Nune'e, KFP sei halo semináriu nasional kona-ba oinsa atu enkoraza ema ho definiénsia iha administrasuan públika.
"Objetivu mak oinsa ita bele to’o iha entendimentu ida kona-ba saida mak ema ho defisiénsia, tanba to’o ohin loron iha definisaun oioin kona-ba ema ho defisiénsia”, dehan Prezidnte KFP, Faustino Cardoso, iha Palásiu Prezidensiál Bairru-Pite, Segunda (4/3).
Nia akresenta, husi definisaun oioin ba ema ho defisiénsia ne’e sai preokupasaun ba instituisaun Estadu, liuliu difikuldade ba KFP atu oinsa hamosu polítika ida adekuadu hodi enkoraza partisipasaun plena husi ema ho defisiénsia iha administrasaun públika laran.
Prezidente KFP hatutan, programa ne’e nu’udar polítika KFP liga ba laiha diskriminasaun, hetan oportunidade hanesan, inkluzaun, la haree ba ema-nia situasaun, trata ema hotu hanesan.