Print this page

Ekipa Lafaek Manan Ekipa Kanguru ho 2-0

By September 20, 2019 588
Baliza husi ekipa Lafaek, Kay Rala Xanana Gusmao tahan netik bola ne'ebe suta husi jogador ekipa Kanfaru iha kampu futebola estadium municipal Dili Baliza husi ekipa Lafaek, Kay Rala Xanana Gusmao tahan netik bola ne'ebe suta husi jogador ekipa Kanfaru iha kampu futebola estadium municipal Dili Foto Facebook Jordao Henrique

Tempotimor (Dili)-Ekipa FALINTIL Forsa Defeza Timor Leste  (F-FDTL) konsege hetan vitoria bainhira hala'o jogu hasoru ekipaForsa Defeza Australia ho golu 2-0.

Golu dahuluk marka husi sarjentu Mira Belo iha menutu neen iha parte dahuluk no golu daruak marka husi soldadu Barros.

Jogu entre ekipa Lafaek kontra ekipa Kanguru ne'e hala'o iha ámbitu komemorasaun tinan 20 prezensa misaun Interfet iha Timor Leste.

Treinadór ekipa F-FDTL Tenenti Natalino Marques sente kontenteho vitoria ne'ebé nia ekipa hetan.

"Husi jogu ida ne'e bele anima mós ita-nia komunidade inkluihametin amizade entre Forsa Defeza Timor Leste nian no FosraAustralia," dehan Tanenti Natalino iha estadiu Munisipal Dili, Sesta(20/09).

Treinador ne'e hein katak sei iha tan jogu hanesan iha futuru hodihametin liu tan amizade entre ekipa husi nasaun rua ne'e.

Iha fatin hanesan, Sekretáriu Estadu Juventude no Desportu (SEJD) Nelio Isaac Sarmento  parabéns ba ekipa Timor Leste no ekipaAustralia.

"Jogu ohin ne'e pozitivu no parabéns ba ekipa rua ne'e, no parabénsba maun boot sira tanba manan tiha ekipa Interfet sira," dehanNelio.

Jogu amizade ne'ebé lao durante menutu 40 ne'e hetan partisipasaun másimu husi komunidade no membru governu sira.

Iha Parte seluk jogu entre ekipa esi FALINTIL ne'ebe lidera husi guarda rede, eis komandante en Xefe das FALINTIL, Kay Rala Xanana Gusmao ho ekipa Eis INTERFET ne'ebe ninia guarda rede maka komandante Interfet Peter Cosgrove, impata 1-1. 

Rate this item
(0 votes)
Last modified on Saturday, 21 September 2019 14:05
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items