Abertura Kopa Sali-Magu, Xanana: Joven La'ós Estuda De'it

Eis komandante en Xefe das FALINTIL, Kay Rala Xanana Gusmao ho Dr. Jose Ramos Horta halo abertura ba kopia Sali-Magu, Sabado (19/9) Eis komandante en Xefe das FALINTIL, Kay Rala Xanana Gusmao ho Dr. Jose Ramos Horta halo abertura ba kopia Sali-Magu, Sabado (19/9) Foto Tempo Timor

Tempotimor (Atsabe)-Komandante ein xefe Falintil Kayrala Xanana Gusmão no eis Prezidente Repúblika (PR) José Ramos Horta halo abertura ba kopa Sali-Magu hodi promove talentu juventude postu administrativu Atsabe munisípiu Ermera nian.

Iha abertura ne'e, Xanana Gusmão dehan, juventude la'ós estuda de'it, maibé promove mós telentu iha área desportu no múziku.

"Ita la'ós estuda de'it, maibé ita mós dezenvolve ita-nia saúde liuhusi desportu no muziku," katak Xanana hafoin halo abertura ba jogu futebool kopa Sali-Magu, Sábadu (19/9).

Hafoin haree kondisaun kampu ne'ebé juventude postu Atsabe uza , Xanana no Horta promete sei fó apoiu.

"Ha'u hatene imi-nia difikuldade, tanba rai mak ladi'ak, maibé ha'u tenke louva imi. Avó Horta mak sei fó apoiu ba rede futeboll nian, ha'u (Xanana) mak sei fó apoiu ba rede voleiboll no baskuetboll," dehan Xanana.

Husi jogu amijade ne'e, Xanana husu juventude Atsabe oan atu kria amijade iha área desportu no seluk tan.

Iha fatin hanesan diretór ensinu báziku sentrál José Ramos Horta, Angelino Monteiro agrdese ba ba lider na'in rua ne'e, tanba halo ona Abertura ba kopa refere.

"Ami agradese ba maun boot na'in rua, tanba bele hit aan mai iha ne'e hodi halo abertura ba kopa ida ne'e," nia tenik.

Entretantu estudante ne'ebé hala'o estudu iha EBC José Ramos Horta hamutuk 650 kompostu husi mane no feto nomós manorin sira hamutuk 18, sala aula 12 kompostu husi aula no sala profesór sira-nian.

Rate this item
(0 votes)
Last modified on Saturday, 19 September 2020 19:12
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.