Sala Utiliza Média Sosiál iha Sistema Demokrasia Featured

Sala Utiliza Média Sosiál iha Sistema Demokrasia Foto Mídia PR.

Tempitimor (Dili) - Komandu Polisia Nasionál Timor-Leste (PNTL) hateten, tanba demokrasia ema sala utiliza média sosiál hodi provoka situasaun.

"Prezensa média ita utiliza sala. La utiliza referénsia ne'ebé di'ak. Ita haree ba parte ne'ebé negativu," dehan Komandante Jerál PNTL, Komisáriu Faustino da Costa, iha Palásiu Prezidensiál, Bairru-Pité, Kinta (5/3).

Utilizasaun média sosiál hanesan Facebook, tuir nia, loloos informa buat di'ak maibé provoka situasaun hodi interpreta no la tau-aan, liuliu tanba demokrasia to'o inan-aman mós labele mete.

Komisáriu Polisia Faustino akresenta, provokasaun média sosiál relasiona ho publikasaun osan falsu ne'ebé temi envolve husi lider nasionál Xanana Gusmão no Maunana nia-naran.

"Provokasaun iha média sosiál ne'e mak sai situasaun ne'ebé ami hato'o ba Prezidente Repúblika,"  dehan Faustino.

Entertantu, PNTL rasik hato'o ona ba públiku liuhusi konferénsia imprensa, iha Kuarta (4/3) katak, kazu pesoál ne'ebé envolve produs osan falsu ne'e akontese iha fin-du-anu 2019 ne'ebé Polisia Indonézia kaptura no daudaun ne'e halo investigasaun, maibé laiha envolvimentu lider nasionál hanesan Xanana Gusmão no Maunana.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.