Maske nune’e iha aldeia tolu iha postu Fatumean, suku Belulik-Leten ne’ebé afeta ba Covid-19 no serka sanitária iha tempu besik governu sei responde, tanba presiza dadus kompleitu.
"Fos ne'e mai husi governu no sei kompleta tan iha Fatumea ne'ebé kuaze saka 980 para apoiu ba komunidade iha suku Belulik-leten, maibé udan ne'ebé bailoron mak ita lori sa'e ba. Entaun aban sei distribuí ba postu Tilomar iha aldeia rua iha suku Biseuk”, dehan Diretór ne'e ba www.tempotimor.com, kinta (11/03).
Maibé, durante ne'e komunidade sira halerik ba fós liga ho serka sanitária halo fós stok menus, tanba ne'e parte MSS husu autoridade postu sira tenke hatama dadus ba postu sira ne'ebé mak infrenta hela ba Serka sanitária.
"Agora dadaun husi postu rua Fatumea ho Tilomar mak nia dadus tama ona ba ami, parte postu seluk seidauk, karik postu lima hanesan FatuLulik, Fohorem, Maukatar no Zumalai mak dadus seidauk mai, maibé ba postu hirak ne'e nia dadus tama mai ami ho autoridade munisípiu sei halo evalusaun depois ita análiza hamutuk dadus balun ne'ebé nesesita duni”, afirma nia.
Distribuisaun fós ba komunidade sira ne'ebé mak infrenta Serka Sanitária iha munisípiu Covalima hanesan iha postu Fatumea, Tilomar, FatuLulik no Maukatar mak iha fronteira ho nasaun viziñu Indonézia.(*)
