Guntur Husu MEJD Investiga Profesor Obriga Estudante Feto Rei Malu

PNTL Ermera investiga ona Profesor ne'e husu estudante nain rua hakuak no Rei malu ne'e. Tuir Profesor ne'e katak aktu ne'e hanesan meius ida hodi hadame malu entre estudante nain rua ne'ebe antes ne'e hirus malu. PNTL Ermera investiga ona Profesor ne'e husu estudante nain rua hakuak no Rei malu ne'e. Tuir Profesor ne'e katak aktu ne'e hanesan meius ida hodi hadame malu entre estudante nain rua ne'ebe antes ne'e hirus malu. Foto especial

Tempotimor (Dili)-Deputadu Parlamentu Nasionál husi bankada Partidu Libertasaun Popular Sabino Soares “Guntur” husu ba Ministériu Edukasaun, Juventude no Desportu (MEJD) atu investiga klean professor ne’ebé haruka estudante feto na’in rua rei malu.

Video kona-ba hahalok professor ne’ebé obriga estudante feto na’in rua rei malu ne’e sirkula iha media sosia Facebook.

Deskonfia video ne’e hasai iha eskola ida iha Munisipiu Ermera.

"Problema ne'e tenke investiga halo didi'ak hodi nune’e bele hatene sikuénsia husi kazu ne'e, par bele hatene kazu ne'e halai ba pozitivizmu ka negativizmu. Tanba dala-ruma ema halo mós ho intensaun, dala-ruma espontamente," dehan Guntur iha PN, Segunda (21/10/2019).

Vise Prezidente Komisaun G ne’ebé trata asuntu Edukasaun, Juventude, Kultura, no Sidadania ne’e lamenta ho aktu ne’ebé akontese iha parte edukasaun.

"Husu ba MEJD presiza halo sensibilizasaun edukasaun, disiplina no fó formasaun ba estudante sira, inklui inan-aman no profesór tenke iha komunikasaun ne'ebé di'ak, liu-liu edukasaun ne'ebé eziste iha eskola," dehan Guntur.

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com