Iha loron segunda, 29 fulan-marsu tinan ne'e, parte loraik maizoumenus tuku 16:00otl liu minutu balun , ekipa saúde evakua ona pasiente Covid-19 ida iha eis merkadu komoro laran ba sala izolamentu iha Kapitál nasaun.
Família ida husi pasiénte nian, informa, pesoál saúde evakua ona nia ba izolamentu, no ekipa konjuntu sei halo teste swab ba komunidade sira ne’ebé hela besik.
"Ohin kedan sira lori tiha ona ba izolamentu, sira halo hotu teste ba ami uma laran”, dehan nia
Hafoin halo evakuasaun, pesoál saúde sira mós hasai ona sampel husi família pasiénte nian atu submete bá teste SWAB iha laboratóriu nasional saúde.
Evakuasaun ba pasiénte ne'e, hetan apoiu seguransa Máximu husi membru Polísia Nasionál Timor-Leste (PNTL). (*)