Long March Komemora Tinan 17 UNITAL  

Estudante UNITAL tuir long march, Sesta (25/10/19). Estudante UNITAL tuir long march, Sesta (25/10/19). tempotimor.com

Tempotimor (Dili) – Estudante besik 100 husi Universidade Orientál Timor Lorosa’e (UNITAL), Sesta (25/10/19) hala'o long march husi Marconi (Kampung Alor) to'o iha resintu UNITAL, Becora, Dili.

Vise Prezidente Komisaun Organizadora, Marcelino Baltazar hatete, atividade ne'e hodi komemora loron moris UNITAL nian ba tinan 17.  

“Objetivu husi eventu ne'e mak atu komemora Dies Natalis UNITAL ba tinan 17. Partisipante iha eventu ne'e mak estrutura univesidade hamutuk ho estudante sira,” informa Baltazar iha Palásiu Governu nia oin, Sesta ohin.

Nia rekoñese, partisipasaun estudante iha eventu ne'e ladún máximu. Nia dehan, estudante barak mak okupadu ho sira-nia atividade.

"Razaun sira ladún partisipa, tanba dalaruma estudante balun okupadu ho sira-nia atividade. Balun foin mak fila husi estájiu," informa Baltazar.

Hatán kona-ba tansá hahú husi Marconi, Kampung Alor? Senadu Fakuldade Edukasaun UNITAL, Atanásio da Silva esplika, tanba tinan 17 liubá, UNITAL hahú husi Marconi, Kampung Alor. 

“UNITAL harii foufoun iha Marconi. Agora, UNITAL nia kampus foun mak iha Becora,” dehan Atanásio.  

Rate this item
(0 votes)
Last modified on Friday, 25 October 2019 12:29
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com