Login to your account

Username *
Password *
Remember Me

Tama Sai TL - RI Ilegal Hakoi Mate Iha Atambua, Fila UPF Ka'er iha Fatumea

Timoroan nain rua ne'ebe kaptura husi UPF iha Fatumea iha Tersa (15/2) Timoroan nain rua ne'ebe kaptura husi UPF iha Fatumea iha Tersa (15/2) Foto Espesial

Tempotimor (Dili)- Unidade Polisia Fronteira (UPF) iha fronteira terestre ka'er ona sidadaun Timoroan na'in rua ne'ebé ba asisti sira nia avo nia prosesu funeral iha Atambua Indonesia.

UPF ka'er sidadaun timor-oan na'in rua ne'e, tanba dadaun situasaun Covid-19 iha Indonesia risku tebes ba ema nia vida.

Komandante UPF Postu-administrativu Fatumea Munisipiu Kovalima, primeiru Sarjentu, Silvestre da Costa afirma, objetivu parte sira ba Indonesia ne'e, tanba sidadaun na'in rua Januario Lau ho Serafina Lau Amaral ne'ebé ba asiste ninia avo nia prosesu funeral iha Atambua Indonesia.

"Tuir sira horseik hateten nia avo mak mate iha Laktutus depois maka sira ba asisti, sira rua de'it seluk laiha",dehan Nia iha Suai, kuarta (17/02/21).

Nune'e, horseik loron tersa 16 fulan fevereiru tinan 2021, UPF ho ekipa Covid-19 sira ba ka'er sidadaun timor-oan na'in rua ne'ebé ba Indonesia, tanba atu evita lori moras Covid-19 mai rai laran.

"Horseik kaer jam 12:30, sira mai, tun iha ne'eba, ami nia membru sira be servisu kiha ne'eba 24 jam mak kaer. Ne'ebé sira tahan iha ne'eba depois langsung telfone, entaun ami husi postu sira hamutuk ho Administrador husi postu-administrativu Fatumea ho doutor sira, ami langsung ba hasoru no telfone ba ambulansia husi Suai mai tula kedas ba Suai",Nia informa

Hafoin ka'er tiha haruka kedas sidadaun na'in rua ne'e mai Munisipiu Kovalima hodi submete ba kuarentina Suai.

"Horseik tun tiha ona ba (Suai) iha fatin kedas la ba fatin seluk iha estrada langsung tun ba kedas", Nia dehan
Komandante ne'e mos esplika, situasaun Covid-19 dadaun iha parte fronteira terestre ameasa tebes, tanba baliza entre Timor ho Indonesia la dook malu.

"Situasaun iha ne'e halo tauk duni, tanba distansia entre fatin ami hela ba ne'e ho Indonesia nian la do'ok malu, zona livre ne'e 5 metru de'it ne'ebé ami rona situasaun iha sorin ne'e ita preokupa tebes", Nia akresenta
Tanba, tuir informasaun ne'ebé publika ona iha media Indonesia nian katak, dezde fulan Janeiru tinan 202, ema mate ba Covid-19 iha Munisípiu Belu Atambua hamutuk na'in 17 ona.

Nune'e, foin lalais semana kotuk ba, autoridade ospital Belu lori mate isin rua ba hakoi iha suku Tukuneno, postu Atambua do sul.

Ho situasaun ne'ebé sidadaun balun kontinua hakur fronteira terestre, maka, komunidade Agustinho X. D.S da Costa iha merkadu Manleuana rekomenda ba autoridade seguransa atu hasai medidas rigorozu ba ema hirak ne'ebé kontinua tama no sai Ilegál iha fronteira.

"Ita nia ema ulun tos demais e sira la fiar pandemia Covid-19, nune'e sira abuza fali estadu emerjensia. Ha'u hanoin sira nia hahalok ne'e bele lori risku ba nasaun, nune'e husu autoridade seguransa ho Defeza atu bele foti medidas forte hasoru sira ne'ebé tama sai ilegal. Bila perlu tiru tohar tiha balun duke Jeneral ho Komisariu ko'alia de'it,"dehan Nia. (*)

Rate this item
(1 Vote)
Last modified on Wednesday, 17 February 2021 23:15
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter