Print this page

Tebe Bola Iha Ámbitu EE, PNTL Covalima Hapara Imediátu

PNTL hapara jogu iha kampu iha suai PNTL hapara jogu iha kampu iha suai Foto Tempo Timor

Tempotimor (Covalima)-Relasiona ho juventude sira ne’ebé la kumprimenta ba regra estadu emerjénsia nian hodi hala’o atividade desportu iha Maucola, suku Beco postu administrativu Suai, mak Polísia Nasional Timor-Leste (PNTL) Munisípiu Covalima obrigadu hapara jogu refere tanba kontra estadu emergensia.

Tuir komandante PNTL munisípiu Covalima, Superintendente Antônio Maria de Sá katak, atividade tebe bola ne'ebé juventude sira halo ne’e konsidera kontra estadu emergensia no dekretu governu nian ne’ebé previstu iha kodigu penal.

"Komunidde no joven sira lá kumpri Estadu emergensia nian, sira ba tebe bola fali entaun parte seguransa foti desizaun ne’ebé rigór hodi kaptura autoridade lokál sira ne'ebé mak responsavel ba jogu ne'e," informa komandante ne’e www.tempotimor iha nia kna'ar fatin, Tersa (2/3).

Nia afirma, hafoin jogu ne’e la’o, komandu foti kedas médida ho dalan lori xefe aldeia no xefe suku para bele presta deklarasaun ba servisu investigasaun kona-ba atividade tebe bola ne'e.

"Hodikalan bolu mai kedas parte investigasaun sira husu se mak autoriza hodi loke jogu ne'e no foti médida sira hatudu sira lá kumpri regras estadu emergensia tuir lei ne’ebé previstu iha kódigu penal artigu 245," Nia informa.

Entertantu observasaun www.tempotimor.com nota katak, juventude no labarik sira ne'ebé hola parte iha jogu refere la kumprimenta ba regra EE inklui husi Organizasaun Mundiál ba Saúde (OMS).(*)

Rate this item
(1 Vote)
Last modified on Thursday, 04 March 2021 13:24
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items