Tempotimor (Dili)-Sekretáriu Estadu Juventude no Deportu (SEJD), Abrão Saldanha ‘Nokosiku’ informa, sira aprezenta ona orsamentu adisionál hamutuk rihun $170 ba projetu estadiu Manatutu ne’ebé hetan ona aprovasaun husi Konsellu Administrasaun Fundu Infraestrutura (KAFI).

“Progresu Estadiu Munisípiu Manatutu, semana kotuk ami aprezenta ona kustu adisionál 170 mill ba KAFI hetan ona aprova, pur volta pursentu 7,8 ba kampu refere, hetan ona verifikasaun husi Obras públika no AND (Ajensia Nasionál Dezenvolvimentu)”, informa Abrão Nokosiku, iha edifísiu SEJD, Lesidere, sesta (01/04).

Orsamentu adisionál ne'e aprova husi KAFI ba prosesu estensaun kontratu to'o fulan-outubru 2022, ba kompaña responsabilidade tenke finaliza ona kampu refere iha tempu badak.

“KAFI fó autorizasaun ba kampaña obrai tenke finaliza nia obra estadiu Munisipál Manatutu iha fulan-outubro tinan ne'e bazeia ba asina kontratu husi kompaña ho KAFI”, deklara nia.

Kompaña Obrai ne’ebé antes ne’e hala’o hela projetu refere, maibé iha mudansa sosiu husi ema ne'ebé responsabiliza projetu estadiu Manatutu refere. (*)

Tempotimor (Dili)-Bankada Congresso Nacionál de Reconstrução de Timor (CNRT) kondena maka’as atetude husi Kompaña Vision, tanba durante ne’e abandona kontratu projetu estadiu iha Munisípiu Manatutu.

Tempotimor (Dili)- Oras ne’e daudaun governu 'hamaus' hela kompañia Obrai Unipesoal Lda hodi kontinua obra konstrusaun estádiu Kay Rala Xanana Gusmão Manatutu ne’ebé antes ne’e paradu, to’o ohin loron sekretariu Estadu Juventude desportu troka malu na'in hat ona maibe konstrusaun ba Estadiu ne'e hakdasak nafatin