Login to your account

Username *
Password *
Remember Me

Domingos Ifen Sustenta Família Husi Estátua no Pinta Uma

Domingus Ifen dos Santos (27) Halo hela estatua iha  Suku Debus, Postu Administrativu Suai, Munisípiu Covalima, Sabado (20/3) Domingus Ifen dos Santos (27) Halo hela estatua iha Suku Debus, Postu Administrativu Suai, Munisípiu Covalima, Sabado (20/3) Foto Tempo Timor

Tempotimor (Covalima) - Nu'udar ema moris iha mundu, Maromak fó talentu oioin ba ema hodi uza ba moris, hanesan joven Domingos Ifen dos Santos (27) husi Suku Debus, Postu Administrativu Suai, Munisípiu Covalima ne'ebé iha abilidade hodi prodúz estatua inklui pinta ema-nia uma hodi hatutan moris inklui família.

Joven Domingos Ifen dos Santos ne'ebé koñesidu ho naran estimadu Ifen ne'e moris iha Indonézia Niki-Niki, loron 18 fulan-jullu tinan 1992. Ifen oan doben husi Manuel Pacheco dos Santos (aifunan domin) no Jacinta Hala. Ifen oan dalima husi maun alin nain-hitu (mane 5 no feto 2).

Domingos Ifen dos Santos hahú nia eskola primária Ave Maria Katólika Suai remata 2006, nia kontinua eskola pre-sekundária iha eskola São Luis Gonzaga ne'ebé remata iha tinan 2010. Bainhira Ifen remata nia eatudu iha nivél pre-sekundária, nia mós deside kontinua estudu iha nivél sekundária iha Eskola Sekundaria Jerál Públika (ESGP) Suai iha tinan 2011 no remata iha tinan 2013.

Bainhira Ifen remata nia estudu iha nivél sekundária, labele kontinua estudu iha ensinu superiór hanesan kolega seluk tanba ekonomia família. Ho situasaun ne'e lori Ifen filafali ba nia mehi uluk atu sai produtór ba estatua no pinta ema-nia uma.

"Husi ki'ik kedan mehi ona atu sai pintadór no halo estátua, entaun ha'u tama eskola husi primária kedan ha'u iha mehi ona atu sai arte iha nia moris”, dehan Ifen ba jornalista www.tempotimor.com hafoin dada-lia ho nia iha nia servisu fatin, kuarta (17/03).

To'o agora, Ifen prodúz ona estatua tolu, inklui estatua ba matebian Mateus de Jesus ne'ebé hari’i iha monumentu Bobonaru nian inklui pinta ema-nia uma iha munisípiu Covalima kuandu ema bolu.

Maibé, kona-ba produsaun estatua sira ne'e nia la hetan formasaun ruma husi instituisaun ka ema ruma, maibé husi mehi ne'ebé Ifen iha konsege dezenvolve liuhusi kreatividade rasik hodi promove saida mak momentu ne'ebá nia mehi ona.

"Ha’u la tuir kursu ruma kona-ba dezeña ka pinta estatua ne'e, maibé ha'u mak gosta halo hanesan ne'e, tanba liuhusi buat sira ne'e mós ita bele hetan osan hodi sustenta família uma laran, hanesan alin na’in-rua no ha'u-nia mama”, konta.

"Ha'u hetan fiar husi ema boot balun hanesan deputadu sira mós uza ona ha'u, hodi halo estatua ida ba matebian ida iha Bobonaru ho naran Mateus de Jesus nomós pinta karreta no ema nia loja iha suku Beko, Postu Administrativu Suai no agora ha'u halo estatua estudante feto ida mane ida kaer kadernu ne'e, entaun ho estatua ida ne'e ha'u halo estatua ba dala tolu ona hetan konfiansa husi ema”, dehan Ifen.

Husi nia kreatividadr ne’e, kada estátua ida presu US$ 50.00, no osan hirak ne'e apoiu nesesidade família nian inklui presiza rasik.

Mane kolsan ne'e konta katak, fasilidade ne'ebé uza hodi prodúz estatua ne'e manuál hotu.

"Fasilidade ne'ebé ha'u uza ne'e manuál hodi pinta karreta no halo monumentu, hanesan tudik cuter, lapis, aí, kuas nomós fatin hodi halo ha'u-nia servisu mak taka de'it ho lona hodi satan loromatan no udan bainhira ha'u servisu”, afirma nia.

Husi kondisaun real ne'ebé iha mak Ifen husu parte relevante sira atu fasilita fatin nune'e bele dezenvolve liután talentu ne'ebé nia iha.

"Karik bele governu ajuda ha'u kona-ba fatin hodi hau halo ha'u-nia servisu no fasilidade kona-ba pintura”, nia husu.

Hafoin jornalista www.tempotimor.com ba dada-lia ho mane klosan ne'e, obseeva mós katak, fatin ne'ebé Domingos Ifen servisu, ne'e hari de'it ai-rin haat husi kantu ba kantu, taka ho lona iha letan, besik sukaer huun ida hodi fó mahon ba nia hodi halo servisu.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter