Login to your account

Username *
Password *
Remember Me

Items filtered by date: Monday, 03 May 2021

Tempotimor (Dili)-Ministru Asuntu Parlamentar no Komunikasaun Sosiál (MAPKomS), Francisco Martins Jerónimo hatete, Governu prevee ona orsamentu montante millaun US$10 iha orsamentu raktifikativu  atubele sustenta ai-han lokál hodi hamenus importasaun mai Timor Leste (TL).

"Lós duni, ha’u hanoin iha orsamentu raktifikativu ita prevé osan 10 milhões atubele sustenta ai-han lokál, atu nune'e ita labele depedénsia ba ai-han importasaun husi rai liur, tanba ita-nia produtu lokál mós iha”, dehan Francisco Jerónimo iha Plenária Parlamentu Nasional(PN), segunda,(03/05).

Deklarasaun ne'ebé fó sai husi Ministru Francisco ne’e hodi responde preokupasaun deputadu bankada KHUNTO, Antonio Verdial, ne'ebé husu pozisaun Governu oinsá promove produtu lokál hodi evita dependénsia ba importasaun.

Maske Gogvernu aloka ona orsamentu hodi promove produtu lokál iha munispiu sira, maibé la taka dalan atu halo importasaun, bainhira presiza duni.

“Ita prevé osan 10 milões atubele sustenta ai-han lokál, karik la to'o foin bele mai husi rai liur, no ida ne'e ami agradese ba bankada KHUNTO tanba fó hanoin fali ba governu ne'ebé governu rasik halo ona prevensaun ba sira ne'e hotu”, afirma nia.(*)

Published in Politika

Tempotimor (Dili) - Deputadu Bankada Partidu Demokratiku (PD), Mariano ‘Asanami’ Sabino, husu atu sidadaun sira labele utiliza MidSos (mídia sosial) hodi hamate liberdade ema seluk nian.

Tanba, iha konstituisaun RDTL garante ona iha artigu 4o (Liberdade ko’alia no informasaun nian), no artigu 41 (Liberdade imprensa no komunikasaun sosiál nian).

"Labele uza Mídia (mídia sosial) para tolok malu, tanba kontra lei no la’ós sivilizadu, ita labele uza liberdade ne'e para halakon fali ema seluk nia liberdade, hanehan no hamate fali ema seluk nia liberdade”, deklara Assanami iha Parlamentu Nasiona (PN), Dili, segunda (03/05).

Prátika ko’alia iha MidSos lei mak garante importante mak sivilizasaun ka atetude tanba husi espresaun mak hatudu ezisténsia ema ida nia ba liberdade atu ko’alia.

"Laiha ema ida ukun fali ema seluk nia hanoin, ema hotuhotu iha liberdade atu hanoin, hakerek no ko’alia tuir kolidor lei nian mais iha hanoin tenke ko’alia. Liuhusi tolok, trata no hanehan ema ne'e labele," dehan nia.

Husu atu nafatin mantein prinsípiu luta ba liberdade hanoin no espresaun tanba povu mak hun ba ukun no nain ba nasaun.(*)

Published in Politika

Tempotimor (Dili)-Deputada Bankada Partidu Libertasaun Popular (PLP), Maria Angelina Sarmento husu ba governu atu kria kondisaun ba juven rejisténsia no frente kladestina ne'ebe sai marjinalizadu.

Tanba Joven sira ne'ebe uluk hola parte iha lina frente, sira mós luta ba libertasun nasional, maibé ikus sira sai marjinalizadu no balun mate ona, seidauk halo rejista iha komisaun omenajen.

"Ha’u hakarak hato'o ejizensia ba governu atu kria kondisaun, joven rejisténsia sira iha kladesitina frente kladestina nian, tanba sira ne’ebé uluk iha lina frente ba luta libertasun nasional, agora sira barak mak marjinalizadu, e até balun mate sein ba rejista iha komisaun omenajen”, dehan nia iha Plenáriu Parlamentu Nasional (PN), segunda (03/05).

Rekomenda mós ba governu atu iha fleksibilidade halo tratamentu ba membru Albuquerque sira ne’ebé sei marjinalizadu no la goja independensia.

"Ba sira ne’ebé mak seidauk rejistu karik governu bele simu, em nome da organizasaun, bele ba rejista sira-nia naran, maske sira mate ona, atu sira-nia dadus ne'e bele iha komisun omenajen, e sira-nia familia bele hetan fixa, hodi nune'e sira mós bele asesu ba rekursu estadu”, hatete nia.

