Superintendente PNTL, Segundu Adjuntu Estadu Maior Koordenador Sentru Integradu Jestaun Krizi (SIJK), Marcos Sequera hateten, membru na'in 40 ne'e ba atu kontrola komúnidade ne'ebé tenta atu hala'o movimentu ba mai Dili no Covalima.
"Sira nia misaun prinsipal mak atu halo serka sánitaria, check point iha fatin hotu Suai nian no bandu ema tama sai mai Dili no forsas devezas nia misaun mak atu apoiu PNTL iha kualker tempu ne'ebé polisia presiza", dehan Marcos iha Sentru Konvensoins Dili (CCD), Merkadu Lama, tersa (2/3).
F-FDTL ho PNTL ne'e bazea ba lei númeru 2/2010 katak, protesaun sivil kualker situasaun saida de'it sempre hamutuk atu bele ajuda governu haree ba situasaun hodi asegura.
"Povu presiza ita husi parte rua ne'e (PNTL ho F-FDTL), la hanoin katak, kondisaun di'ak mak bele ba, maibé dadaun ne'e sira aranka ho buat ne'ebé mak sira bele ba, sé karik buat ruma mak sira presiza aban ou bairua, ami sei trata para lori tuir ba", nia garante.
Nune'e, tempu ne'ebé determina ba sira, depende ba serka sánitaria, bainhira iha situasaun teritoriu nasionál tomak normál ona mak sira foin bele fila husi Munisípiu Covalima mai Dili. (*)