Print this page

Komunidade Hahu Simu Konsekuensia Husi Sem Konxiénsia

By January 24, 2020 2533
Lixu nakonu iha valeta sira kapital Timor Leste (23/01) Lixu nakonu iha valeta sira kapital Timor Leste (23/01) Foto suplai
Tempotimor (Dili) - Hahalok komunidade sira nian ne'ebé laiha konxiénsia hodi soe foer arbiru, lori ona ninia rezultadu liuhusi inundasaun ne'ebé akontese daudaun ona.

Adjuntu Munisípiu Dili, José 'Zeca' Smith hateteb, lixu nakonu Dili laran ne'e tanba komunidade laiha konxiénsia hodi so'e fo'er iha nia fatin, entaun kuandu udan tun hamosu inundasaun hodi abitante sira.

"Ita tau matan nafatin, maibé Munisípiu Dili mós labele tun fali ba ra'ut fo'er ne'ebe komunidade kada loron soe arbiru. Komunidade mos tenke kontribui ajuda hamoos fo'er, tanba kuandu be sae ne'e populasaun mak sofre", dehan nia dehan, iha nia knaar fatin, Kaikoli, Sesta (24/1).

Nune'e, nia apela, sidade Dili atu sai diak, presiza hotu-hotu kontribui labele depende de'it ba Munisípiu Dili. So'e fo'er iha nia fatin, labele taka bee dalan no labele halo tuir ida-idak nia hakarak.

Zeca esplika, Munisípiu Dili nia esforsu mak mobiliza liuhusi enkontru formál no informa liuhusi media sira atu fo hatene komunidade labele so'e fo'er, maibé nafatin soe foer arbiru, nia konsekoensia mak akontese inundasaun.

Entretantu, jornalista www.tempotimor.com tenta konfirma dadus abitante ne'ebe afeta ba inundasaun, maibé oras ne'e Munisípiu Dili seidauk hetan dadus konkreta. (*)
 
 
 
Rate this item
(0 votes)
Last modified on Friday, 24 January 2020 15:38
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items