Hatan ba kestaun ne'e Ministru Asuntu Parlamentár no Komunikasaun Sosiál (MAPKomS), Francisco Martins Jerónimo hatete, preokupasaun sira ne’e la konsege resposta, maibé sei aprezenta ba Ministériu konpetende hodi bele hato'o hikas karta resposta ba deputadu sira. (*)

Published in Politika

Tempotimor (Dili)-Primeiru Ministru (PM), Taur Matan Ruak, hato’o votu felisitasaun ba jornalista sira iha mundu liuhusi selebrasaun loron liberdade imprensa, ne’ebé selebra iha loron ohin, (03 fulan-maiu).

Haree ba loron 3 fulan-maiu, nu’udar loron espesial ba jornálista sira, tanba loron ne’ebé Nasaun Unida adopta hanesan Loron Mundiál Liberdade Imprensa hodi fó hanoin ba nasaun hotu iha mundu tomak atu respeita Liberdade Imprensa.

“Ha’u lori Governu nia naran, hakarak hatao’o votu felisitasaun ba jornalista sira iha mundu tomak no espesialmente ba jornalista timoroan sira hotu ba imi-nia loron espesial ohin", deklara Taur liu husi komúnikadu impresnsa ne'ebé www tempotimor.com asesu iha loron, segunda (03/05).


Tuir índise liberdade imprensa mundiál nian ba tinan 2021 husi Report Without Borders (RSF) hatudu Timor-Leste iha pozisaun 71 ho pontuasaun global 29.11 husi totál nasaun 180 ne’ebé RSF rekolla.

Tanba ne’e, hatudu Timor-Leste iha nível di’ak liu kompara ho nasaun sira iha sudeste Áziatiku inklui mós nasaun balun ne’ebé ukun-an iha tinan barak ona.

“Ita kompara ho país balun ne’ebé ukun-an kleur ona, mais sira-nia Liberdade Imprensa sei dook liu husi ita-nian, no hatudu katak Liberdade Imprensa iha ita-nia nasaun, nia iha fatin. Hanesan Primeiru Ministru, ha’u orgullu, no ita hotu tenke orgullu ba prestasaun ida ne’e”, afirma Taur.

Xefe Governu dehan, governu respeita tebes Liberdade Imprensa, no iha vontade atu kontinua apoiu insitiuisaun mídia sira hodi kontinua hala’o sira-nia kna’ar ho independente, imparsialidade, respeitu kode etika jornálista no responsabilidade nu’udar pilar impórtante ba demokrasia.

Maske, Timor-Leste hasoru hela obstaklu boot dezastre naturál ne'ebé akontese iha loron 4 fulan-abril, no Pandemia COVID-19.

Nune'e, Governu halo esforsu oinsá atu minimza impaktu husi kalamidade ne’e. Maibé iha situasaun sira hanesan ne’e, jornálista sira-nia kontribuisaun oinsá tulun Estádu iha divulgasaun informasaun ne'ebé loos, justu, kredivel no mais edukativu atubele ajuda Estadu iha situasaun ne’e.

Ho situasaun ne'e, la haluha mós agradese ba Jornálista sira nia kontirbisaun durante ne’e hato’o informasaun ba públiku relativa ho atividade sira Governu nian, maske hasoru difikuldades oioin iha terenu, maibé nafatin iha vontade. (*)

Published in Politika

Tempotimor (Dili)-Deputadu Bankada Partidu Demokratiku (PD), Mariano ‘Asanami’ Sabino husu governu atu aselera lalais subsídiu ba povu iha situasaun covid-19 no inundasaun.

Tanba inundasaun ne’eb akontese iha loron 04 fulan-abril to’o loron 03 fulan-maiu tinan 2021, maibé komunidade afetadu nafatin toba iha rai, no iha situasaun covid-19 tenke apoiu povu ne'ebé hetan impkatu.

"Fó fali povu nia sasán ne'ebé sira merese, osan ne'e povu nia," dehan Assanami ba www.tempotimor.com iha Parlamentu Nasiona (PN), segunda (03/05).

Apoiu hanesan subsídiu ba estudante no povu inklui ajudu hahán ba kada família, loke espasu ba negosiante sira atu kontinua aktividadeo ekonomia iha situasaun serka sanitaria (SS) no kumpri regra prevensaun Ministériu Saúde (MS).

"Ita la haree de’it númeru osan ne'e tun ga sa'e, gasta hotu ga lae importante mak povu haree situasaun ne'e konkreta, buat barak mak fasil maibé la to’o iha kraik (baze)”, dehan nia.

Antes ne'e,PN aprova orsamentu rektifikativu, Lei 35/V (3ª) númeru 14/2020 ho montante millaun US$223.8 ne'ebé sei aloka ba Covid-19, rekoperasaun ekonomia inklui fó subsídiu ba família agregadu no selu propina ba estudantes universitáriu sira. (*)

Published in Ekonomia

Tempotimor (Dili)-Parlamentu Nasionál (PN) deside fó autorizasaun ba deputadu sira bankada CNRT, Adérito Hugo da Costa, atubele ba presta deklarasaun iha Tribunál Distritál Dili (TDD), tanba deskonfia liga ahi eletrisidade ilegál.

