Haree ba dezestre naturál ne'ebé akontese mak profesór Zitu da Cruz ba jornalista www.tempotimor.com liuhusi telefone hatete, dezatre ne'e akontese iha loron fulan-marsu kalan tanba udan no anin boot entaun husi ai-hun boot ne'e estraga eskola refere.
"Kronolójia ba akontesimentu ne'e iha dia 14 kalan tanba udan no anin boot, entaun ai monu hodi hanehan sala rua husi eskola Sekundária jerál públika Suai”, informa nia, segunda (15/03)
Maibé, parte eskola hato'o kedan ba ekipa bombeiru munisípiu Covalima nian to'o kedan fatin akontesimentu, hodi tesi ai ne'ebé hanehan sala eskola ferere.
"Ohin ami kontaktu kedan ba bombeiru munisípiu Covalima nian no seguransa sivíl hodi ajuda ami para tesi ai ne'ebé mak hanehan hela eskola”, katak nia.
Tuir parte eskola seiduk fó karta ruma ba edukasaun munisípiu Covalima, tanba akontese derepenti, entaun urjente hodi tesi no salva eskola refere, maibé parte relevante sei husu atu ajuda uma ne’ebé mak afeita husi dezastre naturál.(*)