"Orientasaun hodi funsiona seguransa oras 24 iha Kapitál Dili ne'e orientasaun la'o tiha ona. La'os ba kapital Dili deit, maibé ba munisipiu hotu. Buat ne'ebé PNTL sei enfrenta uitoan mak ami agora halo ezersisiu interna ida para halo balansu", dehan nia, Komandante Jerál PNTL, iha Palásiu Prezidensiál, Bairru-Pité, Kinta (9/5).
Kolokasaun pesoál PNTL ne'e agora halo dadauk ona, inklui pesoal balun husi munisipiu ba kapital ne'ebé la'o hela no semana oin sei aprezenta ba Governu aumezmu tempu halo re-estruturasaun, tanba ne'e mós sai ona prioriade ba programa 2020 nian.
Komandu Jerál dehan, orientasuan kontinua la'o no kontinua halo check point iha hodi kaptura sasan sira ne'e, maibé ema mak komesa hanoin fali katak polísia mak sai fali autór hodi halo asaltu ba PNTL.