Ministru Prezidénsia Konsellu Ministru (MPKM), Fidelis Leite Magalhães hatete, prosedimentu kontratu relativu ne'e fahe ba komponente sira.
"Primeiru mak prestasaun servisu rekolla no tula Lixu sira iha sidade Dili nian relativu ba Lote 1 - Zona Oeste no Lore 2 Zona Oeste”, esplika Fidelis Leite iha Palásiu Governu, kuarta (20/10).
Iha mós parte daruak main halo konsesaun, konstrusaun reabilitasaun no jestaun aterru nia ida no tratamentu Lixu Tibar.
Nune’e ba datoluk nia mak, fornesimentu ekipamentu sira ba rekolla Lixu iha Díli no ba aterru no estasaun tratamentu Lixu Tibar, no fornesimentu kontentór no kaixote Lixu nian fornesimentu ekipamentu rekolla Lixu no ba operasaun aterru nian no fornesimentu ekipamentu ba operasaun aterru nian.
Husi komponente tolu ne'e mak oinsá atu hadi’a no asegura Lixu iha Munisípiu Díli nian oinsá atu redúz Lixu iha Dili.
Projetu ne'e aprezenta husi Ministru Administrasaun Estatál (MAE), Miguel de Carvalho Pereira, ba Konsellu Ministru, hodi halo deliberasaun. (*)