Tuir Xefe Suku Taroman Leonel Asa (54) katak, iha suku Taroman tempu udan estrada la fasilita movimentu kareta ho motor, tanba tahu maka'as entaun halo komunidade husi aldeia Makous, Fatuloro no Holba atu lori produtu lokál ba merkadu susar tebes.
"Kona-ba estrada ne'e, tinan-tinan ha’u hato'o bei-beik proposta, entaun ba tinan ida ne'e Institutu Jestaun ba ekipamentu (IJE) mak dudu no ateru husi aldeia Holba mai to'o aldeia Makous no loke ona dalan foun, maibé tempu udan ami autoridade lokál atu ba aldeia tolu ne'e araska tebes," nia dehan www.tempotimor.com iha Taroman, segunda (15/3).
Ho kondisaun ne’ebé iha mak autoriedade lokál husu IJE atu hadi’a fali estrada refere, maibé to’o agora seidauk.
"IJE loke ona estrada foun tenke hadi’a fali, nune'e tempu udan labele difikulta ba komunidde sira iha aldeia tolu ne’e," nia dehan
Entertantu, komunidade husi aldeia tolu ne'e populasaun hamutuk 500 resin ne’ebé iha observasaun www.tempotimor.com nian iha ternenu nota katak, komunidade sira la’ós difikulta de’it estrada, maibé difikulta mós ba liña eletrisidade ne’ebé husi Timor-leste ukun-aan to’o agora seidauk tama, entaun komunidade balun kalan uza solar panel, maibé balun kontinua uza lampurina.(*)