Tempotimor (Dili)-Deputada Bankada Congresso Nacionál de Reconstrução de Timorense (CNRT), Carmelita Caetano Monis, kestiona Prezidente Repúblika (PR), Francisco Guterres ‘Lú Olo’, halo nomeasaun Politika hodi estende mandatu Prezidente Tribunal Rekursu (TR), Deolindo do Santos ba dala-rua.

Tanba durante kaer pasta nu’udar prezidente tribunal rekursu, hamutuk ho prezidente KFP, Fuastino Cardoso komete hela kazu Komusaun Nasional Ba Eleisaun (CNE) ne’ebé dadauk prosesa hela iha tribunal.

“Ha’u hakfodak kuandu, estende tan mandatu ba segundu mandatu. Ne'ebe ha’u kestiona tebes ba tratamentu ne’ebé la hanesan ba nomeasaun politika husi Prezidente Republika rasik, hili doutor Deolindo do Santos ne’ebé nia mós iha prosesu hanesan ho Doutor Faustino, iha hotu prosesu investigasaun kriminal nia laran ba kazu CNE”, dehan nia iha Plenáriu Parlamentu Nasional (PN), segunda (03/05).

Tanba realidade hatudu iha tinan 2017, wainhira Prezidente Republika halo nomeasaun ba membru governu sira, ba VII governu, Prezidente Republika la halo eskrimin hodi kontinua fó pose ba ema sira ne’ebé mak iha prosesu hela iha instituisaun judisiáriu.

Enkuantu iha fali mandatu VIII governu iha tinan 2018, prezidente republika muda politika hodi halo eskrimin, ne’ebé konsege rezulta membru na’in-7 husi partidu CNRT ho membru na’in-rua husi partidu KHUNTO, la hetan pose durante oitavu governu ne’ebé mós envolve husi partidu CNRT rasik.

CNRT la kestiona Konpeténsia própria eskluziva PR nian ba nomeasaun ne'e, maibé kestiona mak inkonsisténsia desizaun politika hirak ne'e,

Hatan ba kestaun ne'e, Deputadu bankada FRETILIN, Antoninho Bianco konsidera CNRT kestiona no kesar bebeik prezidente Republika maibé sempre lakon.

Tanba ne'e, sadik deputada CNRT, sente prezidente Republika inkonsisténsia ba nia desizaun, di’ak liu keixa dala ida tan ba Ministériu Públiku.

"Ha’u-nia kolega deputadua kestiona bebeik kona-ba prezidente republika no partidu Fretilin, ne’ebé ha’u nu’udar reprezentante Fretilin, akompaña deklarasaun CNRT nian, kestiona PR, kesar bebeik, maibé nunka manán. Se ita-boot sira sente katak inkonsisténsia karik kesar tan dala ida, ne'e mak ita labeke ko’alia de'it, kesar tan ba”, hatete nia.(*)

Tempotimor (Dili)- Deputadu Bankada Congresso Nacionál de Reconstrução de Timorense (CNRT), Arão Noe de Jesus Amaral rejeita informasaun ne’ebé espalla iha mídia sosiak katak, deputadu CNRT 21 simu vasina AstraZeneca ne'e laloos (Falsu).

"Deklarasaun dehan deputadu CNRT simu hotu ne'e ami hakarak dehan katak informasaun ne'e falsu”, dehan nia ba www.tempotimor.com iha Parlamentu Nasionál (PN), kinta (29/04).

Tanba, vasina AstraZeneca ne'e la'ós obrigatóriu, maibé depende ba ema idaidak nia setimentu atu simu vasina ka la simu.

Maibé, pozisaun husi bankada CNRT to'o agora sei mantein seidauk bele tuir vasina, tanba CNRT kaer ba deklarasaun governu nain, ne’ebé hatete atu fó prioridade uluk ba ema sira iha lina frente, no katuas-ferik inklui sidadaun ne’ebé mak hela iha fronteira.

Aleinde, CNRT problema ida seluk mak tuir analizasaun ne’ebé iha mundu, nasaun tolu ne’ebé hapara tiha vasina AstraZeneca, no nasaun barak la oferese de'it ba ema ho idade boot.

"Hanesan iha portugal 60 anos ba leten mak bele simu vasina AstraZeneca, Austrália ne’ebé fó ajuda vasina mai ita Timor, mós sira hasa'e tiha 30 (idade) ba leten mak bele simu vasina, e 29 (idade) mai kraik labele simu”, hatete nia.

Tanba ne'e, pozisaun CNRT hakarak governu presiza konsidera preokupasaun ida ne'e.

"Ita-nia Timor fó kedan komesa 18 (idade) ba leten simu hotu, análiza sira iha mundu ne'e vale ka lae, ida ne'e ita presiza iha konsiderasaun”, afirma nia. (*)

Tempotimor (Dili)-Deputada Bankada kongresso Nacionál de Reconstrusaun de Timorense (CNRT), Verginha Ana Belo, husu Governu liuhusi Ministériu Saúde (MS) atu evita sulan joven feto hamutuk ho mane iha sala izolamentu, tanba bele hamosu problema.

Tempotimor (Dili)-Prezidente Partidu Kongresso Nacional de Reconstrusaun Timorense (CNRT Sigla Portuges), Kay Rala Xanana Gusmão, alega violasaun konstituisaun iha Timor-Leste sai problema boot ba Partidu CNRT.

Tempotimor (Dili)- Deputadu Bankada Kongresso Nacionál de Reconstrusaun de Timorense (CNRT), Aderito Hugo da Costa, ejize ba governu atu esklarese dekretu lei rejime jurídiku aprovizionamentu, tanba nia konsidera durante ne'e lei refere kesi metin hela governu atu atende situasaun emerjénsia.

Tempotimor (Dili)-Prezidente Parlamentu Nssional (PPN), Aniceto Guteres, nota membru Parlamentu Nasional husi bankada Opozisaun halo baralla debate Orsamentu Rektifikativu (OR) nune'e nia parte la konkorda opiniaun ne'ebe la nesesariu husi deputadu bankada CNRT, tanba governu aseita ona proposta husi parlamentu Nasional (PN).

Tempotimor (Dili)- Bankada Congresso Nacional de Reconstruçao de Timorense (CNRT) kestiona ho Orsamentu Jerál Estadu (OJE) 2021 sa'e ba billaun US$2.1.

Tempotimor (Dili) - Deputadu husi bankada kongreso Nacional Reconstrusaun de Timorense (CNRT Sigla Portuges ) iha Parlamentu Nasional (PN) apoiu asaun Prezidente CNRT, Kay Rala Xanana Gusmao hodi hasoru governu atubele entrega mate isin Armindo Borges ba Família.

Tempotimor (Dili) - Bankada Congresso Nacional de Reconstrução de Timorense (CNRT) iha Parlamentu Nasional (PN) ejize ba governu atu hari'i uma ba vítima inudasaun tanba uma barak hetan estraga husi bee-mota.

Tempotimor (Dili) - Bankada Congresso Nacional de Reconstrusaun Timorense (CNRT) iha Parlamentu Nasional (PN) foin rekoiñese moras covid-19 iha Timor-Leste la'ós polítika husi partidu polítiku nian, tanba hamate ona ema na’in ida iha sala izolamentu Lahane.

Page 1 of 34
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter