Reabilitasau Estadiu Tarde, TL Labele Sai Uma Nain Ba Kualifikasaun KM 2022 Featured

Relasiona ho jogu Pra-Kualifikasaun Kopa Mundiál 2022, Timor-Leste labele sai uma nain ba jogu, tanba kondisaun Estadium Munisipal Dili seidauk prontu.

"Timor-Leste sei kontra hasoru Malazia iha 4 Juñu 2019 no sei kontinua joga iha 11 Juñu 2019," dehan Sekrétariu Estadu Joventude no Desportu, Nelio Isaac, iha Palásiu Governu, Segunda (29/4).

Nia dehan, Timor-Leste sai uma na'in aproveita joga kontra Malazia, maibe liga ba kondisaun real labele atu sai uma nain iha jogu ne'e.

Nia pesimista katak, vantajen ba Timor-Leste ba jogu ne'e mak bele ba joga iha Malazia no sai uma nain iha kampu Malazia, maske konserteza la manan maibé karik manan ne'e milagre, no sei loke governu nia hanoin hodi fó onra ba jogadór sira, parte ida fó brani ba treinadór no jogadór sira atu sira bele sai husi kondisaun ne'e.

"Uza kampu ne'e Governu sei selu, tanba ema sei la fó ba ita gratuitu, tanba ne'e asosiasaun federasaun futebool tenke fera ulun para buka osan hodi selu ba ema nia kampu no fatin sira ne'e, tuir ita nia kbiit depois Governu sei apoiu ho Orsamentu Jerál Estadu (OJE) 2019 nian ne'ebé governu prevé. Maibé ita seidauk hatene sira nia aproximasaun kona-ba orsamentu hira mak ita atu selu ba fatin no estadiu nian ne'e", tenik Nelio.

Sekretáriu Estadu salienta, dezvantajem maka kondisaun entaun jogadór sira tenke ba joga iha li'ur bele mós prezudika ba nia jogadór sira nia vontade hodi joga, tanba haree ba kondisaun ne'e presiza hasai jogadór sira husi situasaun ne'e.

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com