Login to your account

Username *
Password *
Remember Me

Estadu Emerjénsia Hapara Kanalizasaun Bee-moos Ba Suku Taroman

Bee matan ne'ebé ekipa PNDS halo hela konstrusaun hodi kanaliza bee-moos ba komunidade Taroman ne'ebé to'o agora paradu hela. Segunda (29/3) Bee matan ne'ebé ekipa PNDS halo hela konstrusaun hodi kanaliza bee-moos ba komunidade Taroman ne'ebé to'o agora paradu hela. Segunda (29/3) Foto Tempo Timor

Tempotimor (Covalima) - Estadu Emerjénsia ne’ebé Estadu Timor-Leste aplika durante tinan tua ho balun ona konsege hapara kontrusaun ba kanalizasaun bee-moos iha Suku Taroman, Postu Administrativu FatuLulik, Munisípiu Covalima, hodi prevene no mitiga surtu Covid-19 iha territóriu laran.

Xefe Suku Taroman, Leonel Asa hatete, konstrusaun ba bee-moos ne’ebé atu kanaliza mai komunidade suku Taroman sei paradu, tanba estadu emerjénsia.

Projetu konstrusaun bee-moos no kanalizasaun ne'e abandona iha fulan-dezembru tinan 2019.

“Konstrusaun ne'e hahú iha tinan kotuk fulan-dezembru 2019 la kontinua, tanba estadu emerjénsia, entaun to'o agora sei paradu”, dehan Leonel ba www.tempotimor.com liuhusi telefone, segunda (29/03).

Projetu konstrusaun bee-moos ne'e iha área Tasi Balu implementa liuhusi Programa Nasionál Dezenvolvimentu Suku (PNDS) ne'ebé atu kanaliza ba aldeia rua iha suku Taroman, maibé seidauk finaliza.

“Sira husi PNDS mak halo projetu bee-mos ne'e ba aldeia Lianain no aldeia Taroman, depois dada to’o edifísiu polísia postu no edifísiu administrasaun postu eskola no ba komunidde sira hotu iha aldeia refere”, afirma nia.

Entertantu tuir targetu ba konstrusaun no kanalizasaun bee-mos ne'e sei fornese ba abitante liu 500 husi uma-ka’in 200 iha aldeia Lianain no Taroman inklui mós ba edifísiu administrasaun postu, postu polísia no Sentru Saúde Fatululik. Iha mós orsamentu ne’ebé finansia ba konstrusaun kuaze rihun US$40 resin.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter