Login to your account

Username *
Password *
Remember Me

Governu 'Hamaus' Kompañia atu Kontinua Estádiu Manatutu

Sekretáriu Estadu Juventude no Desportu (SEJD), Abrão Saldanha ko'alia ba jornalista sira Sekretáriu Estadu Juventude no Desportu (SEJD), Abrão Saldanha ko'alia ba jornalista sira Foto Midia SEJD

Tempotimor (Dili)- Oras ne’e daudaun governu 'hamaus' hela kompañia Obrai Unipesoal Lda hodi kontinua obra konstrusaun estádiu Kay Rala Xanana Gusmão Manatutu ne’ebé antes ne’e paradu, to’o ohin loron sekretariu Estadu Juventude desportu troka malu na'in hat ona maibe konstrusaun ba Estadiu ne'e hakdasak nafatin

Kompañia hakarak fali ona atu kontinua konstrusaun Estádiu ne'ebé atinji ona pursentu 63, tanba governu fó opsaun garantidu.

Sekretáriu Estadu Juventude no Desportu (SEJD), Abrão Saldanha informa, obra konstrusaun Estádiu Manatutu, kompañia sei kontinua hala'o to'o termina.

"Prosesu negósiasaun hotu ona, kompañia aseita ho opsaun ne'ebé governu fó, kompañia garantia sira iha osan sufisiente atu kontinua obra", Abrão hato’o asuntu ne’e, hafoin hasoru-malu ho Primeiru Ministru Taur Matan Ruak iha palasiu governu, Segunda (09/11).

Kompañia mós aprezenta ona planu no governu estende ona kontratu ba durasaun fulan 11, sura hahú husi fulan outubru tinan 2020, to'o fulan agustu tinan 2021.

"Opsaun ne'ebé governu fo mak aprezenta garantia katak, iha osan sufisiente hodi kontinua projetu ida ne'e, ou sira aseita no opsaun seluk mak aprezenta tempu atu konklui bainhira loloos, labele liu tinan ida no sira kumpre sira nia aprezentasaun fulan 11", nia esplika.

Tuir SEJD katak, fatin ne'ebé daudaun halo estádiu ba ne'e masin duni, maibé iha estudu viabilidade husi governu anteriór no iha alternativu atu masin labele implika ba du'ut ne'ebé kuda.

"Estudu iha, maibé ne'e governu anteriór mak halo iha fatin masin ne'e duni, husi estudu ne'e rasik sira aprezenta opsaun ne'ebé bele halo", nia hateten.

Entretantu, antes ne’e obra ne’e iha ona pursentu 63, tanba ne’e atuál SEJD labele halo fali buat foun, kontinua de'it nune’e halo estádiu ne’e to’o remata.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter