Login to your account

Username *
Password *
Remember Me

Serka Sanitária Hapara Movimentu Vendedór Pentolan

Vendedór ambulante na'in-tolu kompostu husi Yanto Neci (klaran), António Ena (karuk) ho nia kolega mane ida ne'ebé durante fa'an pentolan fa'an pentolan haleu iha sidade laran, kapital nasaun nian, kuarta (17/03) Vendedór ambulante na'in-tolu kompostu husi Yanto Neci (klaran), António Ena (karuk) ho nia kolega mane ida ne'ebé durante fa'an pentolan fa'an pentolan haleu iha sidade laran, kapital nasaun nian, kuarta (17/03) Foto Tempo Timor

Tempotimor (Dili) - Serka Sanitária no Konfinamentu domisiliariu obrigatóriu ne'ebé governu aplika iha kapitál Nasaun, durante ne’e konsege hapara atividade ka movimentu vendedór pentolan, tanba bandu ema hala’o atividade iha fatin públiku sira.

Foinsa'e ida ho naran, Yanto Neci exepresa nia sentimentu triste, tanba durante governu implementa serka sanitária iha Dili, halo sira labele fa'an pentolan hanesan situasaun baibain tanba regra bandu ema halo movimentu ba mai.

"Ami mai iha Dili, fa'an pentolan iha dalan ibun to’o bairu sira hodi buka osan, mais agora araska tebes. Agora ne'e, ami la hetan osan, tanba estadu bandu labele la'o”, dehan nia iha nia rezidénsia Aldeia 04 Setembru, Suku Komoro, Postu administrativu Dom Aleixu, kuarta (17/03).

Baibain nia fa'an "pentolan" haleu sidade Dili no tama to'o bairru sira, loron ida bele hetan osan to'o U$20, maibé ho situasaun emerjénsia ne'e, halo nia hela de'it iha uma.

"Ema sosa, maibé depende ba badinas atu la'o. Loron ida ami hetan U$20, maibé agora emerjénsia ne'e, ha’ula fa’an ida”, hatete nia.

Vendedór Yanto Neci mai husi RAEOA, husi Postu administrativu Passabe, Suku Abani, Aldeia Ató, kontinua hela nia estudu iha eskola Sekundária Jerál Públika Nicolau Lobato iha Tasi-tolu Dili, no agora klase 3.

Atividade negósiu ne'e uza ba eskola, hola kadernu, selu eskola, seluk kost, tanba kada fulan selu U$.25.00 ba uma ne'ebé aluga, no sai ba fa'an iha loron sábadu ho domingu de'it..

Nune’e, vendedór "pentolan" António Ene hatutan, oras ne'e nia rasik laiha ona osan atu uza ba hahán loroloron, selu eskola no uma kost.

"Ami hanesan fa'an pentolan, antes seidauk rekomenda situasaun emerjénsia ne'e, ami-nia osan loron ida tama, U$10. Maibé loron hanesan ne'e, ami la sai fa'an pentolan. Ida ne'e, ami-nia osan mós laiha, depois ami hela iha kost tan, ami atu servisu saida, osan laiha tan”, dehan nia.

Haktuir ba rezolusaun governu númeru 21/2021, iha loron 08 fulan-marsu, kona-ba serka sanitária hodi bandu ema halo movimentu ba mai, hahú husi loron 09 to'o 15 fulan-marsu 2021, no situasaun hanesan, governu halo extensaun tan ba loron 20 hahú husi loron 16 fulan-marsu to'o iha loron 02 fulan-abril 2021.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter