Governu Anteriór Konsege Harii Uma MDG 88 ba Bibi Iha Covalima

Uma MDG ne'ebé hafurak husi duut iha Suku Beko, Postu Suai, Munisípiu Covalima Uma MDG ne'ebé hafurak husi duut iha Suku Beko, Postu Suai, Munisípiu Covalima Foto Tempo Timor

Tempotimor (Covalima)-Maske povu Timor-Leste pursentu lubun boot seidauk sente saida mak dezenvolvimentu, maibé governu anteriór ne'ebé lidera husi lidér karimátiku Kayrala Xanana Gusmão konsege harii uma MDG 88 ba bibi iha Covalima no uma refere hafalun ho du'ut.

Tuir xefe suku Beko postu Suai, munisípiu Covalima Arlindo Bernardino Lemos katak, iha tinan 2014 governu harii uma MDG 130 iha suku Beko, maibé uma hamutuk 88 mak okupa husi animál no du'ut mak hafalun.

"Uma MDG ne'e ba oin atu sai oinsa loos ita lahatene, tanba uma sira ne'e na'in iha hotu, maibé sira lakohi hela iha uma MDG, tanba husi aldeia Haemanu rasik komunidade iha hotu uma privadu ne'ebé ho kondisaun di'ak, entaun araska oituan komunidade sira atu husik hela sira-nia uma di'ak sira ne'e hodi ba hela iha uma MDG ne'ebé la asesu elektrisidade no nia médida 9x6 de'it," dehan xefe suku Beko Arlindo ba www.tempotimor.com iha nia knaar fatin, Segunda (8/3).

Nia afirma, uma MDG ne'ebé asesu ona eleteisidade ne'e, tanba komunidade kada uma-ka'in kontribui dollar $20 hodi selu ba EDTL, foin bele asesu ba eletrisidade, maibé uma ne'ebé la asesu ba eletrisidade abandonadu hela.

"Simu fofoun ne'e laiha elektrisidade ne'ebé komunidade barak mak lakohi hela iha uma MDG to'o agora, tanba kondisaun uma-nia médida ne'e kiik, entaun komunidade sira hela iha uma MDG 42 de'it, maibé uma MDG hamutuk 88 ne'ebé abandonadu to'o agora," katak Nia.

Iha sorin seluk reprezentante komunidade aldeia Haemanu suku Beko, Amélia da Costa (20) hateten, dadaun ne'e kondisaun uma MDG komesa dodok ona ne'ebé dalaruma la to'o tinan, uma refere la uza ona.

"Kondisaun uma ne'e agora komesa aat ona no laho sira komesa estraga didin sira ne'e, tamba didin ne'e uza gabus, entaun ami husu ba parte relevante tenki rezolve imediatu ba uma ne'e," dehan Nia.

Entertantu observasaun www.tempotimor.com iha terenu nota katak, uma MDG ne'ebé oras ne'e dadaun abandonadu nakonu ho du'ut no bibi ten hamutuk 88 no uma MDG ne'ebé komunidade utiliza hamutuk 42.(*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter