“Ida ne'e agora ita iha faze estudu viabilidade, oinsá sira haree fatin iha ita-nia Kuluhun, iha eis Mui nian ne'ebá ne'e, oinsá atu ko’alia ho autoridade lokál sira atu husik fatin ne'e ba hanesan fatin pilótu ida ba iha jogu iha ita-nia rain ne'e, jogu tradisionál sira ne'e ita hakarak atu halo hamosu uluk fatin pilótiku ida, katak fatin ne'e sai fatin jogu tradisionál ninian, ho kritéria ne'ebé ministériu estabelese”, informa Ministru Turízmu Komérsiu no Indústria (MTKI), José Lucas do Carmo da Silva, iha Palásiu Governu, Dili, kuarta (18/08).
Fatin ba atividade jogu tardisionál sira hanesan, labele besik iha komunidade, eskola, no fatin ida ne'ebé fatin integradu, jogu integradu.
“Ezemplu ida ne'ebé mak atu hamosu uluk ne'e mak iha Kuluhun ne'e. Ita haree jogu tradisionál hanesan alin sira (jornalista) hatene, ita iha bola-gulin, ita iha kuru-kuru, ita iha futu-manu, baku karta, jogu sira ne'e ita hanaran jogu tradisionál”, dehan nia.
Ho orsamentu ne'ebé sei uza hodi konstrui fatin ba atividade jogu tradisionál ne'e, ho montante hamutuk rihun US$75. (*)