Votu autorizasun ne'e, Parlamentu Nasionál aprova liuhusi eleisaun eskrutíniu sekretu ne’ebé mak hala'o iha plenária loron segunda (03/05) ho votu afavór 49, kontra 0 no abstensaun 3, nune'e fó posibilidade ba Deputadu Adérito Hugo da Costa atu ba hatan iha Tribunal iha loron 10 fulan-maiu tinan 2021.

“Rezolusaun suspensaun mandatu ba señor Deputadu Adérito Hugo da Costa ba efeitu prosegimentu prosesu judisiál konfirmadu”, informa Prezidente Parlamentu Nasionál, Aniceto Longuinhos Guterres Lopes, iha plenária, segunda (03/05).

Pozisaun PN deside halo supensaun ba funsaun mandatu deputadu Aderito tanba hakarak koopera ho justisa, nune’e prosesu bele la’o ho lalais depende ba tribunál.

“Ohin, ita aprova votu konfirmasaun maibé iha loron 10 fulan-maiu julgamentu la’o ka lae, se la konsege julgamentu, ne’e problema tribunál nian”, hatete nia.

Iha fatin hanesan Deputadu Adérito Hugo da Costa, haktuir ajenda ne’e kleur ona no desizaun parlamentu nian halo tiha ona, maibé agora nia prontu koopera ho tribunál nune’e prosesu ne’e avansa bá oin.

“Ha’u husu atu autoriza hodi aselera prosesu ne’e, tanba ha’u mós lakohi atu prosesu ne’e pendente ho situasaun ida hanesan ne’e. Ha’u ejize atu prosesu ne’e la’o lalais. Ba ha’u iha loron 10 fulan-maiu ne’e bele realiza ona julgamentu, lalais liu di’ak liu”, afirma nia. (*)

Published in Justisa

 

Tempotimor (Dili) - Polisia Nasionál Timor-Leste (PNTL) liuhusi komandu jerál sei kriminaliza sidadaun sira ne'ebé mak vióla regra Serka Sanitária (SS) iha territóriu nasionál Timor-Leste.

"Ba sé deit mak kontra no la tuir lei hirak nee, PNTL sei atua kriminaliza nune’e imediatu aprezenta ba ministériu públiku ne’ebé konsidera hanesan la obedese ka la kumpri ordem autoridade", dehan komandante jerál PNTL, Komisáriu Faustino da Costa liuhusi konferénsia imprénsa iha Kaikoli, segunda (03/05).

Nune’e, husu ba sidadaun sira ne'ebé laiha atividade urjenti, hotu-hotu tenki hela iha uma, no bainhira urjenti atu sai, presiza uza máskra.

"Uza maskra, mantein distansia sosial. Sira ne'ebé autoriza sai mak, sira ne'ebé ba ospital, sosa nesesidade sira uma laran nian. Koloka nu'udár tradisaun hodi fase liman bebeik, evita kontatu fiziku no mantein distansia sosial", dehan nia.

Ho situasaun ne’e, PNTL sei  regula movimentu hotu, tuir regra sira ne'ebé governu hasai ona kona-a prevensaun Covid-19.(*)

Published in Seguransa Defesa

Tempotimor (Dili)-Oknum Polísia Nasionál Nasionál Timor-Leste (PNTL) ne’ebé tiru kanek joven na’in-3 bainhira asaltu malu iha aldeia Zero 04, Suku Kaikoli, Postu Administrativu Vera Cruz, Munisípiu Dili.

Published in Seguransa Defesa

Tempotimor (Dili)-Sentru Integradu Jestaun Krize (SIJK) entrega ona matebian FdR ba familia hodi ba halot iha munisípiu Vikeke, postu administrativu Uatolari, suku Makadike.

Matebian ne’e, hakotu iis iha loron domingu loron 02/05/2021), maizumenus tuku 07:00 otl.

Tuir infomasaun ne'ebé www.tempotimor.com. asesu iha terenu katak, Matebian FdR lori sai ona husi Izolamentu Vera Cruz ba nia Uma Quintal Boot tau iha Meza hafoin lori ba Uatolari, ba to’o iha Uatolari liuhusi Matebia nia uma iha Makadike-Uatolari mak ekipa ho família husi Uatolari mak lori ba rate hodi halot mate isin tuir protokolu covid-19 nian.

Matebian ne’e husi munisipiu Vikeke, postu administrativu Uatulari, suku Makadike ho idade 27 nu’udar kaben-nain, nia iha oan na'in-4, feto 3 no mane 1.(*)

Published in Saude
Page 2 of 2
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter