Login to your account

Username *
Password *
Remember Me

Don Virgilio: Estensaun EE Nesesariu ba TL

Arsebispu Metropolitano Dili, Don Virgilio do Carmo da Silva, Ko'alia ba midia sira iha Episkopal Bidau-Lecidere hafoin hasoru malu ho PM Taur Matan Ruak (28/4) Arsebispu Metropolitano Dili, Don Virgilio do Carmo da Silva, Ko'alia ba midia sira iha Episkopal Bidau-Lecidere hafoin hasoru malu ho PM Taur Matan Ruak (28/4) Foto Januario Varrela

Tempotimor (Dili)-Arsebispu Metropolitano Dili, Don Virgilio do Carmo da Silva konsidera estensaun estadu emerjensia nesesariu ba Timor-Leste hodi halo prevensaun ba surtu Corona Virus Deasses 2019 (Covid-19).

Tuir Don Virgilio, estensaun EE ne'e nesesariu tanba númeru kazu konfirmadu Covid-19 iha TL aumenta.

Arsebispu ne'e hatutan, haree ba kazu Covid-19 iha nasaun seluk hanesan Indonezia, Australia no seluk tan sei aumenta, tan ne'e TL ne'ebé nu'udar nasaun kiik presiza ho meius no medidas ida ne'e hodi bele prepara an didi'ak.

"Ba ha'u haree katak nesesariu estensaun ba Estadu Emerjensia iha ita-nia rain, ne'e nesesariu, tanba ita haree dadauk númeru kazu konfirmadu aumenta no númeru suspeitu mós sei iha, tanba ne'e presiza fó tan lai tempu atu ita bele prepara an didi'ak," dehan Don Virgilio hafoin sorumutu ho Primeiru Ministru Taur Matan Ruak iha Paco Episkopal Bidau Lecidere, Tersa (28/04).

Tuir nia, nu'udar nasaun kiik no kiak, TL nia kilat uniku atu hasoru Covid-19 mak prevensaun, tan ne'e Timor-oan hotu-hotu presiza hakas an hodi kumpre regra ne'ebé governu fó sai ona.

"Nasaun Timor-Leste ne'e nasaun ki'ik no kiak, ita ladun iha meius barak, ita-nia kilat uniku ne'ebé atu hasoru surtu Covid-19 mak liu husi prevensaun, tanba ne'e hakas an ho medida sira ne'ebé governu apela beibeik, ita hotu tenke hakas an no sakrifika an hodi la'o tuir medidas sira, ha'u fiar katak ida ne'e sei ajuda tebes ita atu la husik moras no virus ne'e da'et iha sosiedade laran", dehan Don Virgilio.

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter