"Sim semitériu Bekussi remata ona, tanba nakonu ona, Munisípiu Dili prepara ona hodi asegura ona rai ektare ualu (8) iha Metinaru, atu nune'e sira ne'ebé mak mate iha Dili ne'e lori ba hakoi hotu iha ne'ebá", dehan Ministru Miguel hafoin Aprezenta Komisaun Revizaun Orsamentu Polítika iha Ministériu Finansas, Aitarak Laran, sesta (03/09).

Tanba fatin ne'ebé mak Munisípiu Dili identifika hodi sai semitériu ba Munisípiu Dili mak iha Metinaru besik Jardim dos Herois nia sorin.

Alende ne'e, Governu mós halo ona kompesansaun ba reklamante sira ne'ebé mak konsidera na’in ba rai iha Metinaru.

"Governu rezolve ona atu halo konpensasaun ba komunidade sira ne'ebé mak reklama dehan fatin ne'e sira-nia, ne'ebé ita rezolve ona ohin loron asegura ona", dehan nia.

Nune'e iha tempu badak Prezidente Autoridade Munisípiu Dili, sei avizu ba públiku nune'e ba oin hakoi ona mate iha Metinaru tanba rate Bekussi nakonu ona. (*)