidatu Francisco Guterres ‘Lú Olo, sei vanasa ba eleisaun segunda volta iha loron 19 abril 2022.

Tanba ne’e, Kandidatu Prezidente Repúblika (PR), José Ramos Horta, konsege manán kandidatu na’in-15 sira seluk ho votu 301481 ho pursentu 46,58 (46,58%) husi totál votu validu ne’ebé apuradu husi STAE hamutuk 647172 kompara ho Kandidatu Francisco Guterres ‘Lú Olo, ne’ebé hetan votu 143408 ho pursentu 22,16%, iha pozisaun segundu.

Haree ba rezultadu apuramentu ne’ebé fó sai ho votu validu hamutuk 647172 ho pursentu 100 konklui ona rezultadu finál ho kandidatu na’in-16 laiha ida mak hetan votu metade husi totál votu validu iha eleisaun.

Tanba konstituisaun Repúblika Demokrátika Timor-Leste, Artigu 76, ne’ebé ko’alia kona-ba Eleisaun ba Prezidente Repúblika, iha alinea dahuluk hatete, Atu sai Prezidente-Repúblika, sei hili tuir sufrájiu universál, livre, diretu, sekretu no ida-idak.

Iha alinea daruak hatete, Eleisaun Prezidente-Repúblika nian banati tuir sistema manán ho votu barak liuhusi votu hothotu ne’ebé válidu, la sura votu ne’ebé la válidu.

Nune’e mós iha alinea datoluk hatete, wainhira kandidatu sira hetan votu hanesan, sei hala’o fali eleisaun dala ida tan, liutiha loron tolunulu husi loron votasaun ida foin liubá kotuk.  No ikus liu alinea dahaat katak, iha eleisaun darua, kandidatu na’in-rua ne’ebé hetan liu votu no la hasai sira-nia kandidatura mak bele tuir. (*)

Tempotimor (Dili)-Prezidente Partidu Congresso Nacionál de Reconstrução de Timor (CNRT), Kay Rala Xanana Gusmão, ohin segunda (21/03), presta deklarasaun iha Minisériu Públiku (MP) hanesan testamuña (sasin) ba kazu balu, maibé konteudu husi kazu refere la atu fó sai ba públiku.

Tempotimor (Dili)-Prezidente Partidu Congresso Nacional de Recosntrução de Timor (CNRT), Kay Rala Xanana Gusmão, akuza Prezidente Repúblika (PR), Francisco Guterres ‘Lú Olo’, ‘taka matan’ ba Governu dahitu ne'ebé lidera husi Marí Bin Amude Alkatiri ba foti osan millaun $70 husi Fundu Minarai (FM), la hetan autorizasaun husi Parlamentu Nasionál (PN).

Tempotimor (Dili)-Prezidente Partidu Timor Forte (PATIFOR), Gregorio Saldanha, rejeita ho manipulasaun ne'ebé ema balun lansa katak Prezidente Partidu CNRT, Kay Rala Xanana Gusmão, orienta hari’i PATIFOR hodi harahun FRETILIN.

Tempotimor (Dili)-Prezidente Partidu Os Verdes de Timor, António Lela Huno Cruz, husu ba Laureadu Nobel da Paz, José Ramos Horta no Prezidente Partidu Congresso Nacional de Reconstrução de Timor (CNRT), Kay Rala Xanana Gusmão, deskansa no vota ba Prezidente Partidu FRETILIN, Francisco Guterres ‘Lú Olo’, iha eleisaun Prezidente Repúblika (PR) períodu 2022-2027.

Tempotimor (Covalima)-Prezidente Partidu Congresso Nacional de Reconstrução de Timor (CNRT), Kay Rala Xanana Gusmão, bandu apoiante no simpatizante atu tuir atetude apoiante sira husi Governu aitonka, hanesan apoiante Partidu KHUNTO no FRETILIN ne’ebé tuda malu iha Munisípiu Baukau, domingu (06/03).

Tempotimor (Dili)-Ekipa Susesu husi Kandidatura, José Ramos Horta (JRH) kontra Sekretáriu Jerál Partidu Frente Revolusionáriu Timor-Leste no Independente (FRETILIN), Mari Alkatiri, uza Prezidente Partidu CNRT, Kay Rala Xanana Gusmão no José Ramos Horta sai hanesan matéria ba eventu kampaña loron dahaat Kandidatu Prezidente Repúblika, Francisco Guterres ‘Lú Olo’, iha Munisípiu Bobonaro, sábadu (05/03).

Tempotimor (Manatutu)-Prezidente Partidu Congresso Nacionál de Reconstrução de Timor (CNRT), Kay Rala Xanana Gusmão, orienta fiskais husi Partidu CNRT atu kontrola didi’ak situasaun iha sentru Votasaun iha loron 19 fulan-marsu, tanba bele mosu manipulasaun no falsifikasaun.

Tempotimor (Vikeke)-Prezidente Partidu Congresso Nacional de Reconstrução de Timor (CNRT), Kay Rala Xanana Gusmão, aproveita kampaña eleitorál, inaugural tanke bee-moos iha Aldeia Fatuhadan Suku Uma Ain Kraik, Postu Administrativu Vikeke Vila Munisípiu Vikeke.

Tempotimor (Vikeké)-Kandidatu Prezidente Repúblika Períodu 2022-2027, Lere Anan Timur akompaña husi nia espoza Cidália Mesquita Ximenes komprimenta direta ba prezidente partidu CNRT, Kay Rala Xanana Gusmão no kandidatu Prezidente Repúblika, José Ramos Horta bainhira remata kampaña loron daruak nian iha Víkeké.

Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter