Livru ba Estudante La Sufisiente, Politika Eskola ba Uma "Saugati"

Prosesu hanorin no estuda iha aula Prosesu hanorin no estuda iha aula Foto UNICEF

Tempotimor (Dili)-Ministériu Edukasaun iha implementasaun estadu emerjensia lansa politika "Eskola ba Uma" ho objetivu atu fasilita estudante sira hodi kontinua estuda maske hela iha uma de'it.

Iha 16 Abril, ME hahú programa "Eskola ba Uma" liu husi haruka mensajen ne'ebé informa kona-ba livru disiplina ne'ebé estudante siklu datoluk, tinan 7, presiza estuda, kompletu ho pajina husi livru refere.

"Ba estudante 3 ciclo, 7 Ano, estuda livru displina Tetun pg. 17-65; portugues pg. 7-15; English pg. 7-26; Matematika pg. 8-27; SESIM 1-6, 8-15, 17-21, 24, 27, 29. Estuda livru displina CFN 8-51, no halo atividade 2,3 iha pajina 18 no 1.4 iha pajina 44. Estuda livru displina H&G 12-28, 127-156, CCDH 6-21, CVT 4-33," mensajen ne'ebé ME haruka liu husi operadór telekomunikasaun sira iha 16 Abril.

Tuir mai, iha 19 Abril, ME haruka tan mensajen hodi husu estudante siklu datoluk, tinan 9, atu estuda livru disiplina ne'ebé kompletu ho ninia pajina ne'ebé presiza estuda.

VIDEO PUBLISIDADE APELU HUSI PM TAUR APLAUS BA FRONT LINE

 

"Ba estudante 3 ciclo, 9 Ano, estuda livru displina Tetum pg. 8-55; Portugues pg. 7-28; Ingles pg. 7-45; Matematica pg. 7-47 SESIM: 161, 167, 176; CFN pg. 9-58, 73-84 no halo atividade: p. 64-68: 1,2,3,7,8,9,11,12,13,15,21,22, 23, 26, 30, 33, 36, 37, 38, 39, 42, 44, 50; CCDH pg. 4-32; CVT pg. 4-31.

ME haruka mós estudante Sekundariu, tinan 10, atu estuda livru displina Fisika pajina 10-46; Kimika pajina 8-63; no Jeografia pajina 11-57.

Ba estudante Sekundariu, tinan 11, ME husu atu estuda livru disiplina Fisika pajina 10-60; Kimika pajina 8-60; no Jeografia pajina 10-61. No ba estudante Sekundariu, tinan 12, estuda livru displina Fisika pajina 10-82; Kimika pajina 9-48; no Jeografia pajina 9-48.

Maske politika ne'e di'ak, maibé mosu preokupasaun balun husi estudante sira kona-ba livru ba sira atu estuda ne'ebé la sufisiente.

 

PUBLISIDADE

 

Estudante siklu 3, tinan 9, husi Munisipiu Likisa, Denavia Nelisa Coreia Santos (15) dehan, livru ne'ebé profesor sira fahe ba sira la sufisiente.

"Ami terseiru siklu besik ezame nasional no profesor sira dehan fahe livru ba ami atu estuda, maibé livru laiha, livru iha eskola hotu, depois atu ba foti mós presiza liu husi profesor sira, ami presiza livru atu estuda iha uma de'it," dehan nia iha nia hela fatin, Likisa, Kuarta (22/04).

Iha fatin ketak, estudante Sekundariu, tinan 10, Estiven Pinto Tilman Gusmão (15) hatete, sira simu materia seidauk kompletu tanba foin tama aula semana rua de'it.

"Ezame primeiru periodu mós seidauk i ami sei ezame ka lae la hatene loos, depois materia sira ne'ebé atu halo ezame mós ami simu seidauk kompletu, tanba ami simu materia semana rua de'it," dehan nia.

 

PUBLISIDADE

 

PUBLISIDADE

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.