Xefe Jestaun Merkadu Taibesi, ne'e dehan, durante selebrasaun loron natal no tinan foun kondisaun merkadu Taibesi la regista kazu ruma inklui aktividade ekonomia la'o normal.
"Atu inplementa médida prevensaun Covid-19, ami hein de'it bainhira regra refere fó sai ona husi governu. Para halo mudansa ne'e tuir regra hotu, ami hein hela regras sira ne'ebé mai husi leten," dehan Anibal ba www.tempotimor.com iha nia knar fatin Merkadu Taibesi Dili, Segunda (4/01).
Nia aprofunda, iha estadu emergensia dahuluk merkadu Taibesi aplika distansiamentu sosiál, vendór sira no kompradór tenki uza máskra inklui fase liman antes halo aktividade ekonomia. Maibé agora seidauk.
"Ami-nia planu mak, bainhira abitante ida la uza máskara sei haruka fila, Maibé ami sei hein regra husi leten," dehan Anibal.
Iha fatin hanesan negosiante maskara, Atoi Perreira katak, maskra ne'ebé nia faan dadaun ne'e folin tanba pandemia Covid-19.
"Dala-barak vendedór no kompradór balun haluha la uza maskra bainhira halo aktividade ekonomia, entaun situasaun ne'e fó oportunidade ba ha'u hodi hetan osan liu husi maskra ne'ebé ha'u faan.(*)