Print this page

$153 Mil Ba Tinan 28 Masakre Santa Cruz  

By November 07, 2019 1340
Prezidente KO Komemorasaun Masakre Santa Cruz, Isolino Vaz de Alegria. Prezidente KO Komemorasaun Masakre Santa Cruz, Isolino Vaz de Alegria. FOTO: tempotimor.com

Tempotimor (Dili) – Prezidente Komisaun Organizadora (KO) eventu komemorasaun loron Masakre Santa Cruz, Isolino Vaz de Alegria informa, komisaun preve ona orsamentu $153 mil ba selebrasaun hanoin hikas tinan 28 Masakre Santa Cruz.

"Ohin ne'e, KO mai relata de'it ba Prezidente Repúblika (PR) kona-ba servisu preparativu ne'ebé komisaun halo ona, no ami konvida mós PR atu bele hato'o deskursu iha komemorasaun Masakre Santa Cruz ba tinan 28 iha Semiteriu Santa Cruz,” informa Isilio iha Palásiu Prezidensiál, Bairru-pite, Kinta (07/11/19).

Nia mós esplika kona-ba orsamentu hamutuk $153 mil nu'udar totál orsamentu ba komemorasaun iha nivel nasionál to'o munisípiu, inklui RAEOA.

Atividade ba komemorasaun ne'e, sei hahú husi dia 11 kalan ne'ebé sei halo reflesaun iha Semiteriu Santa Cruz, hafoin iha dia 12 oras 7.30 sei halo missa iha Igreja Motael hafoin halo prosesaun no marsa to'o Semiteriu Santa Cruz.

Nia dehan, hafoin rona informasaun hirak ne'e Prezidente Repúblika mós  apresia no hakarak disponivel hodi partisipa.

Kona-ba tema prinsipál ba reflesaun tinan 28 Masakre Santa Cruz, Isoino dehan, Juventude mak Autór ba Unidade Nasionál no Desenvolvimentu ba Futuru.

Rate this item
(0 votes)
Last modified on Thursday, 07 November 2019 16:12
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items